Author: News Desk

എന്താവശ്യത്തിനും ഗൂഗിളിനെ ആശ്രയിക്കുന്ന ഒരു ശീലം ഗൂഗിൾ നേടിയെടുത്ത വിശ്വാസ്യതക്ക് തെളിവാണ്. ഏത് ചോദ്യത്തിനും ഉത്തരം ലഭിക്കുന്ന പ്ലാറ്റ്ഫോമിൽ പക്ഷെ  സുരക്ഷയുടെ കാര്യത്തില്‍ ഗൂഗിള്‍ വളരെ ശ്രദ്ധാലുവാണ്. സുരക്ഷ സംബന്ധിച്ച്‌ ഗൂഗിളിന് അതിന്റേതായ പ്രത്യേക നയമുണ്ട്, അത് ശക്തമായി പിന്തുടരുന്നു. ഗൂഗിള്‍ അത് പ്രവര്‍ത്തിക്കുന്ന രാജ്യത്തെ പ്രാദേശിക നിയമങ്ങളും കര്‍ശനമായി പാലിക്കുന്നുണ്ട്. അത്തരമൊരു സാഹചര്യത്തില്‍, ഗൂഗിളില്‍ എന്തെങ്കിലും തിരയുന്നതിന് മുമ്പ് നിങ്ങള്‍ ജാഗ്രത പാലിക്കേണ്ടതുണ്ട്. ഗൂഗിള്‍ സെര്‍ച്ചില്‍ ചില വിവരങ്ങളും വാക്കുകളും തിരയുന്നത് നിയമപരമായ കുറ്റമാണ്. ഇന്ത്യൻ നിയമത്തില്‍, ഇത് സൈബര്‍ കുറ്റകൃത്യമായി കണക്കാക്കപ്പെടുന്നു, നിരോധിത കാര്യങ്ങള്‍ തിരഞ്ഞാല്‍ ജയില്‍ ശിക്ഷ അനുഭവിക്കേണ്ടി വന്നേക്കാം. മാത്രമല്ല, കനത്ത പിഴയും ഈടാക്കിയേക്കാം. ഗൂഗിള്‍ സെര്‍ച്ചില്‍ ഏതൊക്കെ കാര്യങ്ങളാണ് നിങ്ങളെ അപകടത്തിലേക്ക് എത്തിക്കുകയെന്ന് അറിയാം. 1. ആയുധങ്ങളോ ബോംബുകളോ നിര്‍മിക്കുന്ന രീതി:ഗൂഗിള്‍ സെര്‍ച്ചില്‍ അബദ്ധത്തില്‍ പോലും ബോംബുകളോ ആയുധങ്ങളോ നിര്‍മിക്കുന്ന രീതി തിരയരുത്. ഇത് ഇന്ത്യൻ നിയമപ്രകാരം കുറ്റമായി കണക്കാക്കപ്പെടുന്നു. ആരെങ്കിലും ഇത് ചെയ്താല്‍, ഐപി…

വന്ദേഭാരത്  ട്രെയിൻ സർവീസ് രാജ്യത്തു മികച്ച വരുമാനം നേടി മുന്നേറുന്നു. യാത്ര തുടങ്ങി ആദ്യ വർഷം തന്നെ 92 കോടി രൂപയിലധികം രൂപയുടെ വരുമാനമാണ് വന്ദേ ഭാരത്  ട്രെയിനുകൾ ഇന്ത്യൻ റെയിൽവേക്ക് നേടി കൊടുത്തത്. രാജ്യത്തു തന്നെ മികച്ച പ്രകടനം കാഴ്ച വയ്ക്കുന്നത് കാസർഗോഡ്- തിരുവനന്തപുരം റൂട്ടിലെ എക്സ്‍പ്രസ് ആണെന്നത് കേരളത്തിന് അഭിമാനമാണ്. വരുമാനത്തിലെയും, ജന സ്വീകാര്യതയിലേയും വന്ദേഭാരത് മുന്നിലാണ്.