Author: News Desk

ആറ് മാസത്തോളമായി അന്താരാഷ്ട്ര സ്പേസ് സ്റ്റേഷനിൽ കുടുങ്ങിക്കിടക്കുകയാണ് നാസ ബഹിരാകാശ സഞ്ചാരിയും ഇന്ത്യൻ വംശജയുമായ സുനിത വില്യംസ്. സുനിത വില്യംസിന്റെ ബഹിരാകാശ യാത്രയിലെ അ‍ഞ്ച് മറക്കാനാകാത്ത ചിത്രങ്ങൾ നോക്കാം. 1.ബഹിരാകാശ കേന്ദ്രത്തിലെ ഡെസ്റ്റിനി ലാബിൽ ചിരിച്ചു കൊണ്ട് നിൽക്കുന്ന ചിത്രമാണ് ആദ്യത്തേത്. 2.എക്സ്പിഡിഷൻസ് 14-15 യാത്രാവേളയിൽ ഫ്ളൈറ്റ് എഞ്ചിനീയറും കമാൻഡറും ആയിരുന്ന ഘട്ടത്തിൽ എടുത്ത ചിത്രമാണ് രണ്ടാമത്തേത്. 3.സ്പേസ് സ്റ്റേഷഷനിലെ സർവീസ് മൊഡ്യൂലിൽ ലഘുഭക്ഷണം കഴിക്കുന്ന സുനിതയുടെ ചിത്രമാണ് മൂന്നാമത്തേത്. 4.ഡെസ്റ്റിനി ലാബിൽ കംപ്യൂട്ടർ പ്രവർത്തിപ്പിക്കുന്ന സുനിതയുടെ ചിത്രമാണിത്. 5.ബഹിരാകാശത്ത് പ്രത്യേക വ്യായാമം ചെയ്യുന്ന സുനിതയുടെ ചിത്രമാണ് ഇതിൽ ഏറ്റവും പ്രധാനം. Sunita Williams in space, NASA astronaut Sunita Williams, ISS expeditions, women astronauts, Sunita Williams photos, space exploration moments, astronaut daily life, fitness in space, inspiring astronauts, Sunita Williams achievements.

യുഎഇയിലെ ആദ്യ നിയന്ത്രിത ക്രിപ്‌റ്റോകറൻസി അഥവാ സ്റ്റേബിൾ കോയിൻ ആയി എഇ കോയിൻ (AE Coin). എഇ കോയിനിന് യുഎഇ സെൻട്രൽ ബാങ്കിന്റെ അംഗീകാരം ലഭിച്ചു. ഇതോടെ മറ്റ് ക്രിപ്റ്റോ കറൻസികൾക്കു മേൽ എഇ കോയിന് വൻ ആധിപത്യമായി. ഗവൺമെന്റ് കറൻസിയുമായി ബന്ധിപ്പിച്ചിരിക്കുന്ന ക്രിപ്‌റ്റോകളാണ് “സ്റ്റേബിൾ കോയിനുകൾ” എന്ന് അറിയപ്പെടുന്നത്. യുഎഇ ബിസിനസുകൾ സമീപഭാവിയിൽത്തന്നെ എഇ കോയിൻ സ്വീകരിച്ചു തുടങ്ങും. ബ്ലോക് ചെയിൻ സാങ്കേതിക വിദ്യ ഉപയോഗിച്ച് നിർമിച്ച എഇ കോയിൻ ഇടപാടുകളിൽ സ്ഥിരതയും കാര്യക്ഷമതയും സുരക്ഷയും ഉറപ്പുനൽകുന്നു. സമീപഭാവിയിൽത്തന്നെ എഇ കോയിനുകൾ ലഭ്യമായിത്തുടങ്ങുമെന്ന് എഇ ജനറൽ മാനേജർ റമീസ് റഫീഖ് അറിയിച്ചു. യുഎഇയിലെ കരുതൽ ധനത്തിന്റെ പൂർണമായ പിന്തുണയാണ് എഇ കോയിനുകൾക്ക് ഉള്ളത്. ഇത് സ്ഥിരമായ മൂല്യം ഉറപ്പാക്കുകയും വിലയിലെ ചാഞ്ചാട്ടത്തിൻ്റെ അപകടസാധ്യത ഇല്ലാതാക്കുകയും ചെയ്യുമെന്ന് അദ്ദേഹം പറഞ്ഞു. ജൂലൈയിൽ പ്രഖ്യാപിച്ച സെൻട്രൽ ബാങ്കിൻ്റെ പുതുക്കിയ ക്രിപ്‌റ്റോകറൻസി നിയന്ത്രണങ്ങൾ പാലിച്ചാണ് എഇ കോയിൻ്റെ ലോഞ്ച്.ഇതോടെ രാജ്യത്തിനകത്തെ പേയ്‌മെൻ്റുകൾക്കായി ബിറ്റ്‌കോയിൻ, ഡോളർ-പെഗ്ഡ്…

ശബരിമല സീസൺ പരിഗണിച്ച് പ്രത്യേക ട്രെയിൻ സർവീസുകൾ അനുവദിച്ച് റെയിൽവേ. തെലങ്കാനയിലെ മൗല അലിയിൽ നിന്നും കൊല്ലത്തേക്കാണ് രണ്ട് പ്രത്യേക ട്രെയിനുകൾ അനുവദിച്ചത്. ട്രെയിൻ നമ്പർ 07193ന് ഡിസംബർ 11, 18, 25 തീയതികളിൽ മൗല അലിയിൽ നിന്നും കൊല്ലത്തേക്ക് സർവീസ് ഉണ്ടാകും. ഡിസംബർ 13, 20, 27 തീയതികളിലാണ് കൊല്ലത്ത് നിന്നും മൗല അലിയിലേക്കുള്ള സർവീസ്. റെയിൽവേ സമയം 18:55ന് മൗല അലിയിൽ നിന്നും പുറപ്പെടുന്ന ട്രെയിൻ പിറ്റേന്ന് 23:55ന് കൊല്ലത്ത് എത്തിച്ചേരും. 02:30ന് കൊല്ലത്തു നിന്നും പുറപ്പെടുന്ന മടക്ക ട്രെയിൻ പിറ്റേന്ന് 09:15ന് തെലങ്കാനയിൽ എത്തിച്ചേരുമെന്നും റെയിൽവേ അറിയിച്ചു. എട്ട് ഏസി കോച്ചുകൾ, 9 സ്ലീപ്പർ, മൂന്ന് ചെയർ കാർ, ഒരു ദിവ്യാംഗൻ കോച്ച് എന്നിവയാണ് ട്രെയിനിൽ ഉണ്ടാകുക. ട്രെയിൻ നമ്പർ 07149 ഡിസംബർ 14, 21, 28 തീയതികളിലാണ് സർവീസ് നടത്തുക. 18:55ന് മൗല അലിയിൽ നിന്നും പുറപ്പെടുന്ന ട്രെയിൻ പിറ്റേന്ന് 22:30ന് കൊല്ലത്തെത്തും. ഡിസംബർ 16,…

യാത്രാ വാഹനങ്ങളുടെ വില വർധിപ്പിക്കുമെന്ന പ്രഖ്യാപനവുമായി പ്രമുഖ വാഹന നിർമാതാക്കൾ. ഇലക്ട്രിക് കാറുകൾ അടക്കമുള്ളവയുടെ വില 2025 ജനുവരി മുതൽ വർധിപ്പിക്കുമെന്ന് ഇന്ത്യൻ വാഹന നിർമാതാക്കളായ ടാറ്റ മോട്ടോഴ്സ് അറിയിച്ചു. സൗത്ത് കൊറിയൻ വാഹന നിർമാതാക്കളായ കിയ മോട്ടോഴ്സും തങ്ങളുടെ പ്രമുഖ മോഡലുകളായ സെൽട്ടോസ്, സോണറ്റ് എന്നിവയ്ക്ക് അടക്കം അടുത്ത വർഷത്തോടെ വില വർധിപ്പിക്കും. വാഹന നിർമാണ ചിലവ് ഉയർന്നതും പണപ്പെരുപ്പവുമാണ് ടാറ്റ വാഹനങ്ങൾക്ക് വില വർധിക്കാൻ കാരണമായത്. മൂന്ന് ശതമാനം വരെ വർധനവാണ് ടാറ്റ വാഹന വിലയിൽ 2025ൽ ഉണ്ടാകുക. ടാറ്റ ടിയാഗോ മുതൽ ഹാരിയർ വരെയുള്ള വാഹനങ്ങളുടെ നിർമാണച്ചിലവ് വർധിച്ചിട്ടുണ്ട്. ഇതാണ് വിലവർധനവിലേക്ക് നയിച്ചത്. നിർമാണ സാമഗ്രികളുടെ വില വർധനവും വർധിച്ച സപ്ലൈ ചെയിൻ ചിലവുമാണ് കിയ വാഹനങ്ങളുടെ വിലവർധനവിനു പിന്നിൽ. നേരത്തെ മാരുതി സുസുക്കി എല്ലാ മോഡലുകൾക്കും നാല് ശതമാനം വില വർധിപ്പിച്ചിരുന്നു. ഹ്യൂണ്ടായ് മോട്ടോഴ്സും വെർണ, ക്രെറ്റ തുടങ്ങിയ മോഡലുകൾക്ക് അടക്കം 25000 രൂപ…

രാജ്യത്ത് ഒന്നര ലക്ഷം സ്റ്റാർട്ടപ്പുകളിൽ 5000 എണ്ണം അടച്ചു പൂട്ടിയതായി ഗവൺമെന്റ് രേഖകൾ. ഡിപാർട്മെന്റ് ഫോർ പ്രൊമോഷൻ ഓഫ് ഇൻഡസ്ട്രി ആൻഡ് ഇന്റേർണൽ ട്രേഡിനു (DPIIT) കീഴിലുള്ള സ്റ്റാർട്ടപ്പ് ഇന്ത്യ പ്രോഗ്രാമിൽ റജിസ്റ്റർ ചെയ്ത 5063 സ്റ്റാർട്ടപ്പുകൾ (3.3 ശതമാനം) പ്രവർത്തനം നിർത്തിയതായി കോർപറേറ്റ് അഫേഴ്സ് മന്ത്രാലയത്തിന്റെ രേഖകൾ പറയുന്നു. ഡിസംബർ അഞ്ച് വരെയുള്ള കണക്കാണിത്. ലോക്സഭയിലെ ചോദ്യത്തിന് ഉത്തരമായി സംസ്ഥാന ചുമതലയുള്ള കേന്ദ്രമന്ത്രി ജിതിൻ പ്രസാദയാണ് കണക്കുകൾ പുറത്തുവിട്ടത്. 929 സ്റ്റാർട്ടപ്പുകൾ പ്രവർത്തനം അവസാനിപ്പിച്ച മഹാരാഷ്ട്രയിലാണ് ഏറ്റവും കൂടുതൽ സ്റ്റാർട്ടപ്പുകൾ പൂട്ടിയത്. കർണാടകയിൽ 644, ഡൽഹിയിൽ 593, യുപിയിൽ 487, തെലങ്കാനയിൽ 301 എന്നിങ്ങനെയാണ് പ്രവർത്തനം അവസാനിപ്പിച്ച സ്റ്റാർട്ടപ്പുകളുടെ എണ്ണം. അതേ സമയം 55 മേഖലകളിലായി റജിസ്റ്റർ ചെയ്ത സ്റ്റാർട്ടപ്പുകൾ ഇതുവരെ 16.6 ലക്ഷം പേർക്ക് ജോലി നൽകിയതായി മന്ത്രി പറഞ്ഞു. ഐട് മേഖലയിലെ സ്റ്റാർട്ടപ്പുകളാണ് ഏറ്റവും കൂടുതൽ പേർക്ക് തൊഴിൽ നൽകുന്നത്. 2.04 ലക്ഷം പേരാണ് ഐടി സ്റ്റാർട്ടപ്പുകളിൽ…

