ആഭ്യന്തര പണം കൈമാറ്റവുമായി (Domestic Money Transfer) ബന്ധപ്പെട്ട നിലവിലുള്ള വിവിധ നിർദ്ദേശങ്ങൾ ഏകീകരിച്ച് റിസർവ് ബാങ്ക് ഓഫ് ഇന്ത്യ (RBI) പുതിയ ഉത്തരവിറക്കി. പണം നൽകിയുള്ള (Cash-based) ഇടപാടുകളുടെ പരിധി നിലനിർത്തിക്കൊണ്ടുതന്നെ സുരക്ഷാ പരിശോധനകളും കർശനമായ നിരീക്ഷണ സംവിധാനങ്ങളും പുതിയ ചട്ടക്കൂടിൽ ഉൾപ്പെടുത്തിയിട്ടുണ്ട്. ഇതുപ്രകാരം ബാങ്കിൽ അക്കൗണ്ടില്ലാത്തവർക്കും ശാഖകളിൽ നേരിട്ടെത്തി എൻ.ഇ.എഫ്.ടി (NEFT) വഴി 50,000 രൂപ വരെ പണമായി അയക്കാൻ സാധിക്കും.
ബിസിനസ് കറസ്‌പോണ്ടന്റുമാർ (BC) അല്ലെങ്കിൽ എ.ടി.എം വഴിയുള്ള പണം കൈമാറ്റത്തിന് ഒരു ഇടപാടിൽ 5,000 രൂപയും പ്രതിമാസം 25,000 രൂപയുമാണ് പരിധി. കെ.വൈ.സി മാനദണ്ഡങ്ങൾ പ്രകാരം മൊബൈൽ നമ്പറും തിരിച്ചറിയൽ രേഖയും നിർബന്ധമാക്കിയിട്ടുണ്ട്. എല്ലാ ഇടപാടുകൾക്കും ‘അഡീഷണൽ ഫാക്ടർ ഓഫ് ഓതന്റിക്കേഷൻ’ (AFA) ഏർപ്പെടുത്തിയിട്ടുണ്ടെന്നും, അക്കൗണ്ടുകളിലെ അസാധാരണ ഇടപാടുകൾ നിരീക്ഷിക്കാൻ ബാങ്കുകൾക്ക് നിർദ്ദേശം നൽകിയിട്ടുണ്ടെന്നും ആർ.ബി.ഐ വ്യക്തമാക്കി.
rbi domestic money transfer rules, rbi neft cash transfer limit, rbi money transfer guidelines, reserve bank of india, neft cash transfer ₹50000, business correspondent money transfer, afa authentication rbi, banking news india
