Author: News Desk
രണ്ട് കൊല്ലം മുമ്പ് ഇന്ത്യ വിട്ട ഫോർഡ് മടങ്ങി വരവിന് ഒരുങ്ങുന്നു. കോംപാക്ട് എസ്‌യുവി അടക്കം കുറച്ചധികം പുതിയ ഉത്പന്നങ്ങളുമായിട്ടാണ് ഫോർഡ് മടങ്ങി വരവിന് തയ്യാറെടുക്കുന്നത്. ചെന്നൈയിലെ വാഹന നിർമാണ ഫാക്ടറിയിലായിരിക്കും ഹൈബ്രിഡ്-ഇലക്ട്രിക് വാഹനങ്ങൾ വ്യവസായിക അടിസ്ഥാനത്തിൽ വികസിപ്പിക്കുക. ഇതിന് മുമ്പ് 1953ലും ഇന്ത്യയിൽ നിർമാണവും വിൽപ്പനയും അവസാനിപ്പിച്ച് ഫോർഡ് മടങ്ങിയിരുന്നു. പ്രതീക്ഷിച്ചത് പോലെ പിഎൽഐ സ്കീമിന്റെ ആനുകൂല്യങ്ങൾ ലഭിക്കാതെ ആയതോടെയാണ് 2022ൽ ഫോർഡ് ഒരിക്കൽ കൂടി രാജ്യം വിട്ടതെന്നാണ് റിപ്പോർട്ട്.അമേരിക്കൻ കാർ നിർമാതാക്കളായ ഫോർഡ് എസ്‌യുവിയുടെ പുതിയൊരു ഡിസൈനിന് പേറ്റന്റ് നേടിയതായാണ് സൂചന. ഡിസൈനിന്റെ വിശദ വിവരങ്ങൾ ഇതുവരെ പുറത്ത് വിട്ടിട്ടില്ല. ഹ്യൂണ്ടായ് ക്രേറ്റ സെഗ്മന്റിൽ ഈ ഡിസൈനുമായി ഫോർഡ് വരുമെന്നാണ് കരുതുന്നത്.മടങ്ങി വരവിന് മുന്നോടിയായി ഏതെങ്കിലും പ്രാദേശിക വാഹന നിർമാതാക്കളുമായി ഫോർഡ് പങ്കാളിത്തമുണ്ടാക്കുമെന്നാണ് റിപ്പോർട്ട്. ജോയിന്റ് വെഞ്ച്വറിന് ടാറ്റ ഗ്രൂപ്പുമായി ഫോർഡ് സംസാരിക്കുമെന്ന് റിപ്പോർട്ട് പുറത്ത് വന്നിരുന്നു.ഫോർഡിന്റെ ചെന്നൈയിലെ ഫാക്ടറിയിൽ നിലവിൽ 2 ലക്ഷം വാഹനങ്ങളും 340,000 എൻജിനുകളും…
ഒറ്റ ദിവസം രണ്ട് പൾസർ NS മോഡൽ ബൈക്കുകൾ പുറത്തിറക്കി ബജാജ്. യുവാക്കളുടെ ശ്രദ്ധയാകർഷിക്കുന്ന തരത്തിലാണ് ബൈക്കിൽ വരുത്തിയിരിക്കുന്ന പരിഷ്‌കാരങ്ങൾ.12 വർഷങ്ങൾക്ക് മുമ്പ് വിപണിയിലെത്തിയ പൾസർ ബൈക്കിനു വിപണിയിൽ ഇന്നും ഏറെ ആവശ്യക്കാരുണ്ട്. വർഷങ്ങളായി ഇന്ത്യയിൽ വമ്പൻ വിൽപ്പന നേടുന്ന ബൈക്ക് മോഡലുകളിൽ ഒന്നായ ബജാജ് പൾസർ കൾട്ട് ക്ലാസിക് ശ്രേണിയിൽ നിരവധി മോഡലുകൾ വിപണിയിലെത്തി. യുവാക്കൾക്കിടയിൽ ട്രെൻഡിംഗായ മൊബൈൽ ഫോൺ കണക്റ്റിവിറ്റി സൗകര്യങ്ങളടക്കം ഉൾക്കൊള്ളിച്ച് രണ്ട് പൾസർ NS മോഡലുകൾ അവതരിപ്പിച്ചിരിക്കുകയാണ് ബജാജ് ഇപ്പോൾ. പൾസർ NS160, NS200 എന്നീ ബൈക്ക് മോഡലുകളുടെ പുതുക്കിയ പതിപ്പാണ് ഇപ്പോൾ ഇന്ത്യയിൽ വിൽപ്പനയ്ക്കെത്തിയിരിക്കുന്നത്. 1.46 ലക്ഷം രൂപ എക്‌സ്‌ഷോറൂം വിലയിലാണ് ബജാജ് പൾസർ NS160 പുറത്തിറക്കിയിരിക്കുന്നത്. 1.55 ലക്ഷം രൂപയാണ് പൾസർ NS200 മോഡലിന്റെ എക്സ് ഷോറൂം വില. NS200 ൽ പുതിയ എൽഇഡി ലൈറ്റ്, ലൈറ്റ്‌നിംഗ് ബോൾട്ട് ആകൃതിയിലുള്ള പുതിയ ഡിആർഎൽ സറൗണ്ടിംഗുകൾ, സ്മാർട്‌ഫോൺ കണക്റ്റിവിറ്റിയുള്ള പുതിയ സ്ക്രീൻ എന്നിവയും…
