Author: News Desk

പേടിഎം ഫാസ്ടാഗ് (Paytm FASTag) ഒഴിവാക്കി മറ്റ് ഫാസ്ടാഗ് ഉപയോഗിക്കാൻ ഉത്തരവിറക്കി ദേശീയ ഹൈവേ അതോറിറ്റി (NHAI). ടോൾ പ്ലാസയിലും മറ്റും അസൗകര്യങ്ങൾ നേരിടാതിരിക്കാൻ മാർച്ച് 15ന് മുമ്പായി ഫാസ്ടാഗ് നൽകാൻ അധികാരപ്പെട്ട മറ്റു കേന്ദ്രങ്ങളിൽ നിന്നോ ബാങ്കുകളിൽ നിന്നോ പുതിയ ഫാസ്ടാഗ് സ്വീകരിക്കാനാണ് NHAIയുടെ നിർദേശം. ബുധനാഴ്ചയാണ് ഇത് സംബന്ധിച്ച് NHAI ഉത്തവിറക്കിയത്. ദേശീയ ഹൈവേകളിൽ കൂടി സഞ്ചരിക്കുമ്പോൾ ഇരട്ടി ഫീ ചാർജ് നൽകുന്നതും പിഴ നൽകുന്നതും ഒഴിവാക്കാൻ പേടിഎം ഫാസ്ടാഗിൽ നിന്ന് മറ്റ് ഫാസ്ടാഗുകളിലേക്ക് മാറണമെന്നാണ് NHAIയുടെ നിർദേശം. പേടിഎം പേയ്മെന്റ് ബാങ്കുകളുടെ മിക്ക ഇടപാടുകൾക്കും നിയന്ത്രണം ഏർപ്പെടുത്തി ആർബിഐ ഉത്തരവിറക്കിയിരുന്നു. ഇതനുസരിച്ച് പേടിഎം ഫാസ്ടാഗ് ഉപയോഗിച്ച് മാർച്ച് 15ന് ശേഷം റീചാർജ് ചെയ്യാനോ ടോപ് അപ്പ് ചെയ്യാനോ സാധിക്കില്ല. അതേസമയം പേടിഎം ഫാസ്ടാഗിലെ നിലവിലെ ബാലൻസ് ഉപയോഗിച്ച് ഉപഭോക്താക്കൾക്ക് ടോൾ അടയ്ക്കാൻ സാധിക്കുമെന്നും NHAI പറഞ്ഞു. പേടിഎം ഫാസ്ടാഗ് ഉപഭോക്താക്കളോട് ബന്ധപ്പെട്ട ബാങ്കുകളോടോ ഇന്ത്യൻ ഹൈവേ മാനേജ്മെന്റ് കമ്പനി…

ബുധനാഴ്ച ജോലി തിരക്കുകളിലേക്ക് കടക്കുന്നതിന് മുമ്പ് സുപ്രീം കോടതിയുടെ വിശ്രമമുറിയിൽ ചീഫ് ജസ്റ്റിസ് ഡിവൈ ചന്ദ്രചൂഡും മറ്റ് ജഡ്ജുമാരും ഒത്തു കൂടിയത് ഒരു അപൂർവ നിമിഷം സമ്മാനിക്കാൻ വേണ്ടിയായിരുന്നു. കോടതിയിലെ പാചകക്കാരന്റെ മകളെ ആദരിക്കാനായിട്ടായിരുന്നു എല്ലാവരും ഒത്തു കൂടിയത്. അമേരിക്കയിൽ നിന്ന് നിയമപഠനത്തിൽ സ്കോളർഷിപ്പ് നേടിയാണ് പാചകക്കാരനായ അജയ് കുമാർ സമലിന്റെ മകൾ പ്രഗ്യ സമൽ ചീഫ് ജസ്റ്റിസിന് മുന്നിൽ നിന്നത്. കോടതി നടപടികൾ ആരംഭിക്കുന്നതിന് മുമ്പായിരുന്നു ചീഫ് ജസ്റ്റിസും മറ്റ് ജഡ്ജിമാരും ചേർന്ന് ജഡ്ജസ് ലോഞ്ചിൽ നടന്ന ചടങ്ങളിൽ പ്രഗ്യ സമലിനെ ആദരിച്ചത്.