Author: News Desk

സ്വിഫ്റ്റ് സൂപ്പർഫാസ്റ്റ് ബസ് എസിയാക്കി കെഎസ്ആർടിസി. ചാലക്കുടി ആസ്ഥാനമായുള്ള ഹെവി കൂൾ എന്ന കമ്പനി നിർമിച്ച ഹൈബ്രിഡ് എസി സിസ്റ്റം ഘടിപ്പിച്ചാണ് ബസ്സുകൾ എസിയാക്കുക. നാല് ബാറ്ററികൾ ഉപയോഗിച്ചുള്ള എയർ കണ്ടീഷനിങ് സിസ്റ്റം ആൾട്ടർനേറ്ററുമായാണ് ഘടിപ്പിക്കുക. ഇവയ്ക്ക് എഞ്ചിനുമായി ബന്ധമില്ല എന്നതുകൊണ്ടുതന്നെ ഇഗ്നിഷൻ ഓൺ അല്ലാത്തപ്പോഴും എസി പ്രവർത്തിപ്പിക്കാനാകും. അതുകൊണ്ടുതന്നെ എസി അധികനേരം ഓണാക്കിയാലും ഇന്ധനച്ചെലവു കാര്യമായി കൂടില്ല. ഇത്തരത്തിലുള്ള ആദ്യ ബസ് ഈ ആഴ്ച തന്നെ നിരത്തിലിറങ്ങും എന്നാണ് റിപ്പോർട്ട്. പദ്ധതി വിജയകരമായാൽ കൂടുതൽ എസി ബസ്സുകൾ നിരത്തിലിറക്കാനാണ് കെഎസ്ആർടിസിയുടെ നീക്കം. ഇത്തരത്തിൽ ഒരു ബസ് എയർ കണ്ടീഷൻ ചെയ്യാൻ 6 ലക്ഷം രൂപയാണ് ചിലവ്. ബസിന്റെ ഉൾഭാഗം പൂർണമായും പ്ലൈവുഡും മാറ്റും ഉപയോഗിച്ച് ഇൻസുലേറ്റ് ചെയ്യും. എല്ലാ സീറ്റുകളിലേയും യാത്രക്കാർക്കു തണുപ്പു ലഭിക്കുന്ന രീതിയിൽ എയർ ഡക്ട് ക്രമീകരിക്കും. ഇതിനുപുറമേ നിന്നു യാത്ര ചെയ്യുന്നവർക്കായി സീലിങ്ങിൽ എസി വെന്റുകളും ഉണ്ട്. നേരത്തെ ട്രക്കുകളിൽ നടപ്പാക്കിയ എസി പരിഷ്കാരമാണ് ഹെവി…

ബിഎസ്എൻഎൽ സിമ്മുമായി ബന്ധപ്പെട്ട കെവൈസി അപ്‌ഡേറ്റിനെ കുറിച്ചുള്ള വ്യാജ സന്ദേശത്തിൽ ജാഗ്രത പുലർത്തണമെന്ന് പ്രസ് ഇൻഫർമേഷൻ ബ്യൂറോയുടെ ഫാക്ട് ചെക്ക് വിഭാഗം. ‘സിം കാർഡിൻറെ കെവൈസി ട്രായ് ബ്ലോക്ക് ചെയ്തിരിക്കുകയാണ്. 24 മണിക്കൂറിനുള്ളിൽ നിങ്ങളുടെ സിം കാർഡ് ബ്ലോക്ക് ചെയ്യപ്പെടും. ഉടനടി വിളിക്കുക’ എന്നും പറഞ്ഞുകൊണ്ടാണ് വ്യാജ സന്ദേശം പലർക്കും ലഭിക്കുന്നത്. പൊതുമേഖല ടെലികോം സേവനദാതാക്കളായ ബിഎസ്‌എൻഎൽ പുറത്തിറക്കിയ മുന്നറിയിപ്പ് എന്ന പേരിലാണ് മെസേജ് മൊബൈൽ ഫോണുകളിലും മെയിലുകളിലും എത്തുന്നത്. എന്നാൽ ബിഎസ്‌എൻഎല്ലിൻറെ പേരിൽ പ്രചരിക്കുന്ന ഈ സന്ദേശം വ്യാജമാണ്. ഇത്തരത്തിൽ കെവൈസി അപ്‌ഡേറ്റും, സിം ബ്ലോക്ക് ചെയ്യുമെന്ന് പറഞ്ഞുമുള്ള മെസേജുകളും ബിഎസ്‌എൻഎൽ ഒരിക്കലും