Author: News Desk

ജനകീയപ്രക്ഷോഭത്താൽ ബംഗ്ലാദേശ് കലുഷമായപ്പോൾ ഏറ്റവും അധികം ബുദ്ധിമുട്ട് നേരിടുന്നത് ബംഗ്ലാദേശ് ആസ്ഥാനമായി പ്രവർത്തിക്കുന്ന യുണൈറ്റഡ് എയർവേയ്സിനു കൂടിയാണ്. യുണൈറ്റഡ് എയർവേയ്സിന്റെ വിമാനം റായ്പുർ വിമാനത്താവളത്തിൽ അടിയന്തമായി ഇറക്കിയിട്ട് ഒമ്പത് വർഷം പിന്നിടുന്നു. നാളിതുവരെ വിഷയത്തിൽ ഒരു തീരുമാനമുണ്ടാക്കാൻ അധികൃതർക്ക് സാധിച്ചിട്ടില്ല. ബംഗ്ലാദേശിന്റെ നിലവിലെ അവസ്ഥയിൽ എന്ത് ചെയ്യണമെന്നറിയാതിരിക്കുകയാണ് റായ്പുരിലെ വിമാനത്താവള അധികൃതർ. ഇന്ത്യയിൽ നിന്നും ഈ വിമാനം പറന്നുയരുന്നത് ഇനി ഒരു സ്വപ്നം മാത്രമായിരിക്കുമെന്ന് എയർപോർട്ട് അതോറിറ്റി ഓഫ് ഇന്ത്യയിലെ മുതിർന്ന ഉദ്യോഗസ്ഥൻ മാധ്യമങ്ങളോട് പറഞ്ഞു. പറക്കാൻ യോഗ്യമല്ലാത്ത ഒരു വലിയ സ്ക്രാപ്പ് ആയി വിമാനം മാറിയിട്ടുണ്ട്. ഇത്രയും വർഷമായിട്ടും വിമാനത്തെക്കുറിച്ച കൃത്യമായൊരു പ്രതികരണം നൽകാൻ ബംഗ്ലാദേശ് തയ്യാറായിട്ടില്ല. ഇത്രയും നാളായി വിമാനം മാറ്റാനുള്ള നടപടി വിമാനക്കമ്പനിയിൽ നിന്നുമില്ലാതായതോടെ വലിയ തുക പാർക്കിങ് ചാർജായി നൽകേണ്ടതുണ്ട്. മണിക്കൂറിന് 320 രൂപയാണ് പാർക്കിങ് നിരക്ക്. ഇതിനോടകം, ഇത്രയും വർഷത്തെ തുക നാല് കോടി രൂപയായെന്നാണ് കണക്ക്. 173 യാത്രക്കാരുമായി ധാക്കയിൽ നിന്നും മസ്കറ്റിലേക്ക്…

ബംഗാള്‍ ഉള്‍ക്കടലിന്റെ വടക്കുകിഴക്കന്‍ ഭാഗത്തുള്ള തന്ത്രപ്രധാനമായ ചെറുദ്വീപാണ് സെയ്ന്റ് മാര്‍ട്ടിന്‍. ബംഗ്ലാദേശിലെ ഒരേയൊരു പവിഴദ്വീപ്. സെയ്ന്റ് മാര്‍ട്ടിന്റെ പരമാധികാരം യു.എസിന് കൈമാറിയിരുന്നെങ്കില്‍ തനിക്ക് രാജിവെക്കേണ്ടിവരില്ലെന്ന ബംഗ്ലാദേശ് മുന്‍ പ്രധാനമന്ത്രി ഷെയ്ഖ് ഹസീനയുടെ പ്രസ്താവനയോടെ ദ്വീപിനെക്കുറിച്ചുള്ള ചര്‍ച്ചകള്‍ വീണ്ടും സജീവമാകുകയാണ്. ഇന്ത്യന്‍ മഹാസമുദ്രത്തില്‍ അധീശത്വം സ്ഥാപിക്കാനുള്ള ശ്രമങ്ങളുടെ ഭാഗമായി യു.