എഐ അധിഷ്ഠിത ഡിജിറ്റൽ പരിവർത്തനത്തിലേക്കുള്ള പുതിയ ചുവടുവെയ്പ്പുമായി ഇന്ത്യൻ റെയിൽവേ. പ്രധാന റെയിൽവേ പ്ലാറ്റ്‌ഫോമുകളിൽ ബഹുഭാഷാ സംവിധാനങ്ങൾ വികസിപ്പിക്കുന്നതിനായി സെന്റർ ഫോർ റെയിൽവേ ഇൻഫർമേഷൻ സിസ്റ്റംസ് (CRIS) ഡിജിറ്റൽ ഇന്ത്യ ഭാഷിണി ഡിവിഷനുമായി (DIBD) ധാരണാപത്രത്തിൽ ഒപ്പിട്ടു. ഇന്ത്യൻ റെയിൽവേയുടെ സേവനങ്ങൾ പ്രധാന ഇന്ത്യൻ ഭാഷകളിൽ വിനിമയം ചെയ്യുന്നതിനായാണ് കരാർ.
കരാർ പ്രകാരം ഭാഷിണിയുടെ അത്യാധുനിക ഭാഷാ സാങ്കേതിക സംവിധാനങ്ങൾ നാഷണൽ ട്രെയിൻ എൻക്വയറി സിസ്റ്റം (NTES), റെയിൽമദദ് തുടങ്ങിയ സിആർഐഎസ്-നിയന്ത്രിത സംവിധാനങ്ങളുമായി സംയോജിപ്പിക്കും. ഭാഷിണി ഓട്ടോമാറ്റിക് സ്പീച്ച് റെക്കഗ്നിഷൻ (ASR), ടെക്സ്റ്റ്-ടു-ടെക്സ്റ്റ് ട്രാൻസ്ലേഷൻ, ടെക്സ്റ്റ്-ടു-സ്പീച്ച് (TTS), ഒപ്റ്റിക്കൽ ക്യാരക്ടർ റെക്കഗ്നിഷൻ (OCR) തുടങ്ങിയവയാണ് ഇത്തരത്തിൽ സംയോജിപ്പിക്കുക. ഇതോടെ 22 ഇന്ത്യൻ ഭാഷകളിലായി നിർണായക റെയിൽവേ സേവനങ്ങൾ ആക്‌സസ് ചെയ്യാൻ സാധിക്കും.
Indian Railways partners with BHASHINI to integrate AI-powered multilingual support across its platforms like NTES and RailMadad. Users can now access services in 22 Indian languages, enhancing accessibility and aligning with the Digital India vision.