അയക്കാറില്ല. സിം ബ്ലോക്ക് ചെയ്യും എന്ന് പറഞ്ഞുകൊണ്ട് ബിഎസ്‌എൻഎല്ലിന്റേത് എന്ന പേരിൽ അയക്കുന്ന സന്ദേശം വ്യാജമാണെന്നും അതിനാൽ ഇത്തരം സന്ദേശങ്ങൾ കണ്ട് വ്യക്തിവിവരങ്ങളും ബാങ്ക് വിവരങ്ങളും ആരും കൈമാറരുതെന്നും പിഐബി മുന്നറിയിപ്പു നൽകുന്നു. സമാന രീതിയിൽ കെവൈസി അപ്‌ഡേഷനുമായി ബന്ധപ്പെട്ട് ബിഎസ്‌എൻഎല്ലിൻറെ പേരിൽ മുമ്പും വ്യാജ…

നീണ്ട ചരിത്രമാണ് വാഹന നിർമാതാക്കളായ ലാൻഡ് റോവറിന്റേത്. വ്യത്യസ്ത കാലങ്ങളായി ഒന്നിലധികം കമ്പനികളുടെ ഉടമസ്ഥതയിലായിരുന്നു കമ്പനി. നിലവിൽ ടാറ്റ മോട്ടോഴ്‌സിന്റേയും റേഞ്ച് റോവറിന്റേയും ഉടമസ്ഥതയിലാണ് ലാൻഡ് റോവർ. 2008ലാണ് ടാറ്റ മോട്ടോഴ്‌സ് ലാൻഡ് റോവർ വാങ്ങിയത്. ടാറ്റ മോട്ടോഴ്‌സ് ഏറ്റെടുത്തതോടെ ലാൻഡ് റോവറിന് കൂടുതൽ കാര്യക്ഷമമായ എഞ്ചിനുകൾ ലഭിച്ചു. ബ്രാൻഡിനെ കാലികമാക്കി നിലനിർത്തുന്നതിൽ ഇത് സഹായകരമായി. 2012ൽ ലാൻഡ് റോവർ ജാഗ്വാറുമായി ലയിച്ചു. തുടർന്ന് ജാഗ്വാർ ലാൻഡ് റോവർ ലിമിറ്റഡ് എന്ന പേരിൽ കമ്പനി അറിയപ്പെട്ടു. 2023ൽ കമ്പനി ജെഎൽആർ (JLR) എന്ന് പേര് മാറ്റി. നിർമാണംലാൻഡ് റോവർ ഇംഗ്ലണ്ടിൽ നിന്നാണ് ഉത്ഭവിച്ചത്. അക്കാലം മുതൽ ഇംഗ്ലണ്ടിൽ തന്നെയാണ് നിർമ്മാണവും. യുകെയിൽ കമ്പനിക്ക് രണ്ട് പ്ലാന്റുകളുണ്ട്. ബ്രാൻഡിന്റെ പ്രധാന പ്ലാന്റായ സോളിഹൾ പ്ലാന്റ് റേഞ്ച് റോവർ, റേഞ്ച് റോവർ സ്പോർട്ട്, റേഞ്ച് റോവർ വെലാർ എന്നിവയുടെ നിർമ്മാണത്തിൽ ശ്രദ്ധ കേന്ദ്രീകരിക്കുന്നു. അതേസമയം ഹാൽവുഡ് പ്ലാന്റ് ലാൻഡ് റോവർ ഡിസ്കവറി സ്പോർട്ടും റേഞ്ച്…

ഏപ്രിൽ മുതൽ ഇന്ത്യൻ വിപണിയിൽ കാറുകളുടെ വില കൂടുമെന്ന് റിപ്പോർട്ട്. മുൻനിര കാർ നിർമാതാക്കളായ മാരുതി സുസുക്കി, മഹീന്ദ്ര & മഹീന്ദ്ര, ഹ്യുണ്ടായി തുടങ്ങിയവ പ്രവർത്തന ചിലവുകൾ അടക്കം വർധിച്ചതിനാൽ വില വർധനവ് പ്രഖ്യാപിച്ചിരിക്കുകയാണ്. സുസുക്കി ഇന്ത്യ അടുത്ത മാസം മുതൽ മുഴുവൻ മോഡലുകളുടേയും വില 4 ശതമാനം വരെ വർധിപ്പിക്കാൻ പദ്ധതിയിടുന്നു. സുസുക്കി എൻട്രി ലെവൽ ആൾട്ടോ കെ-10 മുതൽ മൾട്ടി