എസിനും ചൈനയ്ക്കും ഈ ദ്വീപില്‍ കണ്ണുണ്ട്. ദ്വീപില്‍ വ്യോമതാവളം നിര്‍മിക്കാന്‍ യു.എസിന് പദ്ധതിയുണ്ടെന്ന് മുന്‍പും ഹസീന ആരോപിച്ചിരുന്നു. ബംഗ്ലാദേശിന്റെ തെക്കേയറ്റത്തെ കോക്‌സ് ബസാറിന് എട്ടുകിലോമീറ്റര്‍ അകലെയുള്ള ദ്വീപിന്, മൂന്നു ചതുരശ്രകിലോമീറ്റര്‍ ആണ് വിസ്തൃതി. 3700-ഓളം താമസക്കാരുണ്ട്. മീന്‍പിടിത്തം, നെല്‍കൃഷി, തെങ്ങുകൃഷി എന്നിവയാണ് ഇവിടത്തുകാരുടെ പ്രധാന ഉപജീവനമാര്‍ഗം. മത്സ്യ-കാര്‍ഷിക വിഭവങ്ങള്‍ മ്യാന്‍മാറിലേക്കാണ് പ്രധാനമായും കയറ്റുമതിചെയ്യുന്നത്. 1900-കളില്‍ സെയ്ന്റ് മാര്‍ട്ടിന്‍ ബ്രിട്ടീഷ് ഇന്ത്യയുടെ ഭാഗമായിരുന്നു. 1937-ല്‍ മ്യാന്‍മാര്‍ വേറിട്ടശേഷവും ബ്രിട്ടീഷ് ഇന്ത്യയുടെ ഭാഗമായിത്തുടര്‍ന്നു. 1947-ലെ വിഭജനത്തോടെ പാകിസ്താനുകീഴിലായി. 1971-ലെ യുദ്ധത്തെത്തുടര്‍ന്ന് ബംഗ്ലാദേശിനോട് കൂട്ടിച്ചേര്‍ക്കപ്പെട്ടു. ബ്രിട്ടീഷ് ഭരണകാലത്ത്, ചിറ്റഗോങ്ങിലെ ഡെപ്യൂട്ടി കമ്മീഷണർ മാർട്ടിന്‍റെ പേരിലാണ് ഈ ദ്വീപിന്…

ഏവിയേഷൻ രംഗത്ത് പ്രവർത്തിക്കാൻ ആഗ്രഹിക്കുന്നവർക്ക് മികച്ച അവസരമൊരുക്കുകയാണ് എറണാകുളത്തെ തൃക്കാക്കരയിലെ അർബക്സ് അക്കാഡമി (URBX). പൈലറ്റ് കോച്ചിങ്ങ് ഉൾപ്പെടെ ഏവിയേഷൻ രംഗത്ത് തൊഴിൽ വാഗ്ദാനം ചെയ്യുന്ന നിരവധി കോഴ്‌സുകൾ ആണ് അർബക്സിൽ ഉള്ളത്. പഠനശേഷം ജോലി എന്ന സ്വപ്നത്തിൽ നിൽക്കുന്നവർക്ക്, നിങ്ങളുടെ ഇഷ്ടങ്ങൾക്ക് അനുസരിച്ചുള്ള കരിയറിലേക്ക് നയിക്കുകയാണ് അർബക്സ് ചെയ്യുന്നത്. ഓരോ മേഖലയിലും പ്രാവീണ്യവും പരിചയവമുള്ള മികച്ച അധ്യാപകരുടെ സേവനത്തോടെ നൽകുന്ന കോഴ്‌സുകളിൽ, പഠന ശേഷം ജോലിയും വാഗ്ദാനം ചെയ്യുന്നുണ്ട്. കേരളത്തിലെ ആദ്യത്തെ ഇൻഡസ്ട്രി ഇന്റഗ്രെറ്റഡ് ക്യാംപസ് എന്ന പ്രത്യേകതയും അർബക്‌സിനുണ്ട്. പുതിയതായി