ഇനി ഫ്ലൈറ്റ് സർവീസുകൾക്ക് സമാനമായ സേവനങ്ങൾ വന്ദേ ഭാരതിൽ റെയിൽവേ നൽകും. കൂടുതൽ വരുമാനം ലക്ഷ്യമിട്ട് പരീക്ഷണാടിസ്ഥാനത്തിൽ യാത്രക്കാർക്ക് നൽകുന്ന സേവനങ്ങൾ വിപുലീകരിക്കാൻ ഒരുങ്ങുകയാണ് ദക്ഷിണ റെയിൽവേ. പ്രവർത്തനമാരംഭിച്ച ആദ്യ വർഷം തന്നെ 92 കോടി രൂപയിലധികം വരുമാനമാണ് ട്രെയിനുകൾ നേടിയത് എന്നാണ് റിപ്പോ‍ർട്ടുകൾ. ടിക്കറ്റ് വിൽപ്പന, കാറ്ററിംഗ്, മറ്റ് സേവനങ്ങൾ എന്നിവയിൽ നിന്നാണ് ഈ വരുമാനം. വന്ദേ ഭാരത് ട്രെയിനുകൾക്ക് വിവിധ സംസ്ഥാനങ്ങളിൽ യാത്രക്കാരും, പുതിയ സർവീസുകൾക്കുള്ള ആവശ്യങ്ങളും വർധിച്ചുവരികയാണ്. അനുബന്ധ സേവനങ്ങളിൽ നിന്ന് കൂടി കൂടുതൽ വരുമാനം ലക്ഷ്യമിടുകയാണ്…

ക്രിപ്റ്റോ കറൻസിയിൽ അടിത്തെറ്റി ക്രിസ്റ്റ്യാനോ റൊണാൾഡോ. ക്രിപ്റ്റോ കറൻസി സ്ഥാപനമായ ബിനാൻസിന്റെ പ്രമോഷനിൽ പങ്കെടുത്തതിന് താരത്തിനെതിരെ നിയമ നടപടി സ്വീകരിച്ചിരിക്കുകയാണ് മൂന്ന് യു.എസ്. പൗരന്മാർ. പ്രമോഷനിലൂടെ തങ്ങളെ വഞ്ചിച്ചതിന് 1 ബില്യൺ ഡോളറാണ് ഇവർ നഷ്ടപരിഹാരം ആവശ്യപ്പെട്ടിരിക്കുന്നത്. ഫ്ലോറിഡ ജില്ലാ കോടതിയിലാണ് കേസ് നൽകിയിരിക്കുന്നത്. ബിനാൻസിനെ പ്രശസ്തിയിലേക്ക് എത്തിച്ചത് റൊണാൾഡോ ആണെന്ന് പറയുന്നു. മൈക്കൽ സെസ്മോർ, മികി വോങ്ഡാറ, ഗോൾഡൻ ലെവിസ് എന്നീ മൂന്ന് യുഎസ് പൗരന്മാരാണ് നഷ്ടപരിഹാരം ആവശ്യപ്പെട്ടിരിക്കുന്നത്. ക്രിസ്റ്റ്യാനോയുടെ പ്രമോഷനിൽ വിശ്വസിച്ച് ബിനാൻസിൽ നിക്ഷേപിച്ച തങ്ങൾക്ക് വലിയ സാമ്പത്തിക നഷ്ടമുണ്ടായാതായി ഇവർ പറയുന്നു. ക്രിസ്റ്റ്യാനോ ബിനാൻസിന്റെ ഇടപാടുകൾ പ്രോത്സാഹിപ്പിക്കുകയും വലിയ ലാഭം വാഗ്ദാനം ചെയ്യുകയും ചെയ്തതായി ആരോപണമുണ്ട്. പ്രമോഷൻ പരിപാടികളിൽ റൊണാൾഡോ സജീവമായി പങ്കെടുക്കുകയും ചെയ്തിട്ടുണ്ട്. 2022 മുതലാണ് ക്രിസ്റ്റ്യാനോ ബിനാൻസുമായി പ്രമോഷൻ പരിപാടികൾക്ക് ധാരണയാകുന്നത്. അതേ വർഷം നവംബറിൽ പുറത്തിറക്കിയ ബിനാൻസിന്റെ ടോക്കണുകളിൽ റൊണാൾഡോയുടെ പേരിലെ ആദ്യാക്ഷരങ്ങളും ജേഴ്സി നമ്പരും ഉപയോഗിച്ചിരുന്നു. CR7 എന്ന ലേബലും റൊണാൾഡോയുടെ…

