AI യുഗത്തിൽ സ്മാർട്ട് ഫോണിന് പകരക്കാരനാകാൻ റാബിറ്റ് സ്റ്റാർട്ടപ്പിന്റെ R വൺ തയാറെടുക്കുകയാണ്. അലക്സ അല്ലെങ്കിൽ ഗൂഗിൾ അസിസ്റ്റന്റിന് സമാനമായ ഒരു ആശയമാണ് സാന്താ മോണിക്ക ആസ്ഥാനമായ സ്റ്റാർട്ടപ്പ് റാബിറ്റ് തങ്ങളുടെ R1 ലൂടെ അവതരിപ്പിക്കുന്നത്. റാബിറ്റ് ഒഎസിന് AI പ്ലാറ്റ്ഫോം ഉപയോഗിച്ചു നിങ്ങളുടെ സംഗീതം നിയന്ത്രിക്കാനും ഭക്ഷണം ഓർഡർ ചെയ്യാനും പലചരക്ക് സാധനങ്ങൾ വാങ്ങാനും സന്ദേശങ്ങൾ അയക്കാനും കഴിയും,
എ.ഐ യുഗത്തിൽ പരമ്പരാഗത സ്മാർട്ട്ഫോൺ ഡിവൈസുകളെ കുറിച്ചുള്ള സങ്കല്പം പൊളിച്ചെഴുതുന്ന പുതിയ ഉപകരണം ആയിരിക്കും ഇതെന്ന് റാബിറ്റ് AI സ്റ്റാർട്ടപ്പിന്റെ സിഇഒയും സ്ഥാപകനുമായ എസ്സി ല്യൂ (Esse Lyu) പറയുന്നു. എല്ലാവർഷവും സംഘടിപ്പിക്കുന്ന കൺസ്യൂമർ ഇലക്ട്രോണിക് ഷോ (സിഇഎസ് ) എന്ന ടെക്ഷോയിലാണ് പുതിയ ആശയം അവതരിപ്പിച്ചിരിക്കുന്നത്.
പൂർണമായും ആർട്ടിഫിഷ്യൽ ഇന്റലിജൻസിന്റെ സഹായത്തോടെയാണ് റാബിറ്റ് പ്രവർത്തിക്കുന്നത്. സാധാരണ ഒരു ഫോണിൽ ചെയ്യുന്ന എല്ലാതരത്തിലുളള കാര്യങ്ങളും റാബിറ്റിലും ചെയ്യാൻ കഴിയും. എന്തെങ്കിലും ആവശ്യത്തിനായി ഇതിന്റെ സ്ക്രീനിൽ സ്പർശിക്കേണ്ട കാര്യം വരുന്നില്ല എന്നതാണ് പ്രത്യേകത. കമാന്റുകൾ നല്കുന്നതിനുമപ്പുറം R1 ഉപഭോക്താവിന്റെ ഇഷ്ടങ്ങൾ, ആവശ്യങ്ങൾ എല്ലാം മനസിലാക്കി ഓര്മപെടുത്തുകയും, അവ ഷെഡ്യൂൾ ചെയ്താ പ്രകാരം നിറവേറ്റുകയും ചെയ്യും.
കാഴ്ചയിൽ ഓറഞ്ച് നിറത്തിലുളള ഒരു ചെറിയ പെട്ടിയാണെന്ന് തോന്നിപ്പിക്കുമെങ്കിലും റാബിറ്റിന്റെ പ്രത്യേകതകൾ സ്മാർട്ട് ഫോണുകളെ വെല്ലുന്ന തരത്തിലുളളതാണ്. ചെറിയ സ്ക്രീനും മുൻപോട്ടും പിറകോട്ടും എളുപ്പത്തിൽ തിരിച്ച് ക്രമീകരിക്കാൻ സാധിക്കുന്ന ക്യാമറയും മൗസിലേതുപോല സ്ക്രോളും ഇതിനുണ്ടാകും.
റൊട്ടേറ്റിംഗ് ക്യാമറയും ബട്ടണും സ്പീക്കറും ഉപയോഗിച്ച് നിങ്ങൾക്ക് R1 ഉപയോഗിച്ച് ഗൂഗിൾ അസിസ്റ്റന്റ് ശൈലിയിലുള്ള ഒരുപാട് കാര്യങ്ങൾ ചെയ്യാൻ കഴിയും.
