തട്ടിപ്പ് കോൾ തടയാൻ  ട്രായ്

തട്ടിപ്പു കോളുകൾ തടയുന്നതിൽ ട്രായ് ഒരു പടി കൂടി മുന്നിൽ.  മൊബൈൽ ഫോണിലെത്തുന്ന കോളുകളിൽ സേവ് ചെയ്തിട്ടില്ലെങ്കിലും വിളിക്കുന്നയാളുടെ പേരും നമ്പറും കാണാൻ പുതിയ സംവിധാനമൊരുങ്ങുന്നു. കാൾ വരുമ്പോൾ നമ്പറിനൊപ്പം പേര് കൂടി കാണിക്കുന്ന ട്രൂ കോളർ മാതൃകയിലുള്ള  കോളിംഗ് നെയിം പ്രസന്റേഷൻ (സിഎൻഎപി) രാജ്യത്ത് വൈകാതെ നടപ്പാക്കാൻ ടെലികോം വകുപ്പിനോട് ടെലികോം റെഗുലേറ്ററി അതോറിറ്റി ശുപാർശ ചെയ്തു.

തട്ടിപ്പ് കോളുകൾ തടയുകയാണ് ഇതുവഴി ലക്ഷ്യം. നിലവിൽ ട്രൂ കോളർ അടക്കമുള്ള ആപുകൾ വിവിധ രാജ്യങ്ങളിൽ ഈ സേവനങ്ങൾ നൽകുന്നുണ്ട്. സിം എടുക്കാൻ ഉപയോഗിച്ച കെവൈസി തിരിച്ചറിയൽ രേഖയിലെ പേരായിരിക്കും സ്ക്രീനിൽ ദൃശ്യമാവുക.
സി എൻ പി നടപ്പാക്കിയാൽ ട്രൂ കോളർ ആപ്പില്ലാതെ തന്നെ ഫോൺ വിളിക്കുന്നത് ആരെന്ന് അറിയാൻ സാധിക്കും. ഉപയോക്താവ് ആവശ്യപ്പെട്ടാൽ മാത്രം സിഎൻഎപി സൗകര്യം പ്രവർത്തിപ്പിക്കുന്ന തരത്തിലായിരിക്കും സൗകര്യം. ഒരാൾക്ക് പേര് മറച്ച് വയ്‌ക്കണമെങ്കിൽ‌ അതിനും സംവിധാനം ഉണ്ടാകും.

രേഖയിലുള്ള പേര് പിന്നീട് മാറ്റിയവർക്ക് തിരിച്ചറിയൽ രേഖ നൽകി തിരുത്താനും സൗകര്യമുണ്ടാകും. രാജ്യമാകെ നടപ്പാക്കും മുൻപ് ഒരു ടെലികോം സർക്കിളിൽ‌ പരീക്ഷണം നടത്തും. കമ്പനികളുടെ ബൾക്ക് കോർപറേറ്റ് കണക്ഷനുകളിൽ നിന്നുള്ള കോളുകളിൽ ട്രേഡ്മാർ‌ക്ക് പേരും മറ്റും ദൃശ്യമാകുന്ന തരത്തിലാകും പുത്തൻ സംവിധാനം.

ട്രൂ കോളർ പോലുള്ള നിലവിലുള്ള ടൂളുകൾ സമാന ആവശ്യങ്ങൾക്കായി ക്രൗഡ്-സോഴ്‌സ് ഡാറ്റ ഉപയോഗിക്കുമ്പോൾ, ട്രായി അവയുടെ വിശ്വാസ്യതയെക്കുറിച്ചുള്ള ആശങ്കകൾ ഉയർത്തിക്കാട്ടിയിരുന്നു.  

ട്രായിയുടെ ശുപാർശകൾ പ്രകാരം, ടെലികോം കമ്പനികൾ അഭ്യർത്ഥന പ്രകാരം വരിക്കാർക്ക് CNAP നൽകാൻ ബാധ്യസ്ഥരായിരിക്കും.  

CNAP നടപ്പിലാക്കുന്നതിനുള്ള ഒരു സാങ്കേതിക മാതൃക ട്രായ് രൂപപ്പെടുത്തുകയും വ്യവസായ പ്രവർത്തകരും പൊതുജനങ്ങളും ഉൾപ്പെടെയുള്ള പങ്കാളികളുമായുള്ള വിപുലമായ കൂടിയാലോചനയെ തുടർന്ന് ഈ ശുപാർശകളിൽ എത്തിച്ചേരുകയും ചെയ്തു. സാങ്കേതിക, സ്വകാര്യത, ചെലവ് എന്നിവയെ ഉദ്ധരിച്ച് സിഎൻഎപി നിർബന്ധമാക്കുന്നതിനെക്കുറിച്ച് മൊബൈൽ ഓപ്പറേറ്റർമാരുടെ സംഘടനാ  COAI നേരത്തെ ആശങ്കകൾ പ്രകടിപ്പിച്ചിരുന്നു .

ട്രായിയുടെ പുതിയ സംവിധാനത്തിന് മറുപടിയായി  കോളർ ഐഡൻ്റിഫിക്കേഷൻ സേവനമായ ട്രൂകോളർ ആശയവിനിമയ സുരക്ഷ വർദ്ധിപ്പിക്കുന്നതിനുള്ള ശ്രമങ്ങൾക്ക് പിന്തുണ അറിയിച്ചു.

  374 ദശലക്ഷത്തിലധികം ഉപയോക്താക്കൾക്ക് ട്രൂകോളർ വാഗ്ദാനം ചെയ്യുന്ന മുഴുവൻ സേവനങ്ങളോടും പ്രവർത്തനങ്ങളോടും താരതമ്യപ്പെടുത്താവുന്ന ഒരു മത്സരാധിഷ്ഠിത സേവനമായിക്കില്ല സിഎൻപി എന്ന് ട്രൂകോളർ അധികൃതർ പ്രതികരിക്കുന്നു .  നിലവിലെ ട്രായ് ശുപാർശകൾ വിപണിക്കു ഉത്തേജകമാകുമെന്ന് ഉറപ്പാണ്. തങ്ങളുടെ  ഉൽപ്പന്നത്തിലൂടെയും ഇന്ത്യൻ സർക്കാർ ഏജൻസികളുമായുള്ള പങ്കാളിത്തത്തിലൂടെയും ഇന്ത്യക്ക് ഡിജിറ്റൽ ആശയവിനിമയം സുരക്ഷിതമാക്കുക എന്ന  ദൗത്യത്തിൽ ഞങ്ങൾ പ്രതിജ്ഞാബദ്ധരാണ്, എന്നും  ട്രൂകോളർ പ്രസ്താവനയിൽ പറഞ്ഞു.

^{True Caller’s new identification service enhances security measures by providing users with the ability to verify incoming calls, even without saving the numbers. It revolutionizes call handling, especially in combating spam calls.}