ആരംഭിച്ച നോളജ് പാർക്കിന്റെയും ഏവിയേഷൻ അക്കാഡമിയുടെയും ഉത്‌ഘാടനം നിയമ വ്യവസായ കയർ വകുപ്പ് മന്ത്രി പി രാജീവ് നിർവഹിച്ചു. വളരെ അഭിമാനകരമായ ഒരു സന്ദർഭം ആണിതെന്നും കേരളത്തിൽ തന്നെ പൈലറ്റ് പരിശീലനത്തിനുള്ള ഒരു സ്ഥാപനം, എല്ലാവിധ ആധുനിക സൗകര്യങ്ങളോടെയും ഈ മേഖലയിൽ അനുഭവ സമ്പത്തുള്ള അധ്യാപകരുടെയും പിന്തുണയോടെ ആരംഭിക്കുന്നതിൽ സന്തോഷം ഉണ്ട് എന്നും ചടങ്ങ് ഉത്‌ഘാടനം ചെയ്തുകൊണ്ട്…

നിരവധി പ്രതിബന്ധങ്ങളെ തരണം ചെയ്ത് ജീവിതത്തിൽ വിജയം കൈവരിച്ച നിരവധി ആളുകൾ നമുക്ക് ചുറ്റും ഉണ്ട്. അവരിൽ ഒരാൾ ആണ് ഹൈദരാബാദില്‍ ഓട്ടോ ഓടിച്ച് നടന്ന മുഹമ്മദ് ഖൗസിന്റെ മകനായ മുഹമ്മദ് സിറാജ്. ഇങ്ങിനെ പറഞ്ഞാൽ മനസിലായില്ലെങ്കിലും ഇന്ത്യൻ കിക്കറ്റ് ടീമിന്റെ വിശ്വസ്തനായ ഫാസ്റ്റ് ബൗളർ മുഹമ്മദ് സിറാജ് എന്ന് കേട്ടാൽ എല്ലാവർക്കും ആളെ മനസിലാവും. സിറാജ് ഇപ്പോഴിതാ തന്റെ സ്വപ്നവാഹനം സ്വന്തമാക്കിയതിന് ശേഷം കുറിച്ച വാക്കുകൾ ഇങ്ങിനെ ആണ് “സ്വപ്നങ്ങൾക്ക് അതിരുകൾ നിശ്ചയിക്കാതിരിക്കുക, അത് നിങ്ങളെ കൂടുതൽ കഠിനാധ്വാനികളും പരിശ്രമശാലികളുമാക്കും”. റേഞ്ച് റോവർ എസ് യു വി യാണ് താരത്തിന്റെ ഗാരിജിലേക്കു എത്തിയിരിക്കുന്ന പുതിയ വാഹനം. സിറാജ് തന്നെയാണ് വാഹനം സ്വന്തമാക്കിയ വിശേഷവും ഡെലിവറി സ്വീകരിച്ചതിനു ശേഷമുള്ള ചിത്രങ്ങളും സമൂഹ മാധ്യമങ്ങളിലൂടെ പങ്കുവെച്ചിരിക്കുന്നത്. റേഞ്ച് റോവർ എസ് യു വിയുടെ ഏതു വേരിയന്റ് ആണെന്ന് വ്യക്തമല്ല. 2.98 കോടി രൂപ മുതലാണ് വാഹനത്തിന്റെ ബേസ് വേരിയന്റിന് വില ആരംഭിക്കുന്നത്.…

