Author: News Desk

തൊഴിലിടങ്ങളിൽ ലിംഗസമത്വം പ്രോത്സാഹിപ്പിക്കുന്നതിനും വനിതാ സംരംഭകരെ പിന്തുണയ്ക്കുന്നതിനുമായി നിരവധി പദ്ധതികളും നിയമങ്ങളുമാണ് കേന്ദ്ര ഗവൺമെന്റ് നടപ്പിലാക്കുന്നത്. വനിതാ ജീവനക്കാർക്ക് സുരക്ഷിതവും വിവേചനരഹിതവുമായ അന്തരീക്ഷം സൃഷ്ടിക്കുന്നതിനൊപ്പം സ്ത്രീകളുടെ ഉടമസ്ഥതയിലുള്ള സംരംഭങ്ങളെ പരിപോഷിപ്പിക്കുന്നതിലും ഇവ ശ്രദ്ധ കേന്ദ്രീകരിക്കുന്നു. കോർപ്പറേറ്റ് കാര്യ മന്ത്രാലയത്തിന്റെ കമ്പനീസ് ആക്റ്റ് 2013 കോർപ്പറേറ്റ് സ്ഥാപനങ്ങളിൽ ലിംഗസമത്വ അന്തരീക്ഷം ഉറപ്പാക്കാൻ പ്രത്യേകം രൂപകൽപന ചെയ്തിട്ടുള്ള വ്യവസ്ഥകൾ അടങ്ങുന്നതാണ്. 100 കോടി രൂപയോ അതിൽ കൂടുതലോ പെയ്ഡ് അപ്പ് ഷെയർ ക്യാപിറ്റലോ അല്ലെങ്കിൽ 300 കോടി രൂപയോ അതിൽ കൂടുതലോ വിറ്റുവരവോ ഉള്ള ലിസ്റ്റഡ് കമ്പനികളും മറ്റ് പൊതു കമ്പനികളും അവരുടെ ബോർഡുകളിൽ കുറഞ്ഞത് ഒരു വനിതാ ഡയറക്ടറെ നിയമിക്കണമെന്ന വ്യവസ്ഥയാണ് ഇതിൽ പ്രധാനം. ഇതിനു പുറമേ കമ്പനികൾ അവരുടെ ബോർഡ് വാർഷിക റിപ്പോർട്ടിൽ സാമ്പത്തിക പ്രസ്താവനയോടൊപ്പം സ്ത്രീകൾക്കെതിരായ ലൈംഗിക പീഡനം (തടയൽ, നിരോധനം, പരിഹാരം) നിയമം പാലിക്കുന്നുണ്ടെന്ന് സ്ഥിരീകരിക്കുന്നതായ പ്രസ്താവനയും ഉൾപ്പെടുത്തണം. വനിതാ സംരംഭകരെ ശാക്തീകരിക്കുന്നതിനായി സാമ്പത്തിക സഹായം, പരിശീലനം തുടങ്ങിയവ…

അതിസമ്പന്നരുടെ എണ്ണത്തിന് പേരുകേട്ട രാജ്യമാണ് അമേരിക്ക. ആ അതിസമ്പന്നരിൽ നിരവധി ഇന്ത്യൻ വംശജരുമുണ്ട്. യുഎസ്സിലെ ഏറ്റവും സമ്പന്നരായ ഇന്ത്യൻ വംശജർ ആരെല്ലാമാണ് എന്ന് നോക്കാം. ജയ് ചൗധരി11.2 ബില്യൺ ഡോളർ ആസ്തിയുമായി സീസ്കെയിലർ (Zscaler) സിഇഒ ജയ് ചൗധരിയാണ് യുഎസ്സിലെ ഏറ്റവും സമ്പന്നനായ ഇന്ത്യക്കാരൻ. സെക്യൂർ ഐടി (SecureIT), കോർ ഹാർബർ (CoreHarbor), സൈഫർ ട്രസ്റ്റ് (CipherTrust) എന്നു തുടങ്ങി