പർപ്പസ് വാഹനമായ ഇൻവിക്റ്റോ വരെയുള്ളവയുടെ നിലവിലെ എക്സ് ഷോറൂം വില യഥാക്രമം 4.23 ലക്ഷം മുതൽ 29.22 ലക്ഷം രൂപ വരെയാണ്. അസംസ്കൃത വസ്തുക്കളുടെയും പ്രവർത്തന ചിലവുകളുടെയും വർധന കണക്കിലെടുത്ത് 2025 ഏപ്രിൽ മുതൽ കാറുകളുടെ വില 3 ശതമാനം വരെ വർദ്ധിപ്പിക്കുമെന്ന് ഹ്യുണ്ടായ് ഇന്ത്യയും അറിയിച്ചിട്ടുണ്ട്. അതേ സമയം ടാറ്റ മോട്ടോഴ്‌സ് 2025 ഏപ്രിൽ മുതൽ ഇലക്ട്രിക് വാഹനങ്ങൾ ഉൾപ്പെടെയുള്ള യാത്രാ വാഹനങ്ങളുടെ വില വർധിപ്പിക്കും. ഈ വർഷം രണ്ടാം തവണയാണ് ടാറ്റ വാഹനവില കൂട്ടുന്നത്.…

റിലയൻസിന്റെ കാമ്പ കോളയ്ക്ക് തന്ത്രപരമായ മറുപടിയുമായി കൊക്കകോളയും പെപ്‌സികോയും. ഇരുകമ്പനികളും കുറഞ്ഞ ചിലവിൽ കൂടുതൽ ഷുഗർഫ്രീ ഉത്പന്നങ്ങൾ വിപണിയിലെത്തിക്കുകയാണ്. കുറഞ്ഞ കലോറി ഓപ്ഷനുകളുടെ വർദ്ധിച്ചുവരുന്ന ഉപഭോക്തൃ ആവശ്യം കണക്കിലെടുത്ത് ₹10 കാനുകളിൽ മുതൽ ഡയറ്റ്, ലൈറ്റ് വേരിയന്റുകൾ അവതരിപ്പിച്ചിരിക്കുകയാണ് ഇരു കമ്പനികളും. തംസ് അപ്പ് എക്സ് ഫോഴ്‌സ്, കോക്ക് സീറോ, സ്‌പ്രൈറ്റ് സീറോ, പെപ്‌സി നോ-ഷുഗർ തുടങ്ങിയ പേരുകളിലാണ് രണ്ട് ഭീമന്മാരും ചെറുതും ബജറ്റ് സൗഹൃദവുമായ പായ്ക്കുകൾ പുറത്തിറക്കുന്നത്. ഇന്ത്യയിൽ ഈ വിലയിൽ ഡയറ്റ്, ലൈറ്റ് ഡ്രിങ്കുകൾ വാഗ്ദാനം ചെയ്യുന്നത് ആദ്യമാണ്.ഷുഗർ ഫ്രീ പാനീയങ്ങൾ കുറഞ്ഞ വിലയിൽ ലഭ്യമാക്കുന്നത് വർദ്ധിച്ചുവരുന്ന ഉപഭോക്തൃ താത്പര്യങ്ങളെ കണക്കിലെടുത്താണെന്ന് എംഎംജി ഗ്രൂപ്പിന്റെ സഞ്ജീവ് അഗർവാൾ പറയുന്നു. ആന്ധ്രാപ്രദേശ് പോലുള്ള പ്രധാന വിപണികളെ ലക്ഷ്യം വെച്ചാണ് പെപ്‌സികോ, കാമ്പയുമായും മറ്റ് പ്രാദേശിക ബ്രാൻഡുകളുമായും നേരിട്ട് മത്സരിക്കുന്നതിനായി പത്ത് രൂപയ്ക്ക് 200 മില്ലി ഷുഗർ ഫ്രീ പെപ്‌സി പുറത്തിറക്കിയത്. പത്ത് രൂപയ്ക്ക് വിൽപന നടത്തുമ്പോൾ ലാഭം കുറവാണെങ്കിലും, കൊക്കകോളയും…