ജോലി മൂന്ന് ഷിഫ്റ്റാക്കണമെന്ന് ഇൻഫോസിസ് (Infosys) കോഫൗണ്ടർ എൻആർ നാരായണ മൂർത്തി (NR Narayana Murthy). അടിസ്ഥാന സൗകര്യ വികസനങ്ങൾക്കായുള്ള പദ്ധതികൾ സർക്കാർ മുൻഗണനാ അടിസ്ഥാനത്തിൽ പൂർത്തിയാക്കണമെന്നും നിർമാണ മേഖലയിലെ ജോലികൾ ഒന്നിന് പകരം മൂന്ന് ഷിഫ്റ്റാക്കണമെന്നും നാരായണ മൂർത്തി ആവശ്യപ്പെട്ടു. സെറോദ കോഫൗണ്ടർ നിഖിൽ കമ്മത്തുമായി ബംഗളൂരുവിൽ ടെക് സമ്മിറ്റിൽ സംസാരിക്കുകയായിരുന്നു അദ്ദേഹം. വലിയ വികസനസ്വപ്നങ്ങൾ കാണുന്ന രാജ്യങ്ങളിൽ ആളുകൾ രണ്ട് ഷിഫ്റ്റുകളായാണ് ജോലി ചെയ്യുന്നതെന്ന് നാരായണ മൂർത്തി പറഞ്ഞു. ഇതിന് മുമ്പ് ഇന്ത്യയിലെ യുവത ആഴ്ചയിൽ 70 മണിക്കൂർ ജോലി ചെയ്യണമെന്ന നാരായണ മൂർത്തിയുടെ പ്രസ്താവന സാമൂഹിക മാധ്യമങ്ങളിൽ വലിയ ചർച്ചയ്ക്ക് വഴിവെച്ചിരുന്നു. രാജ്യത്തിന്റെ ഹൈടെക്ക് സിറ്റിയായ ബംഗളൂരുവിനെ അടുത്ത 5-10 വർഷത്തിനുള്ളിൽ മികച്ച സിറ്റിയാക്കാൻ എന്തൊക്കെ ചെയ്യണമെന്ന നിഖിൽ കമ്മത്തിന്റെ ചോദ്യത്തിന് മറുപടിയായിട്ടാണ് മൂന്ന് ഷിഫ്റ്റ് ജോലിയുടെ കാര്യം നാരായണ മൂർത്തി പറഞ്ഞത്. രാജ്യത്ത് നിർമാണ മേഖലയിൽ ഒരു ഷിഫ്റ്റിൽ മാത്രമാണ് ആളുകൾ ജോലി ചെയ്യുന്നത്. ഇതിന്…

ചൈന വിട്ട് ഇന്ത്യയെ കൂട്ടു പിടിച്ച് വാൾമാർട്ട് (Walmart). ഇന്ത്യയിൽ നിന്ന് കൂടുതൽ ഉത്പന്നങ്ങൾ ഇറക്കുമതി ചെയ്യുകയാണ് വാൾമാർട്ട്. ഉത്പന്നങ്ങൾക്ക് ചൈനയെ ആശ്രയിക്കുന്നത് കുറച്ചുകൊണ്ടിവരികയാണ് വാൾമാർട്ട്. വിതരണ ശൃംഖല വൈവിധ്യവത്കരിക്കാനും വില വെട്ടിക്കുറയ്ക്കാനും ഇന്ത്യൻ ഉത്പന്നങ്ങളെ ആശ്രയിക്കുന്നത് വഴി സാധിക്കുമെന്നാണ് വാൾമാർട്ട് പ്രതീക്ഷിക്കുന്നത്. ലോകത്തിലെ തന്നെ ഏറ്റവും വലിയ റീട്ടെയിലർമാരായ വാൾമാർട്ടിന്റെ നീക്കം ഇന്ത്യൻ വിപണിക്ക് പുത്തനുർണവ് നൽകും. ക്രിസ്തുമസും പുതുവർഷവും വരുന്നതോടെ ഇന്ത്യയിൽ നിന്നുള്ള കയറ്റുമതി റെക്കോർ‍ഡിലെത്തുമെന്നും പ്രതീക്ഷിക്കാം. ഈ വർഷം ജനുവരി മുതൽ ആഗസ്റ്റ് വരെ വാൾമാർട്ട് ഇറക്കുമതി ചെയ്ത ഉത്പന്നങ്ങളിൽ നാലിലൊന്നും ഇന്ത്യയിൽ നിന്ന് അയച്ചതാണ്. 2018ൽ ഇന്ത്യയിൽ നിന്ന് വെറും 2% ഉത്പന്നങ്ങൾ മാത്രമാണ് വാൾമാർട്ട് വാങ്ങിയിരുന്നത്. അതേവർഷം വാൾമാർട്ട് മാർക്കറ്റിലെത്തിച്ച 80% ഉത്പന്നങ്ങൾ ചൈനയിൽ നിന്നായിരുന്നു. ഇപ്പോഴത് കുറഞ്ഞു 60% ആയിട്ടുണ്ട്. അതേസമയം ചൈന തന്നെയാണ് ഇപ്പോഴും വാൾമാർട്ടിന് ഏറ്റവും കൂടുതൽ ഉത്പനങ്ങൾ നൽകുന്ന രാജ്യം. ചൈനയും യുഎസും തമ്മിലുള്ള രാഷ്ട്രീയ അസ്വാരസ്യങ്ങളാണ് വാൾമാർട്ടിന്റെ…

