Author: News Desk
പരാജയങ്ങളിലും പ്രതിസന്ധികളിലും തളരാത്ത ആത്മവിശ്വാസമാണ് ഒരു എന്‍ട്രപ്രണറുടെ വിജയത്തിന്റെ ആണിക്കല്ല്. ലോകത്തെ ഒന്നാം നമ്പര്‍ ഇ കൊമേഴ്‌സ് സ്ഥാപനമായ ആലിബാബയുടെ സ്ഥാപകന്‍ ജാക് മായുടെ ജീവിതം ഏതൊരു എന്‍ട്രപ്രണര്‍ക്കും പ്രചോദനമാണ്. മുപ്പതോളം ജോലിക്ക് ശ്രമിച്ചു. പക്ഷെ എല്ലായിടത്തും പരാജയപ്പെട്ടു. പൊലീസില്‍ ചേരാന്‍ പോയപ്പോള്‍ യോഗ്യനല്ലെന്ന്‌പറഞ്ഞാണ് ഒഴിവാക്കിയത്. സ്വന്തം നഗരത്തില്‍ തുറന്ന കെഎഫ്സി യൂണിറ്റില്‍ ജോലിക്ക് അപേക്ഷിച്ചെങ്കിലും ഒപ്പം ഇന്റര്‍വ്യൂവിനെത്തിയ 23 പേര്‍ക്കും പ്രവേശനം കിട്ടി. പക്ഷെ ജാക് മാ ഒഴിവാക്കപ്പെട്ടു. (വീഡിയോ കാണുക) 1964 ല്‍ ചൈനയിലെ ഹാങ്ഷൂവില്‍ ജനിച്ച ജാക് മാ കുട്ടിക്കാലം മുതല്‍ ഇംഗ്ലീഷ് പഠിക്കാന്‍ കഠിനമായി പരിശ്രമിച്ചിരുന്നു. ഇതിനായി ദിവസവും 40 മിനിറ്റിലധികം ബൈക്കില്‍ സഞ്ചരിച്ച് ഹാങ്ഷൂ ഹോട്ടലിലെത്തി അതിഥികളുമായി ആശയവിനിമയം നടത്തി. ഒന്‍പത് വര്‍ഷത്തോളം ഇത് തുടര്‍ന്നു. ഇംഗ്ലീഷില്‍ ബിരുദം നേടിയ ശേഷം അധ്യാപകനായി. ബിരുദപഠനത്തിനുളള എന്‍ട്രന്‍സില്‍ മൂന്ന് തവണയാണ് ജാക് മാ പരാജയപ്പെട്ടത്. ജീവിതത്തിന്റെ ഉയരങ്ങള്‍ താണ്ടാന്‍ അതികഠിനമായി പരിശ്രമിച്ച ജാക് മായ്ക്ക് ബിസിനസ്…
ടെക്‌നോളജിക്കും ക്രിയേറ്റിവിറ്റിക്കും അപ്പുറം മാനേജീരിയല്‍ കപ്പാസിറ്റിയാണ് ഒരു എന്‍ട്രപ്രണര്‍ക്ക് വേണ്ടതെന്ന് വി-ഗാര്‍ഡ് ഇന്‍ഡസ്ട്രീസ് ചെയര്‍മാന്‍ കൊച്ചൗസേപ്പ് ചിറ്റിലപ്പിളളി. സ്ഥാപനത്തെ അടുത്ത പടിയിലേക്ക് കൈപിടിച്ചുയര്‍ത്തുന്നതിന് വേണ്ടതും ഫിനാന്‍സിലും എച്ച്ആര്‍ മാനേജ്‌മെന്റിലുമുളള കൈയ്യടക്കമാണെന്നും അദ്ദേഹം ചൂണ്ടിക്കാട്ടി. കൊച്ചി, കളമശേരി മേക്കര്‍ വില്ലേജില്‍ കേരള സ്റ്റാര്‍ട്ടപ്പ് മിഷന്‍ സംഘടിപ്പിച്ച ജൂലൈ എഡിഷന്‍ മീറ്റപ്പ് കഫെയില്‍ സംസാരിക്കുകയായിരുന്നു അദ്ദേഹം. മികച്ച സൗകര്യങ്ങളോട് കൂടിയ ഇന്ത്യയിലെ നമ്പര്‍ വണ്‍ ടെക്‌നിക്കല്‍ സോണ്‍ ആയി മേക്കര്‍ വില്ലേജ് മാറുകയാണെന്ന് സിഇഒ പ്രസാദ് ബി നായര്‍ വ്യക്തമാക്കി.