കാസർകോട്–തിരുവനന്തപുരം ദേശീയപാത 66ന്റെ നിർമാണവും വീതി കൂട്ടലും 2025 ഡിസംബറോടെ പൂർത്തിയാകുമെന്ന് പൊതുമരാമത്ത് മന്ത്രി പി.എ. മുഹമ്മദ് റിയാസ്. മുഖ്യമന്ത്രി പിണറായി വിജയനും കേന്ദ്ര ഗതാഗത മന്ത്രി നിതിൻ ഗഡ്കരിയുമായി നിർമാണപ്രവർത്തനങ്ങൾ സംബന്ധിച്ച് ചർച്ച നടത്തിയതിനു പിന്നാലെയാണ് മന്ത്രി റിയാസിന്റെ പ്രതികരണം. 45 മീറ്റർ വീതിയിൽ ആറുവരിപ്പാതകളായാണ് എൻഎച്ച് 66ൻ്റെ വികസനം നടക്കുന്നത്. ഇതുവരെ 5580 കോടി രൂപയാണ് പദ്ധതിക്കായി ചെലവഴിച്ചത്. 80 ശതമാനത്തിനടുത്ത് നിർമാണം പൂർത്തിയായ തലപ്പാടി-ചെങ്കള, കോഴിക്കോട് ബൈപ്പാസ്, രാമനാട്ടുകര-വളാഞ്ചേരി, വളാഞ്ചേരി-കാപ്പിരിക്കാട് എന്നിവ 2025 മാർച്ച് 31ന് മുൻപ് പൂർത്തീകരിക്കുമെന്ന് നേരത്തെ ഉദ്യോഗസ്ഥർ അറിയിച്ചിരുന്നു. 460 കിലോമീറ്റർ ദൈർഘ്യമുള്ള ഏഴ് പദ്ധതികളുടെ പുതുക്കിയ അലൈൻമെൻ്റുകൾക്കും കേന്ദ്രമന്ത്രി അനുമതി നൽകി. മലാപ്പറമ്പ്–പുതുപ്പാടി, പുതുപ്പാടി–മുത്തങ്ങ, കൊല്ലം–ആഞ്ഞിലിമൂട്, കോട്ടയം–പൊൻകുന്നം, മുണ്ടക്കയം–കുമളി, ഭരണിക്കാവ്–മുണ്ടക്കയം, അടിമാലി–കുമളി തുടങ്ങിയ പാതകൾക്കാണ് അനുമതി. ശബരിമല സീസണിലെ ഗതാഗതക്കുരുക്ക് പരിഹരിക്കാൻ പുനലൂർ ബൈപാസ്, കോഴിക്കോട് വിമാനത്താവളത്തിലേക്കുള്ള ഒൻപത് കിലോമീറ്റർ എലിവേറ്റഡ് റോഡ് തുടങ്ങിയവയുടെ വികസനത്തിനും അംഗീകാരം ലഭിച്ചിട്ടുണ്ട്. അടുത്ത 20…

ഇന്ത്യയുടെ അഭിമാന ബഹിരാകാശ ദൗത്യമായ ഗഗൻയാൻ പദ്ധതിയിലെ നിർണായക ദൗത്യം വിജയകരമായി പരീക്ഷിച്ച് ഐഎസ്ആർഒ. മനുഷ്യരെ ബഹിരാകാശത്തെത്തിച്ച് സുരക്ഷിതമായി തിരികെ എത്തിക്കാനുള്ള ക്രൂ മൊഡ്യൂൾ പേടകത്തിനെ കടലിൽ നിന്ന് വീണ്ടെടുക്കുന്ന രീതിയാണ് ഇന്ത്യ വിജയകരമായി പരീക്ഷിച്ചത്. വെൽഡെക്ക് റിക്കവറി എന്ന ഈ കടൽപ്പരീക്ഷണം ഇന്ത്യൻ ബഹിരാകാശ യാത്രികരെ സ്വന്തമായി ബഹിരാകാശത്തെത്തിക്കുന്ന ദൗത്യമായ ഗഗൻയാനെ സംബന്ധിച്ച് നിർണായകമാണ്. നാവികസേനയുടെ സഹായത്തോടെ ഐഎസ്ആർഒ വിശാഖപട്ടണത്ത് വെച്ചാണ് വെൽഡെക്ക് റിക്കവറി പരീക്ഷണം നടത്തിയത്. ബഹിരാകാശ യാത്രികരുമായി കടലിൽ പതിക്കുന്ന ക്രൂ മൊഡ്യൂൾ പേടകത്തെ നാവികസേനയുടെ കപ്പലിലെ വെൽഡെക്കിലേക്ക് കൊണ്ടുപോകുന്ന പരീക്ഷണമാണിത്. അടുത്ത വർഷം ആദ്യ പാദത്തിൽ പേടകം