സ്മാർട്ട് ഫോണിലെ ആപ്പ് സങ്കൽപം പൊളിച്ചെഴുതലാണ് റാബിറ്റിലൂടെ ലക്ഷ്യമിടുന്നത്. സാധാരണ ഉപയോക്താക്കൾ ഫോണിലേക്ക് പ്ലേ സ്റ്റോർ വഴിയോ ഗൂഗിൾ വഴിയോ ഇൻസ്റ്റാൾ ചെയ്യുന്നത് റാബിറ്റിൽ ആവശ്യമില്ലെന്നുളള പ്രത്യേകത കൂടിയുണ്ട്. ഏറ്റവും ലളിതമായി ഉപയോഗിക്കാൻ കഴിയുന്ന കംപ്യൂട്ടർ എന്നാണ് റാബിറ്റിനെ നിർമാതാക്കൾ വിശേഷിപ്പിക്കുന്നത്. അമേരിക്കൻ വിപണിയിൽ 199 ഡോളറിന് റാബിറ്റ് നിലവിൽ ലഭ്യമാണ്.
2.88 ഇഞ്ച് ടച്ച്സ്ക്രീൻ ഉള്ള ഐഫോണിന്റെ പകുതിയോളം വലിപ്പമുള്ള ഗാഡ്ജെറ്റ് R1 ൽ ഫോട്ടോകളും വീഡിയോകളും എടുക്കുന്നതിനുള്ള ഒരു റൊട്ടേറ്റിംഗ് ക്യാമറ, ഉപകരണത്തിന്റെ ബിൽറ്റ്-ഇൻ അസിസ്റ്റന്റിനോട് സംസാരിക്കാൻ നിങ്ങൾ അമർത്തുന്ന സ്ക്രോൾ വീൽ / ബട്ടൺ. 2.3GHz മീഡിയടെക് പ്രോസസർ, 4ജിബി മെമ്മറി, 128ജിബി സ്റ്റോറേജ് എന്നിവയെല്ലാം ഡിസൈൻ സ്ഥാപനമായ ടീനേജ് എഞ്ചിനീയറിംഗുമായി സഹകരിച്ച് രൂപകല്പന ചെയ്തതാണ്. ബാറ്ററി ദിവസം മുഴുവൻ നിലനിൽക്കും എന്നതാണ് റാബിറ്റിന്റെ അവകാശവാദം .
R1-നുള്ളിലെ റാബിറ്റ് ഒഎസ് എന്ന് വിളിക്കപ്പെടുന്ന റാബിറ്റിന്റെ ഓപ്പറേറ്റിംഗ് സിസ്റ്റവും AI സാങ്കേതികവിദ്യയും ആണ് സവിശേഷത. ChatGPT പോലെയുള്ള വലിയ ഭാഷാ മോഡലിന് പകരം, റാബിറ്റ് OS ഒരു “വലിയ ആക്ഷൻ മോഡൽ” അടിസ്ഥാനമാക്കിയുള്ളതാണെന്ന് റാബിറ്റ് പറയുന്നു. Rabbit OS-ന് ഒറ്റ ഇന്റർഫേസിലൂടെ നിങ്ങളുടെ സംഗീതം നിയന്ത്രിക്കാനും കാർ ഓർഡർ ചെയ്യാനും പലചരക്ക് സാധനങ്ങൾ വാങ്ങാനും സന്ദേശങ്ങൾ അയയ്ക്കാനും മറ്റും കഴിയും. ബാലൻസിംഗ് ആപ്പുകളും ലോഗിനുകളും ഒന്നുമില്ല .
Rabbit Startup’s R1 is gearing up to replace smartphones in the AI era. Santa Monica-based Startup ‘Rabbit’ is introducing a similar concept to Alexa or Google Assistant with its R1. RabbitOS uses its AI platform to control your music, order food, buy groceries, and send messages. Esse Lyu, CEO and Founder of Rabbit AI Startup, has stated that this will be a new device that shatters the concept of traditional smartphone devices in the AI era.
