ജോർദാനും യു.ഇ.ഇയും സംയുക്തമായി നടപ്പിലാക്കുന്ന 2.5 ബില്യൺ ഡോളർ ചെലവ് വരുന്ന അഖബ-മാൻ റെയിൽവേ പദ്ധതിക്ക് ജോർദാനിൽ തുടക്കമായി. ജോർദാൻ ഭരണാധികാരി അബ്ദുള്ള രണ്ടാമൻ രാജാവും അബുദാബി കിരീടാവകാശി ഷെയ്ഖ് ഖാലിദ് ബിൻ മുഹമ്മദ് ബിൻ സയ്യിദ് അൽ നഹ്യാനും ചേർന്ന് അഖബയിൽ നടന്ന ചടങ്ങിൽ പദ്ധതിയുടെ നിർമ്മാണോദ്ഘാടനം നിർവഹിച്ചു. ഇരു രാജ്യങ്ങളും തമ്മിലുള്ള തന്ത്രപരമായ പങ്കാളിത്തം കൂടുതൽ ദൃഢമാക്കുന്നതിന്റെ ഭാഗമായാണ് ജോർദാൻ-യു.ഇ.ഇ റെയിൽവേ കമ്പനി ഈ ബൃഹദ് പദ്ധതിക്ക് നേതൃത്വം നൽകുന്നത്.
ഏകദേശം 403 കിലോമീറ്റർ ദൈർഘ്യമുള്ള റെയിൽപാതയുടെ നിർമ്മാണത്തിൽ 55 പാലങ്ങളും ആറ് തുരങ്കങ്ങളും ഉൾപ്പെടുന്നുണ്ട്. വാർഷികമായി ഏകദേശം 16 ദശലക്ഷം ടൺ ഫൊസ്ഫേറ്റും പൊട്ടാഷും കടത്താൻ ലക്ഷ്യമിടുന്ന ഈ പദ്ധതിയിലൂടെ ദക്ഷിണ ജോർദാനിൽ 5,000-ത്തോളം പുതിയ തൊഴിലവസരങ്ങൾ സൃഷ്ടിക്കപ്പെടും.
കൂടാതെ, ധാതുക്കളുടെ ഗതാഗതച്ചെലവ് പ്രതിവർഷം 40 ദശലക്ഷം ഡോളറോളം കുറയ്ക്കാനും റോഡ് ശൃംഖലയിലെ തിരക്ക് ഒഴിവാക്കാനും ഇത് സഹായിക്കും. അഖബ തുറമുഖത്തെ പ്രധാന ഖനന കേന്ദ്രങ്ങളുമായും മാൻ ലോജിസ്റ്റിക്സ് സോണുമായും ബന്ധിപ്പിക്കുന്ന ഈ പദ്ധതി ജോർദാന്റെ കയറ്റുമതി മേഖലയ്ക്കും സാമ്പത്തിക വളർച്ചയ്ക്കും വലിയ കരുത്താകുമെന്നാണ് വിലയിരുത്തപ്പെടുന്നത്.
Jordan and the UAE launch the $2.5 billion Aqaba-Maan railway project, connecting Aqaba Port with mining hubs and creating 5,000 jobs in southern Jordan.
