മൈക്രോസോഫ്റ്റിന്റെയും ഗൂഗിളിന്റെയും നിലവിലെ ഓഫറുകൾക്കെതിരെ മത്സരിക്കുന്നതിനായി “TruthGPT” എന്ന പേരിൽ ഒരു AI പ്ലാറ്റ്ഫോം അവതരിപ്പിക്കാനുള്ള തന്റെ ഉദ്ദേശം ഇലോൺ മസ്ക് പ്രഖ്യാപിച്ചു. “എഐയെ നുണ പറയാൻ പരിശീലിപ്പിച്ചതിന്” ചാറ്റ്ബോട്ട് സെൻസേഷൻ ചാറ്റ്ജിപിടിയുടെ മാതൃ സ്ഥാപനമായ മൈക്രോസോഫ്റ്റ് പിന്തുണയുള്ള ഓപ്പൺഎഐയെ മസ്ക് വിമർശിച്ചു.
റോയിട്ടേഴ്‌സിലെ ഒരു റിപ്പോർട്ട് അനുസരിച്ച്, എതിരാളിയായ ചാറ്റ്‌ജിപിടിയെ നേരിടാൻ ‘ട്രൂത്ത് ജിപിടി’ എന്ന ആർട്ടിഫിഷ്യൽ ഇന്റലിജൻസ് പ്ലാറ്റ്ഫോം ആരംഭിക്കുമെന്ന് ഫോക്സ് ന്യൂസ് ചാനലിന് നൽകിയ അഭിമുഖത്തിൽ മസ്ക് പറഞ്ഞു.
“ഞാൻ ‘ട്രൂത്ത്ജിപിടി’ എന്ന് വിളിക്കുന്ന പ്ലാറ്റ്ഫോം ആരംഭിക്കാൻ പോകുന്നു. അല്ലെങ്കിൽ പ്രപഞ്ചത്തിന്റെ സ്വഭാവം മനസ്സിലാക്കാൻ ശ്രമിക്കുന്ന പരമാവധി സത്യാന്വേഷിയായ AI പ്ലാറ്റ്ഫോം” ഫോക്സ് ന്യൂസ് ചാനലിന്റെ ടക്കർ കാൾസണുമായുള്ള അഭിമുഖത്തിൽ മസ്ക് പറഞ്ഞു. “മനുഷ്യരെ ഉന്മൂലനം ചെയ്യാൻ സാധ്യതയില്ലാത്ത” “സുരക്ഷയിലേക്കുള്ള ഏറ്റവും നല്ല പാത” TruthGPT ആയിരിക്കുമെന്നും അദ്ദേഹം കൂട്ടിച്ചേർത്തു.
ഓപ്പൺഎഐ ഇപ്പോൾ ‘ക്ലോസ്ഡ് സോഴ്‌സ്’ ഫോർ പ്രോഫിറ്റ് ഓർഗനൈസേഷനാായി ‘മൈക്രോസോഫ്റ്റുമായി അടുത്ത ബന്ധം പുലർത്തുന്ന’ സ്ഥാപനമായി മാറിയെന്ന് അദ്ദേഹം പറഞ്ഞു. ഗൂഗിളിന്റെ സഹസ്ഥാപകനായ ലാറി പേജ് AI സുരക്ഷ ഗൗരവമായി എടുത്തിട്ടില്ലെന്നും മസ്ക് കുറ്റപ്പെടുത്തി. ഓപ്പൺ എഐയെ എതിർക്കാൻ ഒരു സ്റ്റാർട്ടപ്പ് ആരംഭിക്കുന്നതിനായി ആൽഫബെറ്റിന്റെെ ഗൂഗിളിൽ നിന്നുള്ള AI ഗവേഷകരെ മസ്ക് തേടുകയാണെന്ന് റിപ്പോർട്ട് പറയുന്നു. ഇലോൺ മസ്ക് അടുത്തിടെ നെവാഡയിൽ X. AI കോർപ്പറേഷൻ എന്ന പേരിൽ ഒരു കമ്പനി രജിസ്റ്റർ ചെയ്തിരുന്നു.
മസ്‌കും ഒരു കൂട്ടം ആർട്ടിഫിഷ്യൽ ഇന്റലിജൻസ് വിദഗ്ധരും വ്യവസായ എക്‌സിക്യൂട്ടീവുകളും, ഓപ്പൺഎഐ പുതുതായി സമാരംഭിച്ച GPT-4-നേക്കാൾ ശക്തമായ സംവിധാനങ്ങൾ വികസിപ്പിക്കുന്നതിൽ ആറ് മാസത്തെ സമയം ആവശ്യമാണെന്ന് പറഞ്ഞിരുന്നു. ചാറ്റ്ജിപിടി പോലുളളഴ സമൂഹത്തിന് നൽകുന്ന അപകടസാധ്യതകൾ ചൂണ്ടിക്കാട്ടിയാണ് ഈ നീക്കം.
കാൾസണുമായുള്ള അഭിമുഖത്തിൽ മസ്ക് AI-യെ കുറിച്ചുള്ള തന്റെ മുന്നറിയിപ്പുകൾ ആവർത്തിച്ചു. “നിയന്ത്രിതമല്ലാത്ത വിമാന രൂപകൽപ്പനയെക്കാളും മോശം കാർ നിർമാണത്തെക്കാളും AI അപകടകരമാണ്”. ഇത് മനുഷ്യരാശിയെ നാശത്തിലേക്ക് തളളിവിടാനുളള സാധ്യതയുണ്ട്,” അദ്ദേഹം പറഞ്ഞു.
ഉദാഹരണത്തിന്, ഒരു സൂപ്പർ-ഇന്റലിജന്റ് AI-ക്ക് അവിശ്വസനീയമാംവിധം നന്നായി എഴുതാനും പൊതുജനാഭിപ്രായങ്ങൾ കൈകാര്യം ചെയ്യാനും കഴിയുമെന്ന് അദ്ദേഹം പറഞ്ഞു.
മസ്ക് 2015-ൽ ഓപ്പൺഎഐയുടെ സഹസ്ഥാപകനായിരുന്നു. എന്നാൽ 2018-ൽ കമ്പനിയുടെ ബോർഡിൽ നിന്ന് പുറത്തായി. 2019-ൽ, ടെസ്‌ലയിലും സ്‌പേസ് എക്‌സിലും ശ്രദ്ധ കേന്ദ്രീകരിക്കേണ്ടതിനാൽ ഓപ്പൺഎഐ വിട്ടുവെന്ന് അദ്ദേഹം ട്വീറ്റ് ചെയ്തു.
ജനുവരിയിൽ, മൈക്രോസോഫ്റ്റ് കോർപ്പറേഷൻ ഓപ്പൺ എഐയിൽ കൂടുതൽ ബില്യൺ ഡോളർ നിക്ഷേപം പ്രഖ്യാപിച്ചിരുന്നു. എതിരാളിയായ ഗൂഗിളുമായുള്ള മത്സരം ശക്തമാക്കുകയും സിലിക്കൺ വാലിയിൽ AI ഫണ്ടിംഗ് ആകർഷിക്കുന്നതിനുള്ള മത്സരത്തിന് ആക്കം കൂട്ടുകയും ചെയ്തു.
