ലോകത്തെ ഏറ്റവും കൃത്യനിഷ്ഠയുള്ള വിമാനക്കമ്പനികളിൽ നാലാമതായി എയർ ഇന്ത്യ ഇടംപിടിച്ചു. സിറിയം (Cirium) പുറത്തുവിട്ട ജൂൺ മാസത്തെ ‘ഓൺ-ടൈം പെർഫോമൻസ്’ (OTP) റാങ്കിംഗിലാണ് ടാറ്റ ഗ്രൂപ്പിന്റെ ഉടമസ്ഥതയിലുള്ള എയർ ഇന്ത്യ ഈ നേട്ടം കൈവരിച്ചത്. ജൂൺ മാസത്തിൽ സർവീസ് നടത്തിയ 15,135 വിമാനങ്ങളിൽ 86.85 ശതമാനവും കൃത്യസമയത്ത് ലക്ഷ്യസ്ഥാനത്ത് എത്തിക്കാൻ കമ്പനിക്ക് സാധിച്ചു.
സൗദിയ എയർലൈൻസാണ് പട്ടികയിൽ ഒന്നാമതെത്തിയത്. കൊറിയൻ എയർ, എയറോമെക്സിക്കോ എന്നിവർ യഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി. സിംഗപ്പൂർ എയർലൈൻസിനെ പിന്തള്ളിയാണ് എയർ ഇന്ത്യ നാലാം സ്ഥാനം സ്വന്തമാക്കിയത്. പ്രവർത്തനക്ഷമത വർധിപ്പിക്കുന്നതിനും ശൃംഖല ആസൂത്രണം മെച്ചപ്പെടുത്തുന്നതിനുമായി കമ്പനി നടത്തിവരുന്ന തുടർ നിക്ഷേപങ്ങളുടെയും ആസൂത്രിതമായ പ്രവർത്തനങ്ങളുടെയും ഫലമാണ് ഈ നേട്ടമെന്ന് എയർ ഇന്ത്യ അധികൃതർ വ്യക്തമാക്കി
Tata Group’s Air India secures the 4th spot globally in Cirium’s June On-Time Performance (OTP) ranking, achieving an impressive 86.85% punctuality rate.
