Author: News Desk

വാഹന ഇന്ധനമായി 100% എഥനോളും ഇന്ത്യയിലെ വിപണിയിലെത്തി. ഇന്ത്യൻ ഓയിൽ കോർപ്പറേഷന്റെ ഇന്ത്യയിലെ ആദ്യ എഥനോൾ പമ്പ് എഥനോൾ 100 ഡൽഹിയിൽ പ്രവർത്തനം ആരംഭിച്ചു. നിലവിൽ 183 ഔട്ട്ലെറ്റുകളിലാണ് ഇന്ത്യയിൽ 25 % എഥനോൾ ഇന്ധനം ലഭ്യമായിരിക്കുന്നത്. ഇത് പൂർണമായും 100% എഥനോൾ ആക്കി മാറ്റുകയാണ് ലക്‌ഷ്യം. ഫോസിൽ ഇന്ധനത്തിന് ബദലായി ഇന്ത്യ പ്രാധാന്യം നൽകുന്ന ഇന്ധനമാണ് എഥനോൾ മിശ്രിത ഇന്ധനം -Ethanol blended fuel. രാജ്യത്തെ എഥനോൾ 100 എന്ന പേരിലുള്ള ഇന്ധനം ഇന്ത്യയിലെ 183 എഥനോൾ ഔട്ട്ലെറ്റുകളിലൂടെ ലഭ്യമാക്കും. മഹാരാഷ്ട്ര, കർണാടക, ഉത്തർ പ്രദേശ്, ന്യൂഡൽഹി, തമിഴ്നാട് എന്നീ അഞ്ച് സംസ്ഥാനങ്ങളിലാണ് നിലവിൽ എഥനോൾ 100 ലഭിക്കുക. ഏപ്രിൽ പകുതിയോടെ രാജ്യത്തെ 400 ഔട്ട്ലെറ്റുകളിൽ എഥനോൾ 100 ലഭ്യമാക്കാനാണ് സർക്കാർ ലക്ഷ്യമിടുന്നത്. രാജ്യത്തു ഇതിനോടകം തന്നെ എഥനോൾ കലർന്ന E-20 പെട്രോൾ വിപണിയിലെത്തിയിട്ടുണ്ട്. 20% എഥനോൾ കലർന്ന ഇന്ധനമാണ് E-20. നിലവിൽ പൊതുമേഖലാ എണ്ണക്കമ്പനികളുടെ 84 ഔട്ട്ലെറ്റുകളിൽ E-20…

1.83 ലക്ഷം കോടി രൂപയിലധികം ആസ്തിയുണ്ടായിരുന്ന അനിൽ അംബാനി (Anil Ambani) ഒരു കാലത്ത് ലോകത്തിലെ ആറാമത്തെ വലിയ സമ്പന്നനായിരുന്നു. മുകേഷ് അംബാനിയുടെ സഹോദരനായ അനിൽ അംബാനി 2020 ഫെബ്രുവരിയിൽ യുകെ കോടതിക്ക് മുമ്പാകെ പാപ്പരത്തം പ്രഖ്യാപിച്ചു. എന്നാൽ അനിൽ അംബാനിയുടെ പ്രതീക്ഷകളെല്ലാം മകൻ ജയ് അൻമോൽ അംബാനിയിലാണ് ( Jai Anmol Ambani). കഠിനാദ്ധ്വാനിയായ ഒരു വ്യവസായിയാണ് താനെന്നു ഇതിനകം തന്നെ ജയ് അൻമോൽ അംബാനി തെളിയിച്ചു കൊണ്ടിരിക്കുന്നു. അനിൽ അംബാനി ഒരു കാലത്ത് ലോകത്തിലെ ആറാമത്തെ വലിയ ധനികനായിരുന്നു, കൂടാതെ 1.83 ലക്ഷം കോടി രൂപയിലധികം ആസ്തി ഉണ്ടായിരുന്നു. ഇപ്പോളാകട്ടെ നിരവധി സാമ്പത്തിക കേസുകളിൽ പെട്ടിരിക്കുന്നു.അൻമോൽ അംബാനി വളരെ ചെറുപ്പത്തിൽ തന്നെ കുടുംബ ബിസിനസിൽ ഏർപ്പെട്ടു. അദ്ദേഹം റിലയൻസ് ക്യാപിറ്റലിൽ പ്രത്യേകിച്ചും സജീവമായിരുന്നു. 18-ാം വയസ്സിൽ അദ്ദേഹം റിലയൻസ് മ്യൂച്വൽ ഫണ്ടിൽ ഇൻ്റേൺ ചെയ്യാൻ തുടങ്ങി. 2016-ൽ റിലയൻസ് ക്യാപിറ്റൽ ബോർഡിൽ അഡീഷണൽ ഡയറക്ടറായി ചേരുന്നതിന് മുമ്പ് അദ്ദേഹം…

കോഴിക്കോട് ചെറുവണ്ണൂർ സ്വദേശിയായ ബ്രിജേഷ് ബാലകൃഷ്ണൻ (Brijesh Balakrishnan) എന്ന യുവ സംരംഭകൻ തെക്കുകിഴക്കൻ ആഫ്രിക്കൻ രാജ്യമായ മലാവിയിലെ ഗതാഗത രംഗത്ത് വിപ്ലവം സൃഷ്ടിക്കുന്ന തിരക്കിലാണ്. ബ്രിജേഷ് ബാലകൃഷ്ണൻ്റെ വൈദ്യുത-വാഹന കമ്പനിയായ ആക്‌സിയോൺ വെഞ്ചേഴ്‌സ് പ്രൈവറ്റ് ലിമിറ്റഡ് ( Axeon Ventures Pvt Ltd) ഇപ്പോൾ പരിസ്ഥിതി സൗഹൃദ ഇരുചക്ര വാഹനങ്ങളും മുച്ചക്ര വാഹനങ്ങളും മലാവിയിലേക്കു കയറ്റുമതി ചെയ്യാൻ ഒരുങ്ങുകയാണ്. സുസ്ഥിരതയ്ക്കും ഹരിത സംരംഭങ്ങൾക്കും പേരുകേട്ടതാണ് ആഫ്രിക്കയിലെ മലാവി. കാർബൺ പുറന്തള്ളൽ കുറയ്ക്കുന്നതിനും , മികച്ച ഗതാഗത മാർഗ്ഗങ്ങൾ പ്രോത്സാഹിപ്പിക്കുന്നതിന്റെയും ഭാഗമായാണ് ഇ-വാഹനങ്ങളുടെ വരവിനെ സ്വാഗതം ചെയ്യുന്നത്. ബംഗളൂരുവിൽ നടന്ന ചടങ്ങിലാണ് മലാവി സർക്കാരുമായുള്ള സഹകരണം ഉറപ്പിച്ചത്. 2017-ൽ, തൻ്റെ സുഹൃത്തുക്കളോടൊപ്പം ദീർഘനാളത്തെ പരീക്ഷണത്തിനു ശേഷം ബ്രിജേഷ് ബാലകൃഷ്ണൻ്റെ വൈദ്യുത-വാഹന കമ്പനിയായ ആക്‌സിയോൺ വെഞ്ചേഴ്‌സ് പ്രൈവറ്റ് ലിമിറ്റഡ് ഇ-വാഹനങ്ങൾ നിർമ്മിക്കാൻ തുടങ്ങി. കോഴിക്കോട് ആസ്ഥാനമായി പ്രവർത്തിക്കുന്ന ആക്സിയോണിൻ്റെ നിർമാണ യൂണിറ്റ് കോയമ്പത്തൂരിലാണ്. രാജ്യത്തിൻ്റെ വിവിധ ഭാഗങ്ങളിലായി അഞ്ഞൂറോളം ഇ-വാഹനങ്ങൾ കമ്പനി ഇതിനകം…

എന്നാണ് ഇന്ത്യയിലെ ലോഞ്ചിങ് എന്ന് പ്രഖ്യാപിച്ചിട്ടില്ല. പക്ഷെ സ്മാർട്ട്‌ഫോണുകളുടെ പര്യായമായ ഷവോമി കുടുംബത്തിൽ നിന്നും ഇലക്ട്രിക് വാഹനപ്രേമികൾ ഏറെ പ്രതീക്ഷയോടെ കാത്തിരുന്ന Xiaomi SU7 ഇലക്‌ട്രിക് വെഹിക്കിൾ വിപണിയിലെത്തിക്കഴിഞ്ഞു . Xiaomi SU7 “Speed Ultra 7”ഒരു EV കാർ മാത്രമല്ല, ആവേശകരമായ ഡ്രൈവിംഗ് അനുഭവവുമായി Xiaomi ഇലക്ട്രോണിക് ഉപകരണങ്ങളുടെ സാങ്കേതികവിദ്യയെ സമന്വയിപ്പിക്കുന്ന ഷവോമി വിസ്മയം തെന്നെയാണ്. SU7 നിങ്ങളുടെ Xiaomi ഉപകരണങ്ങളുമായി തടസ്സമില്ലാത്ത കണക്ഷൻ വാഗ്‌ദാനം ചെയ്യുന്നു. SU7 ലെ ഓപ്പൺ CarIoT ഇക്കോസിസ്റ്റം മൂന്നാം കക്ഷി ഉപകരണങ്ങളുമായി എളുപ്പത്തിൽ സംയോജിപ്പിക്കാൻ അനുവദിക്കുന്ന ഒരു തുറന്ന ഇക്കോസിസ്റ്റമായിട്ടാണ് അവതരിപ്പിച്ചിരിക്കുന്നത്. ഇത് നിങ്ങളുടെ Xiaomi SU7 കാറിനെ എല്ലാ അർത്ഥത്തിലും “സ്മാർട്ട്” ആക്കുന്നു. സൂപ്പർ ഇലക്ട്രിക് മോട്ടോർ ടെക്‌നോളജിയിലുള്ള അത്യാധുനിക ഇലക്ട്രിക് മോട്ടോർ സംവിധാനം കൊണ്ട് നിരത്തുകളിൽ ടെസ്‌ല, പോർഷെ EV-കളെ മറികടക്കുന്ന വേഗതയാർജിക്കാൻ SU7-ന് കഴിയുമെന്ന് Xiaomi അവകാശപ്പെടുന്നു, നിങ്ങളുടെ സ്‌മാർട്ട് ഹോമിൻ്റെ അടുത്ത അപ്‌ഡേഷൻ എന്ന് തോന്നിക്കുന്ന…

ഇന്നും ആഡംബരത്തിന്റെ മറുവാക്കായ മെഴ്‌സിഡസ്-ബെൻസ് കാറുകളുടെ (Mercedes-Benz ) നിർമാണത്തിൽ ഹ്യൂമനോയിഡ് റോബോട്ടുകളെയും പങ്കാളിയാക്കുന്നു . കാറുകളുടെ അസംബ്ലി ലൈനിലെ മാനുവൽ ജോലികൾ പൂർത്തിയാക്കാൻ ഹ്യൂമനോയിഡ് റോബോട്ടുകളെ മെഴ്‌സിഡസ്-ബെൻസ് ഔദ്യോഗികമായി ഉപയോഗിച്ചു തുടങ്ങി . ആപ്‌ട്രോണിക്കിൻ്റെ അപ്പോളോ റോബോട്ട് ( Apollo) അതിൻ്റെ മനുഷ്യ സഹപ്രവർത്തകരുടെ ജോലി  ഭാരം ലഘൂകരിക്കാൻ സഹായിക്കുക, അസ്സെംബ്ളിങ് ഘടകങ്ങൾ യൂണിറ്റിലേക്ക് എത്തിക്കുക തുടങ്ങിയ ലളിതമായ ജോലികൾകൈകാര്യം ചെയ്യുകയാണ് . അടിസ്ഥാന അസംബ്ലി പോലുള്ള മറ്റ് “കുറഞ്ഞ വൈദഗ്ദ്ധ്യം” ആവശ്യമുള്ള ജോലികൾ പൂർത്തിയാക്കാനും റോബോട്ടുകൾ ഉപയോഗിക്കും എന്ന് മാർച്ച് 15 നാണു മെഴ്‌സിഡസ് ബെൻസ് അറിയിച്ചത്. ഇത് കൂടുതൽ പ്രധാനപ്പെട്ട ജോലികളിൽ ശ്രദ്ധ കേന്ദ്രീകരിക്കാൻ മനുഷ്യ തൊഴിലാളികളെ സഹായിക്കുകയും, ആവർത്തിച്ചുള്ള സ്‌ട്രെയിൻ പരിക്കുകൾ, ജോലികളുമായി ബന്ധപ്പെട്ട മറ്റ് ആരോഗ്യ, സുരക്ഷാ പ്രശ്നങ്ങൾ എന്നിവ കുറയ്ക്കുകയും ചെയ്യും. 5 അടി, 8 ഇഞ്ച് ഉയരവും, 72.6 കിലോഗ്രാം ഭാരവുമുള്ള അപ്പോളോയ്ക്ക് ഏകദേശം 25 കിലോഗ്രാം…