(വീഡിയോ കാണുക) നാല്‍പത് വര്‍ഷങ്ങള്‍ക്ക് മുന്‍പ് വി ഗാര്‍ഡ് തുടങ്ങുന്ന കാലം ഓര്‍ത്തെടുത്താണ് കൊച്ചൗസേപ്പ് ചിറ്റിലപ്പിളളി സംസാരിച്ചു തുടങ്ങിയത്. അന്ന് കേരള സ്റ്റാര്‍ട്ടപ്പ് മിഷനും മേക്കര്‍ വില്ലേജും പോലുളള പ്ലാറ്റ്‌ഫോമുകള്‍ ഉണ്ടായിരുന്നില്ല. ഗൈഡന്‍സ് നല്‍കാനും ആളുകള്‍ കുറവായിരുന്നുവെന്ന് അദ്ദേഹം ചൂണ്ടിക്കാട്ടി. രാജ്യമാകമാനമുളള എന്‍ട്രപ്രണേഴ്‌സിന് മികച്ച പ്ലാറ്റ്‌ഫോമാണ് കേരള സ്റ്റാര്‍ട്ടപ്പ് മിഷനും മേക്കര്‍ വില്ലേജും ഒരുക്കുന്നത്. ആ സൗകര്യങ്ങള്‍ പ്രയോജനപ്പെടുത്തണമെന്ന് മെന്റര്‍ഗുരു ഡയറക്ടര്‍ എസ്.ആര്‍. നായര്‍…
സാങ്കേതിക മേഖലയിലെ മാറ്റത്തിന് അനുസരിച്ച് ജീവനക്കാരെ പ്രാപ്തരാക്കാന്‍ കമ്പനികള്‍ തയ്യാറാകണം. ആവശ്യമായ പരിശീലനം നല്‍കണം. അതിനായി നിക്ഷേപം നടത്താന്‍ കമ്പനികള്‍ തയ്യാറാകണം. സാങ്കേതികവിദ്യയിലെ മാറ്റങ്ങള്‍ പഠിക്കാന്‍ ജീവനക്കാരും താല്‍പര്യം കാണിക്കണം. ഐടി മേഖലയില്‍ തൊഴില്‍ പ്രതിസന്ധി ഉണ്ടെന്ന പ്രചാരണം വാസ്തവമല്ല. ഗ്രോത്ത് റേറ്റ് മന്ദഗതിയിലായതിനാല്‍ റിക്രൂട്ട്‌മെന്റ് കുറഞ്ഞു. ക്രിസ് ഗോപാലകൃഷ്ണന്‍ മുന്‍ സിഇഒ ഇന്‍ഫോസിസ്
രാജ്യത്തെ സ്റ്റാര്‍ട്ടപ്പ് ഇക്കോ സിസ്റ്റത്തിന്റെ വളര്‍ച്ചയിലൂടെ രാജ്യം നേരിടുന്ന പ്രധാന വെല്ലുവിളിയായ തൊഴിലില്ലായ്മ കൂടിയാണ് പരിഹരിക്കപ്പെടുന്നതെന്ന് റ്റി-ഹബ്ബ് സിഇഒ ജയ് കൃഷ്ണന്‍. ആവശ്യത്തിന് തൊഴിലസരങ്ങള്‍ സൃഷ്ടിക്കുകയെന്നത് വര്‍ഷങ്ങളായി സര്‍ക്കാര്‍ നേരിടുന്ന വെല്ലുവിളിയാണ്. എന്നാല്‍ ലോകത്തെ മുഴുവന്‍ സ്ഥിതി