Author: News Desk

രക്ഷാ സൊസൈറ്റിയെ ഒരു സ്കൂൾ എന്നുമാത്രം പറയാൻ സാധിക്കില്ല, കഴിഞ്ഞ 38 വർഷമായി പ്രത്യേക ശ്രദ്ധ ആവശ്യമുള്ള കുട്ടികളുടെ രണ്ടാം വീടാണ് രക്ഷ. ഇവിടെ അവരെ പഠിപ്പിക്കുന്നത് പുസ്തകങ്ങളിലെ പാഠങ്ങളല്ല, ജീവിത പാഠങ്ങളാണ്. സെറിബ്രൽ പാൾസി ബാധിച്ച കുട്ടികൾക്ക് വേണ്ടി ഡോ. മനോജ് മേനോൻ, ഡോ. റീന സെൻ, വത്സൽകുമാരി IAS എന്നവർ ചേർന്ന് മട്ടാഞ്ചേരിയിലാണ് രക്ഷ ആരംഭിക്കുന്നത്. സെറിബ്രൽ പാൾസി, ശാരീരികമോ മാനസികമോ ആയ വെല്ലുവിളികൾ നേരിടുന്നവർ, ഓട്ടിസം, പഠനവൈകല്യം എന്നിവ നേരിടുന്നവർക്ക് രക്ഷ ഇന്നൊരു കൈത്താങ്ങാണ്. ഇവരെ സമൂഹം അകറ്റി നിർത്തിയ കാലത്ത് ചേർത്തുപിടിച്ചു കൊണ്ടാണ് രക്ഷ തങ്ങളുടെ സാന്നിധ്യം അറിയിക്കുന്നത്. കുട്ടികൾക്കും മുതിർന്നവർക്കുംസൊസൈറ്റീസ് ആക്ട്, ആക്ട് ഫോർ പേഴ്സൺസ് വിത്ത് ഡിസബിലിറ്റി ആക്ട്, നാഷണൽ ട്രസ്റ്റ് ആക്ട് എന്നിവയുടെ രജിസ്ട്രേഷനോടെ പ്രവർത്തിക്കുന്ന രക്ഷാ സൊസൈറ്റി 1985ലാണ് ആരംഭിക്കുന്നത്. ഓരോ പ്രായത്തിനും അനുസരിച്ചാണ് ശ്രദ്ധയും പിന്തുണയും നൽകുന്നത്. ഓരോ പ്രായക്കാരെയും മൂന്ന് വിഭാഗങ്ങളിൽ തിരിച്ചാണ് രക്ഷയിലെ പഠനപ്രവർത്തനങ്ങൾ. സെറിബ്രൽ…

ഈ വർഷം സ്പോട്ടിഫൈയിൽ നിന്ന് വരുമാനം വാരാൻ പോകുന്ന താരം ആരാണെന്ന് അറിയാമോ? ഈ വർഷം അവസാനിക്കുമ്പോഴെക്കും 100 മില്യൺ ഡോളറിന് മുകളിൽ വരുമാനം ഹോളിവുഡ് ഗായിക ടെയ്‌ലർ സ്വിഫ്റ്റിന്റെ പോക്കറ്റിലേക്ക് വീഴും. കാരണം ടെയ്‌ലർ സ്വിഫ്റ്റിന്റെ ഗാനമാണ് ഇത്തവണ ഏറ്റവും കൂടുതൽ ആളുകൾ കേട്ടത്. 2023ൽ ഏറ്റവും കൂടുതൽ സ്ട്രീം ചെയ്ത ഗായികയായി ടെയ്‌ലറിനെ സ്പോട്ടിഫൈ തിരഞ്ഞെടുക്കുകയും ചെയ്തു. 26.1 ബില്യൺ ആണ് ടെയ്‌ലറിന്റെ സ്ട്രീമിംഗ്. ഇതിൽ നിന്ന് താരത്തിന് ലഭിക്കുന്ന തുക 97 മില്യൺ ഡോളറാണെന്നാണ് റിപ്പോർട്ട്. 15 വർഷത്തെ സ്പോട്ടിഫൈയുടെ ചരിത്രത്തിൽ ആദ്യമായിട്ടാണ് ഒരു താരത്തിന് ഇത്രയേറെ സ്ട്രീമിംഗ് ലഭിക്കുന്നത്.ഡിസംബർ അവസാനിക്കുന്നതോടെ വരുമാനം ഇനിയും കൂടാനാണ് സാധ്യത. പാട്ടിന്റെ റോയൽറ്റി ഇനത്തിൽ മാത്രമാണ് 97 മില്യൺ ഡോളർ ടെയ്‌ലറിന് ലഭിക്കാൻ പോകുന്നത്. ഡിസംബർ അവസാനിക്കുന്നതോടെ ഏകദേശം 101 മില്യൺ ഡോളറെങ്കിൽ ടെയ്‌ലറിന് ലഭിക്കുമെന്നാണ് കണക്കാക്കുന്നത്. ഇത് സ്പോട്ടിഫൈയിൽ നിന്ന് മാത്രമുണ്ടാക്കുന്ന വരുമാനമാണ്. മറ്റു പ്ലാറ്റ് ഫോമുകളിൽ നിന്ന്…

നിരന്തരമായ ബോധവല്‍ക്കരണത്തിന് ശേഷവും ഓണ്‍ലൈന്‍ തട്ടിപ്പിനിരയാകുന്നവരുടെ എണ്ണം കൂടി വരികയാണ്. പൊതുസ്ഥലങ്ങളിലെ ഫ്രീ വൈഫൈ സംവിധാനം ഉപയോഗിക്കുമ്പോൾ കൂടുതൽ ജാഗ്രത പുലർത്തണമെന്ന നിർദേശമാണ് കേരളാ പോലീസ് നൽകിയിരിക്കുന്നത്. ഫ്രീ വൈഫൈ ഉപയോഗിച്ച് പണമിടപാടുകള്‍ നടത്തുമ്പോള്‍ ശ്രദ്ധ പുലര്‍ത്തണമെന്ന് പോലീസ് മുന്നറിയിപ്പ് നൽകുന്നു. പൊതുസ്ഥലങ്ങളിലെ സൗജന്യ ഹോട്ട്സ്പോട്ടുകള്‍ സൗകര്യപ്രദമാണെങ്കിലും പലപ്പോഴും അവ സുരക്ഷിതമല്ലെന്നു പോലീസ് ആവർത്തിക്കുന്നു . സൗജന്യ ഹോട്ട്സ്പോട്ടുകളിലേക്ക് മൊബൈല്‍ ഫോണ്‍ ബന്ധിപ്പിച്ച് യു.പി.ഐ, നെറ്റ് ബാങ്കിംഗ് എന്നിവ ഉപയോഗിക്കരുത്. പൊതു ഹോട്ട്സ്പോട്ടുകള്‍ ഉപയോഗിച്ച് സുരക്ഷിതമല്ലാത്ത ആപ്പുകള്‍ ഡൗണ്‍ലോഡ് ചെയ്യുകയോ അക്കൗണ്ടുകള്‍ എടുക്കുകയോ പണമിടപാടുകള്‍ നടത്തുകയോ ചെയ്യരുത്. പാസ് വേർഡും യു.പി.ഐ ഐഡിയും ഉള്‍പ്പെടെയുള്ള സ്വകാര്യ വിവരങ്ങള്‍ പബ്ലിക് വൈ ഫൈ മുഖേന ചോരാന്‍ സാധ്യതയേറെയാണ്. ഫോണില്‍ സൂക്ഷിച്ചിരിക്കുന്ന സ്വകാര്യ രേഖകള്‍, ഫോട്ടോകള്‍, ഫോണ്‍ നമ്പരുകള്‍, ലോഗിന്‍ വിവരങ്ങള്‍ എന്നിവയും ചോര്‍ത്തിയെടുക്കാന്‍ ഹാക്കര്‍മാര്‍ക്ക് ഇതിലൂടെ കഴിയും എന്ന് സൈബർ പോലീസ് മുന്നറിയിപ്പ് നൽകുന്നു. എസ്എംഎസ് ആയോ ഇ-മെയിലിലൂടെയോ വാട്സ്ആപ്, മെസഞ്ചര്‍,…

