Author: News Desk
ബഹിരാകാശ രംഗത്ത് പുത്തൻ ചുവടുവെയ്പ്പുമായി യുഎഇ. ‘ഇത്തിഹാദ് സാറ്റ്’ (Etihad-SAT) എന്ന രാജ്യത്തിന്റെ ഏറ്റവും പുതിയ ഉപഗ്രഹ പദ്ധതി മാർച്ചിൽ വിക്ഷേപിക്കും. കാലാവസ്ഥാ ഇമേജിംഗ് മേഖലയിലെ നൂതന സാങ്കേതികവിദ്യകളുള്ള ഉപഗ്രഹത്തിന്റെ നിർമാണം പൂർത്തിയായതായും അടുത്ത മാസം വിക്ഷേപണം നടത്തുമെന്നും ദുബായ് കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം അറിയിച്ചു. മുഹമ്മദ് ബിൻ റാഷിദ് ബഹിരാകാശ കേന്ദ്രം ദക്ഷിണ കൊറിയയുടെ സാട്രെക് ഇനിഷ്യേറ്റീവുമായി ചേർന്നാണ് സിന്തറ്റിക് അപ്പർച്ചർ റഡാർ (SAR) ഉപഗ്രഹം വികസിപ്പിച്ചത്. ബഹിരാകാശ മേഖലയിലെ അഭിലാഷങ്ങൾക്ക് അതിരുകളില്ല. ബഹിരാകാശ രംഗത്ത് യുഎഇയുടെ ആഗോള നേതൃത്വത്തെ ശക്തിപ്പെടുത്താനും അറിവും നവീകരണവും കൊണ്ട് മാനവികതയ്ക്ക് ശോഭനമായ ഭാവി രൂപപ്പെടുത്താൻ സഹായിക്കാനും ഇതിലൂടെ സാധിക്കുമെന്ന് ദുബായ് കിരീടാവകാശി കൂട്ടിച്ചേർത്തു. Sheikh Hamdan announces the completion of the Etihad-SAT project, set for launch in March 2025. The UAE-developed satellite…
ഷോർട്ട് വീഡിയോ ഫീച്ചറായ റീൽസിനായി (Reels) പ്രത്യേക ആപ്പ് തുടങ്ങാൻ ഫോട്ടോ, വീഡിയോ ഷെയറിങ് സമൂഹമാധ്യമമായ ഇൻസ്റ്റാഗ്രാം. ഇൻസ്റ്റാഗ്രാം മേധാവി ആദം മൊസേരി അടുത്തിടെ റീൽസ് ആപ്പ് പരിഗണനയിലുണ്ടെന്ന് പരാമർശിച്ചതായി അമേരിക്കൻ മാധ്യമങ്ങളെ ഉദ്ധരിച്ച് എൻഡിടിവി റിപ്പോർട്ട് ചെയ്യുന്നു. മാർക്ക് സക്കർബർഗിന്റെ മെറ്റാ പ്ലാറ്റ്‌ഫോമുകളുടെ ഉടമസ്ഥതയിലുള്ള ഇൻസ്റ്റാഗ്രാം വീഡിയോ ഷെയറിങ് പ്ലാറ്റ്ഫോമായ ടിക്ടോക്കിന്റെ (TikTok) അമേരിക്കയിലെ അനിശ്ചിതാവസ്ഥ മുതലെടുക്കാനുള്ള ഒരുക്കത്തിലാണ്. ടിക്ടോക്കിനു സമാനമായ വീഡിയോ സ്ക്രോളിങ് അനുഭവം നൽകുകയാണ് ഇൻസ്റ്റാഗ്രാം റീൽസ് ആപ്പിലൂടെ ലക്ഷ്യമിടുന്നത്. എന്നാൽ സംഭവത്തെക്കുറിച്ച് മെറ്റായുടെ ഭാഗത്ത് നിന്നും ഇതുവരെ ഔദ്യോഗിക വിശദീകരണം വന്നിട്ടില്ല. കഴിഞ്ഞ മാസം വീഡിയോ എഡിറ്റിങ്ങിനായി എഡിറ്റ്സ് (Edits) എന്ന ആപ്പ് കൊണ്ടുവരുമെന്ന് മെറ്റാ പ്രഖ്യാപിച്ചിരുന്നു. ടിക്ടോക്കിന്റെ പാരന്റ് കമ്പനിയായ ബൈറ്റ് ഡാൻസിന്റെ (ByteDance) ക്യാപ്കട്ടിന് (CapCut) ബദലായാണ് മെറ്റാ എഡിറ്റ്സ് ആപ്പ് കൊണ്ടുവരുന്നത്. 2018ൽ മെറ്റാ ലാസ്സോ (Lasso) എന്ന വീഡിയോ ഷെയറിങ് ആപ്പ് കൊണ്ടുവന്നിരുന്നു. എന്നാൽ വേണ്ടത്ര പ്രചാരണം ലഭിക്കാത്തതിനാൽ കമ്പനി…
ഇതിഹാസ വ്യവസായി രത്തൻ ടാറ്റയോടുള്ള ആദരസൂചകമായി അദ്ദേഹത്തിന്റെ പേരിൽ റോഡ് നിർമിക്കാൻ തെലങ്കാന. ഔട്ടർ റിംഗ് റോഡിലെ (ORR) രവിര്യാലിലെ ടാറ്റ ഇന്റർചേഞ്ചിനേയും അമാംഗലിലെ റീജിയണൽ റിംഗ് റോഡിനെയും (RRR) ബന്ധിപ്പിക്കുന്ന ലിങ്കായാണ് രത്തൻ ടാറ്റ റോഡ് എന്ന പേരിൽ തെലങ്കാന സർക്കാർ ഗ്രീൻഫീൽഡ് റേഡിയൽ റോഡിന്റെ നിർമാണം പ്രഖ്യാപിച്ചത്. 41.5 കിലോമീറ്റർ ദൈർഘ്യമുള്ള പദ്ധതിക്കായി ₹4,030 കോടി ചിലവ് പ്രതീക്ഷിക്കുന്നു. രംഗറെഡ്ഡി ജില്ലയിലെ 14 ഗ്രാമങ്ങളിലൂടെ കടന്നു പോകുന്ന റോഡ് മഹേശ്വരം, ഇബ്രാഹിംപട്ടണം, കണ്ടുകൂർ, യാചാരം, കട്തൽ, അമാംഗൽ എന്നീ പ്രദേശങ്ങളിലാണ് വരിക. രണ്ട് ഘട്ടങ്ങളിലായാണ് റോഡ് നിർമാണ പദ്ധതി. 1,665 കോടി രൂപ ചിലവിലാണ് പദ്ധതിയുടെ ഒന്നാം ഘട്ട പ്രവർത്തനങ്ങൾ നടക്കുക. രവീര്യാൽ, ടാറ്റ ഇന്റർചേഞ്ച് മുതൽ മീർഖാൻപേട്ട് വരെയുള്ള 19.2 കിലോമീറ്ററാണ് ആദ്യ ഘട്ടത്തിൽ ഉൾപ്പെടുക. 2,365 കോടി രൂപ ചിലവിൽ മീർഖാൻപേട്ട് മുതൽ അമംഗൽ വരെയുള്ള 22.3 കിലോമീറ്ററാണ് രണ്ടാം ഘട്ടത്തിൽ വരിക. ഹൈദരാബാദ് മെട്രോപൊളിറ്റൻ…
തമിഴ്നാട്ടിലെ എഞ്ചിനീയമാരും സംരംഭകരും ഹിന്ദി പഠിക്കാൻ ആഹ്വാനം ചെയ്ത സോഹോ സ്ഥാപകൻ ശ്രീധർ വെമ്പുവിന്റെ പ്രസ്താവനയിൽ പ്രതിഷേധം ശക്തമാകുന്നു. സോഹോയുടെ ബിസിനസ് ആവശ്യങ്ങൾക്കായി സംസ്ഥാനത്തെ വിദ്യാർത്ഥികൾ മുഴുവൻ ഹിന്ദി പഠിക്കേണ്ടത് എന്തിനെന്ന് ഭരണകക്ഷിയായ ഡിഎംകെ പ്രതിനിധി ശരവണൻ അണ്ണാദുരൈ വെമ്പുവിന്റെ പ്രസ്താവനയെ ചോദ്യം