നിരവധി ടെക് കമ്പനികളുടെ സ്ഥാപകനാണ് അറുപത്താറുകാരനായ ജയ്. വിനോദ് ഗോസ്ലടെക് കമ്പനി സൺ മൈക്രോസിസ്റ്റംസ്, വെഞ്ച്വർ ക്യാപിറ്റൽ സംരംഭം ഖോസ്ല വെഞ്ച്വേർസ് തുടങ്ങിയവയുടെ സ്ഥാപകനാണ് വിനോദ് ഗോസ്ല. 8.3 ബില്യൺ ഡോളർ ആസ്തിയുമായി യുഎസ്സിലെ ഏറ്റവും സമ്പന്നനായ ഇന്ത്യൻ വംശജരിൽ രണ്ടാമതാണ് വിനോദ്. രാകേഷ് ഗാങ്വാൽ5.8 ബില്യൺ ഡോളർ ആസ്തിയുമായി എയർലൈൻ ഇതിഹാസം രാകേഷ് ഗാങ്വാൽ യുഎസ്സിലെ ഏറ്റവും സമ്പന്നരായ ഇന്ത്യക്കാരിൽ മൂന്നാമതുണ്ട്. ഇൻഡിഗോയുടെ പാരന്റ് കമ്പനിയായ ഇന്റർ ഗ്ലോബ് ഏവിയേഷനിലെ പങ്കാളിത്തമാണ് രാകേഷിന്റെ വമ്പൻ ആസ്തിക്കു പിന്നിൽ. റോമേഷ്…

പാചകത്തിന്റെ പ്രാധാന്യത്തെക്കുറിച്ചുള്ള കാഴ്ചപ്പാട് പങ്കുവെച്ച് തൈറോകെയർ സ്ഥാപകൻ ഡോ. എ. വേലുമണി. സമൂഹമാധ്യമമായ എക്സ് പ്ലാറ്റ്ഫോമിലാണ് അദ്ദേഹം പാചകത്തിന്റെ പ്രാധാന്യത്തെക്കുറിച്ച് വിശദീകരിക്കുന്ന കുറിപ്പ് പങ്കുവെച്ചിരിക്കുന്നത്. രണ്ടു തരം ആളുകളാണ് ലോകത്തുള്ളത്-ഒന്ന്, പാചകം ചെയ്യാൻ പഠിക്കുന്നവരും, രണ്ട്, അത് സമയനഷ്ടമായി കരുതുന്നവരും- അദ്ദേഹം പറഞ്ഞു. പാചക വൈദഗ്ദ്ധ്യം ഉള്ളവർ സന്തോഷകരമായ ദാമ്പത്യ ജീവിതം ആസ്വദിക്കുന്നു. അതേസമയം പാചകം അറിയാത്തവർ എത്ര സമ്പാദ്യം ഉള്ളവരാണെങ്കിലും വിവാഹശേഷം ബന്ധങ്ങൾ നിലനിർത്തുന്നതിൽ ബുദ്ധിമുട്ടാം. ഭക്ഷണം ഹൃദയത്തിലേക്ക് നേരിട്ടുള്ള വഴിയാണ്. അതുകൊണ്ടുതന്നെ കുട്ടികളെ പാചകം പഠിപ്പിക്കേണ്ടത് ഏറ്റവും അത്യാവശ്യമാണെന്നും വേലുമണി കൂട്ടിച്ചേർത്തു. തന്റെ അന്തരിച്ച പത്നിയേയും സ്മരിച്ചിരിക്കുന്ന പോസ്റ്റിനൊപ്പം അദ്ദേഹം കുടുംബചിത്രങ്ങളും പങ്കുവെച്ചിട്ടുണ്ട്. Dr. A. Velumani shares insights on cooking’s role in strengthening relationships and warns about ego’s impact on marriages, careers, and businesses.

