സൗദി ആരോഗ്യ മന്ത്രാലയത്തിനു കീഴിലെ (Ministry of Health, Saudi Arabia) തസ്തികകളിൽ സ്പെഷ്യലിസ്റ്റ് ഡോക്ടർമാർക്കും വനിതാ നഴ്സുമാര്ക്ക് തൊഴിലവസരമൊരുക്കി സൗദി. കേരളത്തിൽ നിന്നും നോര്ക്ക റൂട്ട്സ് മുഖേനയാണ് റിക്രൂട്ട്മെന്റ് നടക്കുക.
കുറഞ്ഞത് രണ്ട് വര്ഷത്തെ പ്രവൃത്തി പരിചയവും ഉള്ളവര്ക്ക് അപേക്ഷിക്കാം. സ്പെഷ്യലിസ്റ്റ് ഡോക്ടർമാർക്ക് മാസ്റ്റേഴ്സ് ഡിഗ്രിയാണ് യോഗ്യത. നഴ്സിംഗിൽ BSc / Post BSc / MSc / Phd വിദ്യാഭ്യാസ യോഗ്യതയും ഉണ്ടായിരിക്കണം. പ്രായപരിധി 35 വയസാണ്. അപേക്ഷകള് സ്വീകരിക്കുന്ന അവസാന തീയതി മാർച്ച് 11 ആണ്. മാർച്ച് 14 മുതൽ 16 വരെ ബംഗളുരുവിലാണ് അഭിമുഖം.
പ്ലാസ്റ്റിക് സര്ജറി/ കാര്ഡിയാക്/ കാര്ഡിയാക് സര്ജറി/ എമര്ജന്സി/ ജനറല് പീഡിയാട്രിക്/ ഐസിയു/ എന്ഐസിയു/ ഒബ്സ്റ്റട്രിക്സ് & ഗൈനക്കോളജി/ ഓര്ത്തോപീഡിക്സ് / പിഐസിയു/ പീഡിയാട്രിക് ഇആര് എന്നീ ഡിപ്പാർട്മെന്റിലേക്കാണ് സ്പെഷ്യലിസ്റ്റ് ഡോക്ടര്മാരുടെ റിക്രൂട്ട്മെന്റ്.മുതിര്ന്നവര്ക്കുള്ള ER, AKU, CCU ക്ലിനിക്കല് ഇന്സ്ട്രക്ടര്, (നഴ്സിംഗ് ഗുണനിലവാരം മെച്ചപ്പെടുത്തല്), തീവ്രപരിചരണ യൂണിറ്റ് (ICU), ലേബര് & ഡെലിവറി, മെറ്റേണിറ്റി ER, മെറ്റേണിറ്റി ജനറല്, മെഡിക്കല് & സര്ജിക്കല്, മെഡിക്കല് & സര്ജിക്കല് ടവര്, NICU, ഓപ്പറേഷന് തിയേറ്റര് (OT/ OR ), പീഡിയാട്രിക് ER, പീഡിയാട്രിക് ജനറല്, PICU, Wound Team, മാനുവല് ഹാന്ഡ്ലിംഗ്, IV TEAM എന്നീ വിഭാഗങ്ങളിലാണ് നഴ്സുമാരുടെ ഒഴിവുകള്
സൗദി ആരോഗ്യമന്ത്രാലയത്തിന്റെ നിയമമനുസരിച്ചുള്ള ശമ്പളമായിരിക്കും ലഭിക്കുക. ശമ്പളത്തിന് പുറമെ താമസം, ഭക്ഷണം, വിസ, ടിക്കറ്റ് എന്നിവ സൗജന്യമാണ്. ഷോര്ട്ട്ലിസ്റ്റ് ചെയ്യപ്പെടുന്ന ഉദ്യോഗാര്ത്ഥികളെ ഇന്റര്വ്യൂ നടക്കുന്ന തീയതി, സ്ഥലം എന്നിവ പിന്നീട് അറിയിക്കും.നോര്ക്ക റൂട്സ് ടോള് ഫ്രീ നമ്പര് 18004253939, (ഇന്ത്യയില് നിന്നും) +91 8802 012345 (വിദേശത്തു നിന്നും മിസ്ഡ് കോള് സൗകര്യം)
നോര്ക്ക റൂട്സിന്റെ വെബ്സൈറ്റായ www.norkaroots.org/ ലും വിവരങ്ങള് ലഭിക്കും
Saudi Arabia has provided job opportunities for specialist doctors and female nurses under the Ministry of Health, Saudi Arabia. Recruitment will be done from Kerala through Norka Roots between March 14 to 16 at Bengaluru. Specialist Doctors with Masters Degree and Nurses with BSc/Post BSC/MSc/Phd with an age limit of upto 35 years will be considered for recruitment. Last date for application is 11th March.
