Author: News Desk
ടാറ്റായുടെ വാഹനങ്ങളെല്ലാം വിപണിയിലെത്തും മുമ്പ് തന്നെ പരിസ്ഥിതി സൗഹൃദവും, കരുത്തും അടക്കം അതിന്റെ സവിശേഷതകൾ കൊണ്ട് വാർത്തകളിൽ ഇടം പിടിക്കാറുണ്ട്. ദിവസങ്ങൾക്കു മുമ്പ് ഇലക്ട്രിക് പഞ്ച് മോഡൽ വിപണിയിൽ എത്തിച്ചതിനു പിന്നാലെ സി.എന്‍.ജി. വേരിയന്റിൽ രണ്ട് ഓട്ടോമാറ്റിക് ട്രാന്‍സ്മിഷന്‍ മോഡല്‍ എത്തിക്കാനുള്ള നീക്കത്തിലാണ് ഇന്ത്യയിലെ മുന്‍നിര മോഡലായ ടാറ്റ മോട്ടോഴ്‌സ്. ഇന്ത്യന്‍ വിപണിയില്‍ ഓട്ടോമേറ്റഡ് മാനുവല്‍ ട്രാന്‍സ്മിഷനിലെത്തുന്ന ആദ്യ സി.എന്‍.ജി. വാഹനമാകാൻ ഒരുങ്ങുകയാണ് ടാറ്റയുടെ ടിയാഗോ, ടിഗോര്‍ മോഡലുകൾ. ഇന്ത്യന്‍ വിപണിയില്‍ AMT ട്രാന്‍സ്മിഷനിലെത്തുന്ന ആദ്യ സി.എന്‍.ജി. വാഹനമാണിതെന്നാണ് ടാറ്റ മോട്ടോഴ്‌സ് അവകാശപ്പെടുന്നത്.XTA CNG, XZA+CNG, XZA NRG എന്നീ മൂന്ന് വേരിയന്റുകളിലാണ് ടിയാഗോ സി.എന്‍.ജി. എത്തുന്നത്. XZA CNG, XZA+CNG എന്നീ രണ്ട് വേരിയന്റുകളിൽ ടിഗോര്‍ സി.എന്‍.ജിയുമെത്തും. ഇരു മോഡലുകളിലുടെയും മാനുവല്‍ ട്രാന്‍സ്മിഷന്‍ മോഡലിലുള്ള 1.2 ലിറ്റര്‍ മൂന്ന് സിലിണ്ടര്‍ നാച്വറലി ആസ്പിരേറ്റഡ് പെട്രോള്‍ എന്‍ജിനാണ് സി എൻ ജി യിലും കരുത്തേകുന്നത്. ഇതിനൊപ്പം ഫാക്ടറി ഫിറ്റഡായിട്ടുള്ള ഇരട്ട…
ഫെബ്രുവരി 1ന് ബജറ്റ് അവതരിപ്പിക്കുമ്പോൾ കേന്ദ്ര ധനകാര്യമന്ത്രി നിർമലാ സീതാരാമൻ ഒരു റെക്കോർഡ് നേട്ടം കൂടി കൈവരിക്കും. തുടർച്ചയായി ആറു ബജറ്റുകൾ അവതരിപ്പിക്കുന്ന രാജ്യത്തെ രണ്ടാമത്തെ ധനമന്ത്രിയാകും നിർമലാ സീതാരാമൻ. ഫെബ്രുവരി ഒന്നിന് ഇടക്കാല ബജറ്റ് അവതരിപ്പിക്കുന്നതോടെ ആറു ബജറ്റുകൾ തുടർച്ചയായി അവതരിപ്പിച്ച ആദ്യ വനിതാ ധനമന്ത്രിയായി മാറും നിർമലാ സീതാരാമൻ. രാജ്യത്തെ ആദ്യത്തെ മുഴുവൻ സമയ ധനമന്ത്രിയായ നിർമലാ സീതാരാമൻ ബജറ്റ് അവതരണത്തിന്റെ എണ്ണത്തിൽ മുൻ പ്രധാനമന്ത്രി മൊറാർജി ദേശായുടെ റെക്കോർഡിന് ഒപ്പമെത്തും. 