കണക്കിലെടുക്കുമ്പോള്‍ ഈ പ്രതിസന്ധി പരിഹരിക്കുന്നതില്‍ സ്റ്റാര്‍ട്ടപ്പുകള്‍ വിജയിക്കുന്നുണ്ടെന്ന് വേണം മനസിലാക്കാനെന്ന് ജയ് കൃഷ്ണന്‍ ചൂണ്ടിക്കാട്ടി. ഒരു പൊതുവായ പ്രശ്‌നത്തിന് സൊല്യൂഷന് തേടുകയാണ് സ്റ്റാര്‍ട്ടപ്പുകള്‍ സാധാരണ ചെയ്യുന്നത്. ഈ സൊല്യൂഷന് ഒപ്പം തന്നെ കുറച്ച് തൊഴിലവസരങ്ങള്‍ സൃഷ്ടിക്കാനും സ്റ്റാര്‍ട്ടപ്പുകള്‍ക്ക് കഴിയുന്നുണ്ട്. ഇന്ത്യയിലെ സ്റ്റാര്‍ട്ടപ്പ് ഇക്കോ സിസ്റ്റം തൊഴിലവസരങ്ങള്‍ ഒരുക്കുമെന്ന കാര്യം ഉറപ്പിച്ച് പറയാന്‍ കഴിയുമെന്നും ജയ് കൃഷ്ണന്‍ ചൂണ്ടിക്കാട്ടി. ലോകത്ത് ടെക്നോളജിയില് വിപ്ലവകരമായ പല മാറ്റങ്ങള്‍ക്കും വേദിയാകുന്ന കാലത്താണ് നമ്മള്‍ ജീവിക്കുന്നത്. രാജ്യം ഒരു പ്രത്യേക തലത്തിലേക്ക് വളരണമെങ്കില്‍ ശാസ്ത്ര, സാങ്കേതിക മേഖലകളില്‍ മികച്ച അടിത്തറ ആവശ്യമാണ്. അതിന് നമ്മുടെ വിദ്യാഭ്യാസ രീതി കാലത്തിനൊത്ത് മാറണം. ആര്‍ട്ടിഫിഷല്‍ ഇന്റലിജന്‍സും മെഷീന്‍ ലേണിംഗും ഒക്കെ വളരെ…
ഏതൊരു സംരംഭവും തുടങ്ങുന്നതിനെക്കാള്‍ വെല്ലുവിളിയാണ് വളര്‍ച്ചയുടെ ഘട്ടങ്ങളില്‍ ആവശ്യമായ ഫണ്ടിംഗ് കണ്ടെത്തുകയെന്നത്. സംരംഭത്തിന്റെ ആശയവും റിട്ടേണും ഒക്കെ കൃത്യമായി ബോധ്യപ്പെട്ടെങ്കില്‍ മാത്രമേ ഒരു നിക്ഷേപകന്‍ പണം മുടക്കാന്‍ തയ്യാറാകുകയുളളു. സംരംഭങ്ങള്‍ക്ക് പണം കണ്ടെത്താനുളള ഏഴ് വഴികള്‍ വിശദമാക്കുകയാണ് മെന്റര്‍ എസ്.ആര്‍ നായര്‍. (വിശദമായി മനസിലാക്കാന്‍ വീഡിയോ കാണുക) 1 ബൂട്സ്ട്രാപ്പ് ഫണ്ടിംഗ് നമുക്ക് വേണ്ടപ്പെട്ടവരില്‍ നിന്ന് ബന്ധുക്കളില്‍ നിന്നോ സുഹൃത്തുക്കളില്‍ നിന്നോ ഒക്കെ സംഭരിക്കുന്ന തുക. സംരംഭം തുടങ്ങുമ്പോള്‍ മിക്കവരും ആദ്യഘട്ടത്തില്‍ പണം കണ്ടെത്തുന്നത് ബൂട്സ്ട്രാപ്പ് രീതിയിലാണ്. 