Author: News Desk

രണ്ട് ദിവസത്തെ തമിഴ്നാട്‌ സന്ദർശനത്തിന് പ്രധാനമന്ത്രി നരേന്ദ്ര മോഡി. ‌പുതുച്ചേരിയിൽ 2700 കോടി രൂപയുടേയും മധുരയിൽ 4000 കോടിയുടേയും വികസന പദ്ധതികളാണ് പ്രധാനമന്ത്രി ഉദ്ഘാടനം ചെയ്യുക. രാജസ്ഥാൻ, ഗുജറാത്ത് സന്ദർശനത്തിനു പിന്നാലെയാണ് മോഡിയുടെ തമിഴ്നാട് സന്ദർശനം. പുതുച്ചേരിയിൽ അടിസ്ഥാന സൗകര്യങ്ങൾ, നഗര സേവനങ്ങൾ, വ്യാവസായിക വികസനം, വിദ്യാഭ്യാസം, ആരോഗ്യ സംരക്ഷണം, സുസ്ഥിര വളർച്ച എന്നിവ ശക്തിപ്പെടുത്തുന്നതിന് ലക്ഷ്യമിട്ടുള്ള ഒന്നിലധികം പദ്ധതികളുടെ ഉദ്ഘാടനം, മാണ് പ്രധാനമന്ത്രി നിർവഹിക്കുക. പ്രധാനമന്ത്രി ഇ-ബസ് സേവാ പദ്ധതി പ്രകാരം ഇ-ബസുകളുടെ ഉദ്ഘാടനം, സ്മാർട്ട് സിറ്റി മിഷന് കീഴിലുള്ള ഇന്റഗ്രേറ്റഡ് കമാൻഡ് ആൻഡ് കൺട്രോൾ സെന്റർ, സിറ്റി ഇൻവെസ്റ്റ്‌മെന്റ്‌സ് ടു ഇന്നൊവേറ്റ്, ഇന്റഗ്രേറ്റ് ആൻഡ് സസ്റ്റെയിൻ സംരംഭത്തിന് കീഴിലുള്ള സാമ്പത്തികമായി ദുർബല വിഭാഗങ്ങൾക്കുള്ള ടെൻമെന്റുകൾ, പുതുച്ചേരി സർക്കാരിന്റെ പ്രധാനപ്പെട്ട മലിനജല, ജലവിതരണ മേഖലാ പദ്ധതികൾ എന്നിവയുൾപ്പെടെയുള്ളവ നിർവഹിക്കും. കണക്റ്റിവിറ്റി വർദ്ധിപ്പിക്കുന്നതിനും, മൊബിലിറ്റി മെച്ചപ്പെടുത്തുന്നതിനും ലക്ഷ്യമിട്ടുള്ള 4,400 കോടിയിലധികം രൂപയുടെ അടിസ്ഥാന സൗകര്യ പദ്ധതികളാണ് പ്രധാനമന്ത്രി മധുരയിൽ ഉദ്ഘാടനം ചെയ്യുക.…

സർക്കാർ ഭരണ സംവിധാനത്തിൽ ടെക്നോളജിയുടെ ഉപയോഗം വലിയ മാറ്റങ്ങൾ കൊണ്ടുവന്നതായി നിയമസഭാ സ്പീക്കർ എ.എൻ. ഷംസീർ. ഡിജിറ്റലൈസേഷനിൽ മറ്റ് സംസ്ഥാനങ്ങളെ അപേക്ഷിച്ച് കേരളം ഏറെ മുന്നിലാണെന്നും അദ്ദേഹം വ്യക്തമാക്കി. ഭരണ സംവിധാനത്തിൽ കൃത്രിമ ബുദ്ധി (AI) എങ്ങനെ ഫലപ്രദമായി ഉപയോഗിക്കാമെന്നതിൽ സർക്കാർ പ്രത്യേക ശ്രദ്ധ പുലർത്തുന്നുണ്ടെന്ന് സ്പീക്കർ പറഞ്ഞു. സർക്കാർ ജീവനക്കാർക്ക് എഐ ഉപയോഗം പരിശീലിപ്പിക്കുന്നതിനായി നിരവധി കോഴ്‌സുകളും പരിശീലനങ്ങളും നടപ്പാക്കുന്നതായും അദ്ദേഹം കൂട്ടിച്ചേർത്തു. ഈ പരിശീലനങ്ങൾ ഭരണ കാര്യക്ഷമത വർധിപ്പിക്കാനും പൊതുജനങ്ങൾക്ക് കൂടുതൽ മികച്ച സേവനങ്ങൾ നൽകാനും സഹായിക്കുമെന്ന് സ്പീക്കർ പറഞ്ഞു. എഐ അടിസ്ഥാനമാക്കിയുള്ള ഡിജിറ്റൽ സംവിധാനങ്ങൾ ഭാവിയിൽ പൊതുസേവന രംഗത്ത് കൂടുതൽ മാറ്റങ്ങൾ സൃഷ്ടിക്കുമെന്നും അദ്ദേഹം വ്യക്തമാക്കി. Kerala Speaker A.N. Shamseer highlights how digitalization and AI are revolutionizing governance in Kerala. Learn about the state’s initiatives to train government staff in AI for better public service

എയർ ടാക്സികളിലൂടെ യാത്രാനുഭവത്തിൽ വിപ്ലവം സൃഷ്ടിക്കാൻ ആഗോള റൈഡ് ഹെയ്ലിംഗ് പ്ലാറ്റ്ഫോമായ ഊബർ (Uber). പതിവ് ഗതാഗത സംവിധാനങ്ങൾക്കൊപ്പം ഇലക്ട്രിക് എയർ ടാക്സിയിലുള്ള ആകാശ യാത്രകളുമാണ് ഊബർ ആപ്പിൽ ലഭ്യമാക്കാൻ ഒരുങ്ങുന്നത്. ജോബി ഏവിയേഷന്റെ (Joby Aviation) ഇലക്ട്രിക് വിമാനങ്ങളാണ് ഊബർ ആപ്പിൽ അവതരിപ്പിക്കുക. ജോബി-ഊബർ പങ്കാളിത്തം ഈ വർഷം അവസാനത്തോടെ ആദ്യ യാത്ര ആരംഭിക്കും. ലോകമെമ്പാടുമുള്ള നിരവധി നഗരങ്ങളിൽ ഊബർ ഈ മൾട്ടി-മോഡൽ ഗതാഗതം ആരംഭിക്കും. എയർ ടാക്സികൾ ആദ്യം അവതരിപ്പിക്കുക ദുബായിയായിരിക്കും. യുഎസ്സിലെ ന്യൂയോർക്ക്, ലോസ് ഏഞ്ചൽസ് തുടങ്ങിയ നഗരങ്ങളിലും യുണൈറ്റഡ് കിംഗ്ഡം, ജപ്പാൻ എന്നീ രാജ്യങ്ങളിലും പദ്ധതി പ്രാവർത്തികമാക്കും. ദുബായിലെ എയർ ടാക്സി സർവീസിന്റെ വിശദാംശങ്ങൾ കമ്പനി പുറത്തുവിട്ടിട്ടുണ്ട്. യാത്രക്കാർക്ക് അവരുടെ ആപ്പിലെ സെർച്ച് ബാറിൽ ലക്ഷ്യസ്ഥാനം നൽകിയാൽ നിലവിലുള്ള റൈഡ് ചോയ്‌സുകൾക്കൊപ്പം എയർ ടാക്സി ഓപ്ഷൻ ദൃശ്യമാകും. ഒരൊറ്റ ടാപ്പിലൂടെ, പ്രീമിയം കാർ പിക്കപ്പ്, ഫ്ലൈറ്റ്, അവസാന ഡ്രോപ്പ്-ഓഫ് എന്നിവയുൾപ്പെടെ യാത്രയുടെ എല്ലാ സാദ്ധ്യതകളും ഇതിൽ…

ജിപിഎസ്സോടുകൂടിയ ജിയോഐക്യു ഡാഷ്‌ക്യാം (JioEyeQ) പുറത്തിറക്കി ഇന്ത്യയിലെ ഏറ്റവും വലിയ ടെലികോം ഓപ്പറേറ്ററായ റിലയൻസ് ജിയോ (Reliance Jio). കാറുകളിൽ ഉപയോഗിക്കാവുന്ന പുതിയ ഡാഷ്ക്യാം വാഹനത്തിന് ചുറ്റും എന്താണ് സംഭവിക്കുന്നതെന്ന് റെക്കോർഡ് ചെയ്യുന്നതിനൊപ്പം അപകടങ്ങളിൽ ഇൻഷുറൻസ് ക്ലെയിം ചെയ്യാൻ അടക്കമുള്ളവയ്ക്ക് സഹായമാകും. ഇന്ത്യയിലെ ഉപയോക്താക്കൾക്ക് 3,499 രൂപയ്ക്ക് റിലയൻസ് ജിയോഐക്യു ഡാഷ്‌ക്യാം വാഗ്ദാനം ചെയ്യുന്നു. ആമസോൺ ഇന്ത്യയിൽ അടക്കം ഡാഷ്ക്യാം ലഭ്യമാണ്. ജിപിഎസ് പിന്തുണയും ഫുൾ എച്ച്‌ഡി 2എംപി ക്യാമറയുമാണ് ജിയോഐക്യുവിനുള്ളത്. 140 ഡിഗ്രി അൾട്രാവൈഡ് എഫ്‌ഒവിയും എഐ പെഡസ്ട്രിയൻ ഡിറ്റക്ഷൻ പിന്തുണയുമുണ്ട്. നൈറ്റ് വിഷൻ പിന്തുണയോടൊപ്പം 32 ജിബി മൈക്രോ എസ്ഡി കാർഡ് സ്റ്റോറേജും ലഭ്യമാണ്. എമർജൻസി റെക്കോർഡിംഗ് സവിശേഷത തുടങ്ങിയവയ്ക്കൊപ്പം ബിൽഡ്-ഇൻ വൈ-ഫൈ, മൈക്ക് എന്നിവയും ജിയോഐക്യു ഡാഷ്‌ക്യാമിൽ ലഭ്യമാണ്. ആൻഡ്രോയിഡ്, ഐഒഎസ് ഉപകരണങ്ങൾക്ക് ലഭ്യമായ ജിയോ തിംഗ്സ് (JioThings) ആപ്പിനൊപ്പം ഡാഷ്‌ക്യാം പ്രവർത്തിക്കും Reliance Jio enters the car safety market with the JioEyeQ…

ഇന്ത്യയിൽ തങ്ങളുടെ മൂന്നാമത്തെ നിർമ്മാണ പ്ലാന്റ് സ്ഥാപിക്കാൻ ആഗോള ഓട്ടോമോട്ടീവ് വിതരണക്കാരായ വെബസ്റ്റോ (Webasto). ഡൽഹി മേഖലയിൽ സ്ഥിതി ചെയ്യുന്ന പുതിയ പ്ലാന്റ് 2026ന്റെ നാലാം പാദത്തിൽ പ്രവർത്തനം ആരംഭിക്കും. വെബസ്റ്റോ ഗ്രൂപ്പിന്റെ ചീഫ് എക്‌സിക്യൂട്ടീവ് ഓഫീസർ ജോർഗ് ബുച്ചൈം, അനുബന്ധ സ്ഥാപനമായ വെബസ്റ്റോ റൂഫ്‌സിസ്റ്റംസ് ഇന്ത്യ പ്രൈവറ്റ് ലിമിറ്റഡ് (Webasto Roofsystems India Pvt. Ltd. സൺറൂഫ് സിസ്റ്റങ്ങൾക്കായുള്ള പ്രാദേശിക ഡിമാൻഡ് തുടർച്ചയായി വർദ്ധിച്ചതാണ് ഇത്തരമൊരു വികസനത്തിന് കമ്പനിയെ പ്രേരിപ്പിച്ചത്. വടക്കേ ഇന്ത്യയിലെ മനേസറിനും ഖാർഖോഡയ്ക്കും ഇടയിൽ സ്ഥിതി ചെയ്യുന്ന പുതിയ പ്ലാന്റ് വടക്കൻ ഓട്ടോമോട്ടീവ് ഇടനാഴിക്ക് സേവനം നൽകുകയും വെബസ്റ്റോ ഇന്ത്യയുടെ പ്രാദേശിക ഉൽപ്പാദന, വിതരണ ശേഷികളെ കൂടുതൽ ശക്തിപ്പെടുത്തുകയും ചെയ്യും. ഏകദേശം 500,000 യൂണിറ്റ് വാർഷിക ശേഷിയെ പിന്തുണയ്ക്കുന്ന സൗകര്യമാകും ഇതെന്ന് വെബസ്റ്റോ ഇന്ത്യ പ്രസിഡന്റ് വികാസ് പ്രസാദ് പറഞ്ഞു. മൂന്നാം ഓട്ടോമോട്ടീവ് ക്ലസ്റ്ററിലെ സാന്നിധ്യത്തോടെ, ഉപഭോക്താക്കളെ കൂടുതൽ വേഗത്തിൽ പിന്തുണയ്ക്കാൻ കഴിയും. ഇന്ത്യയുടെ വൈവിധ്യമാർന്ന വിപണിക്ക്…

മലബാർ മേഖലയിലെ ബീച്ച് ടൂറിസത്തിന് പുതിയ സാധ്യതകൾ തുറന്ന് കണ്ണൂർ ജില്ലയിലെ മുഴപ്പിലങ്ങാട് കേരള ടൂറിസം ഡെവലപ്മെന്റ് കോർപ്പറേഷന്റെ (KTDC) ഫൈവ് സ്റ്റാർ റിസോർട്ട് പ്രവർത്തനമാരംഭിച്ചു. മുഴപ്പിലങ്ങാട്, ധർമ്മടം ബീച്ചുകളെയും ധർമ്മടം ദ്വീപിനെയും നവീകരിക്കുന്ന 238 കോടി രൂപയുടെ സംയോജിത പദ്ധതികളുടെ ഭാഗമാണ് റിസോർട്ട്. തലശ്ശേരിക്കും കണ്ണൂരിനും ഇടയിൽ സ്ഥിതിചെയ്യുന്ന തീരദേശ മേഖലയായ മുഴപ്പിലങ്ങാട് ഏഷ്യയിലെ ഏറ്റവും നീളം കൂടിയ ഡ്രൈവ്-ഇൻ ബീച്ചാണ്. മുഴുപ്പിലങ്ങാട്-ധർമ്മടം ബീച്ച് ടൂറിസം സർക്യൂട്ടിൽ 6.5 ഏക്കർ വിസ്തൃതിയുള്ള റിസോർട്ടിൽ ലോകോത്തര സൗകര്യങ്ങളാണുള്ളത്. കിഫ്ബി ധനസഹായത്തോടെ 51.86 കോടി രൂപ ചെലവഴിച്ചാണ് റിസോർട്ട് വികസിപ്പിച്ചിരിക്കുന്നത്. എട്ട് കോട്ടേജുകൾ വീതമുള്ള നാല് കോട്ടേജ് ബ്ലോക്കും നാല് മുറികൾ വീതമുള്ള രണ്ട് സ്വീറ്റ് റൂം ബ്ലോക്കും ഉൾപ്പെടെ 40 മുറികളാണ് റിസോർട്ടിലുള്ളത്. വിശാലമായ നീന്തൽക്കുളം, ഇൻഡോർ റീക്രിയേഷൻ ഏരിയ, ഹെൽത്ത് ക്ലബ് തുടങ്ങിയവയും റിസോർട്ടിൽ സജ്ജമാണ്. Experience world-class luxury at KTDC’s new 5-star resort in Muzhappilangad,…

നഗരത്തെ ശുദ്ധവായു ലഭിക്കുന്ന ഓക്സിജൻ സിറ്റിയാക്കുന്ന പദ്ധതിയുമായി തൃശൂർ കോർപറേഷൻ. കോർപറേഷൻ ഭരണസമിതിയുടെ ബജറ്റ് സമ്മേളനത്തിലാണ് തീരുമാനം. സിറ്റി സർക്കുലർ-ഇലക്ട്രിക് ബസ്സുകൾ, സ്ത്രീകൾക്കും വിദ്യാർഥികൾക്കും സൗജന്യ ബസ് സർവീസ്, പിങ്ക് വാഷ്റൂമുകൾ തുടങ്ങിയ ജനപ്രിയ പദ്ധതികളും ഉൾക്കൊള്ളുന്നതാണ് ബജറ്റ്. മുനിസിപ്പൽ ബോണ്ട് വഴി ധനശേഖരണം നടത്താൻ സംസ്ഥാന സർക്കാർ അനുമതി നൽകിയതിനാൽ ഇതുമായി ബന്ധപ്പെട്ട നടപടികൾ ഈ വർഷം തന്നെ ആരംഭിക്കുമെന്നും ഡപ്യൂട്ടി മേയർ എ. പ്രസാദ് അവതരിപ്പിച്ച ബജറ്റിൽ വ്യക്തമാക്കുന്നു. ഓക്സിജൻ സിറ്റി പദ്ധതിയുടെ ആദ്യഘട്ടമായി കുറ്റുമുക്ക്–നെട്ടിശ്ശേരി മേഖല ഓക്സിജൻ സോൺ ആയി മാറ്റും. ഇവിടെ ദേശീയ ആയുഷ് മിഷൻ, ഔഷധി, സംസ്ഥാന മെഡിസിനൽ പ്ലാന്റ് ബോർഡ് എന്നിവയുമായി സഹകരിച്ച് യോഗ സോൺ, വോക്കിങ്-റൺ പാത്ത്‌വേകൾ, സൈക്കിളിങ് തുടങ്ങിയവയും ഏർപ്പെടുത്തും. പടിഞ്ഞാറേക്കോട്ട, കിഴക്കേക്കോട്ട, കൊക്കാല എന്നിവിടങ്ങളിൽ നിർമിക്കുന്ന മേൽപ്പാല പദ്ധതികൾക്കാണ് മുനിസിപ്പൽ ബോണ്ട് വഴി ശേഖരിക്കുന്ന തുക ഉപയോഗിക്കുക. കേന്ദ്ര സംസ്ഥാന സർക്കാരുകളിൽ നിന്ന് ലഭിക്കുന്ന തുകയും സ്വന്തം വരുമാനവും…

ടാറ്റ സൺസ് (Tata Sons) ചെയർമാൻ എൻ. ചന്ദ്രശേഖരന്റെ കാലാവധി അഞ്ചു വർഷത്തേക്ക് കൂടി നീട്ടുന്നതിനുള്ള തീരുമാനം താൽക്കാലികമായി മാറ്റിവെച്ചു. ടാറ്റാ ട്രസ്റ്റ്സ് (Tata Trusts) ചെയർമാൻ നോയൽ ടാറ്റ ഉയർത്തിയ നിരവധി ചോദ്യങ്ങളുടെയും