2019 ജൂലൈ മുതൽ 5 സമ്പൂർണ ബജറ്റുകൾ ഇതുവരെ അവതരിപ്പിച്ചിട്ടുണ്ട്.തുടർച്ചയായി 5 ബജറ്റുകൾ അവതരിപ്പിച്ചിട്ടുള്ള മൻമോഹൻ സിംഗ്, അരുൺ ജെയ്റ്റ്ലി, പി ചിദംബരം, യശ്വന്ത് സിൻഹ തുടങ്ങിയവരുടെ റെക്കോർഡ് നിർമലാ സീതാരാമൻ മറികടക്കുകയും ചെയ്യും.കേന്ദ്ര ധനമന്ത്രിയായിരിക്കെ1959-64 വർഷങ്ങളിൽ മൊറാർജി ദേശായി 5 വാർഷിക ബജറ്റും ഒരു ഇടക്കാല ബജറ്റും അവതരിപ്പിച്ചിരുന്നു. സീതാരാമൻ അവതരിപ്പിക്കാൻ പോകുന്ന 2024-25ലേക്കുള്ള ഇടക്കാല ബജറ്റ് വോട്ട് ഓൺ അക്കൗണ്ട് ആണെന്നാണ് വിവരം.…
2022-23 സാമ്പത്തിക വർഷത്തിൽ ഏറ്റവും അധികം കാർഷിക വായ്പ ലഭിച്ചത് ദക്ഷിണേന്ത്യൻ സംസ്ഥാനങ്ങൾക്കെന്ന് കേന്ദ്ര കാർഷിക മന്ത്രാലയം. കഴിഞ്ഞ സാമ്പത്തിക വർഷത്തിൽ ഏറ്റവും കൂടുതൽ കാർഷിക വായ്പ (അഗ്രികൾച്ചർ ക്രെഡിറ്റ്) ലഭിച്ച സംസ്ഥാനങ്ങൾ ആന്ധ്ര പ്രദേശ്, തെലുങ്കാന, തമിഴ്നാട്, കർണാടക, തമിഴ്നാട്, കേരളം തുടങ്ങിയ സംസ്ഥാനങ്ങൾക്കാണെന്ന് കേന്ദ്ര കാർഷിക മന്ത്രാലയം പുറത്തു വിട്ട കണക്കുകൾ പറയുന്നു. ആകെ 21 ട്രില്യൺ രൂപ ചെലവഴിച്ചതിൽ 48% ദക്ഷിണേന്ത്യൻ സംസ്ഥാനങ്ങൾക്കാണ് ലഭിച്ചത്. രാജ്യത്തെ മൊത്ത വിളവെടുപ്പിന്റെ 17% ആണ് ദക്ഷിണേന്ത്യൻ സംസ്ഥാനങ്ങളിൽ നിന്ന് ലഭിക്കുന്നത്. രാജസ്ഥാൻ, പഞ്ചാബ്, ഹരിയാന, ജമ്മു കാശ്മീർ, ഹിമാച്ചൽ പ്രദേശ് തുടങ്ങിയ അഞ്ച് ഉത്തരേന്ത്യൻ സംസ്ഥാനങ്ങൾക്ക് 17% കാർഷിക വായ്പയും ലഭിച്ചു. 3.38 ട്രില്യൺ രൂപ കാർഷിക, അനുബന്ധ മേഖലയ്ക്ക് ലഭിച്ചു. രാജ്യത്തെ മൊത്ത വിളവെടുപ്പിന്റെ 20% ഈ സംസ്ഥാനങ്ങളിൽ നിന്നാണ്. ബിഹാർ, ജാർഖണ്ഡ്, ഒഡിഷ, പശ്ചിമബംഗാൾ തുടങ്ങിയ സംസ്ഥാനങ്ങൾക്ക് ആകെ 8% കാർഷിക വായ്പയാണ് ലഭിച്ചത്. 1.73 ട്രില്യൺ…
