റോബോട്ടിക്ക് മനുഷ്യന്മാരുടെയും ആൻഡ്രോയിഡ് കുഞ്ഞപ്പന്മാരുടെയും ഡിമാന്റ് ഒക്കെ കുറയുകയാണ്. അത്യാധുനിക റോബോട്ടിക് ഗൈഡ് നായയെ വികസിപ്പിക്കാനുള്ള ശ്രമത്തിലാണ് ചൈനീസ് ഗവേഷകർ. 17 ദശലക്ഷത്തിലധികം അന്ധരുള്ള ഒരു രാജ്യത്ത് നിലവിൽ 400-ൽ അധികം വരുന്ന പരമ്പരാഗത ഗൈഡ് നായ്ക്കളുടെ കുറവ് പരിഹരിക്കാനാണ് ഈ നൂതന പദ്ധതി കൊണ്ട് ഉദ്ദേശിക്കുന്നത്.
![](https://channeliam.com/wp-content/uploads/2024/07/image-33-1-1024x768.webp)
ഷാങ്ഹായ് ജിയാവോ ടോങ് യൂണിവേഴ്സിറ്റിയുടെ സ്കൂൾ ഓഫ് മെക്കാനിക്കൽ എഞ്ചിനീയറിംഗിൽ നിന്നുള്ള പ്രൊഫസർ ഫെങ് ഗാവോയും സംഘവും ആണ് ഈ സംരംഭത്തിനു പിന്നിൽ. ആറ് കാലുകളുള്ള എഐ രൂപപ്പെടുത്തിയ റോബോഡോഗിനെ ആണ് ഇവർ നിർമ്മിക്കാൻ ഉദ്ദേശിക്കുന്നത്. ഈ റോബോട്ടുകൾ രൂപകൽപ്പന ചെയ്തിരിക്കുന്നത്, നൂതന സെൻസറുകൾ, ഡെപ്ത് ക്യാമറകൾ, റഡാർ എന്നിവയുടെ സഹായത്തോടെ നഗരത്തിലൂടെ അന്ധരായ ഉപയോക്താക്കൾക്ക് സ്വയം യാത്രചെയ്യാൻ വേണ്ടിയാണ്. ഈ സാങ്കേതികവിദ്യകൾ ഉപയോഗിച്ച് റോബോ ഡോഗിന് അതിൻ്റെ ചുറ്റുപാടുകളുടെ 3D മാപ്പുകൾ സൃഷ്ടിക്കാനും വഴികൾ നിശ്ചയിക്കാനും തടസ്സങ്ങൾ ഒഴിവാക്കാനും ട്രാഫിക് സിഗ്നലുകൾ മനസിലാക്കാനും കഴിയും.
![](https://channeliam.com/wp-content/uploads/2024/07/image-34-1-1024x683.webp)
യഥാർത്ഥ ഗൈഡ് നായകളിൽ നിന്ന് വ്യത്യസ്തമായി, റോബോട്ടിക് പതിപ്പിന് ഭക്ഷണമോ പരിശീലനമോ ആവശ്യമില്ല. ഇത് ബാറ്ററി പവറിൽ ആണ് പ്രവർത്തിക്കുന്നത്. അതുകൊണ്ട് തന്നെ സ്നേഹ പരിചരണങ്ങളുടെ ആവശ്യവും ഇല്ല. ഇടയ്ക്കിടെ റീചാർജു ചെയ്താൽ മാത്രം മതിയാവും. കൂടാതെ സംഭാഷണങ്ങളെ തിരിച്ചറിയാനായി ആഴത്തിലുള്ള പഠന മാതൃകകൾ ഉപയോഗിക്കുന്നുണ്ട്. ഉപയോക്താക്കൾക്ക് വോയ്സ് കമാൻഡുകൾ വഴിയോ സ്പർശനപരമായ ഫീഡ്ബാക്ക് വഴിയോ ഈ റോബോഡോഗുമായി സംവദിക്കാൻ കഴിയും. ഇതിന്റെ പുറകിൽ ഘടിപ്പിച്ചിരിക്കുന്ന ഒരു ടെലിസ്കോപ്പിംഗ് പോൾ കൈകാര്യം ചെയ്യുന്നതിലൂടെ വേഗതയും ക്രമീകരിക്കാൻ സാധിക്കുന്നു.
![](https://channeliam.com/wp-content/uploads/2024/07/8375313_1714816980003_a_FB.jpg-1024x537.webp)
ഏകദേശം ഒരു ഇംഗ്ലീഷ് ബുൾഡോഗിൻ്റെ വലുപ്പത്തിൽ നിൽക്കുന്ന റോബോഡോഗ് അതിൻ്റെ ആറ് കാലുകൾ കൊണ്ടും സുഗമമായ നടത്തം ഉറപ്പാക്കുന്നുണ്ട്. പ്രാഥമികമായി ഔട്ട്ഡോർ യാത്രയ്ക്കായി ഉദ്ദേശിച്ചിട്ടുള്ളതാണെങ്കിലും, ഇതിന്റെ കണക്റ്റിവിറ്റി കഴിവുകൾ വീട്ടുപരിസരങ്ങളിലും അത്യാഹിത സമയത്തും അതിൻ്റെ ഉപയോഗം സാധ്യമാക്കുന്നുണ്ട്.
സൂച്ചൻ റോബോട്ട് കമ്പനിയുമായി സഹകരിച്ച് വാണിജ്യവൽക്കരണത്തിനുള്ള പദ്ധതികളോടെ ഒരുങ്ങുന്ന ഈ റോബോഡോഗിൻ്റെ ഫീൽഡ് ടെസ്റ്റിംഗ് നിലവിൽ നടക്കുന്നുണ്ട്. ഉൽപ്പാദന സമയക്രമങ്ങളും വിലനിർണ്ണയ വിശദാംശങ്ങളും ഇതുവരെ വെളിപ്പെടുത്തിയിട്ടില്ലെങ്കിലും, ചൈനയിലെ കാഴ്ച വൈകല്യമുള്ളവർക്കുള്ള സഹായമെന്ന നിലയിൽ ഈ സാങ്കേതിക വിദ്യ ഒരു സുപ്രധാന ചുവടുവെപ്പാണ്. കൂടെ കൊണ്ട് നടക്കാൻ വളർത്തുമൃഗങ്ങൾ ഉണ്ടായിട്ടും പൊതു ഇടങ്ങളിൽ കാഴ്ച വൈകല്യമുള്ള വ്യക്തികൾ നേരിടുന്ന പ്രവേശനക്ഷമതാ വെല്ലുവിളികളിലും കർശനമായ നിയന്ത്രണങ്ങൾക്കിടയിലുമാണ് ഈ വികസനം.
Chinese researchers are developing a six-legged AI-enhanced robotic guide dog to aid over 17 million visually impaired individuals, offering advanced navigation and independence without the need for traditional guide dogs.