സാമൂഹിക മാധ്യമങ്ങളിലും മറ്റും ഇപ്പോൾ ചർച്ച ആനന്ദ് അംബാനിയുടെയും രാധികാ മർച്ചന്റിന്റെയും വിവാഹ ആഘോഷമാണ്. റിലയൻസിന്റെ മുകേഷ് അംബാനിയുടെയും നിത അംബാനിയുടെയും ഇളയ മകൻ ആനന്ദ് അംബാനിയുടെയും രാജസ്ഥാനിൽ നിന്നുള്ള വ്യവസായിയും എൻകോർ ഹെൽത്ത് കെയർ ഗ്രൂപ്പ് ഉടമ വീരേൻ മർച്ചന്റ്-ഷൈല മർച്ചന്റ് ദമ്പതികളുടെ മകൾ രാധികാ മർച്ചന്റിന്റെയും വിവാഹം ജൂലൈ 12നാണ് തീരുമാനിച്ചിരിക്കുന്നത്. വിവാഹച്ചടങ്ങിൽ ബോളിവുഡ് താരങ്ങളും ക്രിക്കറ്റ് താരങ്ങളും മാത്രമായിരിക്കില്ല പങ്കെടുക്കുക, മെറ്റ സിഇഒ മാർക്ക് സക്കർബർഗ്, മൈക്രോസോഫ്റ്റ് സ്ഥാപകൻ ബിൽ ഗേറ്റ്സ്, ആൽഫാ ബെറ്റ്സ് സിഇഒ സുന്ദർ പിച്ചൈ തുടങ്ങിയവരുമുണ്ടായിരിക്കും. വിവാഹത്തിന് മുന്നോടിയായുള്ള പ്രീവെഡ്ഡിംഗ് ചടങ്ങൾക്കുമുണ്ട് പ്രത്യേകത. മാർച്ച് 1 മുതൽ 3 വരെ നടക്കുന്ന പ്രീ വെഡ്ഡിംഗ് ചടങ്ങുകൾ ജാംനഗറിലുള്ള അംബാനി എസ്റ്റേറ്റിലാണ് നടത്തുന്നത്. മൂന്ന് ദിവസത്തെ പ്രീ-വെഡ്ഡിങ് ചടങ്ങുകളിൽ അതിഥികൾക്ക് പ്രത്യേക ഡ്രസ് കോഡ് ഉണ്ടായിരിക്കും. പ്രീ-വെഡ്ഡിങ്ങിന്റെ ആദ്യ ദിവസം എലഗന്റ് കോക്ടെയിൽ വസ്ത്രങ്ങൾ ധരിക്കാനാണ് അതിഥികളോട് നിർദേശിച്ചിരിക്കുന്നത്. രണ്ടാം ദിനം ജാംനഗറിലെ അംബാനിയുടെ…
രാജ്യം ഉറ്റുനോക്കിയ ഗഗൻയാൻ ദൗത്യത്തിലെ നാലംഗ സംഘത്തെ പ്രഖ്യാപിച്ചപ്പോൾ ഏറ്റവും അധികം ആഹ്ലാദിച്ചത് മലയാളികളാണ്. ഐഎസ്ആർഒയുടെ ഗഗൻയാനിൽ ബഹിരാകാശത്തേക്ക് പോകുന്നവരിലെ മലയാളി മുഖമാണ് ഗ്രൂപ് ക്യാപ്റ്റൻ പ്രശാന്ത് ബാലകൃഷ്ണൻ നായർ.പ്രശാന്തിന് പുറമേ ഗ്രൂപ്പ് ക്യാപ്റ്റൻ അജിത് കൃഷ്ണൻ, ഗ്രൂപ്പ് ക്യാപ്റ്റൻ അങ്കത് പ്രതാപ്, വിംഗ് കമാൻഡർ ശുബാൻഷു ശുക്ല എന്നിവരാണ് മറ്റ് 3 പേർ. 2025ലാണ് ഗഗൻയാൻ ദൗത്യം വിക്ഷേപിക്കുന്നത്. മൂന്ന് ദിവസം ബഹിരാകാശത്ത് തങ്ങി നാലംഗ സംഘം മടങ്ങി വരും. പാലക്കാട് സ്വദേശി പാലക്കാട് നെന്മാറ പഴയ ഗ്രാമം സ്വദേശിയായ പ്രശാന്ത് റിട്ടയേർഡ് എൻജിനിയർ വിളമ്പിൽ ബാലകൃഷ്ണന്റെയും കൂളങ്ങാട്ട് പ്രമീളയുടെയും മകനാണ്. നടി ലെനയാണ് പ്രശാന്ത് ബാലകൃഷ്ണന്റെ ഭാര്യ. ഇരുവരും തമ്മിൽ വിവാഹിതരായ വിവരം പ്രധാനമന്ത്രിയുടെ പ്രഖ്യാപനത്തിന് പിന്നാലെയാണ് ലെന സാമൂഹിക മാധ്യമങ്ങളിൽ പങ്കുവെച്ചത്. ഇന്ത്യൻ പ്രതിരോധ സേനയിൽ വിങ് കമാൻഡന്റ് ആണ് പ്രശാന്ത് ബാലകൃഷ്ണൻ നായർ. ഐഎഎഫിന്റെ (IAF) ഫൈറ്റർ സ്ട്രീമിൽ 1998 ഡിസംബർ 19നാണ് പ്രശാന്ത് നായർ…