തിരുവനന്തപുരത്തെ വൈറോളജി ഇൻസ്റ്റിറ്റ്യൂട്ട് സന്ദർശിക്കാൻ അവസരമൊരുക്കി കേരള സ്റ്റാർട്ടപ്പ് മിഷൻ. എക്സ്പോഷർ വിസിറ്റിന്റെ ഭാഗമായാണ് അഡ്‌വാൻസ്ഡ് വൈറളോജി ഇൻസ്റ്റിറ്റ്യൂട്ട് സന്ദർശനത്തിനുള്ള അവസരമൊരുക്കുന്നത്. ഗവേഷകർക്കും ആർ ആൻഡ് ഡി സ്റ്റാർട്ടപ്പുകൾക്കും മാത്രമാണ് സന്ദർശനത്തിന് അവസരം. വൈറോളജിയുമായി ബന്ധപ്പെട്ട മേഖലയിലാണ് വൈറോളജി ഇൻസ്റ്റിറ്റ്യൂട്ടിൽ ഗവേഷണം നടക്കുന്നത്. വൈറോളജി ഇൻസ്റ്റിറ്റ്യൂട്ടിന്റെ ഇൻക്യുബേഷൻ കേന്ദ്രമായ ഇന്നൊവേഷൻ ആൻഡ് ട്രാൻസിലേഷൻ ഫെസിലിറ്റേഷൻ സെന്റർ ബയോടെക്നോളജിയുമായി ബന്ധപ്പെട്ട സ്റ്റാർട്ടപ്പുകൾക്കും കമ്പനികൾക്കും പിന്തുണ നൽകുന്നുണ്ട്. ജനുവരി 30 വരെയാണ് സന്ദർശനത്തിനുള്ള അവസരം. 250 രൂപയാണ് രജിസ്ട്രേഷൻ ഫീസ്. കേരളത്തിലെ ആദ്യത്തെയും രാജ്യത്തെ രണ്ടാമത്തെയും വൈറോളജി ഇൻസ്റ്റിറ്റ്യൂട്ടാണ് ഇത്. തിരുവനന്തപുരം തോന്നയ്ക്കലിലെ ലൈഫ് സയൻസ് പാർക്കിൽ 25 ഏക്കറിലാണ് ഇൻസ്റ്റിറ്റ്യൂട്ട് സ്ഥാപിച്ചിരിക്കുന്നത്. കേരള ശാസ്ത്ര പരിസ്ഥിതി കൗൺസിലിന്റെ നേതൃത്വത്തിലാണ് പ്രവർത്തനം. കോവിഡ് കാലത്ത് നിർണായകമായിരുന്ന ഇൻസ്റ്റിറ്റ്യൂട്ടിന്റെ പ്രവർത്തനം. ജെൽ ഡോക്യുമെന്റേഷൻ സംവിധാനം, ബയോ സേഫ്റ്റി ലെവൽ കാബിനറ്റ്സ്, കാർബൺ ഡയോക്സൈഡ് ഇൻകുബേറ്റർ, നാനോ ഫോട്ടോ മീറ്റർ തുടങ്ങിയ സംവിധാനങ്ങൾ ഇൻസ്റ്റിറ്റ്യൂട്ടിലുണ്ട്. Kerala Startup…
ഏഷ്യയിലെ ഏറ്റവും വലിയ ചേരികളിൽ ഒന്നായി കണക്കാക്കപ്പെടുന്ന മുംബൈ ധാരാവിയുടെ വികസനത്തിന് ബയോമെട്രിക് വിവരശേഖരണം നടത്താൻ ഗൗതം അദാനി. ദാരിദ്ര്യ രേഖയ്ക്ക് താഴെ കഴിയുന്ന 10 ലക്ഷത്തോളം പേരുടെ വിവരങ്ങൾ ശേഖരിക്കും. ഗൗതം അദാനി നേതൃത്വം നൽകുന്ന അദാനി