തദ്ദേശീയമായി നിർമിക്കുന്ന 2000 ഓപ്പൺ ബോഗി വാഗണുകൾ 99 മില്യൺ ഡോളറിന് സ്വന്തമാക്കാനൊരുങ്ങി ഇന്ത്യൻ റെയിൽവേ. ഇതോടെ റെയിൽവേ കാത്തിരിക്കുന്നത് മൊത്തം 14,000 ഓപ്പൺ ബോഗി വാഗണുകൾക്കാണ് . ഇവയ്ക്കുള്ള കരാർ മാർച്ചിൽ തന്നെ ബെസ്കോ, ഹിന്ദുസ്ഥാൻ എഞ്ചിനീയറിംഗ് ആൻഡ് ഇൻഡസ്ട്രീസ് (HEI), ജൂപ്പിറ്റർ വാഗൺസ്, ടിറ്റാഗഡ് റെയിൽ സിസ്റ്റംസ് എന്നീ നാല് സ്വകാര്യമേഖലാ നിർമ്മാതാക്കൾക്ക് റെയിൽവേ നൽകിയിരുന്നു. HEI 4500 വാഗണുകൾ 19.2 ബില്യൺ രൂപയ്ക്കും ടിറ്റാഗഡ് 4463 വാഗണുകൾ 19.1 ബില്യൺ രൂപയ്ക്കും നൽകും.
അവശേഷിക്കുന്ന 2000 ഓപ്പൺ ബോഗി വാഗണുകൾ കൈമാറാൻ പൊതുമേഖലാ കമ്പനികളായ സ്റ്റീൽ അതോറിറ്റി ഓഫ് ഇന്ത്യ (സെയിൽ), റെയിൽ ഇന്ത്യ ടെക്നിക്കൽ ആൻഡ് ഇക്കണോമിക് സർവീസ് (റൈറ്റ്സ്) എന്നിവയുടെ സംയുക്ത സംരംഭത്തിന് 8.2 ബില്യൺ രൂപയുടെ കരാർ നൽകി.
ഈ വർഷാവസാനത്തോടെ അവതരിപ്പിക്കുമെന്ന് പ്രതീക്ഷിക്കുന്ന ഓപ്പൺ ബോഗി വാഗൺ ജിൻഡാൽ റെയിൽ ഇന്ത്യൻ റെയിൽവെയ്ക്കായി വികസിപ്പിച്ചെടുത്ത പുതിയ രൂപകൽപ്പനയാണ്. അസംസ്‌കൃത വസ്തുക്കൾ ഒരു ദിശയിലേക്ക് കൊണ്ടുപോകാനും മറ്റൊരു ദിശയിൽ ക്രൂഡ് സ്റ്റീലുമായി മടങ്ങാനും ഉദ്ദേശിച്ചുള്ളതാണ് ഈ വാഗണുകൾ. 2023-24 ൽ 125 ദശലക്ഷം ടൺ ഉത്പാദിപ്പിക്കുന്ന ക്രൂഡ് സ്റ്റീലിൻ്റെ ലോകത്തിലെ രണ്ടാമത്തെ വലിയ ഉത്പാദക രാജ്യമാണ് ഇന്ത്യ എന്നത് വേഗം ചരക്കു നീക്കത്തിന്റെ പ്രാധാന്യം വർധിപ്പിക്കുന്നു.
ദേശീയ റെയിൽ പദ്ധതിയിലൂടെ അടുത്ത 20 വർഷത്തിനുള്ളിൽ റെയിലിൻ്റെ വിപണി വിഹിതം നിലവിലെ 27% ൽ നിന്ന് 45% ആയി ഉയർത്താൻ ലക്ഷ്യമിടുന്നു. ചരക്ക് ബിസിനസ്സ് വളർത്തുന്നതിനുള്ള റെയിൽവേയുടെ ശ്രമങ്ങളിൽ ഇ-കൊമേഴ്‌സ് കമ്പനികൾക്ക് പാഴ്‌സൽ ട്രാഫിക്കിനായി ഡെഡിക്കേറ്റഡ് ഫാസ്റ്റ് ട്രെയിനുകൾ ഉൾപ്പെടുന്നു.
ഇന്ത്യൻ റെയിൽവെക്ക് നിലവിൽ ഏകദേശം 318,196 വാഗണുകളുണ്ട്. കുറച്ച് വർഷങ്ങൾക്ക് മുമ്പ് വരെ ആഭ്യന്തര വിതരണക്കാരിൽ നിന്ന് പ്രതിവർഷം 1500 മുതൽ 2000 വരെ വാഗണുകൾ സംഭരിച്ചിരുന്നു.
