കേരളത്തിന്റെ ഡിജിറ്റൽ പരിവർത്തനത്തിന് വേഗത കൂട്ടാനും സംസ്ഥാനത്തേക്ക് വിദേശ-ആഭ്യന്തര നിക്ഷേപങ്ങൾ ആകർഷിക്കാനും ലക്ഷ്യമിട്ട് ‘കേരള ഗ്ലോബൽ ഡിജിറ്റൽ ട്രാൻസ്ഫോർമേഷൻ & ഇൻവെസ്റ്റ്‌മെന്റ് സമ്മിറ്റ് 2026’ (KGDTIS 2026) സംഘടിപ്പിക്കും. യുഎസ് ആസ്ഥാനമായുള്ള ബ്ലൂക്ലൗഡിന്റെ (BLUE CLOUD) കേരളത്തിലേക്കുള്ള പ്രവേശനത്തിനു മുന്നോടിയായാണ് സമ്മിറ്റ്. 2026 നവംബർ 24, 25 തീയതികളിൽ അങ്കമാലി അഡ്‌ലക്സ് ഇന്റർനാഷണൽ കൺവെൻഷൻ സെന്ററിലാണ് രണ്ടുദിവസം നീണ്ടുനിൽക്കുന്ന ആഗോള ഉച്ചകോടി നടക്കുക.
നിർമ്മിത ബുദ്ധി (AI), ജനറേറ്റീവ് എഐ (Generative AI), എന്റർപ്രൈസ് ടെക്നോളജി, സെമികണ്ടക്ടറുകൾ, ക്ലൗഡ് കമ്പ്യൂട്ടിംഗ്, ഡാറ്റാ സെന്ററുകൾ, ഡിജിറ്റൽ ഇൻഫ്രാസ്ട്രക്ചർ തുടങ്ങിയ ഉയർന്നുവരുന്ന സാങ്കേതികവിദ്യകൾ സമ്മിറ്റിൽ പ്രധാന ചർച്ചാവിഷയങ്ങളാകും. ‘ഡിജിറ്റൽ കേരള 2047’ എന്ന ദീർഘകാല കാഴ്ചപ്പാട് മുൻനിർത്തിയുള്ള വികസന മുൻഗണനകൾക്കും നിക്ഷേപ സാധ്യതകൾക്കും പരിപാടി പ്രാധാന്യം നൽകുന്നു. കൂടാതെ പുനരുപയോഗ ഊർജം, സുസ്ഥിര ഇൻഫ്രാസ്ട്രക്ചർ, ബ്ലൂ എക്കോണമി (കടൽ-തീരദേശ സാമ്പത്തിക മേഖലകൾ) എന്നിവയിലെ സാധ്യതകളും സമ്മിറ്റിൽ ചർച്ച ചെയ്യും.
സ്റ്റാർട്ടപ്പുകളെയും വ്യവസായ സംരംഭകരെയും ആഗോള നിക്ഷേപകരുമായി ബന്ധിപ്പിക്കുന്നത് സമ്മിറ്റിന്റെ പ്രധാന ആകർഷണമായിരിക്കും. ഇതിനായി ജിസിസി-കേരള ഇൻവെസ്റ്റ്‌മെന്റ് ഫോറം, സ്റ്റാർട്ടപ്പ് പിച്ചുകൾ, നേരിട്ടുള്ള വൺ-ടു-വൺ സംവാദങ്ങൾ എന്നിവ ക്രമീകരിച്ചിട്ടുണ്ട്. സാങ്കേതിക മേഖലയിലെ മികച്ച മുന്നേറ്റങ്ങളെയും നവീകരണങ്ങളെയും ആദരിക്കുന്നതിനായി പ്രത്യേക ‘ടെക്നോളജി ആൻഡ് ഡിജിറ്റൽ ട്രാൻസ്ഫോർമേഷൻ അവാർഡുകളും’ പരിപാടിയുടെ ഭാഗമായി നൽകും.
സർക്കാർ പ്രതിനിധികൾ, ഐടി വിദഗ്ധർ, നൂറിലധികം എന്റർപ്രൈസ് കോർപ്പറേറ്റ് തലവന്മാർ (CXOs), നിക്ഷേപകർ, ജിസിസി (GCC) പ്രതിനിധികൾ തുടങ്ങി 2,000-ലധികം ആളുകൾ സമ്മിറ്റിൽ പങ്കെടുക്കും. മുപ്പതിലധികം സ്റ്റാർട്ടപ്പ് ഫണ്ടിംഗ് പ്രഖ്യാപനങ്ങളും നൂറിലധികം സ്റ്റാർട്ടപ്പ് പ്രസന്റേഷനുകളും സമ്മിറ്റിന്റെ ലക്ഷ്യങ്ങളിൽ ഉൾപ്പെടുന്നു. കൂടുതൽ വിവരങ്ങൾക്കും രജിസ്ട്രേഷനുമായി https://www.events.bluecloude.com/ എന്ന വെബ്‌സൈറ്റ് സന്ദർശിക്കാവുന്നതാണ്.
The Kerala Global Digital Transformation & Investment Summit 2026 (KGDTIS) will take place at Adlux Convention Centre, Angamaly, on November 24-25 to boost AI, tech investments, and startups in Kerala.
