ഉത്തർപ്രദേശിൽ തങ്ങളുടെ ആദ്യ നിർമ്മാണ കേന്ദ്രം ഉദ്ഘാടനം ചെയ്തിരിക്കുകയാണ് അശോക് ലെയ്ലാൻഡ്. ലോകത്തിലെ ഏറ്റവും മികച്ച 10 വാണിജ്യ വാഹന നിർമ്മാതാക്കളിൽ ഒന്നാകുകയാണ് ഗ്രൂപ്പിന്റഎ ലക്ഷ്യമെന്ന് ഹിന്ദുജ ഗ്രൂപ്പ് ചെയർമാൻ ധീരജ് ഹിന്ദുജ പറഞ്ഞു. അശോക് ലെയ്ലാൻഡിന്റെ അത്യാധുനിക ഇലക്ട്രിക് വാഹന (ഇവി) നിർമ്മാണ പ്ലാന്റിന്റെ ഉദ്ഘാടന വേളയിൽ സംസാരിക്കുകയായിരുന്നു ഹിന്ദുജ. പുതിയ പ്ലാന്റ് കമ്പനിക്കും സംസ്ഥാനത്തിനും ഒരു സുപ്രധാന നാഴികക്കല്ലാണെന്ന് അദ്ദേഹം പറഞ്ഞു.
ഉത്തർപ്രദേശിലെ ആദ്യത്തെ നിർമ്മാണ കേന്ദ്രമാണിത്, നിർണായക പ്രവർത്തനത്തിലൂടെ കാഴ്ചപ്പാട് പൊരുത്തപ്പെടുമ്പോൾ എന്ത് നേടാനാകുമെന്നതിന്റെ പ്രതീകമായി ഇത് നിലകൊള്ളുന്നുതായും അദ്ദേഹം പറഞ്ഞു. ഭാവിയിലേക്ക് ഉൽപാദനം മെച്ചപ്പെടുത്തുന്നതിനും ഡിജിറ്റൽ പ്രക്രിയകൾ മെച്ചപ്പെടുത്തുന്നതിനും ഇലക്ട്രിക്, ബദൽ ഇന്ധനം, ഉയർന്നുവരുന്ന പ്രൊപ്പൽഷൻ സാങ്കേതികവിദ്യകൾ എന്നിവ ഉപയോഗിച്ച് വാഹനങ്ങൾ നിർമ്മിക്കുന്നതിനുള്ള വഴക്കത്തോടെയുമാണ് ലഖ്നൗ പ്ലാന്റ് രൂപകൽപ്പന ചെയ്തിരിക്കുന്നതെന്ന് ധീരജ് ഹിന്ദുജ പറഞ്ഞു. ഭൂമി ഏറ്റെടുക്കൽ മുതൽ ഉത്പാദനം വരെയുള്ള വെറും 14 മാസത്തിനുള്ളിൽ ഈ സൗകര്യം പൂർത്തിയായതായി അദ്ദേഹം വ്യക്തമാക്കി.
പ്രതിവർഷം 5,000 വാഹനങ്ങൾ നിർമ്മിക്കാൻ ശേഷിയുള്ള പ്ലാന്റ്, കേന്ദ്ര ഘന വ്യവസായ മന്ത്രി എച്ച്ഡി കുമാരസ്വാമിയുടെയും മറ്റ് മുതിർന്ന നേതാക്കളുടെയും സാന്നിധ്യത്തിൽ പ്രതിരോധ മന്ത്രി രാജ്നാഥ് സിങ്ങും മുഖ്യമന്ത്രി യോഗി ആദിത്യനാഥും ചേർന്ന് ഉദ്ഘാടനം ചെയ്തു.
Ashok Leyland aims to become one of the global top 10 commercial vehicle makers. Chairman Dheeraj Hinduja inaugurates a state-of-the-art EV plant in Lucknow, Uttar Pradesh.