എടിഎം ഉപയോഗത്തിന്റെ ഇന്റർചേഞ്ച് ഫീസ് വർദ്ധിപ്പിക്കാനുള്ള ആവശ്യത്തിന് അംഗീകാരം നൽകി റിസർവ് ബാങ്ക് ഓഫ് ഇന്ത്യ (RBI). സാമ്പത്തിക ഇടപാടുകൾക്ക് 2 രൂപ, സാമ്പത്തികേതര ഇടപാടുകൾക്ക് 1 രൂപ എന്നിങ്ങനെയാണ് എടിഎം ഉപയോഗത്തിന്റെ ഇന്റർചേഞ്ച് നിരക്കുകൾ വർദ്ധിപ്പിച്ചിരിക്കുന്നത്. മെയ് 1 മുതൽ പരിഷ്കരണം പ്രാബല്യത്തിൽ വരും. പുതിയ മാറ്റം പരിമിതമായ എടിഎം ശൃംഖലയുള്ള ചെറിയ ബാങ്കുകളിൽ കൂടുതൽ സ്വാധീനം ചെലുത്തുമെന്നാണ് വിലയിരുത്തൽ. നേരത്തെ എടിഎം ഇന്റർചേഞ്ച് നിരക്ക് രണ്ടു രൂപ കൂട്ടണം എന്ന് ആവശ്യപ്പെട്ട് കോൺഫെഡറേഷൻ ഓഫ് എടിഎം ഇൻഡസ്ട്രി ആർബിഐയേയും നാഷണൽ പേയ്മെന്റ് കോർപറേഷൻ ഓഫ് ഇന്ത്യയേയും സമീപിച്ചിരുന്നു. വർദ്ധിച്ച ഇന്റർചേഞ്ച് ഫീസ് ഉപയോക്താക്കളിൽ നിന്ന് എത്തരത്തിൽ ഈടാക്കണം എന്നത് സംബന്ധിച്ച് ബാങ്കുകൾ തീരുമാനെടുത്തിട്ടില്ല. ഫിനാൻഷ്യൽ എക്സ്പ്രസ് റിപ്പോർട്ട് അനുസരിച്ച് ഉപയോക്താക്കളിലേക്ക് സമീപഭാവിയിൽത്തന്നെ അധിക ഫീസ് വഹിപ്പിക്കാനാണ് സാധ്യത. ഇങ്ങനെ വരുമ്പോൾ എടിഎം ഇടപാടുകൾക്ക് ചിലവേറും എന്ന് ഉറപ്പാണ്. കഴിഞ്ഞ 10 വർഷത്തിനിടെ ഇന്റർചേഞ്ച് ഫീസ് പരിഷ്കരിച്ചപ്പോഴെല്ലാം ബാങ്കുകൾ അവ…

യുഎസ് വിമാന നിർമ്മാതാക്കളായ ബോയിംഗ് (Boeing) ബെംഗളൂരുവിലെ എഞ്ചിനീയറിംഗ് ടെക്നോളജി സെന്ററിൽ നിന്നും 180ലധികം ജീവനക്കാരെ പിരിച്ചു വിട്ടതായി റിപ്പോർട്ട്. ആഗോളതലത്തിൽ ജീവനക്കാരുടെ എണ്ണം കുറയ്ക്കുന്നതിന്റെ ഭാഗമായാണ് പിരിച്ചുവിടൽ എന്ന് ഇക്കണോമിക് ടൈംസ് റിപ്പോർട്ട് ചെയ്യുന്നു. ആഗോളതലത്തിൽ നിരവധി പ്രതിസന്ധികൾ നേരിടുന്ന ബോയിംഗിന് ഇന്ത്യയിൽ ഏകദേശം 7,000 ജീവനക്കാരാണ് ഉള്ളത്.’ കഴിഞ്ഞ വർഷം ബോയിംഗ് ആഗോളതലത്തിൽ ഏകദേശം 10 ശതമാനം ജീവനക്കാരുടെ എണ്ണം കുറയ്ക്കുമെന്ന് പ്രഖ്യാപിച്ചിരുന്നു. ജീവനക്കാരുടെ എണ്ണം കുറയ്ക്കുന്നതിന്റെ ഭാഗമായി 2024 ഡിസംബറിലാണ് ബെംഗളൂരുവിലെ ബോയിംഗ് ഇന്ത്യ എഞ്ചിനീയറിംഗ് ടെക്‌നോളജി സെന്ററിലെ 180ഓളം ജീവനക്കാരെ പിരിച്ചുവിട്ടതെന്ന് റിപ്പോർട്ടിൽ പറയുന്നു. Boeing has laid off up to 180 employees at its Bengaluru-based Boeing India Engineering Technology Center as part of a global workforce reduction plan.