എതിരാളികളായ സ്പേസ് എക്സുമായി (SpaceX) സംഖ്യത്തിലാകാൻ ആമസോൺ (Amazon). ഇലോൺ മസ്കിന്റെ ഫാൽക്കൺ 9 റോക്കറ്റിൽ തങ്ങളുടെ മൂന്ന് സാറ്റ്ലൈറ്റുകൾ വിക്ഷേപിക്കാനാണ് വൈര്യം മറന്ന് ആമസോൺ സ്പേസ് എക്സുമായി കൈകോർക്കുന്നത്. ഇതുവഴി ആമസോണിന് ബഹിരാകാശത്ത് നിന്ന് ഇന്റർനെറ്റ് ഉപഗ്രങ്ങൾ ഭ്രമണപഥത്തിലേക്ക് വിക്ഷേപിക്കാനുള്ള ശേഷി വർധിപ്പിക്കാൻ പറ്റും. പലതവണ പരാജയം, ഒടുവിൽ സ്പേസ് എക്സ് വെള്ളിയാഴ്ചയാണ് സ്പേസ് എക്സുമായി ആമസോൺ കരാറിലേർപ്പെട്ടതെന്നാണ് റിപ്പോർട്ട്. 2025ൽ ഫാൽക്കൺ 9 ആമസോണിന്റെ മൂന്ന് സാറ്റ്ലൈറ്റുകൾ വഹിച്ചുകൊണ്ട് ബഹിരാകാശത്തേക്ക് കുതിക്കും. നിലവിൽ ലോ എർത്ത് ഓർബിറ്റിൽ നിന്ന് 5,000 ഉപഗ്രങ്ങൾക്ക് സ്പേസ് എക്സിന്റെ സാറ്റ്ലൈറ്റ് കോൺസ്റ്റലേഷനായ സ്റ്റാർ ലിങ്ക് ഇന്റർനെറ്റ് സേവനങ്ങൾ നൽകുന്നുണ്ട്. തങ്ങളുടെ എതിരാളികളുടെ സാറ്റ്ലൈറ്റുകൾ സ്പേസ് എക്സ് വിക്ഷേപിക്കാൻ പോകുകയാണെന്ന് കഴിഞ്ഞ ദിവസം ഇലോൺ മസ്ക് എക്സിൽ കുറിച്ചിരുന്നു. അതേസമയം ആമസോണിന്റെ പ്രോജക്ട് കൂപ്പർ (Project Kuiper) പരീക്ഷാണാടിസ്ഥാനത്തിൽ രണ്ട് സാറ്റ്ലൈറ്റുകൾ വിക്ഷേപിച്ചിരുന്നു. ബെറ്റ ടെസ്റ്റിങ്ങാണ് ഈ ബിസിനസ് മോഡൽ കൊണ്ട് ആമസോൺ ഉദ്ദേശിക്കുന്നത്.…

ഊർജ സ്വയംപര്യാപ്തതയിലേക്ക് കേരളത്തെ നയിക്കാൻ റൂഫ് ടോപ്പ് സോളാർ സൊല്യൂഷൻ (പുരപ്പുറ സൗരോർജം) സ്ഥാപനമായ ഫ്രയർ എനർജി (Freyr Energy). സംസ്ഥാനത്തെ 2,000 വീടുകളിൽ അടുത്ത വർഷത്തോടെ ഫ്രയർ എനർജിയുടെ നേതൃത്വത്തിൽ പുരപ്പുറ സോളാർ പാനലുകൾ നൽകും. രാജ്യത്തെ 27 സംസ്ഥാനങ്ങളിലെ ബിസിനസുകൾക്കും വീടുകൾക്കും പുരപ്പുറ സോളാർ സംവിധാനം