ഗ്രൂപ്പാണ് മുംബൈയിലെ ചേരികളിൽ വിവരശേഖരണം നടത്തുക. വിവരശേഖരണത്തിന്റെ അടിസ്ഥാനത്തിൽ ധാരാവിയെ എത്രപേർക്ക് സൗജന്യ ഭവനം നിർമിച്ചു നൽകണമെന്ന് തീരുമാനിക്കും. ധാരാവിയിൽ പുനർനിർമാണം നടക്കുന്ന പ്രദേശത്താണ് സൗജന്യമായി വീട് നിർമിച്ചു നൽകുന്നത്. ധാരാവി പുനർനിർമിക്കാൻ പതിറ്റാണ്ടുകളായി സർക്കാരും മറ്റും ശ്രമിക്കുന്നുണ്ടെങ്കിലും വിജയിച്ചിരുന്നില്ല. 640 ഏക്കർ പുനർനിർമിക്കുന്നതിനുള്ള ലേലം അദാനി ഗ്രൂപ്പാണ് എടുത്തത്. മഹാരാഷ്ട്ര സർക്കാരുമായി ചേർന്നാണ് അദാനി ഗ്രൂപ്പ് പ്രദേശത്ത് പുനർനിർമാണ പ്രവർത്തനങ്ങൾ നടത്തുക. 2000 മുമ്പ് ധാരാവിയിൽ താമസമാക്കിയവർക്കായിരിക്കും സൗജന്യ വീടിന് അർഹത.15 വർഷങ്ങൾക്ക് മുമ്പാണ് ധാരാവിയിൽ അവസാനമായി സർവേ നടത്തിയത്. പുതിയ വിവരശേഖരണം പൂർത്തിയായാൽ ഏകദേശം 7 ലക്ഷം പേരെയെങ്കിലും ധാരാവിയിൽ നിന്ന് മാറ്റിപാർപ്പിക്കുമെന്നാണ് കണക്കാക്കുന്നത്. വീടുവീടാന്തരം കയറിയാണ് അദാനി…
രാജ്യത്തെ ആദ്യത്തെ നിർമിത ബുദ്ധി (എഐ) യൂണികോൺ എന്ന നേട്ടം കൈവരിച്ച് കൃത്രിം (Krutrim). ഈ വർഷം യൂണികോണായ ആദ്യത്തെ സ്റ്റാർട്ടപ്പ് എന്ന നേട്ടവും കൃത്രിമിനാണ് സ്വന്തം. ഒല സ്ഥാപകനും ചെയർമാനുമായ ഭവിഷ് അഗർവാളാണ് (Bhavish Aggarwal) കൃത്രിമിന്റെ സ്ഥാപകൻ. കഴിഞ്ഞ ദിവസം 50 മില്യൺ ഡോളർ സമാഹരിച്ചതോടെ കൃത്രിമിന്റെ മൂല്യം 1 ബില്യൺ ഡോളറായിരുന്നു.ഇതിന് മുമ്പ് ഫണ്ടിംഗ് റൗണ്ടിൽ ഏറ്റവും കൂടുതൽ നിക്ഷേപം സമാഹരിച്ച എഐ സ്റ്റാർട്ടപ്പ് ആറുമാസങ്ങൾക്ക് മുമ്പ് തുടങ്ങിയ സർവം എഐ ആണ്. 41 മില്യൺ ഡോളറിന്റെ നിക്ഷേപം സർവത്തിന് ലഭിച്ചു. ഒല കാബ്സിനെയും ഒല ഇലക്ട്രിക്കിനെയും പിന്തുണച്ചിരുന്ന മാട്രിക്സ് പാർട്ണർ ഇന്ത്യയുടെ നേതൃത്വത്തിലായിരുന്നു ഫണ്ടിംഗ് നടന്നത്. ലഭിച്ച നിക്ഷേപം ആഗോളതലത്തിൽ കമ്പനിയെ വളർത്താൻ ഉപയോഗപ്പെടുത്തും. എഐ മേഖലയിൽ മാറ്റം കൊണ്ടുവരാൻ നിക്ഷേപം വിനിയോഗിക്കുമെന്ന് കൃത്രിം പറഞ്ഞു.