കേരളത്തിന്റെ വ്യോമയാന വികസനവും പ്രകൃതിദുരന്ത വേളകളിലെ അടിയന്തര രക്ഷാപ്രവർത്തനങ്ങളും മുൻനിർത്തി ഇടുക്കി, വയനാട്, കാസർഗോഡ് ജില്ലകളിൽ എയർസ്ട്രിപ്പുകൾ സ്ഥാപിക്കുന്നതിനുള്ള സാങ്കേതിക-സാമ്പത്തിക സാധ്യതാ പഠനം പുരോഗമിക്കുന്നതായി മുഖ്യമന്ത്രി വി.ഡി. സതീശൻ നിയമസഭയെ അറിയിച്ചു. ചെറുകിട വിമാനങ്ങൾക്കും ഹെലികോപ്റ്ററുകൾക്കും ഇറങ്ങാൻ സാധിക്കുന്ന ഈ പദ്ധതിയുടെ കൺസൾട്ടന്റായി കേരള റെയിൽ ഡെവലപ്മെന്റ് കോർപ്പറേഷനെയാണ് (KRDCL) ചുമതലപ്പെടുത്തിയിരിക്കുന്നത്.
ഇതിന്റെ ഭാഗമായി ട്രാൻസ്പോർട്ട് കൺസൾട്ടൻസി സ്ഥാപനമായ ‘റൈറ്റ്സ്’ (RITES), കിഫ്കോണുമായി (KIIFCON) കരാറിൽ ഏർപ്പെട്ടിട്ടുണ്ടെന്നും അദ്ദേഹം ചോദ്യോത്തര വേളയിൽ വ്യക്തമാക്കി. കൂടാതെ, വയനാട് ജില്ലയിൽ അടിയന്തര രക്ഷാപ്രവർത്തനങ്ങൾ വേഗത്തിലാക്കുന്നതിനായി പ്രത്യേക കേന്ദ്ര ഫണ്ട് (SASCI) ഉപയോഗിച്ച് അഞ്ച് ഹെലിപാഡുകളുടെ നിർമ്മാണ പ്രവർത്തനങ്ങൾ ആരംഭിച്ചതായും മുഖ്യമന്ത്രി കൂട്ടിച്ചേർത്തു.
Kerala government initiates technical and financial feasibility studies for new airstrips in Idukki, Wayanad, and Kasaragod for regional travel and disaster relief.
