രോഹിത് ശർമ്മയുടെ ആഡംബര വാച്ച്!

ട്വന്‍റി 20 ലോകകപ്പ് 2024 കിരീടവുമായി നാട്ടിലേക്ക് മടങ്ങിയെത്തിയ ഇന്ത്യന്‍ ടീമിന് എന്നെന്നും ഓര്‍ത്തിരിക്കാനാവുന്ന സ്വീകരണമാണ് ബിസിസിഐയും ആരാധകരും ചേര്‍ന്ന് ദില്ലി വിമാനത്താവളത്തില്‍ നല്‍കിയത്. ഇതിനിടയിൽ ടീം ബസിലേക്ക് പ്രവേശിക്കവെ ഇന്ത്യന്‍ ക്യാപ്റ്റന്‍ രോഹിത് ശര്‍മ്മ ട്രോഫി ആരാധകരെ ഉയർത്തി കാണിക്കുകയും ചെയ്തു. ഈ ദൃശ്യങ്ങൾ വൈറൽ ആയതോടെ ഏറ്റവും കൂടുതൽ ആളുകൾ ചർച്ച ചെയ്തത് രോഹിതിന്റെ കയ്യിൽ ഉണ്ടായിരുന്ന ഒരു ആഡംബര വാച്ചിനെ കുറിച്ചായിരുന്നു.

ഇന്ത്യൻ ക്രിക്കറ്റ് ടീം ക്യാപ്റ്റൻ രോഹിത് ശർമ്മയെ സംബന്ധിച്ചിടത്തോളം, ഔഡെമർസ് പിഗ്വെറ്റ് റോയൽ ഓക്ക് പെർപെച്വൽ കലണ്ടർ എന്ന അദ്ദേഹം ധരിച്ചിരുന്ന ആഡംബര വാച്ച് അദ്ദേഹത്തിൻ്റെ ട്വന്‍റി 20 നേട്ടം പോലെ തന്നെ അപൂർവവും വിശിഷ്ടവുമായ ഒന്ന് തന്നെയാണ്.

അസാധാരണമായ അപൂർവതയുടെയും കരകൗശലത്തിൻ്റെയും ഒരു വച്ച് എന്നാണ് ഇതിനെ അറിയപ്പെടുന്നത്. തുടക്കത്തിൽ ജാപ്പനീസ് വിപണിയിൽ പരിമിതമായ രീതിയിൽ സൃഷ്‌ടിച്ച ഈ വാച്ച്, 2021-ൽ ആണ് ഓഡെമർസ് പിഗ്വെറ്റ്  എന്ന മോഡൽ ആഗോളതലത്തിൽ പുറത്തിറക്കിയത്. ലോകമെമ്പാടും 150 എണ്ണം മാത്രമാണ് ഈ വാച്ചുകൾ ലഭ്യമായിട്ടുള്ളത്. അതുകൊണ്ട് തന്നെ ഈ എക്സ്ക്ലൂസിവിറ്റി വാച്ചിന്റെ  ആകർഷണീയത വർദ്ധിപ്പിക്കുകയും ആഡംബര വാച്ച് പ്രേമികളെ ഏറ്റവും കൊതിപ്പിക്കുന്ന ഒന്നായി മാറുകയും ചെയ്യുന്നു.

നികുതി കഴിഞ്ഞ് ഏകദേശം 1.5 കോടി രൂപ ആണ് ഈ വാച്ചിന്റെ വില. ഈ വാച്ചിൽ ഒരു ടൈറ്റാനിയം കെയ്‌സും ബ്രേസ്‌ലെറ്റും ഉണ്ട്. ഒപ്പം സാൽമൺ ഗ്രാൻഡ് ടാപ്പിസെറി ഡയൽ പൂരകമാണ്ആണ് ഇതിനുള്ളത്. ദിവസം, തീയതി, ആഴ്‌ച, അധിവർഷം, മണിക്കൂറും മിനിറ്റും സൂചനകൾ എന്നിവയുൾപ്പെടെ ഒരു കലണ്ടർ നൽകുന്നത് ഒക്കെയും ഇതിലുണ്ട്. ഈ വാച്ചിന്റെ ടൈറ്റാനിയം കൺസ്‌ട്രക്ഷനും ഏറെ വേറിട്ട് നിൽക്കുന്നതാണ്.

ഇൻ-ഹൗസ് കാലിബർ 5134 കൊണ്ട് സജ്ജീകരിച്ചിരിക്കുന്ന ഈ റോയൽ ഓക്കിൽ ഏറ്റവും കനം കുറഞ്ഞ ഫുൾ റോട്ടർ ഓട്ടോമാറ്റിക് മൂവ്‌മെൻ്റ് ഉണ്ട്. ഇത് നാൽപ്പത് മണിക്കൂർ പവർ റിസർവ് വാഗ്ദാനം ചെയ്യുന്നു, കൂടാതെ 20 മീറ്റർ വരെ ജലത്തെ പ്രതിരോധിക്കും. പല ലിമിറ്റഡ് എഡിഷൻ വാച്ചുകളിൽ നിന്ന് വ്യത്യസ്തമായി, ഓഡെമർസ് പിഗ്വെറ്റ് റോയൽ ഓക്ക് പെർപെച്വൽ കലണ്ടറിൽ ഒരു പ്രത്യേക പ്രദേശവുമായോ രാജ്യവുമായോ ബന്ധിപ്പിക്കുന്ന ഏതെങ്കിലും രൂപങ്ങളോ ലോഗോകളോ ഫീച്ചർ ചെയ്യുന്നില്ല. ഇതുവരെ 300 യൂണിറ്റുകൾ മാത്രം ഉൽപ്പാദിപ്പിക്കുകയും അവയിൽ പകുതിയും ജാപ്പനീസ് വിപണിയിൽ അനുവദിക്കുകയും ചെയ്ത ഈ വാച്ചിന്റെ ബാക്കിയുള്ള 150 എണ്ണമാണ് ലോകമെമ്പാടുമുള്ള വിപണിയിൽ ലഭ്യമായിട്ടുള്ളത്. അതിൽ ഒന്നാണ് രോഹിതിന്റെ കയ്യിൽ ഉള്ളത് എന്നതിൽ ആരാധകർക്ക് സന്തോഷം ഇരട്ടിക്കുകയാണ്. 

^{Rohit Sharma celebrates the T20 World Cup victory with the Audemars Piguet Royal Oak Perpetual Calendar, a symbol of luxury, rarity, and exceptional craftsmanship.}