Author: News Desk

കടബാധ്യതയെത്തുടർന്ന് തിഹാർ ജയിലിൽ കീഴടങ്ങിയ ബോളിവുഡ് നടൻ രാജ്പാൽ യാദവിന് പിന്തുണയുമായി സിനിമാ-രാഷ്ട്രീയ രംഗത്തെ പ്രമുഖർ. അദ്ദേഹത്തിന് 1.11 കോടി രൂപയുടെ സാമ്പത്തിക സഹായം പ്രഖ്യാപിച്ച് രംഗത്തെത്തിയിരിക്കുകയാണ് മ്യൂസിക് പ്രൊഡ്യൂസറും ജെം ട്യൂൺസ് മ്യൂസിക് (GemTunes Music) ഉടമയുമായ റാവു ഇന്ദർജീത് സിംഗ് യാദവ്. തന്റെ ഔദ്യോഗിക സമൂഹമാധ്യമ പേജ് വഴിയാണ് ഇന്ദർജീത് സിംഗ് സഹായം പ്രഖ്യാപിച്ചിരിക്കുന്നത്. സിനിമാ മേഖല ഒരു കുടുംബമാണെന്നും, പ്രതിസന്ധി ഘട്ടങ്ങളിൽ സഹപ്രവർത്തകരെ സഹായിക്കേണ്ടത് കടമയാണെന്നും അദ്ദേഹം പറഞ്ഞു. വർഷങ്ങളായി പ്രേക്ഷകരെ ചിരിപ്പിക്കുന്ന രാജ്പാൽ യാദവ് ഇന്ത്യൻ സിനിമയുടെ അവിഭാജ്യ ഘടകമാണ്. അദ്ദേഹത്തെ സഹായിക്കാൻ താൽപര്യമുള്ളവർക്കായി ബാങ്ക് വിവരങ്ങളും ക്യുആർ കോഡും ഇന്ദർജീത് സിംഗ് പങ്കുവെച്ചിട്ടുണ്ട്. നേരത്തെ താരത്തിന് പരസ്യ പിന്തുണയുമായി നടനും ജീവകാരുണ്യ പ്രവർത്തകനുമായ സോനു സൂദ് രംഗത്തെത്തിയിരുന്നു. ഈ പ്രതിസന്ധി ഘട്ടത്തിൽ രാജ്പാൽ യാദവിനെ വെറുമൊരു സഹപ്രവർത്തകനായല്ല, മറിച്ച് സിനിമയുടെ അവിഭാജ്യ ഘടകമായാണ് കാണേണ്ടതെന്ന് സോനു സൂദ് സമൂഹമാധ്യമ കുറിപ്പിൽ പറഞ്ഞു. രാജ്പാൽ യാദവിന്റെ…

ദുബായ് ഉൾപ്പെടെയുള്ള ലോകോത്തര വിമാനത്താവളങ്ങളിൽ നിലവിലുള്ള ഹിഡൻ ഡിസബിലിറ്റീസ് സൺഫ്ലവർ പദ്ധതി (Hidden Disabilities Sunflower Program) ആദ്യമായി കേരളത്തിലെ വിമാനത്താവളത്തിലും ആരംഭിച്ചിരിക്കുകയാണ്. ഭിന്നശേഷിക്കാരായ യാത്രക്കാരുടെ പ്രത്യേക സഹായം ഉറപ്പാക്കുന്നതിനായി തിരുവനന്തപുരം അന്താരാഷ്ട്ര വിമാനത്താവളത്തിലാണ് (TRV) സൺഫ്ലവർ പദ്ധതി (Sunflower Project) തുടങ്ങിയത്. ഓട്ടിസം ഉൾപ്പെടെയുള്ള അദൃശ്യ ഭിന്നശേഷിയുള്ള