ചെയ്തു. നേരത്തെ ഹിന്ദി ഭാഷ അടിച്ചേൽപ്പിക്കുന്നതിനെതിരെ തമിഴ്നാട് മുഖ്യമന്ത്രി ശക്തമായ നിലപാടെടുത്തതിനു പിന്നാലെയാണ് ഡിഎംകെ പ്രതിനിധി സോഹോ സ്ഥാപകന്റെ ഹിന്ദി അനുകൂല നിലപാടിനെ വിമർശിച്ചിരിക്കുന്നത്. എക്സ് പ്ലാറ്റ്ഫോമിലെ പോസ്റ്റിലാണ് ഡിഎംകെ പ്രതിനിധി സോഹോ സ്ഥാപകനെ വിമർശിച്ച് രംഗത്തെത്തിയിരിക്കുന്നത്. നിങ്ങൾക്കാവശ്യം ഉണ്ടെങ്കിൽ നിങ്ങളുടെ ജീവനക്കാരെ ഹിന്ദി പഠിപ്പിക്കാം. എന്നാൽ നിങ്ങളുടെ ബിസിനസ്സിന് ആവശ്യമുണ്ട് എന്നത് കൊണ്ടു മാത്രം തമിഴ്നാട്ടിലെ വിദ്യാർത്ഥികൾ ഹിന്ദി പഠിക്കേണ്ട കാര്യമെന്ത്? അതിനു പകരം നോർത്ത് ഇന്ത്യയിലെ വിദ്യാർത്ഥികളെ ഇംഗ്ലീഷ് പഠിപ്പിക്കാൻ വെമ്പു കേന്ദ്ര ഗവൺമെന്റിനോട് ആവശ്യപ്പെടുന്നതായിരിക്കും ഉചിതമെന്നും ശരവണൻ പറഞ്ഞു. കഴിഞ്ഞ ദിവസം എക്സ് പ്ലാറ്റ്ഫോമിലെ പോസ്റ്റിലാണ് ഹിന്ദി അറിയാത്തത് തമിഴ്നാട്ടിലെ എഞ്ചിനീയർമാർക്കും സംരംഭകർക്കും…
ലോകത്തിലെ ഏറ്റവും സമ്പന്നരായ 24 സൂപ്പർ ബില്യണേർസിന്റെ പട്ടികയുമായി വാൾ സ്ട്രീറ്റ് ജേർണൽ. ശതകോടീശ്വരന്മാരുടെ എണ്ണം വർദ്ധിച്ചുവരുന്ന സാഹചര്യത്തിൽ അതിസമ്പന്നരെ മറ്റുള്ളവരിൽ നിന്ന് വേർതിരിച്ചറിയാൻ സൂപ്പർ ബില്യണേർ എന്ന പുതിയ വിഭാഗത്തെ ഉയർത്തി കൊണ്ടുവരികയാണ് വാൾ സ്ട്രീറ്റ്. 50 ബില്യൺ ഡോളറോ അതിലധികമോ ആസ്തിയുള്ളവരെയാണ് വാൾ സ്ട്രീറ്റ് ജേർണൽ സൂപ്പർ ബില്യണേർസായി കണക്കാക്കുന്നത്. പട്ടിക പ്രകാരം 419.4 ബില്യൺ ഡോളർ ആസ്തിയുമായി ഇലോൺ മസ്ക് ആണ് ലോകത്തിലെ ഏറ്റവും ധനികനായ വ്യക്തി. മുകേഷ് അംബാനി, ഗൗതം അദാനി, ജെഫ് ബെസോസ്, മാർക്ക് സക്കർബർഗ്, വാറൻ ബഫറ്റ് എന്നിവരും ലോകത്തിലെ ഏറ്റവും വലിയ 24 സൂപ്പർ ബില്യണേർസിൽ ഉൾപ്പെടുന്നു. ഗ്ലോബൽ വെൽത്ത് ഇന്റലിജൻസ് സ്ഥാപനമായ അൾട്രാറ്റയുമായി (Altrata) ചേർന്നാണ് വാൾ സ്ട്രീറ്റ് ജേർണൽ പട്ടിക തയ്യാറാക്കിയിരിക്കുന്നത്. 24 സൂപ്പർ ബില്യണേർസിൽ 16 സെന്റി-ബില്യണേർസാണ്. $100 ബില്യൺ ഡോളറിനു മുകളിൽ ആസ്തിയുള്ളവരെയാണ് സെന്റി-ബില്യണേർസായി കണക്കാക്കുന്നത്. ടെസ്ല, സ്പേസ് എക്സ്, ന്യൂറാലിങ്ക്, സമൂഹമാധ്യമമായ എക്സ് പ്ലാറ്റ്ഫോം…