കാലിഫോർണിയ യൂണിവേഴ്സിറ്റിയിലോ യുഎസ് മിഷിഗൺ യൂണിവേഴ്സിറ്റിയിലോ നിയമത്തിൽ ബിരുദാനന്തര ബിരുദത്തിനാണ് പ്രഗ്യയ്ക്ക് അവസരം ലഭിച്ചത്. ചീഫ് ജസ്റ്റിസും മറ്റ് ജഡ്ജുമാരും ഒപ്പിട്ട ഇന്ത്യൻ ഭരണഘടനയെ കുറിച്ചുള്ള 3 പുസ്തകങ്ങളും ചീഫ് ജസ്റ്റിസ് പ്രഗ്യയ്ക്ക് സമ്മാനിച്ചു. എല്ലാ ജഡ്ജുമാർക്ക് മുന്നിലും കൈകൂപ്പുകയും ചീഫ് ജസ്റ്റിന്റെ കാൽതൊട്ട് അനുഗ്രഹം വാങ്ങുകയും ചെയ്തു. പ്രഗ്യ നേട്ടങ്ങളെല്ലാം സ്വന്തം നിലയിലാണ് കരസ്ഥമാക്കിയതെന്നും വിദേശപഠനം…

ഇന്ത്യൻ റോഡുകളിൽ ഇലക്ട്രിക് ഓട്ടോ റിക്ഷകൾ അവതരിപ്പിക്കാൻ ഒല ഇലക്‌ട്രിക് (Ola Electric). രാഹി (Raahi) എന്ന പേരിലായിരിക്കും ഒല ഇലക്‌ട്രിക് ഓട്ടോറിക്ഷകൾ മാർക്കറ്റിൽ അവതരിപ്പിക്കാൻ പോകുന്നത് എന്നാണ് വിവരം. ഈ മാസം അവസാനം തന്നെ ഒലയുടെ ഇലക്ട്രിക് ഓട്ടോറിക്ഷകൾ വിപണിയിലെത്തും. രാഹിയിലൂടെ വാണിജ്യ അടിസ്ഥാനത്തിലുള്ള വാഹന നിർമാണത്തിലേക്ക് കടക്കുകയാണ് ഒലയുടെ ലക്ഷ്യം. രാഹി വരുന്നതോടെ മഹീന്ദ്രയുടെ ട്രയോയ്ക്കും (Mahindra Treo), പിയാഗോയുടെ അപ് ഇ-സിറ്റി (Piaggio Ape e-city), ബജാജിന്റെ ആർഇ (Bajaj RE) എന്നിവയോടായിരിക്കും ഒലയ്ക്ക് മത്സരിക്കേണ്ടി വരിക.വർഷങ്ങൾ നീണ്ട പരീക്ഷണങ്ങൾക്കൊടുവിലാണ് ഒല രാഹി വികസിപ്പിച്ചത്.ബജാജ്, മഹീന്ദ്ര, പിയാഗോ തുടങ്ങിയ കമ്പനികൾ 2-3.5 ലക്ഷം രൂപയാണ് തങ്ങളുടെ ഇലക്ട്രിക് വാഹനങ്ങൾക്ക് വില നിശ്ചയിച്ചിരിക്കുന്നത്. രാഹിയുടെ വിലയും മറ്റ് വിവരങ്ങളും ഒല പങ്കുവെച്ചിട്ടില്ല. രാജ്യത്ത് ഇലക്ട്രിക് ഓട്ടോറിക്ഷ മാർക്കറ്റ് നേടുന്ന വളർച്ചയാണ് ഒലയെയും ഇതിലേക്ക് ആകർഷിച്ചത്. 2022നെ അപേക്ഷിച്ച് ഇലക്ട്രിക് ഓട്ടോറിക്ഷയുടെ വിൽപ്പനയിൽ കഴിഞ്ഞ വർഷം 66% വളർച്ചയുണ്ടായിട്ടുണ്ട്. കഴിഞ്ഞ…