സംരംഭകത്വം എന്നത് സ്ത്രീകളെ സംബന്ധിച്ച് ഏറ്റവും മനോഹരമായ അനുഭവം സമ്മാനിക്കുന്ന പ്രക്രിയയാണെന്ന് സൺറൈസ് ഗ്രൂപ്പ് ഓഫ് ഹോസ്പിറ്റൽസ് എംഡി പർവീൻ ഹഫീസ്. ബിസിനസ് എന്നത് പണം മാത്രം കേന്ദ്രീകരിച്ചാകരുത്. പണം മാത്രം കേന്ദ്രീകരിക്കുമ്പോൾ നമുക്ക് സന്തോഷം ലഭിക്കില്ല. മറിച്ച് പുതുതായി ഓരോ കാര്യങ്ങൾ പഠിച്ചുകൊണ്ടേ ഇരിക്കാനുള്ള ഒരു വഴിയായി ബിസിനസ്സിനെ കാണാനാകണമെന്നും ചാനൽ അയാം സിഇഒ നിഷ കൃഷ്ണനുമായുള്ള പ്രത്യേക അഭിമുഖത്തിൽ അവർ പറഞ്ഞു. ഒരു ഹോസ്പിറ്റൽ നടത്തിക്കൊണ്ടുപോകുക എന്നത് ഒരു ടൈം ബോംബിനു മുകളിൽ ഇരിക്കുന്നതിനു സമാനമാണ്. പക്ഷേ അത് മറ്റുള്ളവരെ സഹായിക്കാനുള്ള ഒരു വഴി എന്ന നിലയ്ക്ക് ചെയ്യുമ്പോൾ നമുക്കതിലും സന്തോഷം കണ്ടെത്താനാകും. ഈയൊരു സ്പിരിറ്റ് ആണ് സൺറൈസിന്റെ സവിശേഷത. മറ്റുള്ളവരോട് മത്സരിക്കുകയല്ല ബിസിനസ്സിൽ ചെയ്യേണ്ടത്, മറിച്ച് നമ്മൾ സ്വയം സ്മാർട്ട് ആയിരിക്കുകയാണ്. സൺറൈസ് ഒന്നോ രണ്ടോ വ്യക്തികൾ നടത്തുന്ന സ്ഥാപനമല്ല. 2000ത്തിലധികം ജീവനക്കാരാണ് സൺറൈസിന്റെ ഊർജം. അതാത് രംഗത്തെ വിദഗ്ധർ ആ ഊർജത്തിനു കരുത്ത് കൂട്ടുന്നതായും പർവീൻ…

കന്നഡ നടി രന്യ റാവു സ്വർണക്കടത്തിനു പിടിയിലായതിനു പിന്നാലെ നടിയുടെ ഭർത്താവും നിരീക്ഷണത്തിലെന്ന് റിപ്പോർട്ട്. നടിയുമായി അടുത്ത ബന്ധം പുലർത്തുന്നവരെക്കുറിച്ച് അന്വേഷണം നടക്കുകയാണെന്നും ഇതിന്റെ ഭാഗമായാണ് രന്യ റാവുവിന്റെ ഭർത്താവും ആർക്കിടെക്റ്റുമായ ജതിൻ ഹുക്കേരിയെ കുറിച്ചും അന്വേഷണം നടത്തുന്നതെന്നും ഹിന്ദുസ്താൻ ടൈംസ് റിപ്പോർട്ട് ചെയ്യുന്നു. രന്യ റാവുവിന്റെ വിദേശ യാത്രകളിൽ മിക്കവയിലും ഒപ്പം ജതിൻ ഹുക്കേരിയും ഉണ്ടായിരുന്നു എന്നതും ഇയാളെക്കുറിച്ച് കൂടുതൽ അന്വേഷണത്തിന് അന്വേഷണ സംഘത്തെ പ്രേരിപ്പിച്ചു. ബെംഗളൂരു