എഐ രംഗത്ത് ചാറ്റ് ജിപിടിയുമായി (ChatGPT) മത്സരമില്ലെന്ന്‌ ഇന്ത്യൻ ടെക് ഭീമനായ സോഹോ (Zoho) സിഇഒ മണി വെമ്പു (Mani Vembu). ചാറ്റ് ജിപിടി പോലുള്ള പൊതു ആവശ്യത്തിനുള്ള എഐ മോഡലുകളുമായി (General-purpose AI models) മത്സരിക്കുന്നതിനു പകരം പ്രത്യേക ബിസിനസ്സ് ആവശ്യങ്ങൾ നിറവേറ്റുന്നതിനായുള്ള ഇൻ-ഹൗസ് എഐ പരിഹാരങ്ങൾ വികസിപ്പിക്കുന്നതിലാണ് സോഹോ ശ്രദ്ധ കേന്ദ്രീകരിക്കുന്നതെന്ന് അദ്ദേഹം വ്യക്തമാക്കി.
വെർട്ടിക്കൽ SaaS (Vertical SaaS) പോലുള്ളവ ഇരട്ടിയാക്കുന്നതിലാണ് കമ്പനി ശ്രദ്ധ നൽകുന്നത്. പ്രത്യേക വ്യവസായങ്ങൾക്ക് ഇഷ്ടാനുസൃത പരിഹാരങ്ങൾ നൽകുന്നതിനായാണിത്. ഓട്ടോ ഡീലർഷിപ്പ് മാനേജ്‌മെന്റ് (DMS), BFSI പോലുള്ള വ്യവസായങ്ങളിലേക്കും കമ്പനി വേഗത്തിൽ ചുവടുവെയ്ക്കുകയാണെന്നും അദ്ദേഹം പറഞ്ഞു. ചാറ്റ് ജിപിടി പോലുള്ളവയുമായി കമ്പനിക്ക് മത്സരിക്കേണ്ട കാര്യമില്ലെന്നും നിർദ്ദിഷ്ട ബിസിനസ്സ് ആവശ്യങ്ങൾക്കായി പരിഹാരം വാഗ്ദാനം ചെയ്യുകയാണ് സോഹോയുടെ ലക്ഷ്യമെന്നും അദ്ദേഹം കൂട്ടിച്ചേർത്തു.
Zoho CEO Mani Vembu states the company isn’t competing with ChatGPT, instead focusing on developing in-house AI solutions for unique business needs and vertical SaaS.
