ഉഭയകക്ഷി സാമ്പത്തിക സഹകരണം വർധിപ്പിക്കുന്നതിന്റെ ഭാഗമായി സൗദി-പാകിസ്താൻ ജോയിന്റ് ബിസിനസ് കൗൺസിലിന്റെ (SPJBC) നേതൃത്വത്തിൽ പുതിയ ഇക്വിറ്റി ഫണ്ട് രൂപീകരിച്ചു. ഇരു രാജ്യങ്ങളിലെയും മുൻനിര നിക്ഷേപകർ കൈകോർക്കുന്ന ഈ ഫണ്ടിന്റെ തുടക്കത്തിലുള്ള മൂല്യം നൂറുകണക്കിന് മില്യൺ ഡോളറാണ്. ഭാവിയിലെ നിക്ഷേപ അവസരങ്ങൾ കണക്കിലെടുത്ത് ഫണ്ടിന്റെ വലുപ്പം ഇനിയും വർധിപ്പിക്കുമെന്ന് പാകിസ്താൻ ടെലിവിഷൻ (PTV) വ്യക്തമാക്കി.
ധാരണ പ്രകാരം ഫണ്ടിന്റെ 75 ശതമാനം തുകയും പാകിസ്താനിലെ അടിസ്ഥാന സൗകര്യ വികസനത്തിനും മറ്റ് പ്രോജക്ടുകൾക്കുമാണ് മാറ്റിവെക്കുക. ബാക്കി 25 ശതമാനം സൗദി അറേബ്യയിലെ നിക്ഷേപങ്ങൾക്കായി ഉപയോഗിക്കും. തകർച്ച നേരിടുന്ന പാകിസ്താൻ സമ്പദ്‌വ്യവസ്ഥയ്ക്ക് ഉത്തേജനം നൽകാനും ഇരുരാജ്യങ്ങളും തമ്മിലുള്ള നയതന്ത്ര-വ്യാവസായിക ബന്ധം കൂടുതൽ ആഴത്തിലാക്കാനും ഈ പുതിയ സാമ്പത്തിക പങ്കാളിത്തം സഹായിക്കുമെന്നാണ് വിലയിരുത്തപ്പെടുന്നത്.
Pakistan and Saudi Arabia establish a multi-million-dollar joint private equity fund, directing 75 percent of investments toward infrastructure projects in Pakistan