യാത്രക്കാർക്ക് പദ്ധതി വഴി വിമാനത്താവളത്തിലുടനീളം പ്രത്യേക പരിഗണനയും സഹായവും ലഭിക്കും. പദ്ധതിക്കായി വിമാനത്താവളത്തിലെ വിവിധ വിഭാഗങ്ങളിലെ ജീവനക്കാർ വിദഗ്ദ്ധരുടെ നേതൃത്വത്തിൽ പരിശീലനം പൂർത്തിയാക്കിയിട്ടുണ്ട്. ഭിന്നശേഷിയുള്ളവർക്ക് ഇൻഫർമേഷൻ കൗണ്ടറിൽ നിന്ന് കഴുത്തിൽ അണിയാനുള്ള ‘സൺഫ്ലവർ ലാൻയാർഡുകൾ’ സൗജന്യമായി ലഭിക്കും. പദ്ധതി നടപ്പാക്കിയ മറ്റു വിമാനത്താവളങ്ങളിലും ഈ ലാൻയാർഡുകൾ ഉപയോഗിക്കാം. തിരുവനന്തപുരം വിമാനത്താവളം ഭിന്നശേഷി സൗഹൃദമാക്കാനുള്ള ശ്രമങ്ങളുടെ ഭാഗമായാണ് സൺഫ്ലവർ പദ്ധതി നടപ്പാക്കുന്നതെന്ന് അധികൃതർ അറിയിച്ചു. TRV Airport becomes the first in Kerala to launch the ‘Hidden Disabilities Sunflower Project.’ This initiative provides free lanyards and…

പ്രദേശവാസികളും വിദേശ സഞ്ചാരികളും ഉൾപ്പെടെയുള്ളവർ ഒരുപോലെ ആശ്രയിക്കുന്ന ഫോർട്ട് കൊച്ചി – വൈപ്പിൻ റൂട്ടിലെ റോൾ-ഓൺ റോൾ-ഓഫ് (ro-ro) വെസ്സലുകളുടെ പ്രവർത്തനവും അറ്റകുറ്റപ്പണിയും ഏറ്റെടുക്കാൻ പുതിയ ഏജൻസിയെ നിയമിക്കാനുള്ള സാധ്യതകൾ പരിശോധിച്ച് കൊച്ചി കോർപറേഷൻ. കൊച്ചി മെട്രോ റെയിൽ ലിമിറ്റഡ് (KMRL) ഉൾപ്പെടെയുള്ള ഏജൻസികളെയാണ് കോർപറേഷൻ ഇതിനായി പരിഗണിക്കുന്നത്. നിലവിൽ കേരള സംസ്ഥാന ഉൾനാടൻ ജലഗതാഗത കോർപറേഷനും (KSINC) കൊച്ചി കോർപറേഷനും ചേർന്നാണു റോ റോ സർവീസ് നടത്തുന്നത്. ആറ് വർഷം മുമ്പ് സർവീസുകൾ ആരംഭിച്ചതുമുതൽ തുടർച്ചയായി നഷ്ടം റിപ്പോർട്ട് ചെയ്തതിനെ തുടർന്നാണ് ഏജൻസിയെ മാറ്റാനുള്ള നീക്കം. നിലവിൽ രണ്ട് റോ – റോ ബോട്ടുകളാണ് കൊച്ചി – വൈപ്പിൻ റൂട്ടിൽ സർവീസ് നടത്തുന്നത്. ഇതിൽ ഒരു ബോട്ട് ഈ മാസം ഡ്രൈ ഡോക്കിങ്ങിന് പോകുന്നതോടെ ഒരു ബോട്ട് മാത്രമായി സർവീസ് ചുരുങ്ങും. ഇത് യാത്രക്കാർക്ക് വലിയ ബുദ്ധിമുട്ടുണ്ടാക്കും. മൂന്നാമതൊരു റോ – റോ ബോട്ട് നിർമിക്കാൻ കൊച്ചിൻ ഷിപ്പ്‌യാർഡ് ലിമിറ്റഡുമായി…

