ടെലികോം വിപണിയിൽ എയർടെൽ അടിസ്ഥാന അൺലിമിറ്റഡ് പ്ലാൻ നിരക്ക് 349 രൂപയായി ഉയർത്തിയതിന് പിന്നാലെ, 299 രൂപയുടെ പ്രൈം മെമ്പർഷിപ്പ് പ്ലാൻ വീണ്ടും അവതരിപ്പിച്ച് റിലയൻസ് ജിയോ. ജനപ്രിയ പ്ലാനുകൾ പിൻവലിച്ചും നിരക്കുകൾ കൂട്ടിയും മൊബൈൽ കമ്പനികൾ ശരാശരി പ്രതിശീർഷ വരുമാനം (ARPU) വർദ്ധിപ്പിക്കാൻ ശ്രമിക്കുന്ന പശ്ചാത്തലത്തിലാണ് ജിയോയുടെ ഈ നീക്കം.
ജിയോയുടെ 10ആം വാർഷികത്തോടനുബന്ധിച്ചെത്തിയ പുതിയ പ്രൈം അംഗത്വത്തിലൂടെ, ഉപഭോക്താക്കൾക്ക് 2027 സെപ്റ്റംബർ 5 വരെ ഭാവിയിലെ താരിഫ് വർദ്ധനയെക്കുറിച്ച് ആശങ്കപ്പെടാതെ നിലവിലെ നിരക്കിൽ റീചാർജ് തുടരാം. പ്രീപെയ്ഡ്, പോസ്റ്റ്പെയ്ഡ് വരിക്കാർക്ക് 300 രൂപ ഒറ്റത്തവണ ഫീസ് നൽകി മൈജിയോ ആപ്പ് വഴിയോ നേരിട്ടോ ഇത് നേടാം. മറ്റ് നെറ്റ്വർക്കിലുള്ളവർക്ക് ജിയോയിലേക്ക് പോർട്ട് ചെയ്തും ഇതിൽ അംഗമാകാം.
പദ്ധതിയുടെ ഭാഗമായി ഉപഭോക്താക്കൾക്ക് ആകർഷകമായ ആനുകൂല്യങ്ങളും ലഭിക്കും. പുതിയ JioHome അല്ലെങ്കിൽ JioPC കണക്ഷന് ഉപയോഗിക്കാവുന്ന 300 രൂപയുടെ ക്യാഷ്ബാക്ക് വൗച്ചർ, പുതിയ Jio SIM കണക്ഷനുകൾക്കായി ഉപയോഗിക്കാവുന്ന 300 രൂപയുടെ മറ്റൊരു വൗച്ചർ, പുതിയ സേവനങ്ങളുടെ മുൻകൂട്ടിയുള്ള ട്രയലുകൾ, പ്രത്യേക സർവീസ് ചാനൽ വഴിയുള്ള മുൻഗണനാ കസ്റ്റമർ സപ്പോർട്ട് തുടങ്ങിയവയാണ് ആനുകൂല്യങ്ങൾ.
അഞ്ച് ലക്ഷത്തിലധികം വരുന്ന ജിയോ കുടുംബത്തിന് ഭാവിയിലെ നിരക്കുകളിൽ കൂടുതൽ ഉറപ്പും അധിക ആനുകൂല്യങ്ങളും ഉറപ്പാക്കിക്കൊണ്ട് വിപണിയിലെ മത്സരം കൂടുതൽ ശക്തമാക്കുകയാണ് കമ്പനി ഇതിലൂടെ ലക്ഷ്യമിടുന്നത്.
Reliance Jio reintroduces its Rs 299 Prime Membership plan after Airtel raised basic unlimited plan rates to Rs 349, offering tariff price protection until 2027