മൂകാംബിക ദർശനം പ്ലാൻ ചെയ്യുന്നവർ ആണോ നിങ്ങൾ? എങ്കിൽ ഇതാ നിങ്ങൾക്കായൊരു സുവർണാവസരം ഒരുക്കിയിരിക്കുകയാണ് കെഎസ്ആർടിസി. കെഎസ്ആർടിസിയുടെ ബഡ്ജറ്റ് ടൂറിസം സെൽ സംഘടിപ്പിക്കുന്ന കൊല്ലൂർ മൂകാംബിക ക്ഷേത്ര ദർശന തീർത്ഥാടനയാത്ര ആഗസ്റ്റ് 16 മുതല്‍ ആരംഭിക്കും. കണ്ണൂർ യൂണിറ്റിൽ നിന്നുള്ള സുപ്പർ ഡീലക്സ് ബസ്സിൽ രാത്രി 08.30 പുറപ്പെട്ടു പുലർച്ചെ 04.00 മണിക്ക് കൊല്ലൂരിൽ എത്തുന്ന രീതിയിൽ ആണ് ട്രിപ്പ് പ്ലാൻ ചെയ്തിരിക്കുന്നത്. ഫ്രഷ്അപ് ആയി ക്ഷേത്ര ദർശനം നടത്തിയതിനു ശേഷം 8 മണിയോടെ കുടജാദ്രിയിലേക്ക് ജീപ്പിൽ യാത്ര തിരിക്കും. ഉച്ചയ്ക്ക് വീണ്ടും കൊല്ലൂരിലേക്ക് തിരിച്ചു വന്നു ഉച്ചയ്ക്കും വൈകുന്നേരവും ക്ഷേത്ര ദർശനത്തിന് സൗകര്യം ഉണ്ടായിരിക്കും. തുടർന്നു ഞായറാഴ്ച രാവിലെ 5.30 നു പുറപ്പെട്ടു ഉഡുപ്പി ശ്രീകൃഷ്ണ ക്ഷേത്രം, മധൂർ ശിവ ക്ഷേത്രം, അനന്തപുര മഹാ വിഷ്ണു ക്ഷേത്രം എന്നിവ ദർശിച്ചു വൈകുന്നേരം ബേക്കൽ കോട്ടയിൽ എത്തിച്ചേരുന്ന രീതിയിലാണ് പാക്കേജ് തയ്യാറാക്കിയിട്ടുള്ളത്. തീർഥാടനയാത്രയുടെ വിവരങ്ങളെ കുറിച്ചറിയുന്നതിനും സീറ്റുകൾ ബുക്ക് ചെയ്യുന്നതിനും ബന്ധപ്പെടുക.കെ…

ഒരു ജോലിക്കായുള്ള നെട്ടോട്ടത്തിലാണോ? വിവിധ ജില്ലകളിലെ സ്കൂൾ/കോളജ്, മറ്റു പ്രമുഖ സ്ഥാപനങ്ങൾ എന്നിവിടങ്ങളിലെ ഒട്ടേറെ ഒഴിവുകളിൽ നിരവധി അവസരങ്ങൾ. അസ്സൽ സർട്ടിഫിക്കറ്റുകളുമായി ഉടൻ അപേക്ഷിക്കാം. എൻജിനീയർ/ ഓവർസിയർ തിരുവനന്തപുരം∙പട്ടികവർഗ വികസന വകുപ്പിൽ അക്രഡിറ്റഡ് എൻജിനീയർ/ ഓവർസിയറുടെ താൽകാലിക നിയമനം. യോഗ്യത: ഐടി/ബിടെക്/എംഎസ്‌സി കംപ്യൂട്ടർ സയൻസ്, ബിസിഎ/കംപ്യൂട്ടർ സയൻസ് ഡിപ്ലോമ. പട്ടികവർഗക്കാർക്കാണ് അവസരം. ഓഗസ്റ്റ് 19വരെ അപേക്ഷിക്കാം. www.stdd.kerala.gov.in ഓഫിസർ/മാനേജർ തിരുവനന്തപുരം∙ കേരള സ്റ്റേറ്റ് ഐടി ഇൻഫ്രാസ്ട്രക്ചർ ലിമിറ്റഡിൽ ചീഫ് ഫിനാൻസ് ഒാഫിസർ, മാനേജർ, അസിസ്റ്റന്റ്, അസിസ്റ്റന്റ് മാനേജർ (സിസ്റ്റം അഡ്മിൻ) ഒഴിവിൽ കരാർ നിയമനം. ഓൺലൈൻ അപേക്ഷ ഓഗസ്റ്റ് 24 വരെ. www.cmd.kerala.gov.in