2 ക്രൗഡ് ഫണ്ടിംഗ് സോഷ്യല്‍ എന്‍ട്രപ്രണര്‍ഷിപ്പിലും കമ്മ്യൂണിറ്റി ബേസ്ഡ് എന്‍ട്രപ്രണര്‍ഷിപ്പിലുമാണ് സാധാരണ രീതിയില്‍ ക്രൗഡ് ഫണ്ടിംഗ് നടക്കുന്നത്. പല ആളുകള്‍ ചേര്‍്ന്നാണ് ക്രൗഡ് ഫണ്ടിംഗ് നടത്തുന്നത്. തുകയുടെ വലുപ്പവും വ്യത്യസ്തമായിരിക്കും. 3 എച്ച്എന്‍ഐ ഫണ്ടിംഗ് (ഹൈ നെറ്റ്വര്‍ത്ത് ഇന്‍ഡിവിജ്വല്‍ ഫണ്ടിംഗ്) പരിചയക്കാരുടെയും മറ്റും റെക്കമെന്റേഷനിലൂടെയാണ് എച്ച്എന്‍ഐ ഫണ്ടിംഗ് സംഭവിക്കുന്നത്. ഒരു വ്യക്തി അയാളുടെ സമ്പാദ്യം ഒരു സംരംഭത്തിലേക്ക് നിക്ഷേപിക്കുന്ന രീതിയാണിത്. 4 ഏയ്ഞ്ചല്‍…
കോട്ടയം ജില്ലയിലെ വൈക്കത്ത് നിന്ന് തവണക്കടവിലേക്കും തിരിച്ചും സര്‍വ്വീസ് നടത്തുന്ന ആദിത്യ എന്ന ഇന്ത്യയിലെ ആദ്യ സോളാര്‍ പാസഞ്ചര്‍ ഫെറി സര്‍വ്വീസ് ഇന്ന് കേരളത്തിലെ പുതിയ ബിസിനസ് ആശയങ്ങളില്‍ വിജയിച്ച മോഡലാണ്. ആദിത്യയുടെ നിര്‍മാണഘട്ടത്തില്‍ അതിന്റെ ശില്‍പി സന്ദിത് തണ്ടാശേരി നേരിട്ട വെല്ലുവിളികള്‍ പലതായിരുന്നു. പല കോണുകളില്‍ നിന്നും എതിര്‍പ്പുകള്‍ തലപൊക്കി. ഇത്തരമൊരു ആശയം പ്രാവര്‍ത്തികമാകില്ലെന്നും ഫെറി ഓടില്ലെന്നും പലരും പ്രചരിപ്പിച്ചു. പൊതുപണം ദുര്‍വ്വിനിയോഗം ചെയ്യുകയാണെന്ന് ആരോപിച്ച് കോടതിയെ വരെ സമീപിച്ചു. ആ ഘട്ടത്തില്‍ ആളുകളെ ബോധ്യപ്പെടുത്താന്‍ കഴിയാത്ത നിസ്സഹായാവസ്ഥയിലായിരുന്നുവെന്ന് സന്ദിത് പറയുന്നു.(വീഡിയോ കാണുക) പ്രമുഖരായവര്‍ പോലും ഇതേ അഭിപ്രായങ്ങളുമായി വന്നപ്പോള്‍ എങ്ങനെ ആളുകളെ കണ്‍വിന്‍സ് ചെയ്യുമെന്ന് ആലോചിച്ചു. ആ സമയത്ത് വളരെ ടെന്‍ഷന്‍ അനുഭവിച്ചിരുന്നു. ഫെറി ഓടില്ലെന്ന് അവര്‍ പറയുമ്പോള്‍ തെളിയിക്കുന്നതുവരെ ഓടും എന്ന് പറയാന്‍ മാത്രമേ കഴിയൂവെന്ന് സന്ദിത് ചൂണ്ടിക്കാട്ടി. പണി പൂര്‍ത്തിയായി ആദ്യ പരീക്ഷണം നടത്തുന്നതു വരെ ഈ ആശങ്ക അലട്ടിയിരുന്നു. ഒടുവില്‍ ട്രയല്‍ കഴിഞ്ഞപ്പോള്‍ മാത്രമാണ്…