ആർവി കോളേജ് ഓഫ് എഞ്ചിനീയറിംഗിൽ നിന്ന് ആർക്കിടെക്ചർ & ഇന്റീരിയർ ഡിസൈനിൽ ബിരുദം നേടിയ ജതിൻ ലണ്ടനിലെ റോയൽ കോളേജ് ഓഫ് ആർട്ട് – എക്സിക്യൂട്ടീവ് എഡ്യൂക്കേഷനിൽ നിന്നും ഡിസ്റപ്റ്റീവ് മാർക്കറ്റ് ഇന്നൊവേഷനിൽ സ്പെഷ്യലൈസ് ചെയ്ത് തുടർപഠനം പൂർത്തിയാക്കി. കരിയറിന്റെ ആദ്യഘട്ടത്തിൽത്തന്നെ ബെംഗളൂരുവിലെ റെസ്റ്റോറന്റ് വ്യവസായത്തിൽ നൂതന ഡിസൈനുകളിലൂടെ വ്യക്തിമുദ്ര പതിപ്പിച്ച ജതിൻ തുടർന്ന് യുകെയിലേക്കും തന്റെ സ്വാധീനം വ്യാപിപ്പിച്ചു. WDA & DECODE LLC സ്ഥാപകനും ക്രിയേറ്റീവ് ഡയറക്ടറുമായ ജതിൻ…

20 സംസ്ഥാനങ്ങളിലായി 100 റെയിൽവേ സ്റ്റേഷനുകളിലേക്ക് ഫുഡ് ഡെലിവെറി സേവനം വ്യാപിപ്പിച്ച് ഫുഡ് ആൻഡ് ഗ്രോസറി വിതരണ സ്ഥാപനമായ സ്വിഗ്ഗി (Swiggy). ഇന്ത്യൻ റെയിൽവേ കാറ്ററിംഗ് ആൻഡ് ടൂറിസം കോർപ്പറേഷനുമായി (IRCTC) സഹകരിച്ചാണ് ട്രെയിൻ യാത്രക്കാർക്ക് സീറ്റുകളിൽ നേരിട്ട് ഭക്ഷണം എത്തിക്കുന്ന സംവിധാനം സ്വിഗ്ഗി വൈവിധ്യവൽക്കരിക്കുന്നത്. 60,000 ത്തിലധികം ബ്രാൻഡുകളിൽ നിന്നും 7 ദശലക്ഷത്തിലധികം മെനു ഇനങ്ങളിൽ നിന്ന് ഭക്ഷണം തിരഞ്ഞെടുക്കാൻ സ്വിഗ്ഗി ഇതിലൂടെ ട്രെയിൻ യാത്രക്കാർക്ക് അവസരമൊരുക്കുന്നു. വികസനത്തിലൂടെ യാത്രക്കാർക്ക് കൂടുതൽ സൗകര്യത്തോടെ സേവനം നൽകാനും രാജ്യത്തുടനീളമുള്ള വൈവിധ്യമാർന്ന ഭക്ഷണങ്ങൾ ലഭ്യമാക്കാനും സാധിക്കുമെന്ന് സ്വിഗ്ഗി ഫുഡ് മാർക്കറ്റ്പ്ലെയ്സ് വൈസ് പ്രസിഡന്റ് ദീപക് മാലൂ പറഞ്ഞു. സാങ്കേതികവിദ്യയുടെയും പ്രവർത്തനങ്ങളുടെയും തടസ്സമില്ലാത്ത സംയോജനത്തിന്റെ തെളിവാണ് ഈ വികസനം. ഉപഭോക്താക്കൾ എവിടെയായിരുന്നാലും അവർക്ക് മികച്ച സേവനം നൽകാനുള്ള സ്വിഗ്ഗിയുടെ പ്രതിബദ്ധതയാണ് ഐആർസിടിസിയുമായുള്ള പങ്കാളിത്തം പ്രതിഫലിപ്പിക്കുന്നത്-അദ്ദേഹം പറഞ്ഞു. കഴിഞ്ഞ വർഷമാണ് സ്വിഗ്ഗി തിരഞ്ഞെടുത്ത റൂട്ടുകളിൽ ട്രെയിൻ ഡെലിവെറി കൊണ്ടുവന്നത്. ഇതാണ് ഇപ്പോൾ കൂടുതൽ സ്റ്റേഷനുകളിലേക്ക് വ്യാപിപ്പിച്ചിരിക്കുന്നത്.…

താരിഫിൽ ഇന്ത്യയ്ക്കെതിരെ വീണ്ടും വിമർശനവും പരിഹാസവുമായി യുഎസ് പ്രസിഡന്റ് ഡൊണാൾഡ് ട്രംപ്. ഇന്ത്യ തീരുവ കുറയ്ക്കാൻ സമ്മതിച്ചതായും ട്രംപ് അവകാശപ്പെട്ടു. ഏറ്റവും അധികം ഇറക്കുമതി തീരുവ ചുമത്തുന്ന രാജ്യങ്ങളിൽ ഒന്നാണ് ഇന്ത്യയെന്ന് ട്രംപ് പറഞ്ഞു. വാഹനങ്ങൾക്ക് ഇന്ത്യ 100 ശതമാനം ഇറക്കുമതി തീരുവ ചുമത്തുന്നു. ഇത്തരം കാര്യങ്ങൾ ഇന്ത്യ അമേരിക്കയോട് കാണിക്കുന്ന നീതിരാഹിത്യത്തിന് തെളിവാണ്. ഇന്ത്യ തീരുവ കുറച്ചത് തുറന്നു കാട്ടാൻ ആളുണ്ടായത് കൊണ്ടാണെന്ന് പരിഹാസ രൂപേണ ട്രംപ് പറഞ്ഞു. ഉയർന്ന തീരുവ ഉള്ള രാജ്യങ്ങൾക്ക് പകരച്ചുങ്കം നടപ്പിലാക്കുമെന്ന യുഎസ് കോൺഗ്രസ്സിന്റെ പ്രഖ്യാപനത്തിനു പിന്നാലെയാണ് ട്രംപിന്റെ പ്രസ്താവന എന്നതും ശ്രദ്ധേയമാണ്. തീരുവയുടെ കാര്യത്തിൽ കാനഡയേയും ട്രംപ് വിമർശിച്ചു. കാനഡയും ഉയർന്ന തീരുവ ചുമത്തുന്ന രാജ്യമാണ്. പാലുത്പന്നങ്ങൾക്ക് 250 ശതമാനം തീരുവയാണ് കാനഡ വാങ്ങുന്നതെന്നും ട്രംപ് വിമർശിച്ചു. US President Donald Trump claimed India agreed to reduce tariffs amid ongoing trade talks. India’s MEA stated discussions…

കർണാടക നടപ്പിലാക്കുന്ന ഗതാഗത സംരംഭങ്ങളും പദ്ധതികളും മനസ്സിലാക്കുന്നതിനായി കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ (കെഎസ്ആർടിസി) ഉദ്യോഗസ്ഥർ ബെംഗളൂരു കർണാടക സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ (കെഎസ്ആർടിസി) ഓഫീസുകൾ സന്ദർശിച്ചു. കേരള ആർടിസി ചെയർമാനും മാനേജിംഗ് ഡയറക്ടറുമായ പി.