ഫ്രയർ എനർജി നൽകിയിരുന്നു. സംസ്ഥാനത്ത് ഹൗസിംഗ് സൊസൈറ്റുകളുടെയും മറ്റും ആവശ്യത്തിന് അനുസരിച്ചായിരിക്കും സോളാർ പാനലുകൾ സ്ഥാപിക്കുകയെന്ന് ഫ്രയർ എനർജി പറഞ്ഞു. വീടുകൾക്ക് സൗരോർജം ഗാർഹിക ആവശ്യങ്ങൾക്ക് വേണ്ടിയുള്ള വൈദ്യുതി ഉത്പാദിപ്പിക്കാൻ സൗരോർജ പാനലുകൾ സംസ്ഥാന വൈദ്യുതി ബോർഡിന്റെ നേതൃത്വത്തിൽ വീടുകളിൽ സ്ഥാപിക്കുന്നുണ്ട്. ഈ വർഷം അവസാനത്തോടെ 800 വീടുകളിൽ സൗരോർജ പാനലുകൾ സ്ഥാപിക്കാനായിരുന്നു വൈദ്യുതി ബോർഡിന്റെ പദ്ധതി. ഇതുവരെ 400 വീടുകളിൽ സൗരോർജ പാനലുകൾ സ്ഥാപിക്കുകയും ചെയ്തു. സംസ്ഥാനത്ത് സൗരോർജത്തിന്റെ ഉപയോഗം പ്രോത്സാഹിപ്പിക്കുന്നതിന് വൈദ്യുതി ബോർഡുമായി ചേർന്ന് പ്രവർത്തിക്കാനാണ് ഫ്രയറിന്റെ തീരുമാനം. സൺപ്രോ ആപ്പ് വീടുകളിൽ സോളാർ പാനലുകൾ സ്ഥാപിക്കാൻ താത്പര്യമുള്ളവർക്ക്…

വാട്സാപ്പ് ചാറ്റുകളെല്ലാം എൻഡ് ടു എൻഡ് എൻക്രിപ്റ്റഡ് ആണ്, എങ്കിലും ചാറ്റുകൾ പുറത്തായാലോ? ഇനി ആ പേടി വേണ്ട. ചാറ്റുകൾ പുറത്താകാതെ സൂക്ഷിക്കാൻ പുതിയ സുരക്ഷാ ഫീച്ചർ അവതരിപ്പിച്ചിരിക്കുകയാണ് വാട്സാപ്പ്. സീക്രട്ട് കോഡ് അഥവാ രഹസ്യ കോഡ് എന്ന പുതിയ സുരക്ഷാ ഫീച്ചറിൽ ലോക്ക് ചെയ്യുന്ന ചാറ്റുകൾക്ക് പാസ്‌വേർഡ് നൽകാൻ പറ്റും. യൂസർ പ്രൈവസി ഉറപ്പിക്കുകയാണ് വാട്സാപ്പ് ലക്ഷ്യംവെക്കുന്നത്. ചാറ്റ് കാണില്ലലോക്ഡ് ചാറ്റ്സ് ഫീച്ചറിൽ നേരത്തെ തന്നെ ഉപഭോക്താക്കൾക്ക് ചാറ്റുകൾ പ്രൈവറ്റാക്കി വെക്കാനുള്ള സൗകര്യം നൽകുന്നുണ്ട്. തിരഞ്ഞെടുത്ത ബയോമെട്രിക് സംവിധാനത്തിലൂടെയാണിത്. പുതിയ ഫീച്ചർ ചാറ്റുകൾക്ക് ഇരട്ടി സുരക്ഷയാണ് ഉറപ്പാക്കുന്നതെന്നും മറ്റാരെങ്കിലും നിങ്ങളുടെ ഫോണിലെ ചാറ്റുകൾ കാണുമെന്ന ആശങ്ക വേണ്ടെന്നും മെറ്റ സിഇഒ മാർക്ക് സക്കർബർഗ് പറഞ്ഞു. കൂടാതെ ഉപഭോക്താക്കൾക്ക് ചാറ്റ് ലിസ്റ്റിൽ നിന്നും പൂർണമായി ചാറ്റുകൾ ഹൈഡ് ചെയ്യാനും ഈ സംവിധാനം സഹായിക്കും. ഇരട്ടി സുരക്ഷയ്ക്ക് പാസ്‌വേർഡ്വാട്സാപ്പിൽ ചാറ്റ് ലോക്കുകൾ ആദ്യമായി അവതരിപ്പിക്കുന്നത് മേയിലാണ്. പുതിയ സീക്രട്ട് കോഡ് ഫീച്ചർ…

ശ്രീലങ്കയിലും ഇനി വിസയില്ലാതെ ഇന്ത്യക്കാർക്ക് ഒരു മാസം താമസിക്കാം. ഇന്ത്യയുൾപ്പെടെ ഏഴുരാജ്യങ്ങൾക്കാണ് 2024 മാർച്ച് 31 മുതൽ 30 ദിവസത്തേക്ക് വിസ സൗജന്യമാക്കിയത്. വിനോദ സഞ്ചാര മേഖല ശക്തിപ്പെടുത്തുന്നതിന്റെ ഭാഗമായാണ് ശ്രീലങ്കൻ സർക്കാരിന്റെ നീക്കം. ഇതോടെ വിസ ഓൺ അറൈവൽ സംവിധാനം തൽകാലത്തേക്ക് അവസാനിപ്പിച്ചു. ഈ സംവിധാന പ്രകാരം 2080 രൂപയാണ് ഇന്ത്യൻ സഞ്ചാരികൾ ശ്രീലങ്കയിലെത്തിയാൽ അടക്കേണ്ടിയിരുന്നത്. ചൈന, റഷ്യ, മലേഷ്യ, ജപ്പാൻ, ഇന്തോനേഷ്യ, തായ്‍ലൻഡ് എന്നീ രാജ്യങ്ങളിലെ പൗരൻമാർക്കും വിസയില്ലാതെ ഒരുമാസം ശ്രീലങ്കയിൽ താമസിക്കാനാകും. 2019 ലെ ഈസ്റ്റർ ഭീകരാക്രമണത്തോടെയാണ് ശ്രീലങ്കയിലെ വിനോദസഞ്ചാര മേഖല തകർന്നടിഞ്ഞത്. അവിടെ നിന്നും ടൂറിസം മേഖലയെ തിരിച്ചു കൊണ്ട് വരാനുള്ള ശ്രമങ്ങളിലാണ് ശ്രീലങ്ക. ഇതിനിടെ കഴിഞ്ഞ വർഷം നേരിടേണ്ടി വന്ന സാമ്പത്തിക പ്രതിസന്ധി കൂടിയായപ്പോൾ ശ്രീലങ്കൻ ടൂറിസം തകർന്നടിയുന്ന അവസ്ഥ വരെയായി. ശ്രീലങ്കൻ ടൂറിസത്തെ പഴയ കാല പ്രതാപത്തിലേക്കു കൊണ്ട് വരാനുള്ള നിലവിലെ സർക്കാരിന്റെ ശ്രമങ്ങളുടെ ഭാഗമായാണീ വിസാ ഇളവുകൾ. അതുകൊണ്ടാണ് ഇന്ത്യയടക്കം അയൽ…

ബികെ ബിർളാ ഗ്രൂപ്പിന്റെ പക്കൽ നിന്ന് 5,379 കോടി രൂപയ്ക്ക് കെസോറാം ഇൻഡസ്ട്രീസിനെ സ്വന്തമാക്കുകയാണ് അൾട്രാ ടെക് സിമന്റ് (UltraTech Cement). ലോകത്തിലെ തന്നെ മൂന്നാമത്തെ സിമന്റ് നിർമാതാക്കളായ അൾട്രാ ടെക്ക് ദക്ഷിണേന്ത്യയിലേക്ക് വരുന്നതിന്റെ ഭാഗമായാണ് ഏറ്റെടുക്കലെന്നാണ് വിലയിരുന്നത്. ബിർളാ ഗ്രൂപ്പിന്റെ കുടുംബകാര്യമായാണ് കൈമാറ്റം നടന്നത് എന്ന പ്രത്യേകതയുമുണ്ട്. ബികെ ബിർളയുടെ കൊച്ചുമകൻ കുമാർ മംഗളം ബിർളയാണ് അൾട്രാ ട്രെക്കിന്റെ ഉടമകളായ എവി ബിർളാ ഗ്രൂപ്പിനെ നയിക്കുന്നത്. നോട്ടം ദക്ഷിണേന്ത്യയിലേക്ക്ദക്ഷിണേന്ത്യയിലേക്ക് ബിസിനസ് വ്യാപിപ്പിക്കാനുള്ള അൾട്രാ ടെക് സിമന്റ് കുറച്ച് വർഷങ്ങളായി ശ്രമം നടത്തുന്നുണ്ട്. ദക്ഷിണേന്ത്യൻ മാർക്കറ്റിൽ കണ്ണുവെച്ചാണ് അൾട്രാ ടെക് വമ്പനേറ്റെടുപ്പിന് തയ്യാറായത്. ദക്ഷിണേന്ത്യയിൽ തനിച്ച് ആധ്യപത്യമുറപ്പിക്കാൻ അൾട്രാടെക് സിമന്റിനെ സംബന്ധിച്ച് അത്ര എളുപ്പമല്ല. പ്രത്യേകിച്ച് ദക്ഷിണേന്ത്യയിലെ സിമന്റ് മാർക്കറ്റ് വലിയ മത്സരം കാഴ്ചവെക്കുന്ന സമയത്ത്. ദക്ഷിണേന്ത്യയിൽ സിമന്റ് മാർക്കറ്റിൽ 11% ആണ് അൾട്രാടെക്കിന്റെ സാന്നിധ്യം. ഇത് 21% ആയി ഉയർത്താൻ കെസോറാമിന്റെ ഏറ്റെടുക്കലിലൂടെ സാധിക്കും. ബികെ ബിർളാ ഗ്രൂപ്പിന്റെ ഫ്ലാഗ്ഷിപ്പിലുള്ള കെസോറാമിന്…

കൊച്ചി രാജ്യാന്തര വിമാനത്താവളത്തിൽ (സിയാൽ-CIAL) പ്രവേശനവും പാർക്കിംഗും ഡിജിറ്റലായി. ഡിസംബർ 1 മുതൽ പ്രവേശനത്തിനും പാർക്കിംഗിനും ഫാസ്റ്റാഗ്, സ്മാർട്ട് പാർക്കിംഗ് സംവിധാനം ഏർപ്പെടുത്തിയിരിക്കുകയാണ് സിയാൽ. പുതിയ സംവിധാനം വഴി നീണ്ട ക്യൂവും കാത്ത് നിൽപ്പും ഒഴിവാക്കി വിമാനത്താവളത്തിലേക്ക് പ്രവേശിക്കാം. സംസ്ഥാനത്തെ ഏറ്റവും വലുതും തിരക്കേറിയ വിമാനത്താവളമായ കൊച്ചി അന്താരാഷ്ട്ര വിമാനത്താവളത്തിൽ പുതിയ സംവിധാനം വലിയ ആശ്വാസമായിരിക്കും. ഇനി മുതൽ കാറുകൾക്ക് പ്രവേശനവും പാർക്കിംഗ് വീസ് നൽകലുമെല്ലാം ഡിജിറ്റലാകും.  