ന്യൂയോർക്ക് കേന്ദ്രീകരിച്ച സ്റ്റാർട്ടപ്പ് Somatic ന്റെ പുതിയ കണ്ടുപിടിത്തം തീർത്തും വ്യത്യസ്തമാണ്. AI നിയന്ത്രണത്തോടെ പ്രവർത്തിക്കുന്ന വാണിജ്യ വിശ്രമമുറി ക്ലീനിംഗ് റോബോട്ടാണ് അത്.
ഏവരും ബുദ്ധിമുട്ടുള്ളതും, മനം മടുപ്പിക്കുന്നതുമായി കരുതുന്ന ബാത്റൂം ക്ലീനിങ് വളരെ ഭംഗിയായി വിർച്യുൽ റിയാലിറ്റിയിലൂടെ പരിശീലനം നൽകിക്കൊണ്ടിരിക്കുന്ന, ഇപ്പോൾ പരീക്ഷണഘട്ടത്തിലുള്ള , ഈ റോബോട്ട് ചെയ്യും.വർഷങ്ങളോളം തന്റെ മുത്തച്ഛന്റെ റെസ്റ്റോറന്റിൽ ജോലിചെയ്തതിൽ നിന്നും ലഭിച്ച ആശയമാണീ ക്ലീനിങ് റോബോട്ട് എന്ന് Somatic സിഇഒ മൈക്കൽ ലെവി ഒരു മടിയും കൂടാതെ പറയുന്നു.
ബാത്ത്‌റൂമിന്റെ VR സിമുലേഷൻ ഉപയോഗിച്ച്, രാസവസ്തുക്കൾ, വാക്വം, ബ്ലോ-ഡ്രൈ എന്നിവ എവിടെ സ്‌പ്രേ ചെയ്യണമെന്നും തുടച്ചുനീക്കണമെന്നും റോബോട്ടിന് നിർദേശം നൽകാൻ അണിയറയിൽ ടീം ഉണ്ട്. ഇത് പൂർണവിജയമായിക്കഴിഞ്ഞാൽ റോബോട്ട് ചുറ്റും നാവിഗേറ്റ് ചെയ്യാൻ ലിഡാർ ഉൾപ്പെടെയുള്ള വിവിധ സെൻസറുകൾ ഉപയോഗിക്കുന്ന തലത്തിലേക്കെത്തും.
റോബോട്ട് ഒരു വിശ്രമമുറി വൃത്തിയാക്കും, തുടർന്ന് റീചാർജ് ചെയ്യാനും ആവശ്യാനുസരണം രാസവസ്തുക്കൾ നിറയ്ക്കാനും പോകും. എല്ലാം സ്വയം ചെയ്തുകൊള്ളും സെൻസറുകൾ ഉപയോഗിച്ച്. ഒരു ദിവസം ഏകദേശം എട്ട് മണിക്കൂർ ശുചീകരണം നടത്താനുള്ള കഴിവുണ്ട്. കൂടാതെ വാതിലുകൾ തുറന്ന് എലിവേറ്ററിൽ കയറി അടുത്ത കെട്ടിടത്തിലേക്ക് സഞ്ചരിക്കുകയും ചെയ്യും.
വിമാനത്താവളങ്ങൾ, കാസിനോകൾ, ഓഫീസ് ഇടങ്ങൾ, വലിയ വാണിജ്യ വിശ്രമമുറികളുള്ള മറ്റ് സ്ഥലങ്ങൾ എന്നിവ റോബോട്ടിന്റെ പ്രവർത്തനമേഖലക്കാൻ സ്റ്റാർട്ടപ്പ് ലക്ഷ്യമിടുന്നു. പരീക്ഷണ ഘട്ടത്തിന് ശേഷം റോബോട്ടിനെ പ്രതിമാസം 1,000 ഡോളറിന് പാട്ടത്തിന് നൽകും. സോമാറ്റിക്ക് ഇതിനകം ഒരു FAANG കമ്പനി ഉൾപ്പെടെ ഒരുപിടി ഉപഭോക്താക്കളുണ്ട്, അവരുടെ ഓഫീസുകൾ ഇതിനകം റോബോട്ട് വൃത്തിയാക്കുന്നുണ്ട്.
The introduction of a toilet-cleaning robot by New York Company Somatic is shedding a positive light on the potential of AI and automation in everyday tasks. Here’s what you need to know about this innovative robot
