പ്രധാന ഇലക്ട്രിക് വാഹന ഘടകങ്ങളുടെ ആഭ്യന്തര ഉൽപ്പാദനം വർദ്ധിപ്പിക്കാൻ ലക്ഷ്യമിട്ടുള്ള പുതിയ ഇലക്ട്രിക് വാഹന സാങ്കേതികവിദ്യ പുറത്തിറക്കി കേന്ദ്ര സർക്കാർ. നൂതന പവർ ഇലക്ട്രോണിക്സിൽ ഇന്ത്യയുടെ കഴിവുകൾ ശക്തിപ്പെടുത്തുന്നതിനുള്ള ശ്രമങ്ങളുടെ ഭാഗമായി 30 kW വൈഡ് ബാൻഡ് ഗ്യാപ് (WBG) അടിസ്ഥാനമാക്കിയുള്ള ഇന്റഗ്രേറ്റഡ് ഡ്രൈവ് സിസ്റ്റം (IDS) മദ്രാസ് ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയിലാണ് ആരംഭിച്ചിരിക്കുന്നത്.
തിരുവനന്തപുരത്തെ സെന്റർ ഫോർ ഡെവലപ്മെന്റ് ഓഫ് അഡ്വാൻസ്ഡ് കമ്പ്യൂട്ടിംഗ് ആണ് ഈ സിസ്റ്റം വികസിപ്പിച്ചെടുത്തത്. ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം (MeitY), നാഷണൽ മിഷൻ ഓൺ പവർ ഇലക്ട്രോണിക്സ് ടെക്നോളജി (NaMPET), ഐഐടി മദ്രാസ്, ലൂക്കാസ് ടിവിഎസ് എന്നിവയുമായി സഹകരിച്ചാണ് പദ്ധതി. കോംപാക്റ്റ് കാറുകളും ഷെയേർഡ് മൊബിലിറ്റി ഫ്ലീറ്റുകളും ഉൾപ്പെടെ ഇന്ത്യയിലെ അതിവേഗം വളരുന്ന ഇലക്ട്രിക് പാസഞ്ചർ വാഹന വിഭാഗത്തിന് 30 kW പവർ വിഭാഗം പ്രത്യേകിച്ചും അനുയോജ്യമാണെന്ന് അധികൃതർ വ്യക്തമാക്കി.
നിലവിൽ, ഉയർന്ന പ്രകടനമുള്ള ഇലക്ട്രിക് വാഹന പവർട്രെയിൻ സിസ്റ്റംസും സെമികണ്ടക്ടർ അധിഷ്ഠിത ഘടകങ്ങളും വലിയ തോതിൽ രാജ്യത്തേക്ക് ഇറക്കുമതി ചെയ്യപ്പെടുകയാണ്. പുതിയ സാങ്കേതികവിദ്യയോടെ ഈ അവസ്ഥയ്ക്ക് മാറ്റം വരും. പ്രാദേശികവൽക്കരണത്തിലൂടെ ചെലവ് കുറയ്ക്കാനും സഹായിക്കും.
Boosting domestic EV manufacturing, the Govt unveils a 30kW Wide Band Gap (WBG) Integrated Drive System developed by C-DAC Thiruvananthapuram and launched at IIT Madras.
