ലണ്ടൻ ആസ്ഥാനമായുള്ള പ്രശസ്ത ഹോസ്പിറ്റാലിറ്റി ബ്രാൻഡായ ‘ദി ഹോക്സ്റ്റൺ’ (The Hoxton) ഇന്ത്യയിലേക്ക്. എനിസ്മോർ, അക്കോർ ഇന്ത്യ, ഇന്റർഗ്ലോബ് ഹോട്ടൽസ് എന്നിവയുമായി സഹകരിച്ച് ബംഗളൂരുവിലെ റിച്ച്മണ്ട് റോഡിലാണ് ആദ്യ ഹോട്ടൽ ആരംഭിക്കുന്നത്. 2026 നവംബറിൽ പ്രവർത്തനമാരംഭിക്കുന്ന ഈ ഹോട്ടൽ, ബംഗളൂരുവിന്റെ സാംസ്കാരിക തനിമയും അന്താരാഷ്ട്ര നിലവാരത്തിലുള്ള ഡിസൈനുകളും ഒത്തുചേരുന്ന ലൈഫ്സ്റ്റൈൽ കേന്ദ്രമായിരിക്കും. നഗരത്തിന്റെ ഹൃദയഭാഗത്ത് 149 മുറികളുമായാണ് ഈ പുതിയ സംരംഭം വരുന്നത്.
വെറുമൊരു ഹോട്ടൽ എന്നതിലുപരി പ്രാദേശിക കലാകാരന്മാരെയും ബ്രാൻഡുകളെയും പ്രോത്സാഹിപ്പിക്കുന്ന സാംസ്കാരിക ഇടം കൂടിയായിരിക്കും ദി ഹോക്സ്റ്റൺ ബംഗളൂരു സിറ്റി. ഇതിനായി ആർട്ട് ഗാലറികൾ, പ്രത്യേക പരിപാടികൾ, റൂഫ്ടോപ്പിൽ സ്കൈലൈൻ കാഴ്ചകൾ ആസ്വദിക്കാവുന്ന ‘ഫീലിയ’ പൂൾസൈഡ് റസ്റ്റോറന്റ് എന്നിവ സജ്ജീകരിക്കും. ബംഗളൂരുവിന് പിന്നാലെ മുംബൈ ഉൾപ്പെടെയുള്ള നഗരങ്ങളിലേക്കും ബിസിനസ് വ്യാപിപ്പിക്കാൻ എനിസ്മോർ ഗ്രൂപ്പിന് പദ്ധതിയുണ്ട്.
London’s famous ‘The Hoxton’ brand is coming to India. Partnering with Ennismore, Accor, and InterGlobe, the first 149-room hotel will open on Bengaluru’s Richmond Road in November 2026, featuring a rooftop pool and cultural hubs
