യുഎസിലെ ജോർജിയ ഇൻസ്റ്റിറ്റ്യൂട്ട് ഓഫ് ടെക്‌നോളജിയിലെ ഒരു സംഘം ഗവേഷകരുടെ ഒരു പുതിയ കണ്ടുപിടിത്തമാണ് സെന്റിപീഡ് റോബോട്ടുകൾ. പഴുതാരയെ പോലെയുള്ള റോബോട്ടുകൾ എന്ന് കേട്ടാൽ അത്ഭുതം തോന്നില്ലേ, അതുതന്നെയാണ് ഈ സെന്റിപീഡ് റോബോട്ടുകൾ. സെൻ്റിപീഡിൽ നിന്ന് പ്രചോദനം ഉൾക്കൊണ്ട് അവർ നിരവധി റോബോട്ടുകളെ ആണ് സൃഷ്ടിച്ചത്. ബുദ്ധിമുട്ടുള്ള പ്രതലങ്ങളിൽ ഏതാണ് മികച്ച രീതിയിൽ പ്രവർത്തിക്കുന്നതെന്ന് കാണാൻ വേണ്ടി ഓരോന്നിനും വ്യത്യസ്ത അളവിലുള്ള കാലുകൾ ആണ് ഇവർ നൽകിയിരിക്കുന്നത്.
“അതിവേഗത്തിൽ ഒരു പഴുതാര സഞ്ചരിക്കുന്നത് കാണുമ്പോൾ, അടിസ്ഥാനപരമായി കാണുന്നത് നമ്മുടെ ചലന ലോകത്തേക്കാൾ വളരെ വ്യത്യസ്തമായ ഒരു ലോകത്ത് വസിക്കുന്ന ഒരു ജീവിയെയാണ്” എന്നാണ് ഈ ഗവേഷണത്തിന് നേതൃത്വം നൽകിയ ജോർജിയ ടെക്കിലെ ഫിസിക്സ് പ്രൊഫസർ ഡാനിയൽ ഗോൾഡ്മാൻ പറഞ്ഞത്.
ഗവേഷകനായ ബാക്സി ചോംഗും സഹപ്രവർത്തകരും ചേർന്ന് 6 മുതൽ 16 കാലുകൾ വരെയുള്ള ഒരു 3D പ്രിൻ്റർ ഉപയോഗിച്ച് പ്രവർത്തിക്കുന്ന റോബോട്ടുകളുടെ ഒരു പരമ്പര ആണ് നിർമ്മിച്ചിരിക്കുന്നത്. റോബോട്ടിൻ്റെ ശരീരത്തിലെ ഓരോ ഭാഗത്തിനും രണ്ട് കാലുകളും ഒന്നിലധികം മോട്ടോറുകളും ഉണ്ട്. റോബോട്ടുകൾക്ക് സെൻസറുകളോ ക്യാമറകളോ ഇല്ല. അതുകൊണ്ട് തന്നെ ഈ റോബോട്ടുകൾ ഒരു യഥാർത്ഥ സെൻ്റിപീഡിന് സമാനമായി സഞ്ചരിക്കാൻ കഴിയും.
സെൻ്റിപീഡ് റോബോട്ടുകളുടെ ചലനശേഷി പരിശോധിക്കുന്നതിനും ഏതാനും അവരുടെ കണ്ടെത്തലുകൾ രേഖപ്പെടുത്തുന്നതിനുമായി ഗവേഷകർ പിന്നീട് ഇൻഡോർ, ഔട്ട്ഡോർ ഒബ്സ്റ്റാക്കിൾ കോഴ്‌സുകളുടെ ഒരു ശ്രേണി നിർമ്മിച്ചിരുന്നു. ഫലങ്ങൾ പരിശോധിച്ചതിൽ നിന്ന്, കാലുകൾ കുറവുള്ള റോബോട്ടുകൾ രണ്ട് പോയിൻ്റുകൾക്കിടയിൽ ചലിക്കാൻ എത്ര സമയമെടുത്തു എന്നതിൽ ധാരാളം വ്യത്യാസങ്ങൾ കാണിക്കുന്നതായി ഗവേഷകർ കണ്ടെത്തി. ചില പരീക്ഷണങ്ങൾക്ക് മറ്റുള്ളവയുടെ ഇരട്ടി സമയം ഇവ എടുക്കുണ്ടായിരുന്നു. എന്നാൽ 14-ഉം 16-ഉം കാലുകളുള്ള റോബോട്ടുകൾ മറ്റുള്ളവയെ അപേക്ഷിച്ച് വേഗത്തിൽ സഞ്ചരിക്കുന്നുണ്ട്. 10 കാലിൽ കൂടുതൽ ഉള്ള റോബോട്ടുകൾക്ക് കാലുകൾ കുറവുള്ളതിനേക്കാൾ വേഗത്തിൽ 60 സെൻ്റീമീറ്റർ ദൂരം താണ്ടാൻ കഴിയുമെന്ന് ടീം കണ്ടെത്തി.
ഭൂകമ്പം പോലുള്ള ദുരന്തങ്ങൾ സംഭവിക്കുന്ന പ്രദേശങ്ങളിൽ സഹായമെത്തിക്കാൻ ഇതുപോലുള്ള റോബോട്ടുകളെ ഉപയോഗിക്കാമെന്ന് ഗവേഷകർ കരുതുന്നു. കളകളെ ശല്യം ചെയ്യുന്ന കീടങ്ങളെ നിരീക്ഷിക്കാനും ഇവ സഹായകമാവുമെന്ന് ഗവേഷകർ പറയുന്നു. കൃഷി ഫാമുകളിൽ ഈ സാങ്കേതികവിദ്യ ഉപയോഗിക്കാമെന്നും അവർ അഭിപ്രായപ്പെടുന്നു.
Learn how researchers from Georgia Tech are revolutionizing robotics by studying centipede movement, finding that multi-legged robots perform better on challenging terrains, potentially enhancing disaster relief and agricultural practices.