ടീച്ചിങ് അസോഷ്യേറ്റ് തിരുവനന്തപുരം∙ടൂറിസം വകുപ്പിന്റെ കോവളം ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് ആൻഡ് കാറ്ററിങ് ടെക്നോളജിയിൽ ടീച്ചിങ് അസോഷ്യേറ്റിന്റെ 4ഒഴിവ്. ഇന്റർവ്യൂ ഓഗസ്റ്റ് 14ന്. www.ihmctkovalam.ac.in അസി. എൻജിനീയർ തിരുവനന്തപുരം ∙റീജനൽ കോഓപ്പറേറ്റീവ് മിൽക് പ്രൊഡ്യൂസേഴ്സ് യൂണിയനിൽ ഒരു അസിസ്റ്റന്റ് എൻജിനീയർ ഒഴിവ്. ഇന്റർവ്യൂ ഓഗസ്റ്റ് 13ന്. യോഗ്യത: ബന്ധപ്പെട്ട വിഭാഗത്തിൽ…

വ്യാജ ലോൺ ആപ്പുകളിൽ വഞ്ചിതായവരും ഇതുമൂലം ആത്മഹത്യ ചെയ്തവരുമായ നിരവധി ആളുകളുടെ വാർത്തകൾ നാം ദിനംപ്രതി കാണാറുണ്ട്. ഇതിനൊരു പരിഹാരവുമായി എത്തിയിരിക്കുകയാണ് റിസർവ് ബാങ്ക്. വ്യാജ ലോണ്‍ ആപ്പുകളുടെ കെണിയില്‍ നിന്ന് ഉപഭോക്താക്കളെ രക്ഷിക്കുന്നതിന് അംഗീകൃത ലോണ്‍ ആപ്പുകളുടെ കേന്ദ്രീകൃത ഡേറ്റാബേസിന് രൂപം നല്‍കാന്‍ ആണ് റിസർവ് ബാങ്ക് ഒരുങ്ങുന്നത്. ഇതിലൂടെ അംഗീകാരമില്ലാത്ത ലോണ്‍ ആപ്പുകള്‍ ഏതെല്ലാമാണ് എന്ന് ഉപഭോക്താവിന് തിരിച്ചറിയാന്‍ സാധിക്കുമെന്ന് റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ് അറിയിച്ചു. നിലവില്‍ രാജ്യത്ത് ഓരോ ദിവസവും നിരവധിപ്പേരാണ് ലോണ്‍ ആപ്പുകളുടെ കെണിയില്‍ വീഴുന്നത്. ഇതില്‍ നിന്ന് ഉപഭോക്താക്കളെ രക്ഷിക്കുന്നതിന് വേണ്ടിയാണ് റിസര്‍വ് ബാങ്ക് പുതിയ സംവിധാനം ഒരുക്കുന്നത്. ആര്‍ബിഐയുടെ നിയന്ത്രണത്തിലുള്ള ധനകാര്യ സ്ഥാപനങ്ങള്‍ അംഗീകൃത ലോണ്‍ ആപ്പുകളുടെ കേന്ദ്രീകൃത ഡേറ്റാബേസിന് മേല്‍നോട്ടം വഹിക്കുന്ന തരത്തിലാണ് പദ്ധതിക്ക് രൂപം നല്‍കുന്നത്. ലോണ്‍ ആപ്പുകളെ കുറിച്ചുള്ള വിവരങ്ങള്‍ നല്‍കുകയും വിശദാംശങ്ങള്‍ സൂക്ഷിക്കുകയും ചെയ്യുന്ന തരത്തിലാണ് ആര്‍ബിഐയുടെ നിയന്ത്രണത്തിലുള്ള ധനകാര്യ സ്ഥാപനങ്ങള്‍ പ്രവര്‍ത്തിക്കുക. To…