എസ്. പ്രമോജ് ശങ്കറിന്റെ നേതൃത്വത്തിലുള്ള സംഘം കർണാടക ആർടിസി മാനേജിംഗ് ഡയറക്ടർ വി. അൻബു കുമാറുമായി കൂടിക്കാഴ്ച നടത്തി. ബസ്സിന്റെ പ്രവർത്തനങ്ങൾ, തൊഴിലാളി ക്ഷേമം, വാണിജ്യ വരുമാനം, ബസ് നവീകരണം, മാനവ വിഭവശേഷി, എനിവേർ എനിടൈം അഡ്വാൻസ് റിസർവേഷൻ (അവതാർ) 4.0 ഇ-ടിക്കറ്റിംഗ്, ആരോഗ്യ ഇൻഷുറൻസ്, ഒരു കോടി രൂപയുടെ അപകട ഇൻഷുറൻസ്, യാത്രക്കാർക്ക് അനുയോജ്യമായ മറ്റു സംരംഭങ്ങൾ തുടങ്ങിയവ ചർച്ച ചെയ്തു. കേരള ഉദ്യോഗസ്ഥർ കർണാടക എസ്ആർടിസിയുടെ ഡിപ്പോ നമ്പർ ടൂവും (ബെംഗളൂരു സെൻട്രൽ ഡിവിഷൻ) സന്ദർശിച്ചു. A team of Kerala RTC officials, led by Chairman P.S. Pramoj Shankar, visited Karnataka RTC in Bengaluru…

ഗായിക ശ്രേയ ഘോഷലുമായി ബന്ധപ്പെട്ട നിരവധി പോസ്റ്റുകൾ സമൂഹമാധ്യമങ്ങളിൽ പ്രചരിക്കുന്നു. ഗായിക അറസ്റ്റിലായെന്നും ഇനി സാധാരണ ജീവിതത്തിലേക്ക് മടങ്ങിവരാനാകില്ല എന്നുമുള്ള തലക്കെട്ടോടു കൂടിയ നിരവധി പോസ്റ്റുകളാണ് ശ്രേയയുടെ പേരിൽ സമൂഹമാധ്യമങ്ങളിൽ പ്രചരിക്കുന്നത്. ഇന്ത്യൻ എക്സ്പ്രസ് പോലുള്ള പ്രമുഖ മാധ്യമങ്ങളിൽ പ്രസിദ്ധീകരിച്ചത് എന്ന വ്യാജേനയാണ് ഇവ പ്രചരിക്കുന്നത്. എന്നാൽ സംഗതി വ്യാജവാർത്തയാണെന്നും ഇത്തരം ലിങ്കുകളിൽ ക്ലിക്ക് ചെയ്യരുതെന്നും ഇവ ഫിഷിങ് ലിങ്കുകളാണെന്നുമുള്ള മുന്നറിയിപ്പുമായി എത്തിയിരിക്കയാണ് തമിഴ്നാട് സൈബർ സെൽ. തമിഴ്നാട് സൈബർ ക്രൈം വിങ് എഡിജിപി സന്ദീപ് മിത്തലാണ് സമൂഹമാധ്യമമായ എക്സിൽ സംഭവത്തിനെതിരെ ജാഗ്രത വേണമെന്ന നിർദേശവുമായി രംഗത്തെത്തിയിരിക്കുന്നത്. ഗായിക ശ്രേയ ഘോഷലിനെ കുറിച്ചുള്ള വ്യാജ വാർത്താ ക്ലിപ്പിംഗുകളും പരസ്യങ്ങളും എക്സിൽ പ്രചരിക്കുന്നുണ്ടെന്നും ഈ വ്യാജ പോസ്റ്റുകൾ പൊതുജനങ്ങളെ ആകർഷിക്കാനുള്ള “കെണികളാണെന്നും” മിത്തൽ മുന്നറിയിപ്പ് നൽകി. സെൻസേഷണൽ തലക്കെട്ടുകൾ, തെറ്റിദ്ധരിപ്പിക്കുന്ന വെബ്‌സൈറ്റ് ലിങ്കുകൾ, ഇന്ത്യൻ എക്‌സ്പ്രസ് ഉൾപ്പെടെയുള്ള നിയമാനുസൃത വാർത്താ പ്രസിദ്ധീകരണങ്ങളുടെ ലോഗോകൾ എന്നിവ വിശ്വസനീയമാണെന്ന തരത്തിൽ തെറ്റായി പ്രദർശിപ്പിക്കുകയാണെന്നും മിത്തൽ ചൂണ്ടിക്കാട്ടി.…