എഐ സാങ്കേതിക വിദ്യയിൽ കൃത്രിം നടത്തുന്ന മുന്നേറ്റത്തിൽ നിക്ഷേപകർക്ക് വിശ്വസിക്കുന്നു എന്നതിന്റെ തെളിവ് കൂടിയാണ് ഇതെന്ന് ഭവിഷ് അഗർവാൾ പറഞ്ഞു.…
അപൂർവയിനം നെൽ വിത്തുകൾ, സ്വാഭാവിക വനം, പക്ഷിമൃഗാദികൾക്കും മനുഷ്യർക്കുമായി ആവാസവ്യവസ്ഥ, പരമ്പരാഗത നെൽകൃഷി എന്നിവ നാടിനായി സമർപ്പിച്ച കാസർഗോട്ടെ സത്യനാരായണ ബലേരിയെ തേടി രാജ്യത്തെ പരമോന്നത പുരസ്കാരം പത്മശ്രീ എത്തിയതിന്റെ കാരണവും ഇത് തന്നെ. 30 സെന്റ് സ്ഥലത്ത് വിത്ത് പാകി സ്വദേശത്തെയും വിദേശത്തെയും 650ലധികം ഇനം നെല്ലുകളാണ് സത്യനാരായണ സംരക്ഷിച്ചു വരുന്നത്. ബെള്ളൂർ ഗ്രാമപഞ്ചായത്ത് ബലേരി നിവാസിയായ അദ്ദേഹം സ്വന്തം മണ്ണിൽ പ്രകൃതിദത്ത വനം ഒരുക്കിയാണ് ശ്രദ്ധേയനായത്. പാരമ്പര്യമായി ലഭിച്ച ഒരേക്കർ മണ്ണിൽ അദ്ദേഹം സ്വാഭാവിക വനം സംരക്ഷിക്കുകയും 30 സെന്റിൽ നെൽകൃഷി ചെയ്യുകയും ഇതിനും പുറമെ ഔഷധഗുണകളുള്ള സസ്യങ്ങളും മരങ്ങളും നട്ടുവളർത്തി പക്ഷി മൃഗാദികൾക്ക് ആവാസവ്യവസ്ഥ ഒരുക്കുകയും ചെയ്തു ഈ കർഷകൻ. രണ്ട് വിത്തിനങ്ങളുമായി അദ്ദേഹം 15 വർഷം മുൻപ് ആരംഭിച്ച ജൈത്രയാത്ര ഇന്ന് 650 ലധികം ഇനം വിത്തുകളിൽ എത്തിനിൽക്കുന്നു. ആര്യൻ, ചിറ്റേണി, കയമ, പറമ്പുവട്ടൻ, തെക്കഞ്ചീര എന്നിങ്ങനെ പരമ്പരാഗത നെല്ലിനങ്ങളും അദ്ദേഹത്തിന്റെ അമൂല്യ ശേഖരത്തിൽ ഉൾപ്പെടുന്നു.…
ഇന്ത്യയുടെ സ്വന്തം ഭാരത് എന്‍ക്യാപ്പ് ഇടിപരീക്ഷയ്ക്ക് തയാറെടുക്കുകയാണ് ഇന്ത്യയിലെ ഏറ്റവും വലിയ പാസഞ്ചര്‍ വാഹന നിര്‍മാതാക്കളായ മാരുതി സുസുക്കി. മാരുതി സുസുക്കിയുടെ മുന്‍നിര മോഡലുകളായ ബലേനൊ, ബ്രെസ, ഗ്രാന്റ് വിറ്റാര