ഒല ഇലക്ട്രിക്, TVS, ബജാജ് ഓട്ടോ എന്നിവയ്‌ക്കൊപ്പം ഇന്ത്യയിലെ മികച്ച നാല് ഇലക്ട്രിക് സ്‌കൂട്ടർ നിർമ്മാതാക്കളിൽ ഒന്നാണ് ആതർ. IIT മദ്രാസ് ബിരുദധാരികളായ തരുൺ മേത്തയും സ്വപ്നിൽ ജെയിനും ചേർന്ന് 2013-ൽ സ്ഥാപിച്ച ആതർ എനർജി ഇതുവരെ 1.73 ലക്ഷം ഇലക്ട്രിക് സ്കൂട്ടറുകൾ വിറ്റഴിച്ചിട്ടുണ്ട്. വലിയൊരു നേട്ടം കൂടി ഇപ്പോൾ ആതർ എനർജി സ്വന്തമാക്കിയിരിക്കുകയാണ്. നിലവിലുള്ള നിക്ഷേപകരായ നാഷണൽ ഇൻവെസ്റ്റ്‌മെൻ്റ് ആൻഡ് ഇൻഫ്രാസ്ട്രക്ചർ ഫണ്ടിൻ്റെ (എൻഐഐഎഫ്) നേതൃത്വത്തിലുള്ള പുതിയ ഫണ്ടിംഗ് റൗണ്ടിൽ 71 മില്യൺ ഡോളർ നേടിയിരിക്കുകയാണ് ആർതർ. ഈ ഫണ്ടിംഗ് ലഭിച്ചതോടെ കമ്പനിയുടെ വിപണി മൂല്യം 1.3 ബില്യൺ ഡോളറായി ഉയരുകയും ചെയ്തു. ഇതോടെ ആർതർ എനർജി ഒരു യൂണികോൺ സ്റ്റാർട്ടപ്പ് ആയി മാറിയിരിക്കുകയാണ്. 2022 അവസാനം മുതൽ ആതർ എനർജി ഒന്നിലധികം റൗണ്ടിൽ ഫണ്ട് സമാഹരിച്ചുകൊണ്ടിരിക്കുകയായിരുന്നു. ഈ വർഷം മെയ് മാസത്തിൽ ഇക്വിറ്റി ഡെബിറ്റ് ഫണ്ടിങ്ങുകളിലൂടെ ആതർ 286 കോടി രൂപ (34 ദശലക്ഷം ഡോളർ) ആണ് സമാഹരിച്ചത്.…

സഹകരണ ബാങ്കുകളുടെയും സംഘങ്ങളുടെയും ചിട്ടികളില്‍ പുതിയ നിബന്ധനകളുമായി സംസ്ഥാന സഹകരണ വകുപ്പ്. ഇനി മുതല്‍ ചിട്ടി നടത്തിപ്പ് വേണ്ടെന്നാണ് വകുപ്പ് നല്‍കിയിരിക്കുന്ന നിര്‍ദ്ദേശം. ചിട്ടി എന്ന പേരില്‍ പ്രചാരണം നടത്തരുതെന്ന് ഉത്തരവിട്ട സഹകരണവകുപ്പ് ഇത്തരത്തിലുള്ള പദ്ധതികള്‍ മാറ്റണമെന്നാണ് ആവശ്യപ്പെട്ടിരിക്കുന്നത്. കരുവന്നൂര്‍ അടക്കമുള്ള സഹകരണ ബാങ്കുകളിലെ തട്ടിപ്പിന്റെ പശ്ചാത്തലത്തിലാണ് സഹകരണവകുപ്പ് പുതിയ മാര്‍ഗരേഖ പുറത്തിറക്കിയിരിക്കുന്നതെന്നാണ് വിവരം. ചിട്ടിയുടെ രീതിയില്‍ നടത്തുന്ന സമ്പാദ്യ പദ്ധതിക്ക് സഹകരണവകുപ്പിന്റെ അനുമതി വാങ്ങിയിരിക്കണമെന്ന് സര്‍ക്കുലറില്‍ പറയുന്നു. സഹകരണ സംഘങ്ങളും ബാങ്കുകളും നടത്തുന്ന ചിട്ടികള്‍ അതാത് സ്ഥാപനങ്ങളുടെ സാമ്പത്തികനിലയെ തകിടംമറിക്കുന്നുവെന്നാണ് കണ്ടെത്തല്‍. ചിട്ടികള്‍ നടത്തുന്ന സ്ഥാപനങ്ങള്‍ തന്നെ കൂടുതല്‍ ചിട്ടികള്‍ കൈവശം വയ്ക്കുന്ന രീതിയുണ്ട്. ഇതെല്ലാം കണക്കിലെടുത്താണ് ചിട്ടിയില്‍ പിടിമുറുക്കാന്‍ സഹകരണവകുപ്പ് തീരുമാനിച്ചത്. ഇനി മുതല്‍ ചിട്ടിക്ക് സമാനമായ എല്ലാ നിക്ഷേപ പദ്ധതികളും പ്രതിമാസ സമ്പാദ്യപദ്ധതി എന്ന പേരിലേക്ക് മാറ്റണം. ലേല സമ്പാദ്യ പദ്ധതിയില്‍ ചേരുന്നവരെല്ലാം ബാങ്കുകളിലെ അംഗങ്ങളാകണം. അഞ്ചെണ്ണത്തിലേറെ ഒരാള്‍ക്ക് ചേരാനാവില്ല. ലേലത്തുക അനുവദിക്കുന്നതിന് കൃത്യമായ ജാമ്യം വേണം.…

ഇന്ത്യയുമായി ബന്ധപ്പെട്ട് വൻ വെളിപ്പെടുത്തൽ നടത്തുമെന്ന പ്രഖ്യാപനവുമായി യു.എസ്. നിക്ഷേപ ഗവേഷണ സ്ഥാപനവും ഷോർട്ട് സെല്ലറുമായ ഹിൻഡൻബർഗ് റിസർച്ച് പുറത്തുവന്നിരുന്നു. 2023 ജനുവരിയിൽ അദാനി എൻ്റർപ്രൈസസിനെതിരെ രൂക്ഷ വിമർശനം നടത്തിയ ശേഷം ഹിൻഡൻബർഗ് ഇപ്പോൾ രംഗത്ത് വന്നിരിക്കുന്നത് ഓഹരിവിപണി നിയന്ത്രണ ഏജൻസിയായ ‘സെബി’ മേധാവി മാധബി ബുച്ചിനെതിരെ ആണ്. അദാനി ഗ്രൂപ്പുമായി ബന്ധപ്പെട്ടു മൊറീഷ്യസിലും ബെർമുഡയിലുമുള്ള 2 ഫണ്ടുകളിൽ നിക്ഷേപമുണ്ടെന്നു മാധബി പരസ്യമായി സ്ഥിരീകരിച്ചെന്നാണു ഹിൻഡൻബർഗിന്റെ പുതിയ ആരോപണം. ഇന്ത്യയിലും പുറത്തുമുള്ള മാധബിയുടെ നിക്ഷേപ വിവരങ്ങൾ പുറത്തുവിടുമോ എന്നും ചോദിച്ചിട്ടുണ്ട്. ഇതിനു പിന്നാലെ ഇന്ന് ഓഹരി വിപണി നഷ്ട്ടത്തിലാണ് ആരംഭിച്ചത്. അദാനി ഗ്രൂപിന്റ്‌റെ ഓഹരികൾ കുത്തനെ ഇടിഞ്ഞു. പല നിക്ഷേപകരും പിൻവാങ്ങിയതോടെ 7% വരെ ഇടിവാണ് അദാനി ഓഹരികളിലുണ്ടായത്. ഇതോടെ നിക്ഷേപകർക്ക് ഏകദേശം 53,000 കോടി രൂപ നഷ്ടപ്പെട്ടു, 10 അദാനി ഓഹരികളുടെ മൊത്തം വിപണി മൂലധനം 16.7 ലക്ഷം കോടി രൂപയായി കുറഞ്ഞു. ബിഎസ്ഇയിൽ അദാനി ഗ്രീൻ എനർജി ഓഹരികൾ…