2024 – 25 സാമ്പത്തിക വർഷം നിബന്ധനകളോടെ കേരളത്തിന് 5000 കോടി കടമെടുക്കാൻ അനുമതി നൽകാമെന്ന് കേന്ദ്ര സർക്കാർ സുപ്രീം കോടതിയെ അറിയിച്ചു. എന്നാൽ ഈ നിബന്ധനകൾ കേരളത്തെ അടുത്ത സാമ്പത്തിക വർഷം മുഴുവൻ സാമ്പത്തിക പ്രതിസന്ധിയിലേക്ക് തള്ളി വിടുമെന്നുറപ്പ്. ഇതോടെ കേന്ദ്രം മുന്നോട്ടു വച്ച നിബന്ധനകൾ സ്വീകാര്യമല്ലെന്ന് കേരളം വ്യക്തമാക്കിയതോടെ കേസിൽ വിശദമായ വാദം കേൾക്കാമെന്ന് സുപ്രീം കോടതി അറിയിച്ചു. കേന്ദ്രവും, കേരളവും വിട്ടു വീഴ്ച്ച ചെയ്യാത്ത സാഹചര്യത്തിൽ കേസിൽ കോടതി വീണ്ടും വാദം കേൾക്കും. കേരളം ആവശ്യപ്പെട്ട 10000 കോടിയും കടമായി നൽകണമെന്ന ഇടക്കാല ഉത്തരവ് എന്ന ആവശ്യത്തിൽ ആണ് വാദം കേൾക്കുക. അടുത്ത വ്യാഴാഴ്ച ഒന്നാമത്തെ കേസായി ഹർജി പരിഗണിക്കും.5000 കോടി കടമെടുക്കാൻ കേന്ദ്ര സർക്കാർ മുന്നോട്ട് വച്ച നിബന്ധനകൾ ഒരു തരത്തിലും അംഗീകരിക്കാനാകില്ല എന്ന നിലപാടാണ് കേരളത്തിന് വേണ്ടി സുപ്രീം കോടതിയെ അറിയിച്ചത്. കേരളം ഇപ്പോൾ നേരിടുന്ന സാമ്പത്തിക പ്രതിസന്ധി അടുത്ത സാമ്പത്തിക വർഷത്തെ ആദ്യ…

ലോക്സഭാ തിരഞ്ഞെടുപ്പ് തീയതി പ്രഖ്യാപിച്ചു. തിരഞ്ഞെടുപ്പ് ഏപ്രിൽ 19നും വോട്ടെണ്ണൽ മേയ് 22നും പ്രഖ്യാപിച്ച് തിരഞ്ഞെടുപ്പ് കമ്മിഷൻ, ഇങ്ങനെ ഒരു വാട്സാപ്പ് സന്ദേശം കണ്ടിട്ടുണ്ടോ? 