പ്രീ വെഡിങ് ഇറ്റലി തൊട്ട് ഫ്രാൻസ് വരെ

അനന്ത്-രാധികയുടെ വിവാഹത്തിന് മുമ്പുള്ള രണ്ടാമത്തെ പ്രീ വെഡിങ് ചടങ്ങ് നടത്താനൊരുങ്ങി  മുകേഷ് അംബാനി കുടുംബം. ഇത്തവണ ഇന്ത്യയിലില്ല പരിപാടികൾ, 800 അതിഥികളുമായി ഇറ്റലിയിൽ തുടങ്ങി ഫ്രാൻ‌സിൽ അവസാനിക്കും ആഡംബര ക്രൂയിസിലെ ഈ പ്രീ വെഡിങ് .

അംബാനി  ആതിഥേയത്വം വഹിക്കുന്ന  വിവാഹത്തിന് മുമ്പുള്ള രണ്ടാമത്തെ ആഘോഷത്തിൽ അതിഥി ലിസ്റ്റിൽ സൽമാൻ ഖാൻ, ഷാരൂഖ് ഖാൻ, ആമിർ ഖാൻ എന്നിവർക്കൊപ്പം  ആകാശ് അംബാനിയുടെയും ശ്ലോക മേത്തയുടെയും അടുത്ത സുഹൃത്തുക്കളായ രൺബീർ കപൂറും ആലിയ ഭട്ടും പങ്കെടുക്കും.

മെയ് 28 നും 30 നും ഇടയിൽ നടക്കുന്ന പ്രീ വെഡിങ്ങിന് ദക്ഷിണ ഫ്രാൻസിൻ്റെ തീരത്ത് ഒരു ക്രൂയിസ് കപ്പൽ ആതിഥേയത്വം വഹിക്കും.  ക്രൂയിസ് കപ്പൽ ഇറ്റലിയിൽ നിന്ന് പുറപ്പെട്ട് ദക്ഷിണ ഫ്രാൻസിൽ യാത്ര അവസാനിപ്പിക്കും.  ഈ ആഘോഷത്തിനായി മൊത്തം 800 അതിഥികളെ ക്ഷണിക്കും.  ഈ ക്രൂയിസ് കപ്പലിൽ ഉള്ള  600 സ്റ്റാഫ് അംഗങ്ങൾ  800 അതിഥികളുടെ താമസം മുതൽ ഭക്ഷണം വരെയുള്ള എല്ലാ ആവശ്യങ്ങളും നിറവേറ്റും.

മെയ് 28 ന് ഇറ്റലിയിൽ നിന്ന് ആരംഭിക്കുന്ന ക്രൂയിസ്  4380 കിലോമീറ്റർ  ദൂരം സഞ്ചരിക്കും. തങ്ങളുടെ ഇളയ മകൻ അനന്ത് അംബാനിയുടെയും പ്രതിശ്രുത വരൻ രാധിക മർച്ചൻ്റിൻ്റെയും വിവാഹത്തിന് മുമ്പുള്ള ചടങ്ങുകൾ മാർച്ച് 1 മുതൽ 3 വരെ ജാംനഗറിൽ അംബാനി നടത്തിയിരുന്നു. ലോകത്തിന്റെ വിവിധ. ഭാഗങ്ങളിൽ നിന്നുള്ള വിശിഷ്ടവ്യക്തികൾ ആ ചടങ്ങിന് എത്തിയിരുന്നു.

 അനന്ത് അംബാനിയും രാധിക മെർച്ചൻ്റും ജൂലൈ 12 ന് വിവാഹിതരാകാൻ ഒരുങ്ങുകയാണ്.

^{The extravagant pre-wedding celebration of Anant Ambani and Radhika Merchant aboard a luxurious cruise from Italy to Southern France. Learn about the star-studded guest list and lavish arrangements planned by Mukesh and Nita Ambani.}