ശതകോടീശ്വരൻമാർ എന്തിനാണ് ഇന്ത്യ വിടുന്നത്?

2023ൽ ഏകദേശം 6,500 ഓളം കോടീശ്വരൻമാർ ഇന്ത്യ വിട്ടേക്കുമെന്ന് റിപ്പോർട്ട്. ലോകമെമ്പാടുമുള്ള സമ്പത്തും നിക്ഷേപ കുടിയേറ്റ പ്രവണതകളും ട്രാക്ക് ചെയ്യുന്ന ഹെൻലി പ്രൈവറ്റ് വെൽത്ത് മൈഗ്രേഷൻ റിപ്പോർട്ടിലാണിത് പറയുന്നത്. 

2022-ൽ സമാന സാഹചര്യത്തിൽ ഇന്ത്യ വിട്ടത് 7,500  high-networth individuals ആയിരുന്നു.

ചൈനയിൽ നിന്ന് 13,500 പേരും യുകെയിൽ നിന്ന് 3,200 പേരും റഷ്യയിൽ നിന്ന് 3,000 പേരും മറ്റു രാജ്യങ്ങളിലേക്ക് കുടിയേറുമെന്ന് റിപ്പോർട്ട് പറയുന്നു.  സുരക്ഷ, വിദ്യാഭ്യാസം, ആരോഗ്യ സംരക്ഷണം, കാലാവസ്ഥാ വ്യതിയാന പ്രതിരോധം തുടങ്ങി നിരവധി കാരണങ്ങളാലായിരിക്കും കുടിയേറ്റം. സമ്പന്നരായ ഇന്ത്യൻ കുടുംബങ്ങൾക്ക് ദുബായും സിംഗപ്പൂരും മൈഗ്രേഷന് ഇഷ്ടപ്പെട്ട സ്ഥലങ്ങളാണ്, US, കാനഡ, UK എന്നിവയും ലിസ്റ്റിലുണ്ട്.

2023-ൽ ലോകത്തിലെ high-networth individuals-ന്റെ എണ്ണം 8.5% വർദ്ധിച്ച് മൊത്തം 22.5 ദശലക്ഷത്തിലെത്തുമെന്നും റിപ്പോർട്ട് കണ്ടെത്തി. ഇന്ത്യയും ചൈനയും പോലുള്ള വളർന്നുവരുന്ന വിപണികളിലെ ശക്തമായ സാമ്പത്തിക വളർച്ചയാണ് ഈ വളർച്ചയെ നയിക്കുന്നത്. പുതിയ കോടീശ്വരന്മാരെ സൃഷ്ടിക്കാനുള്ള ഇന്ത്യയുടെ ശേഷി കണക്കിലെടുക്കുമ്പോൾ, പുറത്തേക്ക് ഒഴുകുന്നത് പ്രത്യേകിച്ച് ഭയാനകമായി കണക്കാക്കുന്നില്ല. ഗ്ലോബൽ വെൽത്ത് ഇന്റലിജൻസ് സ്ഥാപനമായ ന്യൂ വേൾഡ് വെൽത്ത് പ്രവചിക്കുന്നത്, രാജ്യത്ത് ഉയർന്ന അറ്റ മൂല്യമുള്ളവരുടെ വ്യക്തിഗത ജനസംഖ്യ 2031 ഓടെ 80% വർദ്ധിക്കുമെന്നാണ്. ഈ കാലയളവിൽ ലോകത്തെ ഏറ്റവും വേഗത്തിൽ വളരുന്ന സമ്പത്ത് വിപണികളിലൊന്നായി രാജ്യം മാറുമെന്നും പ്രവചനമുണ്ട്.

താമസിക്കാനുള്ള അവകാശത്തിന് പകരമായി നേരിട്ടുള്ള വിദേശ  നിക്ഷേപം പ്രോത്സാഹിപ്പിക്കുന്ന നിക്ഷേപ പരിപാടികൾ വഴിയാണ് പല രാജ്യങ്ങളും കോടീശ്വരൻമാരെ ആകർഷിക്കുന്നത്. “ഗോൾഡൻ വിസ” പ്രോഗ്രാം, അനുകൂലമായ നികുതി അന്തരീക്ഷം, ശക്തമായ ബിസിനസ്സ് ആവാസവ്യവസ്ഥ, സുരക്ഷിതവും സമാധാനപരവുമായ അന്തരീക്ഷം, ക്രിപ്റ്റോ സൗഹൃദ സമീപനം എന്നിവയും കുടിയേറ്റത്തിനുളള കാരണങ്ങളായി ചൂണ്ടിക്കാണിക്കപ്പെടുന്നു.

പോർച്ചുഗലിന്റെ ഗോൾഡൻ റെസിഡൻസ് പെർമിറ്റ് പ്രോഗ്രാം, ഓസ്ട്രിയയുടെ നിക്ഷേപ ഓഫറിലൂടെയുളള പൗരത്വവും ഇൻവെസ്റ്റ്മെന്റിലൂടെയുളള St Kitts and Nevis’ Citizenshipഉം കോടീശ്വരൻമാരെ ആകർഷിക്കുന്നതിന് ലക്ഷ്യമിടുന്നു. കാനഡയുടെ സ്റ്റാർട്ട്-അപ്പ് വിസ പ്രോഗ്രാം സംരംഭകർക്കും സമ്പന്നരായ വ്യക്തികൾക്കും കനേഡിയൻ വസതിയിലേക്കും വടക്കേ അമേരിക്കൻ വിപണിയിലേക്കും പ്രവേശിക്കാനുള്ള അതിവേഗ മാർഗമാണ്. ഇറ്റലിയുടെ റസിഡൻസ് ബൈ ഇൻവെസ്റ്റ്‌മെന്റ് പ്രോഗ്രാം, ഗ്രീസിന്റെ ഗോൾഡൻ വിസ പ്രോഗ്രാം സ്‌പെയിനിന്റെ റെസിഡൻസ് ബൈ ഇൻവെസ്റ്റ്‌മെന്റ് പ്രോഗ്രാം എന്നിവയെല്ലാം കുടിയേറ്റം പ്രോത്സാഹിപ്പിക്കുന്നു. ആഗോള വെൽത്ത് ഇന്റലിജൻസ് കമ്പനിയായ ന്യൂ വേൾഡ് വെൽത്തിന്റെ എസ്റ്റിമേറ്റ് അടിസ്ഥാനമാക്കിയുള്ളതാണ് ഹെൻലി ആൻഡ് പാർട്‌ണേഴ്‌സിന്റെ ഗവേഷണഫലങ്ങൾ.

സമീപകാലത്ത് പുറത്തേക്ക് ഒഴുക്ക് കുറഞ്ഞെങ്കിലും, എച്ച്എൻഡബ്ല്യുഐകൾക്ക് ഇന്ത്യ ഇപ്പോഴും അഭിലഷണീയമായ സ്ഥലമാണെന്ന് റിപ്പോർട്ടിന്റെ ചില കണ്ടെത്തലുകൾ സൂചിപ്പിക്കുന്നു. സമ്പദ്‌വ്യവസ്ഥ മെച്ചപ്പെടുത്തുന്നതിനും സാമ്പത്തിക കുറ്റകൃത്യങ്ങൾ തടയുന്നതിനുമുള്ള സർക്കാരിന്റെ ശ്രമങ്ങൾ വരും വർഷങ്ങളിൽ HNWI കളെ ഇന്ത്യയിലേക്ക് ആകർഷിക്കാൻ സാധ്യതയുണ്ട്.