ഗതാഗത സംവിധാനത്തിലെ പുതിയ തരംഗമാണ് ഹൈപ്പര്‍ലൂപ്പുകള്‍. ടെക്നോളജിയില് മുന്നില്‍ നില്‍ക്കുന്ന പാശ്ചാത്യരാജ്യങ്ങള്‍ക്കൊപ്പം ഇന്ത്യയുടെ സ്വന്തം ഹൈപ്പര്‍ലൂപ്പുകള്‍ ഉണ്ടാക്കാനുളള ശ്രമത്തിലാണ് ബംഗലൂരുവില്‍ ഒരു കൂട്ടം എന്‍ജിനീയര്‍മാര്‍. അതിശയകരമായ ഈ ടെക്നോളജി ഇന്നവേഷനില്‍, രാജ്യത്തെ റെപ്രസന്റ് ചെയ്ത് അമേരിക്കയിലെത്താന്‍ ഒരുങ്ങുകയാണ് മലയാളികള്‍ ഉള്‍പ്പെടുന്ന ഈ സംഘം. ലോകത്തെ ഏറ്റവും മികച്ച ഹൈപ്പര്‍ലൂപ്പ് പോഡുകള്‍ ഡെവലപ് ചെയ്യാന്‍ കാലിഫോര്‍ണിയയിലെ സ്പെയ്സ് എക്സ് കമ്പനി നടത്തിയ ചലഞ്ചാണ് ഇവരെ ഒരു പരീക്ഷണത്തിന് പ്രേരിപ്പിച്ചത്.(വീഡിയോ കാണുക) വിവിധ രാജ്യങ്ങളില്‍ നിന്ന് 1200 ടീമുകള്‍ പങ്കെടുത്ത ചലഞ്ചില്‍ 24 ടീമുകള്‍ ഫൈനലിലെത്തി. ഇതില്‍ ഏഷ്യയില്‍ നിന്നുളള രണ്ട് ടീമുകള്‍ മാത്രമാണുളളത്. ജപ്പാനില്‍ നിന്നുളള സംഘമാണ് മറ്റൊന്ന്. ഡിസൈനിംഗിലെ പല തലങ്ങളും കര്‍ശനമായ സ്‌ക്രൂട്ടനിങ്ങും പിന്നിട്ടാണ് ടീമുകള്‍ അവസാന റൗണ്ടിലെത്തിയത്. ബംഗലൂരുവിലെ വര്‍ക്ക് ബെഞ്ച് പ്രൊജക്ട്സിലാണ് പോഡ് വികസിപ്പിക്കുന്നത്. ഐഐഎം അഹമ്മദാബാദ്, ഐഎസ്ബി, ബിര്‍ല ഇന്‍സ്റ്റിറ്റ്യൂട്ട് ഓഫ് ടെക്നോളജി ആന്‍ഡ് സയന്‍സ് എന്‍ഐഡി അഹമ്മദാബാദ് എന്നിവിടങ്ങളിലെ വിദ്യാര്‍ത്ഥികള്‍ അടക്കമുളളവരാണ് സംഘത്തില്‍ ഉളളത്.…
തുടക്കക്കാരായ എന്‍ട്രപ്രണേഴ്‌സിനും സ്റ്റാര്‍ട്ടപ്പുകള്‍ക്കും മാര്‍ക്കറ്റിംഗിലും സെയില്‍സിലും ഉള്‍പ്പെടെ വിലയേറിയ അറിവുകളാണ് ഓരോ സ്റ്റാര്‍ട്ടപ്പ് സാറ്റര്‍ഡേയിലും ഹെഡ്സ്റ്റാര്‍ട്ട് നല്‍കുന്നത്. കോഴിക്കോട് ഐഐഎമ്മില്‍ നടന്ന സ്റ്റാര്‍ട്ടപ്പ് സാറ്റര്‍ഡേയില്‍ സോഷ്യല്‍ എന്‍ട്രപ്രണര്‍ഷിപ്പ് ആയിരുന്നു വിഷയം. ചാരിറ്റിയും സോഷ്യല്‍ എന്‍ട്രപ്രണര്‍ഷിപ്പും എങ്ങനെ വ്യത്യാസപ്പെട്ടിരിക്കുന്നുവെന്നും ചര്‍ച്ചയായി. കേരള