സുശീല കർക്കി (Sushila Karki) നേപ്പാളിന്റെ ഇടക്കാല പ്രധാനമന്ത്രിയായി ചുമതലയേറ്റിരിക്കുകയാണ്. രാജ്യത്തിന്റെ ആദ്യ വനിതാ പ്രധാനമന്ത്രിയായി മാറിയ സുശീല നേപ്പാളിന്റെ ആദ്യ വനിതാ ചീഫ് ജസ്റ്റിസ് കൂടിയാണ്. 73 വയസ്സുകാരിയായ സുശീല കർക്കി പശ്ചാത്തലം കൊണ്ട് രാഷ്ട്രീയക്കാരിയല്ല. നേപ്പാളിലെ ആദ്യ വനിതാ ചീഫ് ജസ്റ്റിസ് എന്ന നിലയിലുള്ള അവരുടെ സേവനത്തിലൂടെയാണ് സുശീല കൂടുതൽ അറിയപ്പെടുന്നത്. 2016 ജൂലൈ മുതൽ 2017 ജൂൺ വരെ അവർ ചീഫ് ജസ്റ്റിസ് പദവി വഹിച്ചു.
1952ൽ കർഷക കുടുംബത്തിൽ ജനിച്ച സുശീല കർക്കി കിഴക്കൻ നേപ്പാളിലാണ് വളർന്നത്. 1972ൽ മഹേന്ദ്ര മൊറാങ് കാമ്പസിൽ നിന്ന് ബിരുദവും, 1975ൽ ഇന്ത്യയിലെ ബനാറസ് ഹിന്ദു സർവകലാശാലയിൽ രാഷ്ട്രമീമാംസയിൽ ബിരുദാനന്തര ബിരുദവും പൂർത്തിയാക്കി. മൂന്ന് വർഷത്തിന് ശേഷം, കഠ്മണ്ഡു ത്രിഭുവൻ സർവകലാശാലയിൽ നിന്ന് നിയമ ബിരുദവും നേടി. 1985ൽ ധരണിലെ മഹേന്ദ്ര മൾട്ടിപ്പിൾ കാമ്പസിൽ അസിസ്റ്റന്റ് ടീച്ചറായി ജോലി ചെയ്ത അവർ, അതേസമയം മുതൽ തന്നെ ബിരത്‌നഗറിൽ നിയമ പ്രാക്ടീസിലും ശ്രദ്ധ നൽകി.
2009ൽ നേപ്പാളിലെ സുപ്രീം കോടതിയിൽ താൽക്കാലിക ജഡ്ജിയായി നിയമിതയായതോടെയാണ് സുശീലയുടെ നീതിന്യായ മേഖലയിലെ ഉയർച്ച ആരംഭിച്ചത്. പിന്നീട് സുപ്രീം കോടതി ചീഫ് ജസ്റ്റിസ് ആയതോടെ ആ വളർച്ച ഏറി.
Learn about Sushila Karki, who has been appointed as Nepal’s first woman Prime Minister and also served as the country’s first female Chief Justice.