വാഹനങ്ങൾക്ക് വിമാനത്താവളത്തിലേക്ക് കടക്കാനും പുറത്തിറങ്ങാനുമുള്ള സമയം എട്ടു സെക്കന്റായി കുറയ്ക്കുന്നതിനാണ് ഫാസ്റ്റാഗ് സംവിധാനം ഏർപ്പെടുത്തുന്നത്. സാധാരണ രണ്ട് മിനിട്ട് വേണ്ടയിടത്താണിത്. സ്മാർട്ട് പാർക്കിംഗ് സംവിധാനം തടസ്സങ്ങളിലാതെ വാഹനങ്ങളുടെ പാർക്കിംഗ് ഉറപ്പാക്കും. പാർക്കിംഗ് സ്ലോട്ട് മുൻക്കൂട്ടി ബുക്ക് ചെയ്യാനും നാവിഗേഷും സ്മാർട്ട് പാർക്കിംഗിൽ സൗകര്യമുണ്ട്. സിയാലിന്റെ മൊബൈൽ ആപ്ലിക്കേഷൻ വഴിയാണ് യാത്രക്കാർക്ക് പാർക്കിംഗ് സ്ലോട്ടുകൾ ബുക്ക് ചെയ്യാൻ സാധിക്കും. പാർക്കിംഗ് മാനേജ്മെന്റ് സിസ്റ്റം, പാർക്കിംഗ് ഗൈഡൻസ് സിസ്റ്റം എന്നിവ ചേർത്താണ് പുതിയ സംവിധാനം രൂപവത്കരിച്ചത്.…

നിലവിലെ ഡീസൽ ബസ്സുകൾ ഇലക്ട്രിക് മോഡിലേക്ക് മാറ്റാൻ കെ എസ് ആർ ടി സി ഒരുങ്ങുന്നു. സ്റ്റാർട്ടപ്പ് മിഷൻ സംരംഭമായ EV വാഹന നിർമാണകമ്പനി ഹിന്ദുസ്ഥാൻ ഇ.വി. മോട്ടോഴ്സിന് പുറമേ, വിദേശ പങ്കാളിത്തമുള്ള മൂന്നു കമ്പനികൾ ഇത്തരത്തിൽ ഡീസൽ ബസ്സുകളെ EV ആക്കി മാറ്റാനുള്ള സന്നദ്ധതയറിയിച്ചു. പദ്ധതി രൂപരേഖ തയാറാക്കി നല്കാൻ കെ എസ് ആർ ടി സി ഈ കമ്പനികളോട് ആവശ്യപ്പെട്ടിരിക്കുകയാണ്. സി.എൻ .ജി. ഉപയോഗിച്ച് ഓടിക്കുന്നത് ലാഭകരമല്ലെന്ന് കണ്ടതോടെയാണ് കെ.എസ്.ആർ.ടി.സി.യുടെ ഡീസൽ ബസ്സുകൾ വൈദ്യുതിയിലേക്ക് മാറ്റുന്നത്. ഇ വി യിലേക്കുള്ള മാറ്റത്തിനു ഒരു ബസിന് 20 ലക്ഷം രൂപവരെ ചിലവിടാമെന്നാണ് കെ.എസ്.ആർ .ടി.സി. യുടെ കണക്കുകൂട്ടൽ. പത്തു വർഷത്തിനകം പഴക്കമുള്ള ബസുകളാണ് ആദ്യഘട്ടത്തിൽ ഇ-വാഹനങ്ങളാക്കുക. ഇത്തരത്തിൽ 1000 ബസുകളെങ്കിലും മാറ്റി ഇന്ധനച്ചെലവ് കുറയ്ക്കാനാണ് തീരുമാനം. ഇ-വാഹനങ്ങളുടെ പരമാവധി ഉപയോഗകാലാവധി നിശ്ചയിച്ചിട്ടില്ല. 15 വർഷം ഓടി പഴക്കമുള്ള ഡീസൽ ബസ്സുകൾ കെ.എസ്.ആർ .ടി.സി. പിൻവലിക്കുന്ന സ്ഥാനത്തു ഇവ ഇ-വാഹനങ്ങളാക്കി പുനരുപയോഗിക്കാൻ അടുത്ത…