ബഹിരാകാശത്ത് എത്തിച്ച് തിരിച്ചിറക്കുന്ന ദൗത്യം പരീക്ഷിക്കും. ഇത് വിജയകരമായാൽ മാത്രമേ 2026ൽ യാത്രികരേയും വഹിച്ചുള്ള യഥാർത്ഥ ഗഗൻയാൻ യാത്ര നടപ്പാക്കുകയുള്ളൂ. Isro is advancing toward the Gaganyaan mission, with the first uncrewed flight set for late 2024 and the first…

ബാങ്കിംഗ് നിയമ ഭേദഗതി ബിൽ കഴിഞ്ഞയാഴ്ച ലോക്സഭ പാസാക്കിയിരുന്നു. ബാങ്കിംഗ് രീതികൾ നവീകരിക്കുന്നതിനും ഉപഭോക്തൃ അനുഭവം മെച്ചപ്പെടുത്തുന്നതിനുമായാണ് നിർണായക പരിഷ്‌കാരങ്ങൾ കൊണ്ടുവന്നിരിക്കുന്നത്. ബാങ്കിംഗ് മേഖലയെ ശക്തിപ്പെടുത്തുന്നതിനുള്ള ഗവൺമെന്റ് നടപടിയുടെ ഭാഗമായാണ് പരിഷ്കാരം എന്ന് ബിൽ അവതരണ വേളയിൽ ധനമന്ത്രി നിർമല സീതാരാമൻ ചൂണ്ടിക്കാട്ടി. ബാങ്കുകൾ സുരക്ഷിതവും സുസ്ഥിരവും ആരോഗ്യകരവുമായി നിലനിർത്തുക എന്നതാണ് ഉദ്ദേശ്യമെന്നും ധനമന്ത്രി പറഞ്ഞു. ഇനി മുതൽ ബാങ്ക് അക്കൗണ്ടിനും നിക്ഷേപ അക്കൗണ്ടിനും ലോക്കറുകൾക്കും നാലു നോമിനികൾ വരെയാകാം എന്നതാണ് ബില്ലിലെ പ്രധാന പരിഷ്കാരം. മുൻപ് ഒരു നോമിനിയെ മാത്രമാണ് അനുവദിച്ചിരുന്നത്. വൈവിധ്യമാർന്ന സാമ്പത്തിക ആവശ്യങ്ങളോ ആശ്രിതരോ ഉള്ള കുടുംബങ്ങൾക്ക് മാറ്റം പ്രയോജനകരമാകും. അവകാശികളില്ലാത്ത ലാഭവിഹിതം നിക്ഷേപ ബോധവൽക്കരണ-സംരക്ഷണ നിധിയിലേക്ക് പോവുന്നതും ഈ നിധിയിൽ നിന്ന് അർഹരായ വ്യക്തികൾക്ക് റീഫണ്ടിന് അപേക്ഷിക്കാവുന്നതുമായ പ്രധാന മാറ്റവും ബില്ലിലുണ്ട്. ഇത് കൂടാതെ ഡയറക്‌ടർഷിപ്പുകൾക്കുള്ള പലിശ പുനർ നിർവചിക്കുന്നതുമായി ബന്ധപ്പെട്ടും മാറ്റമുണ്ട്. കേന്ദ്ര സഹകരണ ബാങ്കിലെ ഒരു ഡയറക്ടർക്ക് ഇനി സംസ്ഥാന സഹകരണ ബാങ്ക്…

ഇന്ത്യയിലെ ആദ്യ വന്ദേഭാരത് സർവീസായ ഡൽഹി-വരാണസി വന്ദേഭാരത് എക്സ്പ്രസ്സിൽ യാത്രക്കാരുടെ എണ്ണത്തിൽ വൻ വർധന. കാൺപൂർ-വരാണസി റൂട്ടിൽ മാത്രം വന്ദേഭാരതിൽ യാത്രക്കാരുടെ എണ്ണത്തിൽ 113 ശതമാനം വർധനവ് ഉണ്ടായതായി റെയിൽവേ മന്ത്രി അശ്വിനി വൈഷ്ണവ് അറിയിച്ചു. ഇന്ത്യയിലെതന്നെ ഏറ്റവും ലാഭകരമായ ട്രെയിനാണ് ഇതെന്നും അദ്ദേഹം പറഞ്ഞു. ട്രെയിനിന്റെ ലാഭക്കണക്കിനെക്കുറിച്ച് ലോക്സഭയിൽ ഉന്നയിച്ച ചോദ്യത്തിന് മറുപടി പറയുകയായിരുന്നു റെയിൽവേ മന്ത്രി. എംപി രാജീവ് റായിയാണ് ഡൽഹി വന്ദേഭാരതിന്റെ ലാഭക്കണക്കിനെ കുറിച്ച് ചോദ്യം ഉന്നയിച്ചത്. വരാണസിയിൽ നിന്നും സർവീസ് നീട്ടാൻ സാധ്യതയുണ്ടോ എന്നും എംപി ചോദ്യം ഉന്നയിച്ചു. ന്യൂഡൽഹിയിൽ നിന്നും വാരാണസിയിലേക്ക് നിലവിൽ രണ്ട് വന്ദേഭാരതുകൾ അടക്കം 27 സർവീസുകൾ ഉണ്ടെന്നും റൂട്ടിൽ റെയിൽ വികസനത്തിനായി പദ്ധതിയുണ്ടെന്നും മന്ത്രി പറഞ്ഞു. ഇന്ത്യൻ റെയിൽവേയിൽ വിപ്ലവകരമായ മാറ്റമുണ്ടാക്കിയ ട്രെയിനാണ് വന്ദേ ഭാരത് എക്സ്പ്രസ്. നഗരങ്ങൾ തമ്മിലുള്ള യാത്രാസമയം പകുതിയായി കുറയയ്ക്കാൻ വിവിധ റൂട്ടുകളിൽ ഓടുന്ന വന്ദേ ഭാരത് ട്രെയിനുകൾ സഹായകരമാകുന്നു. അത്തരത്തിൽ ഡൽഹിക്കും വരാണസിക്കും ഇടയിലുള്ള…

കൊച്ചി വാട്ടർ മെട്രോ ലിമിറ്റഡിന് (KWML) മൂന്ന് ഇലക്ട്രിക് ഹൈബ്രിഡ് ബോട്ടുകൾ കൂടി ഉടൻ ലഭ്യമാകും. കൊച്ചിൻ ഷിപ്പ്‌യാർഡ് ലിമിറ്റഡ് (CSL) ബോട്ടുകൾ എത്തിക്കുന്നതിനുള്ള അവസാന ഘട്ട പ്രവർത്തനങ്ങളിലാണ്. വാട്ടർ മെട്രോയ്ക്ക് വേണ്ടി 23 ഇലക്ട്രിക് ഹൈബ്രിഡ് ബോട്ടുകൾ നിർമിക്കാൻ ഷിപ്പ് യാർഡിന് കരാർ നൽകിയിരുന്നു. ഇതിൽ 17 ബോട്ടുകൾ ഇതിനകം നിർമിച്ചു നൽകി. ബാക്കിയുള്ളവയിൽ മൂന്നെണ്ണമാണ് വരും ദിവസങ്ങളിൽ വാട്ടർ മെട്രോയ്ക്ക് ലഭ്യമാകുക. പുതുതായി ആരംഭിച്ച ഹൈക്കോടതി-ഫോർട്ട് കൊച്ചി റൂട്ട് ഉൾപ്പെടെ നഗരത്തിൻ്റെ വിവിധ പ്രദേശങ്ങളെ ബന്ധിപ്പിക്കുന്ന അഞ്ച് റൂട്ടുകളിലാണ് കൊച്ചി വാട്ടർ മെട്രോ സർവീസ് ഉള്ളത്. പുതിയ ബോട്ടുകൾ കൂടി എത്തുന്നതോടെ നിലവിലെ റൂട്ടുകളിൽ സർവീസ് വർധിപ്പിക്കും. ഫോർട്ട് കൊച്ചി റൂട്ടിൽ സർവീസുകൾ തമ്മിലുള്ള ഇടവേള 15 മിനിറ്റായി KWML കുറച്ചിട്ടുണ്ട്. കൂടുതൽ ബോട്ടുകൾ ലഭ്യമാകുന്നതോടെ അധിക സർവീസുകൾ നടത്താനാകും. Kochi Water Metro Limited is set to enhance services with three new electric…