തൃശൂര്‍ ആസ്ഥാനമായ ബാങ്കിതര ധനകാര്യ സ്ഥാപനം മണപ്പുറം ഫിനാന്‍സില്‍ (Manappuram Finance) വൻ ഓഹരി നിക്ഷേപത്തിന് ഒരുങ്ങി യുഎസ് കമ്പനി ബെയിന്‍ ക്യാപിറ്റൽ (Bain Capital). ഇതുമായി ബന്ധപ്പെട്ട് രാജ്യത്തെ രണ്ടാമത്തെ വലിയ സ്വര്‍ണ്ണപ്പണയ കമ്പനി കൂടിയായ മണപ്പുറം ഫിനാന്‍സുമായി യുഎസ്സിലെ ബോസ്റ്റൺ ആസ്ഥാനമായുള്ള പ്രൈവറ്റ് ഇക്വിറ്റി കമ്പനിയായ ബെയിന്‍ ക്യാപിറ്റല്‍ കരാര്‍ ഒപ്പിട്ടു. കരാര്‍ പ്രകാരം മണപ്പുറം ഫിനാന്‍സിന്റെ 18 ശതമാനം ഓഹരികളാണ് ബെയിനിന് കൈമാറുക. 4,385 കോടി രൂപയുടെ ഇടപാടാണ് ഇത്. 4,385 കോടി രൂപയുടെ ഇടപാട് പൂര്‍ത്തിയാകുന്നതോടെ കമ്പനിയുടെ 18 ശതമാനം മൂല്യമുള്ള ഓഹരികളും വാറണ്ടുകളും ബെയിന്‍ ക്യാപിറ്റലിന്റെ പക്കലാകും. യുഎസ് കമ്പനിയെ ബോര്‍ഡ് പ്രാതിനിധ്യമുള്ള സംയുക്ത പ്രൊമോട്ടറായി കണക്കാക്കുമെന്ന് എക്‌സ്‌ചേഞ്ച് ഫയലിങ്ങില്‍ മണപ്പുറം ഫിനാന്‍സ് വ്യക്തമാക്കിയിട്ടുണ്ട്. കരാറിന്റെ തുടര്‍ച്ചയായി മണപ്പുറം ഫിനാൻസ് സിഇഓയും എംഡിയുമായ വി.പി. നന്ദകുമാറിന്റേയും കുടുംബത്തിന്റേയും ഓഹരി പങ്കാളിത്തം 30 ശതമാനത്തില്‍ താഴെയായി നിലനിര്‍ത്തി 26 ശതമാനം ഓഹരികള്‍ കൂടി അധികമായി വാങ്ങാനും…

ടാറ്റ ഗ്രൂപ്പ് (Tata Group) കമ്പനികളും യുഎസ് ഇലക്ട്രിക് വാഹന ഭീമൻമാരായ ടെസ്‌ലയും (Tesla) തമ്മിലുള്ള പങ്കാളിത്തം വളർന്നുവരുന്നതായി കഴിഞ്ഞ ദിവസം റിപ്പോർട്ടുകൾ ഉണ്ടായിരുന്നു. ഇന്ത്യ ഇലക്ട്രിക് വാഹന നിർമാതാക്കൾക്ക് നിർണായക വിതരണ കേന്ദ്രമായി മാറുകയാണ് എന്നതിന്റെ സൂചനയാണിത്. ടാറ്റ ഓട്ടോകോമ്പ്, ടിസിഎസ്, മറ്റ് ടാറ്റ സ്ഥാപനങ്ങൾ എന്നിവ ഇലക്ട്രിക് വാഗന രംഗത്തെ വിവിധ മേഖലകളിൽ സംഭാവന ചെയ്യുന്നു. ടെസ്‌ലയിലേക്കുള്ള ഇന്ത്യൻ വിതരണങ്ങൾ 2024 സാമ്പത്തിക വർഷത്തിൽ 2 ബില്യൺ ഡോളറിലെത്തിയിരുന്നു. ചൈനയെ ആശ്രയിക്കുന്നത് കുറച്ച് ടെസ്‌ല വിതരണ ശൃംഖലകളെ വൈവിധ്യവൽക്കരിക്കുകയാണ് ടെസ്‌ലയുടെ ലക്ഷ്യം. ടാറ്റയ്ക്കു പുറമേ ടെസ്‌ല മറ്റ് ഇന്ത്യൻ ഇലക്ട്രിക് വിതരണക്കാരെ തയ്യാറാക്കുന്നുണ്ടെന്നും സൂചനയുണ്ട്. അതുടകൊണ്ടു തന്നെ ഇന്ത്യയിൽ ഉൽപ്പാദനം ആരംഭിക്കുമ്പോൾ ടെസ്‌ല കാര്യമായ നേട്ടങ്ങളും പ്രതീക്ഷിക്കുന്നു. നിലവിലുള്ള ഇന്ത്യൻ വിതരണക്കാരുമായി ടെസ്‌ല ഈ നേട്ടങ്ങൾ മുൻനിർത്തി കൂടിക്കാഴ്ച നടത്തിയിട്ടുണ്ട്. കോവിഡ് കാലത്തെ വിതരണ ശൃംഖലയിലെ തടസ്സങ്ങൾ ഉണ്ടായതു മുതൽ ടെസ്‌ല ആഗോള വിപണിയിൽ ബദൽ ഉറവിടങ്ങൾ തേടാൻ ശ്രമം…

കേരളത്തിൻ്റെ യാത്രയ്ക്ക് വേഗതയേകാൻ അടുത്തതായി നമോ ഭാരത് റാപ്പി‍ഡ് റെയിൽ ട്രെയിൻ സർവീസെത്തുമെന്ന പ്രതീക്ഷയിലാണ് സംസ്ഥാനം. കോഴിക്കോട് നിന്ന് കണ്ണൂർ, കാസർകോട് ഭാഗത്തേക്കുള്ള ട്രെയിൻ യാത്രാ ദുരിതം പരിഹരിക്കാൻ കോഴിക്കോട് – മംഗലാപുരം റൂട്ടിലാണ് നമോ ഭാരത് ട്രെയിൻ എന്ന വന്ദേ ഭാരത് മെട്രോ വരുമെന്ന് പ്രതീക്ഷിക്കുന്നത് . കേരളത്തിന് അനുവദിക്കുന്ന വന്ദേ ഭാരത് മെട്രോ മലബാറിന് വേണ്ടി പരിഗണിക്കണമെന്ന ആവശ്യം കേന്ദ്ര റെയിൽവേ മന്ത്രിയ്ക്ക് മുന്നിലുണ്ട്. നിലവിൽ ട്രെയിനുകളുടെ അപര്യാപ്തത കാരണം യാത്രാ ബുദ്ധിമുട്ട് അനുഭവപ്പെടുന്ന കോഴിക്കോട് – മംഗലാപുരം റൂട്ടിൽ നമോ ഭാരത് ട്രെയിൻ എത്തിയാൽ അതിവേഗ യാത്ര സാധ്യമാകും. 100-250 കിലോമീറ്റർ ദൂരത്തിനുള്ളിൽ പ്രധാന നഗരങ്ങളെ ബന്ധിപ്പിക്കുന്നതിന് ഇൻ്റർ-സിറ്റി റെയിൽ ശൃംഖലയിൽ പ്രവർത്തിക്കുന്ന ഒരു ഹ്രസ്വ-ദൂര സർവീസാണ്. രാജ്യത്തെ തിരക്കേറിയ റൂട്ടുകളിൽ പാസഞ്ചർ ട്രെയിനുകൾക്കും മെമു ട്രെയിനുകൾക്കും പകരം നമോ ഭാരത് ട്രെയിനുകൾ ഓടിക്കാനാണ് റെയിൽവേയുടെ തീരുമാനം. കോഴിക്കോട്, കണ്ണൂർ, കാസർകോട് ജില്ലക്കാർക്ക് നമോ ഭാരത്…