നിബന്ധനകളുടെയും പശ്ചാത്തലത്തിലാണ് തീരുമാനം നീണ്ടുപോകുന്നത്. ടാറ്റാ ഗ്രൂപ്പിന് കീഴിലെ ചില കമ്പനികളിലെ നഷ്ടം ചൂണ്ടിക്കാട്ടിയ നോയൽ, ടാറ്റ സൺസ് ഒരിക്കലും വിപണിയിൽ ലിസ്റ്റ് ചെയ്യില്ലെന്ന് ചന്ദ്രശേഖരൻ രേഖാമൂലം ഉറപ്പു നൽകണമെന്നും ആവശ്യപ്പെട്ടു. അടുത്ത വർഷം ഫെബ്രുവരി വരെയാണ് ചെയർമാൻ സ്ഥാനത്ത് ചന്ദ്രശേഖരന്റെ കാലാവധി. 2017 മുതൽ ടാറ്റ സൺസിന്റെ തലപ്പത്തുള്ള ചന്ദ്രശേഖരൻ ഗ്രൂപ്പിന് കീഴിലുള്ള കമ്പനികളിൽ മികച്ച രീതിയിലുള്ള മാറ്റം കൊണ്ടുവന്നിരുന്നു. എന്നാൽ അടുത്തിടെ കമ്പനിയിൽ ഉണ്ടായ അധികാര തർക്കങ്ങളാണ് ചന്ദ്രശേഖരന്റെ പുനർ നിയമനത്തെയും ബാധിക്കുന്നതെന്നാണ് റിപ്പോർട്ടുകൾ പറയുന്നത്. സാധാരണയായി ടാറ്റ സൺസിന്റെ ഓഹരി ഉടമകളും ബോർഡും ഒരു വർഷം മുൻപ് തന്നെ ചെയർമാന്റെ പുനർനിയമനം/നിയമനം അംഗീകരിക്കുന്നതാണ് പതിവ്. സ്ഥിരതയും തുടർച്ചയും ഉറപ്പാക്കുന്നതിനോ തന്ത്രം ആസൂത്രണം…

കനേഡിയൻ പ്രധാനമന്ത്രി മാർക്ക് കാർണിയുടെ നാല് ദിവസത്തെ ഔദ്യോഗിക ഇന്ത്യാ സന്ദർശനം ഇന്നാരംഭിക്കും. കഴിഞ്ഞ മൂന്ന് വർഷമായി നിലനിൽക്കുന്ന കടുത്ത നയതന്ത്ര പ്രതിസന്ധികൾക്ക് വിരാമമിട്ടാണ് കനേഡിയൻ പ്രധാനമന്ത്രിയുടെ ഇന്ത്യാ സന്ദർശനം. മുൻ പ്രധാനമന്ത്രി ജസ്റ്റിൻ ട്രൂഡോയുടെ ഭരണകാലത്ത് വഷളായ ഉഭയകക്ഷി ബന്ധം പുനഃസ്ഥാപിക്കാനും സാമ്പത്തിക-തന്ത്രപ്രധാന മേഖലകളിൽ സഹകരണം ഉറപ്പാക്കാനുമാണ് ഈ സന്ദർശനം ലക്ഷ്യമിടുന്നത്. കാർണിയുടെ ആദ്യ ഇന്ത്യാ സന്ദർശനമാണിത്. 2025 മാർച്ചിലാണ് കാനഡയുടെ പ്രധാനമന്ത്രിയായി അദ്ദേഹം ചുമതലയേറ്റത്. മുംബൈയിലെത്തുന്ന കാർണി വ്യവസായ പ്രമുഖർ, കനേഡിയൻ പെൻഷൻ ഫണ്ട് പ്രതിനിധികൾ, സാമ്പത്തിക വിദഗ്ധർ എന്നിവരുമായി കൂടിക്കാഴ്ച നടത്തും. പ്രധാനമന്ത്രി നരേന്ദ്ര മോഡിയുമായി പ്രതിനിധിതല ചർച്ചകൾ നടത്തുന്ന കാർണി ഇരുരാജ്യങ്ങളും തമ്മിലുള്ള തന്ത്രപ്രധാന പങ്കാളിത്തം വിലയിരുത്തും. 