2024 ലോക്സഭാ തിരഞ്ഞെടുപ്പിന്റെ തീയതികളുമായി ഒരു പട്ടിക സാമൂഹിക മാധ്യമങ്ങളിൽ പ്രചരിക്കുന്നുണ്ട്. എന്നാൽ ഇത് സത്യമാണോ? ഏപ്രിൽ 19ന് തിരഞ്ഞെടുപ്പ് നടക്കുമെന്നും മെയ് 22ന് തിരഞ്ഞെടുപ്പിന്റെ ഫലം പുറത്തുവരുമെന്നും മെയ് 30ന് പുതിയ സർക്കാർ കേന്ദ്രത്തിൽ അധികാരത്തിൽ വരുമെന്നുമാണ് നോട്ടീസിൽ പറയുന്നത്. ഇതിൽ സത്യമുണ്ടോ? തങ്ങളുടെ പേരിൽ പ്രചരിക്കുന്നത് വ്യാജ പ്രചരണമാണെന്ന് ഇലക്ഷൻ കമ്മിഷൻ തന്നെ പറയുന്നു. സാമൂഹിക മാധ്യമങ്ങളിൽ പ്രചരിക്കുന്ന പട്ടിക എക്സിൽ പങ്കുവെച്ച് കൊണ്ടാണ് ഇലക്ഷൻ കമ്മിഷൻ ഇതിൻെറ നിജസ്ഥിതി പുറത്തു കൊണ്ടുവന്നത്. 2024 ലോക്സഭാ തിരഞ്ഞെടുപ്പുമായി ബന്ധപ്പെട്ട പ്രചരിക്കുന്ന വാട്സാപ്പ് സന്ദേശം തെറ്റാണെന്നെന്നും ഇലക്ഷൻ കമ്മിഷൻ പോസ്റ്റ് ചെയ്തിട്ടുണ്ട്. ഇതുവരെ തിരഞ്ഞെടുപ്പ് തീയതികളൊന്നും പ്രഖ്യാപിച്ചിട്ടില്ല എന്നും കമ്മിഷൻ പറയുന്നു. തിരഞ്ഞെടുപ്പ് തീയതികൾ ഇലക്ഷൻ കമ്മിഷൻ പ്രസ് കോൺഫറൻസിലായിരിക്കും പ്രഖ്യാപിക്കുക എന്നും തിരഞ്ഞെടുപ്പ്…

രാജ്യത്തെ എല്ലാ നഗരങ്ങളിലും അർബൻ കോ-ഓപ്പറേറ്റീവ് ബാങ്കുകൾ സ്ഥാപിക്കാനുള്ള കേന്ദ്രസർക്കാർ നീക്കം തിരിച്ചടിയാകുക കേരള ബാങ്കിന്. ഈ മാസം കേന്ദ്ര കോ-ഓപ്പറേറ്റീവ് മന്ത്രി അമിത്ഷാ നാഷണൽ അർബൻ കോഓപ്പറേറ്റീവ് ഫിനാൻസ് ആൻഡ് ഡെവലപ്മെന്റ് കോർപ്പറേഷൻ (NUCFDC) ലോഞ്ച് ചെയ്തിരുന്നു. എല്ലാ നഗരങ്ങളിലും അർബൻ കോ-ഓപ്പറേറ്റീവ് ബാങ്കുകൾ സ്ഥാപിക്കാനും അമിത് ഷാ ആവശ്യപ്പെട്ടിരുന്നു. എല്ലാ അർബൻ കോ-ഓപ്പറേറ്റീവ് ബാങ്കുകളിലും എടിഎം സൗകര്യം, ക്രെഡിറ്റ്/ഡെബിറ്റ് കാർഡ്, ക്ലിയറിങ് സിസ്റ്റം, എസ്എൽആർ ലിമിറ്റ്, റീഫിനാൻസിങ് സൗകര്യങ്ങളും ഉണ്ടായിരിക്കും. എതിർപ്പ് മറികടന്ന് നോൺ ബാങ്കിംഗ് ഫിനാൻസ് കമ്പനിയായും അർബൻ കോ-ഓപ്പറേറ്റീവ് ബാങ്കിംഗ് മേഖലയുടെ സ്വയം നിയന്ത്രണ സ്ഥാപനമായും പ്രവർത്തിക്കാൻ റിസർവ് ബാങ്കിൻ്റെ അംഗീകാരവും