വനിത സ്റ്റാര്‍ട്ടപ്പ് സംരംഭകര്‍ക്ക് ആവശ്യമായ എല്ലാ വിവരങ്ങളും ഉള്‍ക്കൊള്ളിച്ചുള്ള  ഹാന്‍ഡ്ബുക്ക് പുറത്തിറക്കി കെഎസ് യുഎം. ഒറ്റ ഹാന്‍ഡ്ബുക്കിലൂടെ വനിതാ സ്റ്റാര്‍ട്ടപ്പ് സംബന്ധിച്ച സമഗ്രവിവരങ്ങളും സംശയം കൂടാതെ മനസിലാക്കാം എന്നാണ് ഇതിന്‍റെ പ്രത്യേകത. ‘വനിത സ്റ്റാര്‍ട്ടപ്പ് സ്ഥാപകരെ പ്രോത്സാഹിപ്പിക്കുക, അവര്‍ക്ക് സംരംഭകത്വ വിജ്ഞാനം പകര്‍ന്നു നല്‍കുക, സംരംഭങ്ങള്‍ തുടങ്ങുന്നതിനു വേണ്ടിയുള്ള സഹായങ്ങള്‍ ചെയ്യുക എന്നിവയാണ് ലക്ഷ്യം. വനിതാ സ്റ്റാര്‍ട്ടപ്പ് സംരംഭകര്‍ക്കുള്ള ഹാന്‍ഡ്ബുക്ക് മുഖ്യമന്ത്രി പിണറായി വിജയന്‍ പ്രകാശനം ചെയ്തു. തിരുവനന്തപുരത്ത് മുഖ്യമന്ത്രിയുടെ ചേംബറില്‍ വച്ചായിരുന്നു പ്രകാശനം.വനിത സ്റ്റാര്‍ട്ടപ്പ് സംരംഭകര്‍ക്ക് ആവശ്യമായ എല്ലാ വിവരങ്ങളും ഉള്‍ക്കൊള്ളിച്ചുള്ളതാണ് കെഎസ് യുഎം പുറത്തിറക്കിയ ഹാന്‍ഡ്ബുക്ക്. കേന്ദ്ര-സംസ്ഥാന സര്‍ക്കാരുകള്‍ വനിതാ സ്റ്റാര്‍ട്ടപ്പുകള്‍ക്ക് നല്‍കുന്ന സഹായങ്ങള്‍, വിവിധ പദ്ധതികള്‍ എന്നിവയെല്ലാം ഇതില്‍ വിശദമായി പ്രതിപാദിക്കുന്നു.https://startupmission.kerala.gov.in/ecosystem എന്ന വെബ് ലിങ്കില്‍ നിന്ന് ഹാന്‍ഡ്ബുക്ക് വായിക്കുകയും ഡൗണ്‍ലോഡ് ചെയ്യാവുന്നതുമാണ്.സ്റ്റാര്‍ട്ടപ്പ് ആവാസ വ്യവസ്ഥയിലേക്ക് വനിതകള്‍ക്ക് കൂടുതല്‍ പ്രോത്സാഹനം നല്‍കുന്നതിന്‍റെ ഭാഗമായാണ് എല്ലാ വിവരങ്ങളും സമഗ്രമായി ഉള്‍ക്കൊള്ളിച്ചു കൊണ്ടുള്ള ഈ ഹാന്‍ഡ്ബുക്ക് സ്റ്റാര്‍ട്ടപ്പ് മിഷന്‍ പുറത്തിറക്കിയത്സംസ്ഥാന സര്‍ക്കാരിനു…