എന്നിവയാണ് പ്രാഥമിക ഘട്ടത്തില്‍ ക്രാഷ്‌ടെസ്റ്റിന് അയയ്ക്കുന്നത്. കോംപാക്ട് ക്രോസ്ഓവര്‍ മോഡലായ ഫ്രോങ്‌സ് രണ്ടാം ഘട്ടത്തില്‍ ക്രാഷ്‌ടെസ്റ്റിന് അയയ്ക്കുമെന്നാണ് വിലയിരുത്തല്‍. ഗ്ലോബല്‍ എന്‍ക്യാപ് ക്രാഷ്‌ടെസ്റ്റില്‍ മാരുതി സുസുക്കിയുടെ വാഹനങ്ങള്‍ കുറഞ്ഞ റേറ്റിങ്ങ് മാത്രം സ്വന്തമാക്കിയിട്ടുള്ള സാഹചര്യത്തിലാണ് ഇന്ത്യയുടെ ഇടിപരീക്ഷയ്ക്ക് ഇറങ്ങാന്‍ കൂടുതൽ സജ്ജമായി സന്നദ്ധത അറിയിച്ചിരിക്കുന്നത്. ഭാരത് എന്‍ക്യാപ്പ് ക്രാഷ് ടെസ്റ്റ് തുടങ്ങിയപ്പോൾ ടാറ്റ മോട്ടോഴ്‌സിന്റെ ഹാരിയര്‍, സഫാരി മോഡലുകള്‍ ഫൈവ് സ്റ്റാര്‍ റേറ്റിങ്ങ് സ്വന്തമാക്കിയിരുന്നു. കഴിഞ്ഞ ദിവസം ടാറ്റ മോട്ടോഴ്‌സ് വിപണിയിലിറക്കിയ പഞ്ച് ഇലക്ട്രിക് ഉള്‍പ്പെടെയുള്ള കൂടുതൽ മോഡലുകളും ഇടിപരീക്ഷയ്ക്ക് തയാറെടുക്കുകയുമാണ്. 2023 ഒക്ടോബര്‍ ഒന്നിനാണ് ഇന്ത്യയുടെ ഔദ്യോഗിക ക്രാഷ് ടെസ്റ്റായി ഭാരത് എന്‍ക്യാപ് ആരംഭിക്കുന്നത്. ഓട്ടോമോട്ടീവ് ഇന്‍ഡസ്ട്രി സ്റ്റാന്റേഡ് എ.ഐ.എസ് 197-നെ അടിസ്ഥാനമാക്കിയാണ് ക്രാഷ് ടെസ്റ്റ് നടത്തുന്നത്. ഇലക്ട്രിക്,…
തലസ്ഥാനമായ റിയാദിൽ മദ്യശാല തുറക്കാനൊരുങ്ങി സൗദി അറേബ്യ. ചരിത്രത്തിലാദ്യമായാണ് സൗദി അറേബ്യ മദ്യ വിൽപ്പന ശാല തുറക്കാൻ ഒരുങ്ങുന്നത്. അതേസമയം സൗദിയിൽ എല്ലാവർക്കും മദ്യം വാങ്ങാൻ സാധിക്കില്ല. റിയാദിലെ ഡിപ്ലോമാറ്റിക് ക്വാർട്ടറിൽ തുറക്കുന്ന മദ്യശാല അമുസ്ലീമുകളായ നയതന്ത്ര പ്രതിനിധികൾക്ക് വേണ്ടി മാത്രമുള്ളതാണ്. മദ്യം വാങ്ങണമെങ്കിൽ ഉപഭോക്താക്കൾ മൊബൈൽ ആപ്പ് വഴി രജിസ്റ്റർ ചെയ്യുകയും വിദേശകാര്യ മന്ത്രാലയത്തിൽ നിന്ന് ക്ലിയറൻസ് എടുക്കുകയും വേണം. പ്രതിമാസ ക്വാട്ടയായിട്ടായിരിക്കും മദ്യം വിൽക്കുക. അടുത്ത ആഴ്ച തന്നെ സ്റ്റോർ തുറക്കുമെന്നാണ് പ്രതീക്ഷിക്കുന്നത്. ഇസ്ലാമിൽ മദ്യപാനം നിഷിദ്ധമാണ്. അതിനാൽ ഇതുവരെ സമ്പൂർണ മദ്യ നിരോധനമാണ് സ്വീകരിച്ചിരുന്നത്. ഡിപ്ലോമാറ്റിക് മെയിൽ വഴിയോ കരി‍ഞ്ചന്തകളിലൂടെയോ ആണ് ഇതുവരെ സൗദിയിൽ മദ്യമെത്തിയിരുന്നത്.