സ്റ്റാര്‍ട്ടപ്പ് മിഷന്റെയും കാലിക്കറ്റ് ഫോറം ഫോര്‍ ഐടിയുടെയും ടിങ്കര്‍ ഹബ്ബിന്റെയും സഹകരണത്തോടെ ആയിരുന്നു പരിപാടി. സമൂഹമെന്ന പൊതു കാഴ്ചപ്പാടില്‍ സോഷ്യല്‍ എന്‍ട്രപ്രണര്‍ഷിപ്പിന്റെ സാദ്ധ്യത എത്രത്തോളം വലുതാണെന്ന് വില്‍ഗ്രോയുടെ ഉല്ലാസ് മാരാര്‍ വിശദീകരിച്ചു. കമ്മ്യൂണിറ്റി ടൂറിസം രംഗത്ത് ശ്രദ്ധേയ നേട്ടങ്ങള്‍ കൈവരിച്ച കബനി കമ്മ്യൂണിറ്റി ടൂറിസം എംഡി സുമേഷ് മംഗലശേരി ടൂറിസം രംഗത്തെ പുതിയ സാദ്ധ്യതകളെക്കുറിച്ച് വിശദീകരിച്ചു. കേരളത്തിലെ ടൂറിസം മേഖല ഇന്ന് നേരിടുന്ന വെല്ലുവിളികളും അതിനെ എങ്ങനെ നേരിടാമെന്നും ടൂറിസം രംഗത്തെ പുതിയ മാര്‍ക്കറ്റിംഗ് സാദ്ധ്യതകളും അത് എങ്ങനെ കേരളത്തിലേക്ക് കൊണ്ടുവരാന്‍ കഴിയുമെന്നതും അദ്ദേഹം വ്യക്തമാക്കി. ഫണ്ടിംഗിന്റെയും മെന്ററിംഗിന്റെയും ഇന്‍കുബേഷന്റെയും വിവിധ വശങ്ങളെക്കുറിച്ച് നടന്ന പാനല്‍ ഡിസ്‌കഷനില്‍ എന്‍ട്രപ്രണര്‍ അഞ്ജലി…
കേരളത്തിന്‍റെ ഓണ്‍ട്രപ്രണര്‍ ഡവലപെമെന്‍റിന് നയം കൊണ്ടും നിലപാട് കൊണ്ടും വിപ്ലവകരമായ മാറ്റമാണ് കെഎസ്ഐഡിസി നടപ്പിലാക്കിയിരിക്കുന്നത്. കേരളത്തിലെ ഇന്നത്തെ വ്യവസായിക സൗഹൃദ അന്തരീക്ഷം കെട്ടിപ്പടുക്കുന്നതില്‍ കെഎസ്ഐഡിസി വഹിച്ച പങ്ക് വലുതാണ്. സംരംഭകര്‍ക്ക് സാമ്പത്തിക സഹായം എന്നതിനപ്പുറം ബിസിനസിന്റെ തുടക്കം മുതല്‍ വളര്‍ച്ചയുടെ ഓരോ ഘട്ടത്തിലും അവര്‍ക്കൊപ്പം നില്‍ക്കുന്ന ബഹുമുഖ ഏജന്‍സിയായി കെഎസ്ഐഡിസി മാറിക്കൊണ്ടിരിക്കുകയാണ്. കെഎസ്‌ഐഡിസിയുടെ അമരക്കാരായ ചെയര്‍മാന്‍ ഡോ. ക്രിസ്റ്റി ഫെര്‍ണാണ്ടസും (ഐഎഎസ് റിട്ട.) മാനേജിംഗ് ഡയറക്ടര്‍ ഡോ. എം. ബീന ഐഎഎസും ആണ് ഈ മാറ്റത്തിന് നേതൃത്വം നല്‍കുന്നത്. channeliam.com എഡിറ്റര്‍ ഇന്‍ ചീഫ് നിഷ കൃഷ്ണനോട് സംസാരിക്കവേ ഭാവിയുടെ സാധ്യതകള്‍ മനസ്സിലാക്കി