കുറച്ച് ദിവസങ്ങൾ കൂടി കാത്തിരുന്നാൽ മതി, മാരുതി സുസുക്കിയുടെ (Maruti Suzuki) സ്വിഫ്റ്റ് വിപണിയിലെത്താൻ. ടോക്കിയോ മൊബിലിറ്റി ഷോയിലാണ് സുസുക്കി ആദ്യമായി സ്വിഫ്റ്റ് പുറത്തിറക്കാൻ പോകുന്ന കാര്യം പറയുന്നത്. അന്ന് മുതൽ എല്ലാവരും മാരുതി സുസുക്കി സ്വിഫ്റ്റിന് വേണ്ടി കാത്തിരിക്കുകയായിരുന്നെങ്കിലും കൂടുതൽ വിവരങ്ങൾ കമ്പനി പുറത്ത് വിട്ടിരുന്നില്ല. എന്നാൽ ടെസ്റ്റ് റണ്ണിനായി റോഡിലിറക്കിയ മാരുതി സുസുക്കി സ്വിഫ്റ്റിന്റെ ദൃശ്യങ്ങൾ പുറത്ത് വന്നിരിക്കുകയാണ്. മസ്കുലാർ ലുക്കിൽ പുതിയ സ്വിഫ്റ്റ്മാരുതി സുസുക്കി സ്വിഫ്റ്റിന്റെ ഡിഎൻഎ ഡിസൈനിനോട് ചേർന്ന് നിന്നുകൊണ്ടാണ് പുതിയ കാറിന്റെ ഡിസൈൻ രൂപകല്പന ചെയ്തിരിക്കുന്നത്. എന്നാൽ ആദ്യ ഡിസൈനുമായി താരതമ്യം ചെയ്യുമ്പോൾ ഹെവി ബോഡി ക്ലാഡിംഗ് കൂടുതൽ മസ്കുലാർ ലുക്ക് കാറിന് നൽകുന്നുണ്ട്. ഹണികോംബ് ഡിസൈനാണ് കാറിന്റെ ഫ്രണ്ട് ഗ്രില്ലിന് നൽകിയിരിക്കുന്നത്. നിലവിലെ മോഡലുകളിലുള്ളതിനേക്കാൾ പുതിയ മോഡലിന്റെ ഹെഡ്ലൈറ്റുകളും എൽഇഡി ഡിആർഎല്ലുകളും ഷാർപ്പറാണ്. വശത്ത് നിന്ന് നോക്കുമ്പോൾ ആദ്യ സ്വിഫ്റ്റ് മോഡലുമായി നല്ല സാമ്യം തോന്നുന്നാണ് പുതിയ കാർ. സി-പില്ലറിൽ ഡോറ് ഹാൻഡിൽ…

നാല് വര്‍ഷം കൊണ്ട് നൂറു കോടി വിറ്റുവരവ് ഉണ്ടാക്കുന്ന വിധത്തിലേക്ക് സംസ്ഥാനത്തെ 1000 എംഎസ്എംഇകളെ ഉയര്‍ത്താനുള്ള പദ്ധതിയായ മിഷന്‍ 1000 അവതരിപ്പിച്ച് സംസ്ഥാന സർക്കാർ. കേരളത്തിലെ MSME കൾക്കായി മിഷൻ 1000, വണ്‍ ലോക്കല്‍ബോഡി വണ്‍ പ്രൊഡക്ട്, OLP വികസന പദ്ധതികളുമായി മുന്നോട്ടു പോകുകയാണ് വ്യവസായ വാണിജ്യ ഡയറക്ടറേറ്റും, KSIDC-യും. ഓരോ തദ്ദേശ സ്വയംഭരണ സ്ഥാപനത്തില്‍ നിന്നും ഒരു ഉത്പന്നം വിപണിയിലെത്തിക്കുക, അതിനു കയറ്റുമതി വിപണന സാധ്യതകൾ തേടുക