ഇന്ത്യയുടെ കപ്പൽ നിർമ്മാണ വ്യവസായത്തെയും സമുദ്ര അടിസ്ഥാന സൗകര്യങ്ങളെയും പരിഷ്കരിക്കുന്നതിന്റെ ഭാഗമായി 69,725 കോടി രൂപയുടെ സമഗ്ര പാക്കേജിന് കേന്ദ്ര സർക്കാർ അംഗീകാരം നൽകി. ആഗോള യാർഡുകളുമായുള്ള മത്സരശേഷിയില്ലായ്മ പരിഹരിക്കുന്നതിനായി 24,736 കോടി രൂപയുടെ ഷിപ്പ് ബിൽഡിംഗ് ഫിനാൻഷ്യൽ അസിസ്റ്റൻസ് സ്കീം ഈ പാക്കേജിൽ ഉൾപ്പെടുത്തിയിട്ടുണ്ട്. കപ്പൽ നിർമ്മാണ മേഖലയ്ക്ക് ദീർഘകാല ധനസഹായം ലഭ്യമാക്കുന്നതിനായി 25,000 കോടി രൂപയുടെ മാരിടൈം ഡെവലപ്മെന്റ് ഫണ്ടും ഇതിൽ ഉൾക്കൊള്ളിച്ചിട്ടുണ്ട്.
ഇതിനുപുറമെ, ഉൽപ്പാദന ശേഷി വർദ്ധിപ്പിക്കുന്നതിനായി 19,989 കോടി രൂപ അടങ്ങിയ ഷിപ്പ് ബിൽഡിംഗ് ഡെവലപ്മെന്റ് സ്കീമിനും (SbDS) സർക്കാർ അനുമതി നൽകിയിട്ടുണ്ട്. ഈ പദ്ധതിയുടെ ഭാഗമായി ആന്ധ്രാപ്രദേശ്, ഗുജറാത്ത്, തമിഴ്നാട് എന്നിവിടങ്ങളിൽ മൂന്ന് പുതിയ ഹരിത കപ്പൽ നിർമ്മാണ ക്ലസ്റ്ററുകൾ ആരംഭിക്കാൻ തത്വത്തിൽ അംഗീകാരം നൽകിയിട്ടുണ്ട്. മാരിടൈം ഇന്ത്യ വിഷൻ 2030 ലക്ഷ്യങ്ങൾക്ക് അനുസൃതമായി ഇന്ത്യയെ ആഗോളതലത്തിൽ ഒരു പ്രധാന കപ്പൽ നിർമ്മാണ ശക്തിയാക്കി മാറ്റുകയാണ് ഈ പദ്ധതിയിലൂടെ ലക്ഷ്യമിടുന്നത്.
The Indian government has approved a ₹69,725 crore financial package to strengthen domestic shipbuilding, expand maritime infrastructure, establish new green shipbuilding clusters, and position India as a global maritime powerhouse