ടാറ്റ മോട്ടോഴ്സ് (Tata Motors) തമിഴ്നാട്ടിലെ റാണിപ്പെട്ടിൽ ആരംഭിച്ച ജാഗ്വാർ ലാൻഡ് റോവർ (JLR) പാസഞ്ചർ കാർ നിർമാണ പ്ലാന്റ് പ്രവർത്തനം തുടങ്ങി. ആഢംബര എസ്‌യുവിയായ റേഞ്ച് റോവർ ഇവോക് (Evoque) ആണ് പ്ലാന്റിൽ നിന്ന് ആദ്യം പുറത്തിറക്കിയിരിക്കുന്നത്. ജെഎൽആർ ബ്രാൻഡിനു കീഴിലെ നെക്സ്റ്റ് ജെൻ ഇലക്ട്രിക് വാഹനങ്ങൾ നിർമിച്ചു പുറത്തിറക്കാനായി 9000 കോടി രൂപ ചിലവിലാണ് ടാറ്റ മോട്ടോഴ്സ് ജെഎൽആർ പാസഞ്ചർ കാർ നിർമാണ പ്ലാന്റ് ആരംഭിച്ചിരിക്കുന്നത്. തമിഴ്നാട് മുഖ്യമന്ത്രി എം.കെ. സ്റ്റാലിനും ടാറ്റ മോട്ടോഴ്‌സ് ചെയർമാൻ എൻ. ചന്ദ്രശേഖരനും ചേർന്നാണ് പ്ലാന്റിൽ നിന്നുള്ള ആദ്യ കാറായ ഇവോക് പുറത്തിറക്കിയത്. 7 വർഷത്തിനുള്ളിൽ ഈ നിർമാണ കേന്ദ്രത്തിൽ നിന്ന് രണ്ടര ലക്ഷം വാഹനങ്ങൾ നിർമിക്കുകയാണു പദ്ധതി. പ്ലാന്റിലൂടെ 5000 പേർക്ക് തൊഴിലവസരം ലഭിക്കും. ഇന്ത്യയിലുള്ള വാഹനങ്ങൾക്കു പുറമേ ജെഎൽആറിന്റെ കയറ്റുമതിക്കായുള്ള വാഹനങ്ങളും റാണിപ്പെട്ട് പ്ലാന്റിൽ നിർമിക്കും. കർണാടകയിലെ ധാർവാഡിനു ശേഷം ടാറ്റ മോട്ടോഴ്സിന്റെ ദക്ഷിണേന്ത്യയിലെ രണ്ടാമത്തെ നിർമാണ യൂണിറ്റാണ് റാണിപ്പെട്ടിലേത്.…

എഐ ഭാവി രൂപപ്പെടുത്താൻ ലക്ഷ്യമിട്ട് ഇന്ത്യ 2026 ഫെബ്രുവരി 16 മുതൽ 20 വരെ എഐ ഇംപാക്ട് ഉച്ചകോടി സംഘടിപ്പിക്കുകയാണ്. അന്താരാഷ്ട്ര എഐ ഉച്ചകോടികളുടെ പരമ്പരയിലെ നാലാമത്തെ സമ്മേളനം ഗ്ലോബൽ സൗത്തിൽ നടത്താൻ പോകുന്ന ആദ്യത്തേതുമാണ്. റിയൽ വേൾഡ് അപ്ലിക്കേഷൻ, നടപ്പിലാക്കലുകൾ, വികസന രാജ്യങ്ങളുടെ പങ്ക് എന്നിവയ്ക്ക് മുൻതൂക്കം നൽകുന്നതിനാൽ ഈ ഉച്ചകോടി യുകെ എഐ സേഫ്റ്റി സമ്മിറ്റ്, സിയോൾ എഐ കോൺഫറൻസ്, ഗ്ലോബൽ എഐ ഫോറം എന്നിവയുൾപ്പെടെയുള്ള മുൻ ആഗോള എഐ സമ്മിറ്റുകളിൽ നിന്ന് വേറിട്ടുനിൽക്കുന്നു. ഇതുവരെയുള്ള ആഗോള എഐ ഉച്ചകോടികൾ സുരക്ഷാ ആശങ്കകൾ അല്ലെങ്കിൽ നിയന്ത്രണ കോ-ഓർഡിനേഷനുകളെ സംബന്ധിച്ചായിരുന്നെങ്കിൽ ഇന്ത്യയിൽ നടക്കാനിരിക്കുന്ന ഉച്ചകോടി ‘ഇംപാക്ട്’ എന്ന ആശയത്തിൽ കേന്ദ്രീകരിച്ചുള്ളതാണ്. യഥാർത്ഥ ലോകത്തിൽ എഐ എങ്ങനെ പ്രയോഗിക്കപ്പെടുന്നു, ആരെ പ്രയോജനപ്പെടുത്തുന്നു, വികസന മാർഗ്ഗത്തിലുള്ള രാജ്യങ്ങൾ എങ്ങനെ ആഗോള എഐ സിസ്റ്റത്തിൽ ഫിറ്റ് ചെയ്യുന്നു എന്നിവയിലേക്കാണ് കൂടുതൽ ശ്രദ്ധ പതിപ്പിക്കുന്നത്. നൂറിലധികം രാജ്യങ്ങളിൽ നിന്നുള്ള 35000ലധികം റജിസ്‌ട്രേഷനുകൾ ഇതിനകം റിപ്പോർട്ട് ചെയ്യപ്പെട്ടിട്ടുണ്ട്.…

അദാനി എന്റർപ്രൈസസ് ലിമിറ്റഡ് നൽകിയ മാനനഷ്ടക്കേസിൽ മാധ്യമപ്രവർത്തകൻ രവി നായർ കുറ്റക്കാരനാണെന്ന് വിധി വന്നിരിക്കുകയാണ്. ഗാന്ധിനഗറിലെ മൻസ മജിസ്‌ട്രേറ്റ് കോടതിയാണ് രവി നായർക്ക് കേസിൽ ഒരുവർഷത്തെ തടവ് ശിക്ഷയും 5000 രൂപ പിഴയും വിധിച്ചത്. വിധിക്കെതിരെ അദ്ദേഹം അപ്പീൽ നൽകുമെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു. അദാനി ഗ്രൂപ്പിന്റെ പ്രധാന കമ്പനിയായ എഇഎൽ നൽകിയ പരാതിയെ തുടർന്നാണ് കേസ്. എഇഎല്ലിന്റെയും അദാനി ഗ്രൂപ്പിന്റെയും സൽപ്പേരിന് കളങ്കമുണ്ടാക്കാൻ ലക്ഷ്യമിട്ട്, രവി നായർ തെറ്റായതും അപകീർത്തികരവുമായ പ്രസ്താവനകളടങ്ങിയ ട്വീറ്റുകളുടെ പരമ്പര പ്രസിദ്ധീകരിക്കുകയും പ്രചരിപ്പിക്കുകയും ചെയ്തു എന്ന് പരാതിയിൽ ആരോപിക്കുന്നു. അദാനി ഗ്രൂപ്പിനെതിരെ മറ്റ് മാധ്യമങ്ങളിൽ വന്ന വാർത്തകളും പ്രസ്താവനകളും ട്വീറ്റ് ചെയ്തതിന് പിന്നാലെയാണ് രവി നായർക്കെതിരെ പരാതി നൽകിയത്. വാർത്ത നൽകിയ മാധ്യമങ്ങൾക്കെതിരെ കേസെടുത്തില്ലെന്നും അവ ട്വീറ്റ് ചെയ്ത തനിക്കെതിരെ കേസെടുക്കുകയും ചെയ്ത നടപടിക്കെതിരെ നിയമപോരാട്ടം തുടരുമെന്നും രവി നായർ പ്രതികരിച്ചു. മാധ്യമ-രാഷ്ട്രീയ-മനുഷ്യാവകാശ പ്രവർത്തകൻ എന്ന നിലയിൽ പ്രശസ്തനായ രവി നായർ പതിറ്റാണ്ടുകളായി, ഇന്ത്യയും…

