മൊബൈൽ കണക്റ്റിവിറ്റിയിൽ സുപ്രധാന വഴിത്തിരിവുമായി പ്രയാഗ്‌രാജിലെ മോത്തിലാൽ നെഹ്‌റു നാഷണൽ ഇൻസ്റ്റിറ്റ്യൂട്ട് ഓഫ് ടെക്‌നോളജി (MNNIT) ശാസ്ത്രജ്ഞർ. വേഗത്തിൽ ഓടുന്ന ട്രെയിനുകളിലും വാഹനങ്ങളിലും യാത്രക്കാർ നേരിടുന്ന നെറ്റ്‌വർക്ക് പ്രശ്‌നങ്ങൾ ഗണ്യമായി കുറയ്ക്കാൻ കഴിയുന്ന പുതിയ ആന്റിന സംവിധാനമാണ് എംഎൻഎൻഐടി വികസിപ്പിച്ചെടുത്തത്.
ഇൻസ്റ്റിറ്റ്യൂട്ടിലെ ഇലക്ട്രോണിക്സ് ആൻഡ് കമ്മ്യൂണിക്കേഷൻ എഞ്ചിനീയറിംഗ് വിഭാഗത്തിലെ (ECED) വിനയ് കുമാർ, പ്രൊഫ. വി.എസ്. ത്രിപാഠി, ആനന്ദ് ശർമ എന്നിവർ ചേർന്നാണ് ഈ നൂതന പദ്ധതി രൂപകൽപന ചെയ്തത്. ട്രെയിനുകളിലെ യാത്രക്കാരെ പലപ്പോഴും ബാധിക്കുന്ന ഉയർന്ന വേഗതയും മാറുന്ന സെൽ ടവറുകളും കാരണമുണ്ടാകുന്ന സിഗ്നൽ തടസ്സങ്ങൾ പരിഹരിക്കുന്നതിനാണ് ആന്റിന ലക്ഷ്യമിടുന്നതെന്ന് ഗവേഷകർ വ്യക്തമാക്കി.
mnnit scientists developed an innovative mobile antenna to significantly reduce network issues for passengers in high-speed trains and vehicles, improving connectivity.