ഉത്തർപ്രദേശിലെ പ്രയാഗ് രാജിൽ 45 ദിവസം നീണ്ടുനിന്ന മഹാ കുംഭമേളയ്ക്ക് സമാപനമായി. മകരസംക്രാന്തിയോടനുബന്ധിച്ച് ജനുവരി 13ന് ആരംഭിച്ച മഹാകുംഭമേള ഫെബ്രുവരി 26 വരെ നീണ്ടു. കുംഭമേളയിൽ ആകെ 65 കോടി ജനങ്ങൾ പങ്കെടുത്തതായി യുപി സർക്കാർ അറിയിച്ചു. അതേസമയം യുപി സർക്കാറിന്റെ കണക്കനുസരിച്ച് മഹാ കുംഭമേള സംസ്ഥാനത്തിന്റെ സമ്പദ്‌വ്യവസ്ഥയ്ക്ക് ഏകദേശം 3 ലക്ഷം കോടി രൂപയുടെ സാമ്പത്തിക നേട്ടം നൽകി. ലോകത്തിലെ ഏറ്റവും വലിയ മനുഷ്യസംഗമം എന്ന് അവകാശപ്പെടുന്ന കുംഭമേള സന്ദർശിക്കാൻ 40 കോടി പേർ എത്തും എന്നായിരുന്നു ആദ്യഘട്ടത്തിൽ കണക്കാക്കപ്പെട്ടത്. എന്നാൽ ഈ കണക്കുകളെ കടത്തിവെട്ടിയ പങ്കാളിത്തമാണ് കുംഭമേളയിൽ ഉണ്ടായത്. സമാപന ദിവസമായ ബുധനാഴ്ച ത്രിവേണി സംഗമത്തിൽ ഏകദേശം 1.4 കോടി ആളുകൾ പുണ്യസ്നാനം നടത്തിയതായി യുപി സർക്കാർ അവകാശപ്പെടുന്നു. പ്രസിഡന്റ് ദ്രൗപതി മുർമു, പ്രധാനമന്ത്രി നരേന്ദ്ര മോഡി, ഭൂട്ടാൻ രാജാവ് ജിഗ്മേ ഖേസർ നാംഗ്യേൽ വാങ്ചുക്ക്, വ്യവസായികളായ മുകേഷ് അംബാനി, ഗൗതം അദാനി, ആപ്പിൾ സ്ഥാപകൻ സ്റ്റീവ് ജോബ്‌സിന്റെ…
തിരുവനന്തപുരം വിമാനത്താവളത്തിൽ യാത്രക്കാരെ ടെർമിനലിൽ നിന്ന് വിമാനങ്ങളിലേക്കും തിരിച്ചും എത്തിക്കാൻ ഇലക്ട്രിക് ബസുകൾ. വിമാനത്താവളത്തെ പരിസ്ഥിതി സൗഹൃാർദപരമാക്കാനുള്ള നടപടികളുടെ ഭാഗമായി ഇൻഡിഗോ എയർലൈൻസുമായി ചേർന്നാണ് നാല് ഇ-പാസഞ്ചർ കോച്ചുകൾ എത്തിയിരിക്കുന്നത്. ഒരേസമയം 35 യാത്രക്കാരെ കൊണ്ടുപോകാൻ സൗകര്യമുള്ള കോച്ചുകൾ ആഭ്യന്തര, രാജ്യാന്തര സർവീസുകൾക്കായി ഉപയോഗിക്കും.