2030-ഓടെ ഉഭയകക്ഷി വ്യാപാരം 70 ബില്യൺ ഡോളറായി ഉയർത്തുക എന്ന ലക്ഷ്യത്തോടെ സമഗ്ര സാമ്പത്തിക പങ്കാളിത്ത കരാർ ചർച്ചകൾ പുനരുജ്ജീവിപ്പിക്കും. ക്രിട്ടിക്കൽ മിനറലുകൾ, ശുദ്ധമായ ഊർജ്ജം എന്നീ മേഖലകളിൽ സഹകരണം ഉറപ്പാക്കും. ട്രംപ് ഭരണകൂടത്തിന് കീഴിലുള്ള അമേരിക്കയുമായുള്ള…

ഇന്ത്യയിൽ നിന്നുള്ള കോഴിയിറച്ചിയും മുട്ടയും അടക്കമുള്ള പൗൾട്രി ഉൽപന്നങ്ങളുടെ ഇറക്കുമതി പൂർണമായും നിരോധിച്ച് സൗദി അറേബ്യ. ഇന്ത്യ അടക്കം 40 രാജ്യങ്ങളിൽ നിന്നുള്ള ഉത്പന്നങ്ങൾക്കാണ് പൂർണ നിരോധനം ഏർപ്പെടുത്തിയിരിക്കുന്നത്. മറ്റ് 16 രാജ്യങ്ങളിൽ നിന്നുള്ള ഇറക്കുമതിക്ക് ഭാഗിക നിരോധനവും പ്രഖ്യാപിച്ചിട്ടുണ്ട്. പകർച്ചവ്യാധി ഭീഷണിയുടെ പശ്ചാത്തലത്തിലുള്ള മുൻകരുതൽ എന്ന നിലയ്ക്കാണ് സൗദി ഫുഡ് ആൻഡ് ഡ്രഗ് അതോറിറ്റിയുടെ നടപടി. അടുത്ത കാലത്ത് രാജ്യം ഏർപ്പെടുത്തിയിരിക്കുന്ന ഏറ്റവും വലിയ നിരോധനമാണിത്. എത്ര കാലത്തേക്കാണ് നിരോധനമെന്നത് വ്യക്തമാക്കിയിട്ടില്ല. എന്നാൽ, ഭീഷണി വിട്ടൊഴിയുന്ന ഘട്ടമാകുമ്പോൾ നിരോധനത്തിൻ പുനഃപരിശോധനയുണ്ടാകുമെന്നാണ് റിപ്പോർട്ട്. ഇന്ത്യയ്ക്കും പുറമേ അഫ്‍ഗാനിസ്ഥാൻ, ജർമനി, ഇറാൻ അടക്കമുള്ള 40 രാജ്യങ്ങളാണ് പൂർണ നിരോധന പട്ടികയിലുള്ളത്. ഇതിനുപുറമേ ഓസ്ട്രേലിയ, യുഎസ്, ഇറ്റലി, ബെൽജിയം തുടങ്ങിയ രാജ്യങ്ങളിലെ ചില നഗരങ്ങളിൽ നിന്നുള്ള ഉൽപന്നങ്ങൾക്കും നിരോധനം ബാധകമാണ്. പൊതുജനങ്ങളുടെ ആരോഗ്യം സംരക്ഷണം, വിപണിയിലെ ഭക്ഷ്യസുരക്ഷാ മാനദണ്ഡങ്ങൾ എന്നിവ പാലിക്കുന്നതിനാണ് നീക്കമെന്ന് സൗദി അധികൃതർ വിശദീകരണം നൽകി. ചില രാജ്യങ്ങളിൽ നിന്നുള്ള പൗൾട്രി…