ഉത്സവകാലത്ത് ട്രെയിനുകളിലെ യാത്രക്കാരുടെ എണ്ണം വർധിക്കുന്ന സാഹചര്യത്തിൽ ഒക്ടോബർ 1 മുതൽ 31 വരെ Central Railway ടിക്കറ്റ് പരിശോധന ശക്തമാക്കും. ടിക്കറ്റുകളുടെ സാധുത ഉറപ്പാക്കുന്നതിനൊപ്പം റിസർവേഷൻ ക്വാട്ട, കൺസഷൻ, പാസ് തുടങ്ങിയ സൗകര്യങ്ങളുടെ ദുരുപയോഗം തടയുകയാണ് പരിശോധനയുടെ പ്രധാന ലക്ഷ്യം.
ഒറിജിനൽ ID നിർണായകം
കൺസഷനിലോ നിർദിഷ്ട റിസർവേഷൻ ക്വാട്ടയിലോ യാത്ര ചെയ്യുന്നവർ അതിന് ആവശ്യമായ ഒറിജിനൽ തിരിച്ചറിയൽ രേഖ കൈവശം വയ്ക്കണം. കൺസഷൻ അല്ലെങ്കിൽ ക്വാട്ടയ്ക്ക് പ്രത്യേകമായി ആവശ്യമായ രേഖകളുണ്ടെങ്കിൽ അവയുടെ ഒറിജിനലും പരിശോധനയ്ക്ക് ഹാജരാക്കേണ്ടിവരും. ഒരേ ടിക്കറ്റിൽ ഒന്നിലധികം പേർ യാത്ര ചെയ്യുന്ന സാഹചര്യത്തിൽ ടിക്കറ്റിൽ പേരുള്ളവരിൽ കുറഞ്ഞത് ഒരാളെങ്കിലും നിർദിഷ്ട ഒറിജിനൽ തിരിച്ചറിയൽ രേഖ കൈവശം വയ്ക്കണം. ആവശ്യമായ രേഖ ഇല്ലെങ്കിൽ ബാധകമായ റെയിൽവേ ചട്ടങ്ങൾ പ്രകാരം ടിക്കറ്റിലുള്ള യാത്രക്കാരെ സാധുവായ ടിക്കറ്റില്ലാതെ യാത്ര ചെയ്യുന്നവരായി പരിഗണിക്കാമെന്ന് Central Railway വ്യക്തമാക്കി.
E-Pass അല്ലെങ്കിൽ PTO ഉപയോഗിച്ച് യാത്ര ചെയ്യുന്നവരും നിർദിഷ്ട ഒറിജിനൽ തിരിച്ചറിയൽ രേഖ കൈവശം വയ്ക്കണം. യാത്ര ആരംഭിക്കുന്നതിന് മുമ്പ് E-Pass/PTO ആവശ്യമായ യാത്രാ അനുമതിയായി മാറ്റിയിട്ടുണ്ടെന്നും ഉറപ്പാക്കണം.അൺറിസർവ്ഡ് ടിക്കറ്റുകളുടെ ആധികാരികത പരിശോധിക്കുന്നതിനും പ്രത്യേക ശ്രദ്ധ നൽകും. ആവശ്യമെങ്കിൽ TTE App ഉപയോഗിച്ചും ടിക്കറ്റുകൾ പരിശോധിക്കും.
ഏതൊക്കെ ID രേഖകൾ ഉപയോഗിക്കാം?
അംഗീകൃത തിരിച്ചറിയൽ രേഖകളിൽ Aadhaar, Voter ID, Passport, PAN Card, Driving Licence, കേന്ദ്ര/സംസ്ഥാന സർക്കാർ നൽകിയ ഫോട്ടോ ഐഡി, അംഗീകൃത സ്കൂൾ/കോളേജ് വിദ്യാർത്ഥി ഐഡി, ഫോട്ടോയുള്ള നാഷണലൈസ്ഡ് ബാങ്ക് പാസ്ബുക്ക് തുടങ്ങിയവ ഉൾപ്പെടുന്നു.
ടിക്കറ്റില്ലാത്ത യാത്രയ്ക്കുള്ള കുറഞ്ഞ പിഴ ₹250ൽ നിന്ന് ₹500 ആയി വർധിപ്പിച്ചിട്ടുണ്ട്.ടിക്കറ്റുകളുടെ ദുരുപയോഗം, കൺസഷൻ–പാസ് തട്ടിപ്പ്, വ്യാജ ടിക്കറ്റുകൾ എന്നിവ തടയുന്നതിനൊപ്പം റെയിൽവേ വരുമാന ചോർച്ച കുറയ്ക്കുകയുമാണ് പ്രത്യേക പരിശോധനയുടെ ലക്ഷ്യമെന്ന് റെയിൽവെ വ്യക്തമാക്കിയിട്ടുണ്ട്.
In view of the increased passenger rush during the festive season, the Railways will intensify its special ticket-checking drive from October 1 to 31.
Passengers travelling under concessions, special reservation quotas, or railway passes must carry the prescribed original identity documents and relevant proof of eligibility. Failure to produce the required documents may result in the journey being treated as travel without a valid ticket, in accordance with applicable railway rules.