എയർപോർട്ടിലെ മറ്റു ഗ്രൗണ്ട് ഹാൻഡ്ലിങ് വാഹനങ്ങളും വൈകാതെ ഇ-കോച്ചുകളായി മാറ്റുമെന്ന് വിമാനത്താവള അധികൃതർ അറിയിച്ചു. വിമാനത്താവളത്തിൽ ഔദ്യോഗിക ആവശ്യങ്ങൾക്ക് ഉപയോഗിച്ചിരുന്ന 18 വാഹനങ്ങൾ മാറ്റി അടുത്തിടെ ഇലക്ട്രിക് വാഹനങ്ങൾ കൊണ്ടുവന്നിരുന്നു. തിരുവനന്തപുരം വിമാനത്താവളത്തിൽ പരിസ്ഥിതി സൗഹാർദ ഗതാഗതം സ്വീകരിക്കുന്ന ആദ്യ പങ്കാളിയാകാൻ സാധിച്ചതിൽ അഭിമാനമുണ്ടെന്ന് ഇൻഡിഗോ പ്രതിനിധി പറഞ്ഞു. 4 ഇലക്ട്രിക് കോച്ചുകൾ പുറത്തിറക്കി ഇൻഡിഗോ ഹരിത മാതൃക സൃഷ്ടിക്കുകയാണ്.ഇതിലൂടെ സ്കോപ്പ് 3 എമിഷൻ കുറച്ച് ACA 4+ ട്രാൻസിഷൻ സർട്ടിഫിക്കേഷനിലേക്ക് ഇൻഡിഗോയെ നയിക്കാനാകുമെന്നും ഇൻഡിഗോ പ്രതിനിധി കൂട്ടിച്ചേർത്തു. Thiruvananthapuram Airport, in partnership with IndiGo Airlines, introduced four electric buses for passenger…
ലോകത്തിൽ ഏറ്റവുമധികം അതിസമ്പന്നർ ഉള്ള രാജ്യങ്ങളുടെ പട്ടികയിൽ മുന്നേറ്റം നടത്തി ഇന്ത്യ. 2024ൽ ഏറ്റവുമധികം ബില്യണയർസ് ഉള്ള രാജ്യങ്ങളുടെ ഫോർബ്സ് പട്ടികയിലാണ് ഇന്ത്യയുടെ മുന്നേറ്റം. ആകെ 200 ബില്യണയർസുമായി ഇന്ത്യ പട്ടികയിൽ മൂന്നാം സ്ഥാനത്താണ്. കഴിഞ്ഞ തവണ 169 ബില്യണയർസായിരുന്നു ഇന്ത്യയിൽ ഉണ്ടായിരുന്നത്. ഇന്ത്യൻ ബില്യണയർസിന്റെ ടോട്ടൽ നെറ്റ് വെർത്ത് $954 ബില്യൺ ആണ്. കഴിഞ്ഞ തവണ $675 ബില്യൺ എന്നതിൽ നിന്നാണ് ഈ വളർച്ച. അമേരിക്കയാണ് ലോകത്തിൽ ഏറ്റവുമധികം ബില്യണയർസുള്ള രാജ്യം. 813 ബില്യണയർസാണ് യുഎസ്സിലുള്ളത്. കഴിഞ്ഞ തവണ ഇത് 735 ആയിരുന്നു. ഫോർബ്സ് പട്ടിക അനുസരിച്ച് അമേരിക്കയുടെ മൊത്തം ബില്യണയർസിന് $5.7 ട്രില്യൺ ആസ്തിയാണ് ഉള്ളത്. ഇലോൺ മസ്ക് രാജ്യത്തെ ഏറ്റവും സമ്പന്നനായി തുടരുന്നു. ചൈനയാണ് ബില്യണയർസിന്റെ എണ്ണത്തിൽ രണ്ടാം സ്ഥാനത്തുള്ള രാജ്യം. 406 ബില്യണയർസുള്ള ചൈനയിൽ കഴിഞ്ഞ വർഷത്തേക്കാൾ ബില്യണയർസിന്റെ എണ്ണത്തിൽ കുറവുണ്ടായി. 495 ബില്യണയർസായിരുന്നു കഴിഞ്ഞ തവണ ചൈനയിൽ ഉണ്ടായിരുന്നത്. $1.3 ട്രില്യൺ ഡോളറാണ് ചൈനയിലെ…
