ഇറാനിയൻ ഡ്രോൺ ആക്രമണത്തിനു പിന്നാലെ ദുബായ് അന്താരാഷ്ട്ര വിമാനത്താവളത്തിനു സമീപം വൻ തീപിടുത്തം. സംഭവത്തെത്തുടർന്ന് ദുബായ് വിമാനത്താവളത്തിന്റെ പ്രവർത്തനം താൽക്കാലികമായി നിർത്തിവെച്ചിരിക്കുകയാണ്. ഇന്ധന ടാങ്കിൽ ഡ്രോൺ ഇടിച്ചതിനെ തുടർന്നാണ് തീപിടുത്തമുണ്ടായത്. തുടർന്ന് അടിയന്തര സംഘങ്ങൾ ഉടൻ തന്നെ സ്ഥലത്തെത്തി വിമാന സർവീസുകൾ നിർത്തുകയായിരുന്നു.
തീയണയ്ക്കാനുള്ള ഊർജിത ശ്രമങ്ങളിലാണ് ദുബായ് സിവിൽ ഡിഫൻസ്. തീ നിയന്ത്രണവിധേയമാക്കാൻ ദുബായ് സിവിൽ ഡിഫൻസ് ജീവനക്കാരെ ഉടൻ വിന്യസിച്ചതായും സമീപത്ത് സുരക്ഷാ നടപടികൾ സജീവമാക്കിയതിനാൽ ആർക്കും പരിക്കുകളൊന്നും റിപ്പോർട്ട് ചെയ്തിട്ടില്ലെന്നും അധികൃതർ അറിയിച്ചു. സുരക്ഷ ഉറപ്പാക്കാനുള്ള എല്ലാ നടപടികളും സ്വീകരിച്ചതായി അധികൃതർ പറഞ്ഞു.
അതേസമയം, മിഡിൽ ഈസ്റ്റ് സംഘർഷം ആരംഭിച്ചതിനുശേഷം ഇറാൻ യുണൈറ്റഡ് അറബ് എമിറേറ്റ്സിലേക്ക് 1,800ലധികം മിസൈലുകളും ഡ്രോണുകളും പ്രയോഗിച്ചതായാണ് റിപ്പോർട്ട്. ദുബായ് ഇന്റർനാഷണൽ എയർപോർട്ടിന് (DXB) സമീപം ഉണ്ടായ ഡ്രോൺ സംഭവം ഇന്ധന ടാങ്കുകളിലൊന്നിനെ ബാധിച്ചതായി ദുബായ് മീഡിയ ഓഫീസ് എക്സ് പോസ്റ്റിലൂടെ അറിയിച്ചു.
A suspected Iranian drone strike hit a fuel tank near Dubai International Airport (DXB) on March 16, 2026, causing a massive fire and halting all flight operations. Dubai Civil Defence is on-site; no injuries reported amid escalating regional tensions.
