ഇന്ത്യൻ നാവികസേനയുടെ ആവശ്യങ്ങൾക്കായി പ്രത്യേകം രൂപകൽപ്പന ചെയ്ത എട്ട് അത്യാധുനിക യുദ്ധക്കപ്പലുകൾ നിർമ്മിക്കുന്നതിനായുള്ള വൻ കരാറുകളിൽ പ്രതിരോധ മന്ത്രാലയം ഒപ്പുവെച്ചു. 53,867 കോടി രൂപയുടെ പദ്ധതിയിൽ അഞ്ച് കോർവെറ്റുകൾ കൊൽക്കത്തയിലെ ഗാർഡൻ റീച്ച് ഷിപ്പ്ബിൽഡേഴ്‌സ് ആൻഡ് എൻജിനീയേഴ്‌സും (GRSE), ശേഷിക്കുന്ന മൂന്നെണ്ണം ഗോവ ഷിപ്പ്‌യാർഡ് ലിമിറ്റഡുമാണ് നിർമ്മിക്കുന്നത്. ഇന്ത്യൻ നാവികസേന സ്വന്തമായി രൂപകൽപ്പന ചെയ്ത യുദ്ധക്കപ്പലുകൾ പൊതുമേഖലാ സ്ഥാപനങ്ങൾ വഴി നിർമ്മിക്കുന്ന ആദ്യത്തെ സംയോജിത പദ്ധതിയാണ്.
അന്തർവാഹിനികൾ, ശത്രുക്കപ്പലുകൾ, വ്യോമ ഭീഷണികൾ എന്നിവയെ ഒരേപോലെ ചെറുക്കാൻ ശേഷിയുള്ള അത്യാധുനിക മിസൈലുകളും റഡാർ സെൻസറുകളും ഈ കപ്പലുകളിൽ സജ്ജീകരിക്കും. പൂർണമായും തദ്ദേശീയ സാങ്കേതികവിദ്യയും പ്രാദേശിക ചെറുകിട വ്യവസായ സ്ഥാപനങ്ങളുടെ പങ്കാളിത്തവും പ്രയോജനപ്പെടുത്തിയാണ് നിർമാണം പൂർത്തിയാക്കുക. ഭാരതത്തിന്റെ സമുദ്ര അതിർത്തി സുരക്ഷ ഉറപ്പാക്കുന്നതിനും ഇൻഡോ-പസഫിക് മേഖലയിലെ നിരീക്ഷണ ശേഷി വർധിപ്പിക്കുന്നതിനും ഈ പദ്ധതി വലിയ കരുത്തേകും.
India signs a ₹53,867 crore deal with GRSE and Goa Shipyard to build eight Next-Generation Corvettes for the Indian Navy to boost maritime security