കൊച്ചുകുട്ടികളിലെ തലച്ചോറിലെ തകരാറു കാരണമുണ്ടാകുന്ന  കാഴ്ച വൈകല്യങ്ങൾക്ക്  ചെലവ് കുറഞ്ഞ തെറാപ്പി  ലക്ഷ്യമിട്ട് പ്രത്യുഷ പോത്തരാജു സ്ഥാപിച്ച SaaS സംരംഭമാണ് ഗ്രെയ്ൽമേക്കർ ഇന്നൊവേഷൻസ് (Grailmaker Innovations ). സെറിബ്രൽ കാഴ്ച വൈകല്യം ( Cerebral visual impairment- CVI ) വൈകല്യമുള്ള  കമ്മ്യൂണിറ്റി നേരിടുന്ന വെല്ലുവിളികളെ കുറിച്ച് ആഴത്തിൽ മനസിലാക്കിയ  പ്രത്യുഷ  നൂതന പരിഹാരങ്ങൾ സൃഷ്ടിക്കാനുള്ള  ദൗത്യം ആരംഭിച്ചു. ഇതിനായി ഗ്രെയ്ൽമേക്കർ ഇന്നൊവേഷൻസ് അവതരിപ്പിച്ച പ്രാഡക്ടാണ്  “വിഷൻ നാനി”(Vision Nanny). സെറിബ്രൽ കാഴ്ച വൈകല്യത്തിനുള്ള തെറാപ്പി, ഒരു ബട്ടൺ ക്ലിക്കിൽ ഈ SaaS പ്ലാറ്റ്ഫോമിൽ ലഭ്യമാണ്. വിഷൻ നാനി പ്ലാറ്റ്‌ഫോമിലൂടെ വ്യത്യസ്‌ത നിറങ്ങളും ചിത്രങ്ങളും, സംവേദനാത്മക വസ്‌തുക്കൾ, വിഷ്വൽ ചാർട്ടുകൾ എന്നിവയുൾപ്പെടെയുള്ള വൈവിധ്യമാർന്ന സവിശേഷതകൾ ആക്‌സസ് ചെയ്യാൻ കഴിയും. കുട്ടികളുടെ മാതാപിതാക്കളെയുംക അധ്യാപകരെയും ശാക്തീകരിക്കാനും തങ്ങളുടെ പ്ലാറ്റ്ഫോമിലൂടെ Grailmaker ഇന്നൊവേഷൻസ് ശ്രമിക്കുന്നു. സ്വന്തം കുട്ടിക്കാലം തന്നെയാണ് പ്രത്യുഷ പോത്തരാജിന് ഇത്തരമൊരു SaaS സംരംഭം തുടങ്ങാൻ പ്രചോദനമായത്. പ്രത്യുഷ പോത്തരാജുവിന് കുട്ടിക്കാലത്ത് അക്ഷരം…

ആവറേജ് ഒരു യാചകന് മാസം എത്ര രൂപ കിട്ടും? ഒരു രൂപയോ രണ്ട് രൂപയോ നമ്മള് കൊടുക്കുമ്പോ അതിന്റെ കോംപൗണ്ട് മൂല്യം മനസ്സിലാക്കാൻ പറ്റാത്തതുകൊണ്ടാണ് യാചകൻ ദരിദ്രനാണെന്ന ഒരു ചിന്ത നമുക്കുണ്ടാകുന്നത്. പക്ഷെ, മുംബൈ ഛത്രപതി ശിവജി മഹാരാജ് ടെർമിനലിലെ യാചകനായ ഭാരത് ജെയിൻ ഭിക്ഷയാചിച്ച് സമ്പാദിച്ചത് 7 കോടി രൂപയുടെ ആസ്തിയാണെന്ന വാർത്ത പലരേും അമ്പരപ്പിക്കുമെങ്കിലും, തെണ്ടലിന്റെ അരിത്തമറ്റിക്സ് അറിയാവുന്നവർ അത്ഭുതപ്പെടില്ല. ഭാരത് ജെയിൻ എന്ന യാചകൻ താമസിക്കുന്നത് മുംബൈ പരേലിലെ ഒരു കോടിക്ക് പുറത്ത് വിലയുള്ള ആഡംബര ഫ്ലാറ്റിലാണ്. വീക്കിലി ഓഫ് എടുക്കാറില്ല. 10 മണിക്കൂർ വെടിപ്പായി പണിയെടുക്കും. മാസം 75,000 രൂപ വരെ സമ്പാദിക്കും. ഭിക്ഷ യാചിച്ച് കിട്ടിയ പൈസ കൊണ്ട് ഫ്ലാറ്റ് മാത്രമല്ല, ബിസിനസ്സിൽ നിക്ഷേപവുമുണ്ട് ഭാരത് ജെയിനിന്. താനെയിൽ ഒന്നല്ല രണ്ട് കടകളാണ് വാടയ്ക്ക് കൊടുത്തിരിക്കുന്നത്, വാടക 30,000 രൂപ എല്ലാ മാസവും. മക്കൾ പഠിക്കുന്നത് കോൺവെന്റ് സ്കൂളിലും. മാത്രമല്ല, ഭിക്ഷയെടുത്ത് കിട്ടുന്ന പണം…