NUCFDCക്ക് ലഭിച്ചു. ജ്യോതീന്ദ്ര മെഹ്തയെയാണ് NUCFDCയുടെ ചെയർമാനായി തിരഞ്ഞെടുത്തത്. NUCFDCയുടെ ബ്രാഞ്ച് ആയിട്ടായിരിക്കും അർബൻ ബാങ്കുകൾ പ്രവർത്തിക്കുക. NUCFDCക്ക് കീഴിൽ വരുന്ന സഹകരണ ബാങ്കുകൾ കേന്ദ്രസർക്കാരിന്റെ നിയന്ത്രണത്തിലായിരിക്കും പ്രവർത്തിക്കുക. ഈ നീക്കങ്ങൾ തിരിച്ചടിയാകാൻ പോകുന്നത് കേരള ബാങ്കിനായിരിക്കും. വിഷയത്തിൽ കേരളം എതിർപ്പ് അറിയിച്ചിരുന്നെങ്കിലും ഫലവത്തായില്ല.…

പോഷക ഗുണം നിറഞ്ഞ ഭക്ഷണം, ഹഫ്സ് ഗ്ലോബൽ (Hafz Global) എന്ന ഫുഡ് സ്റ്റാർട്ടപ്പ് തുടങ്ങുമ്പോൾ അതായിരുന്നു ഹഫ്സ എംടിപിയുടെ മനസിൽ. ന്യൂട്രീഷൻ, വെൽനെസ് എന്ന ആശയങ്ങൾ മുൻനിർത്തി തുടങ്ങിയ ഹഫ്സിന് ചുരുക്കം കാലം കൊണ്ട് തന്നെ ഭക്ഷ്യോത്പന്ന നിർമാണ മേഖലയിൽ മുൻപന്തിയിൽ എത്താൻ സാധിച്ചു.2023 ഒക്ടോബർ 11നാണ് ഹഫ്സ, Hafz Global തുടങ്ങുന്നത്. ഇന്നൊവേറ്റീവായ ഉത്പന്നങ്ങളും സേവനങ്ങളും കൊണ്ട് ആരോഗ്യകരമായ ലൈഫ്സ്റ്റൈൽ അതാണ് ഹഫ്സിന്റെ മുഖമുദ്ര. ഭക്ഷ്യോത്പന്നങ്ങൾ നിർമിക്കുന്നതിലും വിതരണം ചെയ്യുന്നതിലുമാണ് ഹഫ്സ് പ്രധാനമായും ശ്രദ്ധ കേന്ദ്രീകരിക്കുന്നത്. എന്നാൽ എന്തെങ്കിലും തരത്തിലുള്ള ഭക്ഷണമല്ല ഹഫ്സ് നൽകുന്നത്. ഉപഭോക്താക്കളുടെ ആരോഗ്യത്തിൽ ശ്രദ്ധ കേന്ദ്രീകരിച്ചുള്ള ഭക്ഷ്യോത്പന്നങ്ങളാണ് ഹഫ്സിന്റെ സ്പെഷ്യാലിറ്റി. ലോ കാർബുള്ള, പോഷകങ്ങൾ ഒട്ടും തന്നെ പാഴാക്കാത്ത ഭക്ഷ്യോത്പന്നങ്ങൾ, മീൽസ് ആണ് ഹഫ്സിൽ നിന്ന് പുറത്തു വരുന്നത്. ഇതുവഴി കോശങ്ങളെ റിപെയർ ചെയ്യുന്ന പ്രക്രിയയായ ഓട്ടോഫാഗിയെ ഹഫ്സ് പ്രോത്സാഹിപ്പിക്കുന്നു.നമ്മൾ ദിവസവും കഴിക്കുന്ന നാടൻ ഭക്ഷണത്തിൽ ശ്രദ്ധിക്കാതെ പോകുന്ന ഷുഗറിനെ പടിക്ക് പുറത്ത് നിർത്തി…