കോര്‍പ്പറേഷന്‍ നടത്തുന്ന തയ്യാറെടുപ്പുകളും നിലവില്‍ കെഎസ്ഐഡിസി പ്രാമുഖ്യം നല്‍കുന്ന മേഖലകളും ഇരുവരും വ്യക്തമാക്കി. വീഡിയോ കാണാം. ടെക്‌നോളജിയുടെ സാദ്ധ്യതകള്‍ പ്രയോജനപ്പെടുത്തുന്ന ബിസിനസ് രീതിയിലേക്ക് സംരംഭകരെ കൈപിടിച്ചുയര്‍ത്തുന്ന ഇന്‍കുബേഷന്‍ സെന്ററുകളും മെന്ററിംഗ് സെഷനുകളും കാലത്തിന് അനുസരിച്ചുളള കെഎസ്‌ഐഡിസിയുടെ മാറ്റത്തിന്റെ ഭാഗമാണ്. കൊച്ചിയില്‍ ഇന്‍ഫോ പാര്‍ക്കിലും അങ്കമാലിയിലുമായി രണ്ട് ബിസിനസ്…
കുറഞ്ഞ ചെലവില്‍ വീട്ടിലിരുന്നുകൊണ്ടു തന്നെ സമ്പാദിക്കാവുന്ന മാര്‍ഗങ്ങളുണ്ട്. മാര്‍ക്കറ്റില്‍ ഇന്ന് ഏറ്റവും അധികം സാധ്യതയുള്ളവയാണ് റെഡി ടു ഈറ്റ് ഫുഡ്‌സ് അഥവാ തിന്നാന്‍ തയ്യാര്‍ വിഭവങ്ങള്‍. കപ്പലണ്ടി മിഠായി, എള്ളുണ്ട തുടങ്ങിയ ചെറിയ ഉല്‍പ്പന്നങ്ങള്‍ ഉണ്ടാക്കി കച്ചവടം ചെയ്യുന്നത് ഇന്ന് വലിയ സാധ്യതയുള്ള ബിസിനസാണ്. മുതല്‍ മുടക്ക് വളരെ കുറവാണെന്നാണ് ഇതിന്റെ പ്രത്യേകത. എന്നാല്‍ 40% ത്തില്‍ അധികം വരെ ലാഭം കിട്ടും.(വീഡിയോ കാണുക) ആരോഗ്യത്തിനും മാര്‍ക്കറ്റിലും ഒരുപോലെ ഡിമാന്റുള്ള മുളപ്പിച്ച ധാന്യങ്ങളാണ് മറ്റൊന്ന്. സ്‌കെയില്‍അപ്പ് ചെയ്യാന്‍ ആഗ്രഹിക്കുന്നവര്‍ക്ക് ഒരു ഡ്രൈയര്‍ വാങ്ങിയാല്‍ ഇത് ലാഭകരമാക്കി മാറ്റാവുന്ന ബിസിനസാണ്.(വീഡിയോ കാണുക) ഏത് ഉല്‍പ്പന്നവും മാര്‍ക്കറ്റിലെ സാധ്യത അറിഞ്ഞതിന് ശേഷമേ തുടങ്ങാവു. എന്നാല്‍ ആദ്യമേ വിപണിയെക്കുറിച്ച് നന്നായി പഠിക്കുന്നത് നന്നായിരിക്കും. നമ്മുടെ വീട്ടില്‍ നിന്ന് ഉണ്ടാക്കാവുന്ന ദോശ, ഇഡ്ഢലി, ചമ്മന്തിപ്പൊടി എന്നിവയെ വലിയ മുതല്‍മുടക്കില്ലാതെ ലാഭത്തിലെത്തിക്കാം. ചക്കയുടെ ഉല്‍പ്പന്നങ്ങളും വിറ്റഴിഞ്ഞുപോകും. ഇതില്‍ ഏറ്റവും കൂടുതല്‍ ഡിമാന്റ് ഉള്ളത് ഉഴുന്നുവടയ്ക്കാണ്. കറിഷോപ്പുകളാണ് മറ്റൊരു ട്രന്‍ഡ്.…