ഒരു പതിറ്റാണ്ട് നീണ്ട കാത്തിരിപ്പിനൊടുവിൽ ആലുവക്കാർക്ക് കേന്ദ്ര സമ്മാനമായി ആധുനിക മാർക്കറ്റ് കോംപ്ലക്‌സ് ‘ആലുവ അങ്ങാടി’ യാഥാർഥ്യമാകും.  പുതിയ മാർക്കറ്റ് നിർമിക്കാൻ  ആലുവ മുനിസിപ്പാലിറ്റി അധികൃതർക്ക്  കേന്ദ്രസർക്കാരിൻ്റെ അനുമതി ലഭിച്ചു. ആലുവ അങ്ങാടി എന്ന് പേരിട്ടിരിക്കുന്ന ഈ മാർക്കറ്റ് 50 കോടി രൂപ ചെലവിൽ കേന്ദ്ര-സംസ്ഥാന സഹകരണത്തോടെ നിർമ്മിക്കും   ഫണ്ടിൻ്റെ 60% ഫിഷറീസ് മന്ത്രാലയത്തിന് കീഴിലുള്ള പ്രധാൻ മന്ത്രി മത്സ്യ സമ്പത്ത് യോജനയിൽ നിന്ന് കേന്ദ്ര സർക്കാർ നൽകും. ബാക്കി 40% സംസ്ഥാന സർക്കാരും വഹിക്കുമെന്നാണ് ധാരണ .   കേരള സ്റ്റേറ്റ് കോസ്റ്റൽ ഏരിയ ഡെവലപ്‌മെൻ്റ് കോർപ്പറേഷൻ ലിമിറ്റഡ് സംസ്ഥാന സർക്കാരിനായി ഫണ്ട് അനുവദിക്കും. ഒരു പതിറ്റാണ്ടിലേറെയായി ശോച്യാവസ്ഥയിലായ മാർക്കറ്റിന്റെ നവീകരണത്തിന് സംസ്ഥാന സർക്കാർ നേരത്തേ തത്വത്തിൽ അനുമതി നൽകിയിരുന്നു. കഴിഞ്ഞ വർഷം നവംബറിൽ നടന്ന കേരള സംസ്ഥാന തീരദേശ വികസന കോർപ്പറേഷൻ്റെ (KSCADC) യോഗത്തിലാണ് ഇതിന് അനുമതി ലഭിച്ചത്.ആലുവ മുനിസിപ്പാലിറ്റി കെഎസ്‌സിഎഡിസിയുടെ സാങ്കേതിക സഹായത്തോടെ ‘എൻ്റെ ആലുവ…

സ്റ്റാർട്ടപ്പുകളിലേക്കുള്ള നിക്ഷേപക പ്രക്രിയ എളുപ്പത്തിലാക്കാൻ ഭാരത് സ്റ്റാർട്ടപ്പ് ഇക്കോസിസ്റ്റം രജിസ്ട്രി എന്ന പേരിൽ രജിസ്ട്രേഷൻ സംവിധാനം ഒരുക്കാൻ കേന്ദ്രസർക്കാർ. സ്റ്റാർട്ടപ്പ് ഇന്ത്യ പ്രോഗ്രാമിന്റെ ഭാഗമായാണ് പദ്ധതി നടപ്പാക്കുന്നത്. സ്റ്റാർട്ടപ്പ് ഇക്കോസിസ്റ്റത്തിലെ ഓഹരി ഉടമകളെ ഒരേ വേദിയിൽ കൊണ്ടുവരികയാണ് ഇതുവഴി ലക്ഷ്യംവെക്കുന്നതെന്ന് ബന്ധപ്പെട്ട ഉദ്യോഗസ്ഥർ പറഞ്ഞു. രാജ്യത്തെ സ്റ്റാർട്ടപ്പുകളിലേക്ക് ദേശീയ, അന്തർദേശീയ നിക്ഷേപകരെ ആകർഷിക്കുകയാണ് പുതിയ രജിസ്ട്രി സംവിധാനത്തിലൂടെ കേന്ദ്ര സർക്കാർ ലക്ഷ്യം വെക്കുന്നത്. നിക്ഷേപകർക്ക് സുതാര്യമായ രീതിയിൽ സ്റ്റാർട്ടപ്പുകളിൽ നിക്ഷേപം നടത്തുകയും ചെയ്യാം.startupindia.gov.in എന്ന് വെബ്സൈറ്റ് വഴിയാണ് ഭാരത് സ്റ്റാർട്ടപ്പ് ഇക്കോസിസ്റ്റം രജിസ്ട്രിയിൽ രജിസ്റ്റർ ചെയ്യേണ്ടത്. നിക്ഷേപകർ, ഇൻക്യുബേറ്റേഴ്സ്, മെന്റർമാർ, സർക്കാർ-വ്യവസായിക- അക്കാദമിക് സ്ഥാപനങ്ങൾ/വ്യക്തികൾ എന്നിവർക്ക് രജിസ്റ്റർ ചെയ്യാം. ഓഹരി ഉടമകൾക്ക് മറ്റുള്ളവരുമായി ബന്ധപ്പെടാനും പങ്കാളിത്തമുണ്ടാക്കും ഇക്കോസിസ്റ്റത്തിനകത്ത് വളർച്ച ത്വരിതപ്പെടുത്താനുമുള്ള വൺ സ്റ്റോപ്പ് പ്ലാറ്റ്ഫോമായിരിക്കും ഭാരത് സ്റ്റാർട്ടപ്പ് ഇക്കോസിസ്റ്റം രജിസ്ട്രി. യൂണികോണുകൾക്കും വിദ്യാർഥികൾക്കും ഒരേ പോലെ സംവിധാനം ഉപയോഗപ്പെടുത്താൻ സാധിക്കും.രാജ്യത്തിന്റെ സ്റ്റാർട്ടപ്പ് കരുത്ത് ലോകത്തിന് മുന്നിൽ പ്രദർശിപ്പിക്കാനായി മാർച്ച് 18 മുതൽ 2…

3 കോടി ബജറ്റിൽ നിർമ്മിച്ച  മലയാള ചിത്രം  പ്രേമലു ഇതുവരെ നേടിയത്  104 കോടി രൂപ. റിലീസ് ചെയ്ത് ഒരു മാസത്തിനുള്ളിൽ എക്കാലത്തെയും മികച്ച വരുമാനം നേടിയ അഞ്ചാമത്തെ മലയാള ചിത്രമായാണ് ഇപ്പോൾ മലയാള സിനിമയിലെ പ്രേംലുവിന്റെ സ്ഥാനം.  അതിനു പുറമെ ഓ ടി ടി യിലും പ്രദർശനത്തിനെത്തുകയാണ്‌ പ്രേമലു. ചിത്രം മാർച്ച് 29 ന് ഡിസ്നിപ്ലസ് ഹോട്ട്‌സ്റ്റാറിൽ റിലീസ് ചെയ്യുമെന്ന് പ്രതീക്ഷിക്കുന്നു. നസ്‌ലെൻ കെ. ഗഫൂർ, മമിത ബൈജു എന്നിവർ അഭിനയിച്ച പ്രേമലു തുടക്കത്തിൽ തന്നെ  2024-ലെ ഏറ്റവും ലാഭകരമായ ഇന്ത്യൻ ബ്ലോക്ക്ബസ്റ്റർ എന്ന പേര് നേടി. ഗിരീഷ് എ.ഡി സംവിധാനം ചെയ്ത ചിത്രത്തിൽ   സംഗീത് പ്രതാപ്, ശ്യാം മോഹൻ എം, മീനാക്ഷി രവീന്ദ്രൻ, അഖില ഭാർഗവൻ, അൽത്താഫ് സലിം എന്നിവരും അതിഥി വേഷത്തിൽ മാത്യു തോമസും അഭിനയിക്കുന്നു.  ഫഹദ് ഫാസിലാണ് ചിത്രത്തിൻ്റെ നിർമ്മാതാക്കളിൽ ഒരാൾ. പ്രേമലു മലയാളത്തിലാണ് ആദ്യം പുറത്തിറങ്ങിയത്. എന്നാൽ മികച്ച പ്രതികരണത്തെ തുടർന്ന് മാർച്ച്…