ബംഗാളിലെ ഡൂവാഴ്സ് മേഖലയിലെ ടൂറിസം വികസിപ്പിക്കുന്നതിനും ഇന്ത്യ-ചൈന-ഭൂട്ടാൻ അതിർത്തി മേഖലകളിലേക്കുള്ള ഗതാഗതം മെച്ചപ്പെടുത്തുന്നതിനുമായി പുതിയ റെയിൽവേ പദ്ധതിക്ക് അനുമതി നൽകി. ഇതിന്റെ ഭാഗമായി ഖുനിയ മോർ മുതൽ ജൽധാക്ക വരെ 17 കിലോമീറ്റർ ദൂരത്തിലുള്ള പുതിയ റെയിൽവേ ലൈൻ നിർമ്മിക്കാൻ റെയിൽവേ മന്ത്രാലയം 272 കോടി രൂപയാണ് അനുവദിച്ചിരിക്കുന്നത്. സിലിഗുരി എം.പി രാജു ബിസ്തയാണ് സോഷ്യൽ മീഡിയയിലൂടെ ഈ സുപ്രധാന വിവരം പുറത്തുവിട്ടത്.
ചൽസയ്ക്ക് സമീപമുള്ള ഖുനിയ മോറിൽ നിന്ന് ആരംഭിച്ച് ജൽപായ്ഗുരി, കലിംപോങ് വനമേഖലകളിലൂടെയാണ് ഈ പുതിയ റെയിൽ പാത കടന്നുപോകുന്നത്. മൺസൂൺ സീസണിന് ശേഷം റെയിൽവേയും പശ്ചിമ ബംഗാൾ വനം വകുപ്പും സംയുക്തമായി പദ്ധതിയുടെ സർവേ നടപടികൾ ആരംഭിക്കും. തന്ത്രപ്രധാനമായ ഈ അതിർത്തി മേഖലയിൽ സ്ട്രാറ്റജിക് ഇൻഫ്രാസ്ട്രക്ചർ ശക്തിപ്പെടുത്തുന്നതിനൊപ്പം ജൽധാക്ക-ബിന്ദു മേഖലകളിലെ ടൂറിസത്തിന് കുതിച്ചുചാട്ടം നൽകാൻ ഈ പദ്ധതി സഹായിക്കുമെന്നാണ് വിലയിരുത്തപ്പെടുന്നത്.
Indian Railways approves ₹272 crore for a 17-km strategic rail line from Khunia More to Jaldhaka near the India-China-Bhutan tri-junction to boost defense and tourism.