തമിഴ്‌നാട്ടിലെ പ്രശസ്തമായ മന്നയുടെ (Manna) മാതൃ കമ്പനിയായ സതേൺ ഹെൽത്ത് ഫുഡ്‌സിനെ (Southern Health Foods) ഏറ്റെടുത്ത് റിലയൻസ് ഇൻഡസ്ട്രീസ് ഗ്രൂപ്പിന്റെ ഉപഭോക്തൃ ഉൽപ്പന്ന കമ്പനിയായ റിലയൻസ് കൺസ്യൂമർ പ്രോഡക്‌ട്‌സ് (RCPL). ദക്ഷിണേന്ത്യയിൽ ആരോഗ്യഭക്ഷണ വിഭാഗത്തിൽ ശക്തമായ സാന്നിധ്യമുള്ള ബ്രാൻഡാണ് മന്ന. ഏറ്റെടുക്കലോടെ രാജ്യത്തെ എഫ്എംസിജി രംഗത്ത് കൂടുതൽ പിടിമുറുക്കാൻ റിലയൻസിനാകും. ഏകദേശം 156 കോടി രൂപ വരുന്ന ഇടപാടിലൂടെയാണ് കമ്പനി പൂർണമായി റിലയൻസിന്റെ കൈവശമായിരിക്കുന്നത്. ഇതോടെ സതേൺ ഹെൽത്ത് ഫുഡ്‌സ്, റിലയൻസിന്റെ പൂർണ ഉടമസ്ഥതയിലുള്ള ഉപകമ്പനിയായി മാറി. മില്ലറ്റ് അഥവാ ചെറുധാന്യങ്ങൾ അധിഷ്ഠിത ഉൽപ്പന്നങ്ങൾ, ഹെൽത്ത് മിക്‌സുകൾ, പോഷകാഹാര വിഭാഗങ്ങൾ എന്നിവയിൽ റിലയൻസിന്റെ സാന്നിധ്യം ശക്തമാക്കുയെന്നതാണ് ഏറ്റെടുക്കലിനു പിന്നിൽ റിലയൻസിന്റെ ലക്ഷ്യം. രണ്ട് പതിറ്റാണ്ടിലേറെയായി ദക്ഷിണേന്ത്യൻ വിപണിയിൽ വിശ്വാസം നേടിയ ബ്രാൻഡാണ് മന്ന. മാറുന്ന ഭക്ഷണശീലങ്ങൾക്കും ആരോഗ്യബോധമുള്ള ഉപഭോക്താക്കളുടെ എണ്ണം വർധിച്ചു കൊണ്ടിരിക്കുന്നതുമായ സാഹചര്യത്തിൽ, ബ്രാൻഡിനെ ദേശീയ തലത്തിലേക്ക് വ്യാപിപ്പിക്കാനാണ് റിലയൻസ് പദ്ധതിയിടുന്നത്. ഇന്ത്യയിലുടനീളമുള്ള റിലയൻസിന്റെ ശക്തമായ വിതരണ ശൃംഖലയും…