എന്ന ആശയത്തിന്‍റെ അടിസ്ഥാനത്തിലാണ് OLP പദ്ധതി വിഭാവനം ചെയ്തിട്ടുള്ളത്. തദ്ദേശീയമായ ഉത്പന്നത്തെ കൂട്ടായ ശ്രമങ്ങളിലൂടെ അന്താരാഷ്ട്ര തലത്തില്‍ എത്തിക്കാനുള്ളതാണ് ഈ പദ്ധതി. ഈ രണ്ടു പദ്ധതികളുടെ സുഗമമായ നിർവഹണത്തിന് വേണ്ടി മികച്ച കണ്‍സല്‍ട്ടന്‍റുമാരെ നിയോഗിക്കാനുള്ള തയാറെടുപ്പിലാണ് കെ എസ് ഐ ഡി സി. മിഷൻ 1000 പദ്ധതിക്കായുള്ള തന്ത്രങ്ങള്‍ ആവിഷ്കരിക്കുന്നതും നാല് വര്‍ഷം കൊണ്ട് അത് ഫലവത്തായി നടപ്പാക്കുന്നതുമാണ് മിഷൻ 1000 വിഭാഗത്തിലെ കണ്‍സല്‍ട്ടന്‍റുകളുടെ ചുമതല. OLP പദ്ധതിയിൽ നിയോഗിക്കപ്പെടുന്ന…

അറിഞ്ഞിരിക്കണം സിം കാർഡ് വിൽക്കുന്നതിനും പുതിയ സിം കാർഡുകൾ എടുക്കുന്നതിനും ഡിസംബർ ഒന്നു മുതൽ പുതിയ നിയമങ്ങൾ നിലവിൽ വരുന്നുണ്ടെന്ന്. ഇതിലൂടെ രാജ്യത്തു വ്യാജ സിം കാർഡുകൾക്ക് തടയിടുകയാണ് ലക്ഷ്യം. നിയമലംഘനം നടത്തുന്നവർക്ക് പരമാവധി 10 ലക്ഷം രൂപ വരെ പിഴ ഈടാക്കും. സിംകാർഡുകൾ വിൽക്കുന്നവർ ഇനി രജിസ്റ്റർ ചെയ്യണം. രാജ്യത്തെ ടെലികോം കമ്പനികളുടെ ഉത്തരവാദിത്വമാകും ഷോപ്പുകൾ വഴിയുള്ള സിം കാർഡ് വില്പന നിയനുസൃതമാണെന്നു ഉറപ്പു വരുത്തുന്നത്. അല്ലെങ്കിൽ KYC നിബന്ധനകൾ പാലിക്കാത്ത ഓരോ ഷോപ്പിനും ടെലികോം കമ്പനികൾ 10 ലക്ഷം വീതം പിഴ ഈടാക്കേണ്ടി വരുമെന്നു DoT ചൂണ്ടിക്കാട്ടുന്നു. പുതിയ സിം വാങ്ങാൻ ഉദ്ദേശിക്കുന്നവർക്ക് മാത്രമല്ല സിം കാർഡ് വിൽക്കുന്നവർക്കും ഡിസംബർ 1 മുതൽ പുതിയ നിയമങ്ങൾ ബാധകമാണ്.സ്പാം സന്ദേശമയയ്‌ക്കലും സൈബർ തട്ടിപ്പുകളും പരിശോധിക്കുന്നതിനും, ബൾക്ക് പർച്ചേസ് സിം കാർഡുകളുടെ ദുരുപയോഗം തടയാനും പുതിയ DoT നിയമങ്ങൾ ലക്ഷ്യമിടുന്നു. വ്യാജ സിമ്മുകൾ ഉപയോഗിച്ചുള്ള തട്ടിപ്പുകൾ വർധിച്ചു വരുന്നത്…

കേരളത്തിലെ ഏറ്റവും വലിയ ആഡംബര യാത്രാ നൗകയായ ക്ലാസിക് ഇംപീരിയൽ (Classic Imperial) ലോഞ്ച് ചെയ്ത് കേന്ദ്ര റോഡ് ട്രാൻസ്പോർട്ട് ആൻഡ് ഹൈവേസ് മന്ത്രി നിഥിൻ ഗഡ്കരി. രാജ്യത്തിന് പ്രത്യേകിച്ച് കേരളത്തിന് വലിയ മുതൽക്കൂട്ടാണ് ക്രൂസ് ടൂറിസമെന്ന് കേന്ദ്രമന്ത്രി നിഥിൻ ഗഡ്കരി പറഞ്ഞു. കൊച്ചി മറൈൻ ഡ്രൈവിൽ വിർച്വൽ യോഗത്തിലാണ് ക്ലാസിക് ഇംപീരിയൽ ലോഞ്ച് ചെയ്തത്. കപ്പൽ നിർമിച്ച നിഷിജിത്ത് ജോണിനെ അദ്ദേഹം അഭിനന്ദിച്ചു.കൊച്ചി കോർപ്പറേഷൻ മേയർ എം. അനിൽകുമാർ, ഹൈബി ഈഡൻ എംപി, ടിജെ വിനോദ് എംഎൽഎ, ജിസിഡിഎ ചെയർമാൻ കെ. ചന്ദ്രൻ പിള്ള എന്നിവർ പങ്കെടുത്തു. കേരളത്തിന്റെ ആഡംബര കപ്പൽബോൾഗാട്ടി സ്വദേശിയായ നിഷിജിത്ത് ജോണിന്റെ (Nishijit John) മൂന്ന് വർഷത്തെ കാത്തിരിപ്പും അധ്വാനവുമാണ് ക്ലാസിക് ഇംപീരിയൽ. 2020 മാർച്ചിലാണ് കപ്പലിന്റെ നിർമാണം ആരംഭിക്കുന്നത്. ഐആർഎസ് ക്ലാസിഫിക്കേഷനിൽപ്പെട്ട യാത്രാക്കപ്പലിന്റെ നീളം 50 മീറ്ററും വീതി 11 മീറ്ററും ഉയരം 10 മീറ്ററുമാണ്. വിവാഹച്ചടങ്ങുകൾക്കും കമ്പനികളുടെ കോൺഫറൻസുകൾ നടത്താനും കപ്പലിൽ സൗകര്യമുണ്ട്.…

ഇനി കൈയിൽ ചില്ലറ കരുതേണ്ട ആവശ്യമില്ല, കെഎസ്ആർടിസി ബസും ഡിജിറ്റലാകുന്നു. ജനുവരിയോടെയാണ് കെഎസ്ആർടിസി ബസിൽ ഡിജിറ്റൽ പണമിടപാടിന് തുടക്കമാകുന്നത്. ഡെബിറ്റ് കാർഡ്, ട്രാവൽ കാർഡ്, ക്രെഡിറ്റ് കാർഡുകൾ വഴിയും ഗൂഗിൾപേ, ക്യൂ ആർകോഡ് എന്നിവ വഴിയും കെഎസ്ആർടിസിയുടെ ടിക്കറ്റ് ചാർജ് നൽകാനാകും. ബസിൽ തന്നെയാണ് ഇവ വഴി ടിക്കറ്റ് നിരക്ക് നൽകേണ്ടത്.ചില്ലറ സൂക്ഷിക്കൽ, ബാക്കി നൽകൽ തുടങ്ങിയ സ്ഥിരം പ്രശ്നങ്ങളിൽ നിന്ന് കണ്ടക്ടർമാർക്കും യാത്രക്കാർക്കും തലയൂരാം.പേയ്മെന്റ് മാത്രമല്ല ഡിജിറ്റൽ, ടിക്കറ്റും കെഎസ്ആർടിസിയിൽ ഡിജിറ്റലായിരിക്കും. പേയ്മെന്റ് ലഭിച്ച് കഴിഞ്ഞാൽ കണ്ടക്ടർക്ക് ക്യുആർ കോഡ് ലഭിക്കും. ഈ ക്യൂആർ കോഡ് മൊബൈലിൽ സ്കാൻ ചെയ്താൽ യാത്രക്കാർക്ക് മൊബൈലിൽ ടിക്കറ്റ് ലഭിക്കും. ചലോ ആപ്പ് വഴികെഎസ്‍ആർടിസിയുടെ ഡിജിറ്റൽ പണമിടപാടിന് ചലോ ആപ് എന്ന സ്വകാര്യ കമ്പനിയുമായാണ് കരാർ. മുംബൈ ഉൾപ്പടെയുള്ള ഇടങ്ങളിൽ പൊതുഗതാഗത മേഖലയിൽ ചലോ ആപ്പിന്റെ സേവനം ഉപയോഗപ്പെടുത്തുന്നുണ്ട്. ആപ്പിൽ ബസ് ട്രാക്ക് ചെയ്യാനുള്ള സൗകര്യവുമുണ്ട്. അതിനാൽ ബസ് എവിടെയെത്തിയെന്ന് യാത്രക്കാർക്ക് എവിടെ…