ഏറ്റവും പ്രതിഫലം വാങ്ങുന്ന പത്ത് മലയാളി നടിമാരുടെ പട്ടികയിൽ ഇടം നേടി മമിത ബൈജു. ജാഗ്രൺ.കോം പുറത്തു വിട്ട പട്ടികയിലാണ് ഏഴാമതായി മമിത ഇടംപിടിച്ചത്. കഴിഞ്ഞ വർഷം പുറത്തിറങ്ങിയ പ്രേമലു അടക്കമുള്ള ചിത്രങ്ങളുടെ ഗംഭീര വിജയമാണ് താരത്തിന്റെ പ്രതിഫലം വർധിപ്പിച്ചത്. അൻപത് ലക്ഷം രൂപ മുതൽ ഒരു കോടി രൂപ വരെയാണ് ഒരു ചിത്രത്തിൽ അഭിനയിക്കാനായി താരം വാങ്ങുന്നത്. രണ്ട് മുതൽ അഞ്ചു കോടി രൂപ വരെ പ്രതിഫലം വാങ്ങുന്ന നയൻതാരയാണ് പട്ടികയിൽ ഒന്നാമതുള്ളത്. നയൻതാരയ്ക്ക് 200 കോടി രൂപയുടെ ആസ്തി ഉള്ളതായും ജാഗ്രൺ റിപ്പോർട്ട് ചെയ്യുന്നു. കീർത്തി സുരേഷ് ആണ് ഏറ്റവുമധികം പ്രതിഫലം വാങ്ങുന്ന രണ്ടാമത്തെ മലയാളം അഭിനേത്രി. ഒരു ചിത്രത്തിന് ഒരു കോടി മുതൽ മൂന്ന് കോടി രൂപ വരെയാണ് താരത്തിന്റെ പ്രതിഫലം. താരത്തിന് 41 കോടി രൂപയുടെ ആസ്തിയുണ്ട്. നസ്രിയയാണ് പ്രതിഫലത്തിന്റെ കാര്യത്തിൽ മൂന്നാമത്. ഒരു കോടി മുതൽ രണ്ടു കോടി രൂപ വരെ പ്രതിഫലം വാങ്ങുന്ന…
രാജ്യത്തെ ഏറ്റവും മികച്ച ക്രിക്കറ്റ് കളിക്കാരിൽ ഒരാളാണ് ഇന്ത്യൻ ക്യാപ്റ്റൻ രോഹിത് ശർമ. കരിയറിലെ വെല്ലുവിളി നിറഞ്ഞ കാലഘട്ടത്തിലൂടെ കടന്നുപോയ അദ്ദേഹം അടുത്തിടെ ഇംഗ്ലണ്ടിനെതിരെ നേടിയ മിന്നും സെഞ്ച്വറിയിലൂടെ വൻ തിരിച്ചുവരവാണ് നടത്തിയത്. ഇതോടെ അദ്ദേഹത്തിന്റെ ആസ്തി സംബന്ധിച്ച വിവരങ്ങളും വാർത്തകളിൽ നിറയുകയാണ്. 214 കോടി രൂപയാണ് രോഹിത് ശർമ്മയുടെ ആസ്തി. ഐപിഎൽ വരുമാനമാണ് രോഹിത്തിന്റെ സമ്പാദ്യത്തിൽ വലിയ പങ്കുവഹിക്കുന്നത്. മുംബൈ ഇന്ത്യൻസ് താരമായ അദ്ദേഹം 2022 മുതൽ ഒരു സീസണിൽ 16 കോടിവെച്ച് ഐപിഎൽ വരുമാനം നേടുന്നു. കരിയറിൽ ഉടനീളം അദ്ദേഹം ഐപിഎല്ലിൽ നിന്നുമാത്രം 174 കോടി രൂപ സമ്പാദിച്ചു. അന്താരാഷ്ട്ര ക്രിക്കറ്റിലേക്ക് വരുമ്പോൾ ബിസിസിഐയുടെ ഗ്രേഡ് കരാറിൽ എ പ്ലസ് വിഭാഗത്തിലാണ് രോഹിത് ഉൾപ്പെടുന്നത്. ഇതിലൂടെ 7 കോടി രൂപയാണ് വാർഷിക വരുമാനമായി അദ്ദേഹത്തിനു ലഭിക്കുന്നത്. ശമ്പളത്തിന് പുറമേ മാച്ച് ഫീയിൽ നിന്നും രോഹിത് പണം സമ്പാദിക്കുന്നു. ഓരോ ടെസ്റ്റ് മത്സരത്തിനും 15 ലക്ഷം രൂപ, ഓരോ ഏകദിന…