ടാറ്റാ ഗ്രൂപ്പിന്റെ നേതൃത്വത്തിലുള്ള എയർ ഇന്ത്യ മാറ്റങ്ങളുടെ പാതയിലാണ്. മുംബൈ–ഫ്രാങ്ക്ഫർട്ട് റൂട്ടിൽ പുതിയ സർവീസ് ആരംഭിക്കുന്നതിന് മുൻപായി, എയർ ഇന്ത്യയുടെ പുതിയ ബോയിംഗ് 787-9 ഡ്രീംലൈനർ ഡൽഹി–ഹൈദരാബാദ് റൂട്ടിൽ പ്രത്യേക ഫേരി ട്രയൽ ഫ്ലൈറ്റ് നടത്തി. പുതിയ ഡ്രീംലൈനറിന്റെ സവിശേഷതകൾ പരിചയപ്പെടുത്താനായാണിത്.‌ആധുനിക ഇന്ത്യൻ ഡിസൈനിൽ ഒരുക്കിയിട്ടുള്ള ബിസിനസ്സ് ക്ലാസ് കാബിൻ, 1-2-1 ലേയൗട്ടിൽ എല്ലാ യാത്രക്കാർക്കും ഐസിൽ ആക്സസ് ഉറപ്പാക്കുന്നു. സ്ലൈഡിംഗ് പ്രൈവസി ഡോർ, സ്പേഷ്യസ് വർക്ക്‌ടോപ്പ്, ഡിസൈൻ റീഡിംഗ് ലാമ്പ്, വൈർലെസ് ചാർജിംഗ് ക്രേഡിൽ എന്നിവയാണ് പ്രധാന സവിശേഷതകൾ. കൂടാതെ 42 ഇഞ്ച് സീറ്റ് പിച്ച് ഫ്ലാറ്റ് ബെഡ് സ്യൂട്ട് ആക്കാൻ സാധിക്കുന്ന തരത്തിലാണ്. കസ്റ്റം ബെഡ്ഡിംഗ്, ടുമി ലോഞ്ച് വെയർ, എസൻഷ്യൽസ് ആമെനിറ്റി കിറ്റ് തുടങ്ങിയവയും ലഭിക്കും. നൂതന ഇൻഫ്ലൈറ്റ് എന്റർടൈൻമെന്റ് സ്ക്രീൻ, ലളിതമായ ലൈൻർ ലേയൗട്ട്, പുതുക്കിയ ഡൈനിങ് അനുഭവങ്ങൾ എന്നിവയും കാബിനിൽ ഉണ്ട്. 1970–80കളിലെ ശൈലിയും ആധുനിക സൗകര്യങ്ങളും സംയോജിപ്പിച്ച ഈ കാബിൻ ഇന്ത്യയുടെ മാക്‌സിമലിസ്റ്റ്…

ഇന്ത്യൻ റെയിൽവേ യാത്രയെ കൂടുതൽ വേഗതയുള്ളതും സൗകര്യപ്രദവുമായ പുതിയ തലത്തിലേക്ക് ഉയർത്താനുള്ള ശ്രമങ്ങളുടെ ഭാഗമായി ഏഴ് പുതിയ ഹൈസ്‌പീഡ് റെയിൽ കോറിഡോറുകൾ പ്രഖ്യാപിച്ചത് വലിയ പ്രാധാന്യം നേടുന്നു. യാത്രക്കാരന് പ്രീമിയം അനുഭവം നൽകുന്ന സേവന മാതൃകയിലേക്കാണ് റെയിൽവേ നീങ്ങുന്നതെന്ന് കേന്ദ്ര ധനമന്ത്രി നിർമല സീതാരാമൻ ബജറ്റ് പ്രസംഗത്തിൽ വ്യക്തമാക്കി. പരിസ്ഥിതി സൗഹൃദ ഗതാഗത സംവിധാനങ്ങൾ പ്രോത്സാഹിപ്പിക്കുന്നതിന്റെ ഭാഗമായാണ് നഗരങ്ങളെ “ഗ്രോത്ത് കണക്ടേഴ്സ്” ആയി ബന്ധിപ്പിക്കുന്ന ഹൈസ്‌പീഡ് കോറിഡോറുകൾ വികസിപ്പിക്കുന്നതെന്ന് മന്ത്രി വ്യക്തമാക്കി. അഹമ്മദാബാദ്–മുംബൈ ബുള്ളറ്റ് ട്രെയിൻ കോറിഡോർ നിർമാണത്തിലിരിക്കെ, മണിക്കൂറിൽ 220–250 കിലോമീറ്റർ വേഗതയുള്ള ഹൈസ്‌പീഡ് റെയിൽ സംവിധാനങ്ങൾ രാജ്യത്താകെ വ്യാപിപ്പിക്കാനുള്ള ദിശയിലേക്കാണ് ഈ നീക്കം. മുംബൈ–പൂണെ, പൂണെ–ഹൈദരാബാദ്, ഹൈദരാബാദ്–ബെംഗളൂരു, ഹൈദരാബാദ്–ചെന്നൈ, ചെന്നൈ–ബെംഗളൂരു, ഡൽഹി–വാരാണസി, വാരാണസി–സിലിഗുരി എന്നീ ഏഴ് റൂട്ടുകളാണ് പ്രഖ്യാപിച്ചിരിക്കുന്നത്. ഇതോടെ യാത്രാസമയം ഗണ്യമായി കുറയും; മുംബൈ–പൂണെ യാത്ര 45–50 മിനിറ്റിലും ചെന്നൈ–ബെംഗളൂരു 1 മണിക്കൂർ 15 മിനിറ്റിലും പൂർത്തിയാക്കാനാകും. ഏകദേശം 4,000 കിലോമീറ്റർ ദൈർഘ്യമുള്ള ഈ കോറിഡോറുകൾക്ക് ₹16–20…

കർണാടകയ്ക്കായി പുതിയ വന്ദേ ഭാരത് എക്സ്പ്രസ് ട്രെയിൻ അവതരിപ്പിക്കാൻ റെയിൽവേ മന്ത്രാലയം. പുതിയ സെമി-ഹൈ-സ്പീഡ് ട്രെയിൻ സൗത്ത് വെസ്റ്റേൺ റെയിൽവേ സോണിനു കീഴിലാണ് വരുന്നത്. സംസ്ഥാനത്തിന്റെ പ്രാദേശിക കണക്റ്റിവിറ്റിയിൽ വലിയ മാറ്റങ്ങൾ കൊണ്ടുവരുന്ന നീക്കം സമ്പദ്‌വ്യവസ്ഥയെ ഉത്തേജിപ്പിക്കുകയും ചെയ്യുമെന്നാണ് വിലയിരുത്തൽ. നിലവിൽ കർണാടകയിൽ 22 വന്ദേ ഭാരത് (11 ജോഡി) ട്രെയിനുകളാണ് സർവീസ് നടത്തുന്നത്. സംസ്ഥാനത്തുടനീളമുള്ള ഒന്നിലധികം സ്റ്റേഷനുകളിലുള്ള യാത്രക്കാർക്ക് ഈ ട്രെയിനുകൾ സേവനം നൽകുന്നു. നിലവിൽ ഓടുന്ന 22 ട്രെയിനുകളിൽ ഏകദേശം 14 വന്ദേ ഭാരത് സർവീസുകൾ ബെംഗളൂരു മേഖലയിൽ നിന്നാണ് ആരംഭിക്കുകയോ അവസാനിക്കുകയോ ചെയ്യുന്നത്. ബെംഗളൂരു-മംഗളൂരു റൂട്ടിലാണ് ഈ പുതിയ വന്ദേ ഭാരത് എക്സ്പ്രസ് ട്രെയിനും ആരംഭിക്കുന്നത്. കാർവാർ വരെ ട്രെയിൻ സർവീസ് നീട്ടാനും പദ്ധതിയുണ്ട്. വിനോദസഞ്ചാരികൾക്കും വിദ്യാർത്ഥികൾക്കും ബിസിനസ് യാത്രക്കാർക്കും ഒരുപോലെ പ്രയോജനപ്പെടുന്ന തരത്തിൽ കർണാടകയിലെ മുഴുവൻ തീരദേശ മേഖലയിലേക്കും സേവനം നൽകുക എന്നതാണ് ഈ വിപുലീകരണത്തിന്റെ ലക്ഷ്യം. വൈദ്യുതീകരണവും സുരക്ഷാ സർട്ടിഫിക്കേഷനുകളും പൂർത്തിയാക്കിയ ഉടൻ തന്നെ…