ബിജെപി ഫ്രീ റീചാർജ് യോജനയിൽ എല്ലാ ഇന്ത്യക്കാർക്കും 3 മാസത്തേക്ക് സൗജന്യമായി മൊബൈൽ റീചാർജ് ചെയ്തു കൊടുക്കുന്നു. ഫ്രീ റീചാർജ് ലഭിക്കാനായി താഴെ കാണുന്ന ലിങ്കിൽ ക്ലിക്ക് ചെയ്യുക! ഇങ്ങനെ ഒരു പോസ്റ്റ്  സോഷ്യൽ മീഡിയയിൽ നിങ്ങൾ കണ്ടിട്ടുണ്ടോ? 2024 തിരഞ്ഞെടുപ്പിൽ കൂടുതൽ ആളുകൾ ബിജെപിക്ക് വോട്ട് ചെയ്യാനാണ് ഫ്രീ റീചാർജ് യോജന നടപ്പാക്കുന്നത് എന്നും പോസ്റ്റിൽ കാണാം. സാമൂഹിക മാധ്യമങ്ങളിൽ പ്രചരിക്കുന്ന ഈ പോസ്റ്റ് കണ്ട് ലിങ്കിൽ ക്ലിക്ക് ചെയ്തവർ കുറവല്ല. എന്താണ് ഈ പോസ്റ്റിന് പിന്നിലെ യാഥാർഥ്യം. ശരിക്കും ബിജെപി സർക്കാർ വോട്ട് ലഭിക്കാനായി മൂന്ന് മാസത്തേക്ക് 239 രൂപയുടെ റീചാർജ് ചെയ്ത് കൊടുക്കുന്നുണ്ടോ? ലിങ്കിലൊന്ന് ക്ലിക്ക് ചെയ്യണോ? ബിജെപി ഫ്രീ റീചാർജ് യോജനയിൽ 3 മാസത്തേക്ക് സൗജന്യ റീചാർജ് ലഭിച്ചു എന്ന തരത്തിൽ ചിലർ സോഷ്യൽ മീഡിയയിൽ പോസ്റ്റുകൾ പങ്കുവെച്ചിട്ടുണ്ട്. എന്നാൽ channeliam.com നടത്തിയ ഫാക്ട് ചെക്കിൽ ഇത് വ്യാജമാണെന്ന് കണ്ടെത്തി. ബിജെപിക്ക് വോട്ട് ചെയ്യാം, ഒരിക്കൽ കൂടി ബിജെപി…

ഭാവിയുടെ സാങ്കേതികമേഖലയെന്ന് വിശേഷിപ്പിക്കുന്ന  അനിമേഷന്‍, വിഷ്വല്‍ ഇഫക്ട്സ്, ഗെയ്മിംഗ്, കോമിക്സ് – എക്സറ്റെന്‍ഡഡ് റിയാലിറ്റി  AVGC-XR മേഖലയ്ക്കായിട്ടുള്ള സമഗ്ര എവിജിസി-എക്സ്ആര്‍ നയത്തിന് മന്ത്രിസഭ  അംഗീകാരം നൽകി . സാങ്കേതികവിദ്യാ രംഗത്ത് മുന്‍പന്തിയില്‍ നില്‍ക്കുന്ന സംസ്ഥാനമെന്ന നിലയില്‍  AVGC-XR മേഖലയിലെ പതാകവാഹകരാകാന്‍ ഒരുങ്ങുകയാണ് കേരളം. 