“എറണാകുളത്തെ പെരുമ്പളംകാർക്ക് കൊച്ചിയെന്നാൽ ഒരു അയൽരാജ്യം പോലെയായിരുന്നു, ഒരു ദൂരകാഴ്ചയായിരുന്നു ഇത് വരെ.
ഇപ്പോഴിതാ അവരുടെ സ്വപ്‌നങ്ങൾ മറുകര കണ്ടുതുടങ്ങി. പതിറ്റാണ്ടുകളുടെ സ്വപ്‌നമായിരുന്ന പെരുമ്പളം പാലം യാഥാർഥ്യമായികൊണ്ടിരിക്കുന്നു . പെരുമ്പളംകാർക്ക് പുറം ലോകത്തേക്കൊരു സ്വാതന്ത്ര്യ കവാടമെന്ന,
കേരളത്തിലെ ഏറ്റവും വലിയ പാലത്തിന്റെ നിർമാണം ഇതുവരെ നല്ലൊരു ഭാഗം വരെ യാഥാർഥ്യമാക്കിയ ആ സംരംഭ പ്രസ്ഥാനത്തിന്റെ ഭാഗമായ തൊഴിലാളികളെ ഓണസദ്യയും ഓണപുടവയും നൽകിയാണ് പെരുമ്പളംകാർ വീടുകളിലേക്ക് പറഞ്ഞയച്ചത്. പെരുമ്പളത്തുകാർക്കറിയാം കരാർ തീയതിയായ 2023 ഡിസംബറിന് മുന്നേ തന്നെ ഇവർ പെരുമ്പളം പാലം യാഥാർഥ്യമാക്കുമെന്നു.”
സഹകരണമന്ത്രി വി. എൻ. വാസവൻ ഫേസ് ബുക്കിൽ കുറിച്ചതിങ്ങനെ
“തലസ്ഥാനനഗരത്തിന് ഓണസമ്മാനമായി കലാഭവൻ മണി റോഡ് സമർപ്പിക്കുകയാണ്. ഏറെ ചർച്ചയായി മാറിയ റോഡ് ഉദ്ഘാടനത്തിന് ഒരുക്കിയതിനു പിന്നിൽ സഹകരണ പ്രസ്ഥാനത്തിന്റെ കരുത്തുണ്ട്. ഊരാളുങ്കൽ ലേബർ കോൺ‌ട്രാക്റ്റ് കോപ്പറേറ്റീവ് സൊസൈറ്റിയാണ് പണിതീരാതെ പാതിവഴിയിൽ കിടന്ന റോഡിന്റെ നിർമ്മാണം പൂർത്തീകരിച്ചത്.
കഠിനാധ്വാനത്തിലൂടെ കരാർ കാലാവധിക്കും മുൻപേ നേരത്തേ പണി പൂർത്തീകരിക്കാൻ സാധിച്ചതുകൊണ്ടാണ് കലാഭവൻ മണി റോഡ് തിരുവനന്തപുരം നിവാസികൾക്ക് കേരളസർക്കാരിൻ്റെ ഓണസമ്മാനമായി സമർപ്പിക്കാൻ സാധിച്ചത്. ഊരാളുങ്കൽ ലേബർ കോൺട്രാക്ട് സൊസൈറ്റിക്ക് അഭിനന്ദനങ്ങൾ.“
പതിനെണ്ണായിരത്തോളം പേർക്ക് എല്ലാദിവസവും തൊഴിലും മെച്ചപ്പെട്ട വേതനവും ആനുകൂല്യങ്ങളും കുടുംബത്തിനടക്കം ക്ഷേമവും ഇൻഷ്വറൻസ് പരിരക്ഷയും പെൻഷനും ഒക്കെ ഉറപ്പാക്കുന്ന, മേല്പറഞ്ഞ ഒരു സ്ഥാപനം കേരളത്തിലുണ്ട്. അതാണ് പാലങ്ങളും, റോഡുകളും, ബഹുനില കെട്ടിടങ്ങളുമൊക്കെ പടുത്തുയർത്തി ഓണക്കാലത്തും ഏവരുടെയും പ്രശംസക്കും, അഭിനന്ദനത്തിനും പാത്രമായ ഊരാളുങ്കൽ ലേബർ കോൺട്രാക്ട് സൊസൈറ്റി -ULCCS- എന്ന തൊഴിലാളി സംരംഭം. തൊഴിലാളികൾ തന്നെ ഉടമകളായ ഒരു സ്ഥാപനം. തൊഴിലാളികൾതന്നെ ഭരിക്കുന്നു എന്നതാണ് ഈ വിജയത്തിൻ്റെ കാരണം.
Perumbalam bridge fulfills dreams, connecting Ernakulam to Kochi. Uralungal Labor Contract Society (ULCCS) empowers workers, building roads and bridges like Kalabhavan Mani Road, a collective effort and Onam gift. ULCCS’s success lies in worker ownership and self-governance.