എന്നാൽ പുതിയ നീക്കത്തിലൂടെ വിനോദസഞ്ചാരവും ബിസിനസും രാജ്യത്ത് പ്രോത്സാഹിപ്പിക്കാനാണ് സൗദി ലക്ഷ്യമിടുന്നത്. വിദേശ രാജ്യങ്ങളുമായുള്ള ബന്ധം മെച്ചപ്പെടുത്താൻ സൗദി നടപ്പാക്കുന്ന വിഷൻ 2030ന്റെ ഭാഗമായാണ് മദ്യശാല ആരംഭിക്കുന്നത്. അന്താരാഷ്ട്ര വാർത്താ ഏൻജിയായ റോയിട്ടേഴ്സ് ആണ് ഇക്കാര്യം റിപ്പോർട്ട് ചെയ്തത്. സൗദി കിരീടാവകാശി…
രാഷ്ട്രപതി ദ്രൗപതി മുർമുവിന്റെ നേതൃത്വത്തിൽ 75ാം റിപ്പബ്ലിക് ദിനാഘോഷം ആഘോഷിച്ച് രാഷ്ട്രം. ഡൽഹി കർത്ത്യപഥിൽ നടന്ന റിപ്പബ്ലിക് ദിന പരേഡിൽ വിശിഷ്ടാതിഥിയായി ഇമ്മാനുവൽ മക്രോൺ പങ്കെടുത്തു. വികസിത ഭാരത്, ഭാരത് ലോക്തത്ര കി മാതൃക എന്ന പ്രമേയത്തിൽ നടന്ന പരേഡ് രാജ്യത്തെ സ്ത്രീകളുടെ കരുത്ത് തെളിയിക്കുന്നതായിരുന്നു. ഫ്രാൻസും പരേഡിൽ പങ്കെടുത്തു. ഇന്ത്യൻ എയർഫോഴ്സിന്റെ മൾട്ടി റോൾ ടാങ്കർ ട്രാൻസ്പോർട്ട് എയർക്രാഫ്റ്റിന്റെ കൂടെ ഫ്രഞ്ച് എയർഫോഴ്സിന്റെ റഫേൽ വിമാനങ്ങളും വ്യോമയാന അഭ്യാസം കാഴ്ചവെച്ചു. ചരിത്രത്തിൽ ആദ്യമായി 100 വനിതാ കലാകാരികൾ സംഗീത ഉപകരണങ്ങൾ വായിച്ച് പരേഡിൽ പങ്കെടുത്തു. ശംഖ്, നാദസ്വരം തുടങ്ങിയ വാദ്യോപകരണങ്ങൾ വായിച്ചു കൊണ്ടാണ് വനിതകൾ പരേഡിൽ പങ്കെടുത്തത്. നാവിക സേന, വ്യോമസേന, കരസേന വിഭാഗത്തിൽ വനിതകൾ പരേഡിൽ പങ്കെടുത്തു. സൈനിക, അർധ സൈനിക വിഭാഗത്തിൽ വനിതാ ഓഫീസർമാരാണ് മുന്നിൽ നയിച്ചത്. സിഎപിഎഫിലും വനിതാ ഓഫീസർമാർ നയിച്ചു. വന്ദേ ഭാരതം-നാരീ ശക്തി എന്ന പേരിൽ നടന്ന പരേഡിൽ ഏകദേശം 1,500 നർത്തകിമാർ…