50 എവിജിസി-എക്സ്ആര്‍ സ്റ്റാര്‍ട്ടപ്പുകളെ ഇന്‍ക്യുബേറ്റ് ചെയ്യും.KSUM എമര്‍ജിംഗ് ടെക്നോളജി ഹബ്ബ് ഇ-ഗെയിമിംഗും എക്സ്ആറും  വിപുലീകരിക്കുംകെ-ഡിസ്ക്  വര്‍ക്ക് നിയര്‍ ഹോം പദ്ധതിയില്‍ AVGC-XR  ലാബുകള്‍  തിരുവനന്തപുരത്ത്  മികവിന്‍റെ കേന്ദ്രം  വ്യാവസായിക വികസനത്തിന് 200 കോടിയുടെ ക്യാറ്റലിസ്റ്റ് ഫണ്ട് 50 കോടിയുടെ ഗവേഷണ വികസന ഫണ്ട്ഇന്നവേഷൻ സഹകരണ സംഘങ്ങൾക്ക് രൂപം കൊടുക്കും 2029 ഓടെ എവിജിസി-എക്സ്ആര്‍ മേഖലയില്‍ സ്കൂൾ തലം മുതൽ സർവകലാശാല തലം വരെ 50,000 തൊഴിലവസരങ്ങള്‍ സൃഷ്ടിക്കുകയാണ് ലക്ഷ്യം. ഈ കാലയളവില്‍ മള്‍ട്ടി നാഷണലുകള്‍ ഉള്‍പ്പെടെ 250 കമ്പനികള്‍ കേരളത്തിൽ തുടങ്ങും. രാജ്യത്തെ എവിജിസി-എക്സ്ആര്‍ കയറ്റുമതി വരുമാനത്തിന്‍റെ പത്ത് ശതമാനം കരസ്ഥമാക്കാന്‍ സംസ്ഥാനത്തെ പ്രാപ്തമാക്കുന്നതാണ് നയം. രാജ്യത്തെ എവിജിസി-എക്സ്ആര്‍…

11 മാസത്തിനിടെ കേരളത്തിൽ ഒരു ലക്ഷം സംരംഭങ്ങൾ ഉണ്ടായതായി വ്യവസായ മന്ത്രി പി.രാജീവ്. സംരംഭക വർഷം 2.0 പദ്ധതിയിലൂടെ കേരളത്തിൽ ഒരു ലക്ഷം സംരംഭങ്ങൾ ആരംഭിച്ചു. സംരംഭകവർഷം 1.0, സംരംഭകവർഷം 2.0 പദ്ധതികളിലൂടെ , 21 മാസം കൊണ്ട് 2,39,922 സംരംഭങ്ങൾ കേരളത്തിൽ ആരംഭിച്ചതായി മന്ത്രി അറിയിച്ചു. 6712 കോടിയുടെ നിക്ഷേപവും 2,09,735 തൊഴിലും 11 മാസക്കാലയളവിൽ സൃഷ്ടിച്ചു.സംരംഭക വർഷം മെഗാ പദ്ധതിയിലൂടെ 15,138.05 കോടി രൂപയുടെ നിക്ഷേ വും 5,09, 935 തൊഴിലും ലഭിച്ചു. എം.എസ്. എം.ഇ മേഖലയിൽ അടച്ചുപൂട്ടിയേക്കുമായിരുന്ന 15 ശതമാനം സംരംഭങ്ങളെ സംരംക്ഷിക്കാൻ കഴിഞ്ഞതായും മന്ത്രി അറിയിച്ചു. 11 മാസത്തിനിടെ ഒരുലക്ഷം സംരംഭങ്ങൾ രണ്ട് വർഷത്തിനിടെ 2,39,922 സംരംഭങ്ങൾ ആകെ നിക്ഷേപം – 15138.05 കോടി ആകെ തൊഴിൽ – 5,09,935 11 മാസത്തിനിടെ 1,00,018 സംരംഭങ്ങൾ എറണാകുളം കൊല്ലം, തിരുവനന്തപുരം , മലപ്പുറം, തൃശൂർ, പാലക്കാട് ജില്ലയിൽ 20,000 ത്തിലധികം സംരംഭങ്ങൾ ആരംഭിച്ചു.ഇതിൽ 7,6377 പേർ സ്ത്രീ…