വ്യവസായ ഭീമനായ റിലയൻസും ഡിസ്നിയും ഇന്ത്യയിലെ മീഡിയ പ്രവർത്തനങ്ങൾ ലയിപ്പിച്ചാൽ പുതിയ കമ്പനിയെ മുന്നിൽ നിന്ന് നയിക്കുക മുകേഷ് അംബാനിയുടെ ഭാര്യ നിത അംബാനിയായിരിക്കുമെന്ന് റിപ്പോർട്ട്. ഇരു കമ്പനികളുടെയും മീഡിയാ പ്രവർത്തനങ്ങൾ ലയിപ്പിക്കാൻ റിലയൻസും ഡിസ്നിയും തമ്മിൽ മാസങ്ങളോളം ചർച്ച നടന്നിരുന്നു. വൈകാതെ ഇരുവരും തമ്മിൽ കരാറിലൊപ്പിടും എന്നാണ് റിപ്പോർട്ട്. എന്നാൽ ഇരു കമ്പനികളും ലയനത്തെ കുറിച്ചോ നിത അംബാനി നേതൃത്വത്തിലേക്ക് വരുമോ എന്നതിനെ കുറിച്ചോ ഔദ്യോഗിക സ്ഥിരീകരണം നൽകിയിട്ടില്ല.ചാരിറ്റി പ്രവർത്തനങ്ങളിൽ ശ്രദ്ധ കേന്ദ്രീകരിക്കാനായി മാസങ്ങൾക്ക് മുമ്പാണ് റിലയൻസ് ഇൻഡസ്ട്രീസിന്റെ ഡയറക്ടർ ബോർഡിൽ നിന്ന് നിത അംബാനി ഒഴിഞ്ഞത്. റിലയൻസ് ഫൗണ്ടേഷന്റെ ഫൗണ്ടറും ചെയർപേഴ്സണും കൂടിയാണ് നിത അംബാനി. മുംബൈയിലെ നിത മുകേഷ് അംബാനി കൾച്ചറൽ സെന്ററിന്റെ ഫൗണ്ടർ കൂടിയാണ് നിത അംബാനി.മീഡിയ പ്രവർത്തനങ്ങളിൽ റിലയൻസും ഡിസ്നയും തമ്മിലുള്ള ലയനം എല്ലാവരും ആകാംക്ഷയോടെയാണ് നോക്കി കാണുന്നത്. 120 ടെലിവിഷൻ ചാനലുകളും സ്ട്രീമിംഗ് സേവനവും ഇരുവർക്കുമുണ്ട്. ലയനം ഏറ്റവും കൂടുതൽ നേട്ടമാകുക റിലയൻസിനായിരിക്കും.…
സ്ക്രീനിൽ നസ്‌ലിനും മമിതാ ബൈജുവും തകർത്തഭിനയിച്ചപ്പോൾ തിയേറ്ററിൽ പ്രേക്ഷകർ ചിരിച്ചു മറഞ്ഞു, ബോക്സ് ഓഫീസിൽ കോടികളുമെത്തി. ഗിരീഷ് എഡി സംവിധാനം ചെയ്ത പ്രേമലു ഇപ്പോഴും തിയേറ്ററുകളെ ഇളക്കി മറിച്ചു കൊണ്ട് മുന്നേറുകയാണ്. പണ്ട് ഓംശാന്ത ഓശാനയിൽ നസ്രിയ നസീമിന്റെ കഥാപാത്രം പറയുന്നത് പോലെ എല്ലാവരും നായകനെയും നായികയെയും ശ്രദ്ധിച്ചപ്പോൾ വാഹനപ്രേമികൾ നോക്കിയത് താഴേക്കാണ്, നസ്‌ലിനും മമിതയും മാറി മാറി ഓടിച്ച സ്റ്റൈലിഷ് റെഡ് സ്കൂട്ടറിലേക്ക്. വ്യത്യസ്ത സ്റ്റൈലിൽ വന്ന ഇൻഡി എന്ന ഇലക്ട്രിക് സ്കൂട്ടർ. തെലങ്കാന ബൊമ്മലു.. പ്രേമിക്കുടൂ എന്ന ഒറ്റ പാട്ടു സീനിലേ മുഖം കാണിച്ചുള്ളുവെങ്കിലും പടം കണ്ടിറങ്ങിയവരുടെ മനസിൽ ഇൻഡി കയറി കൂടി. തനി മലയാളി കമ്പനിയായ റിവറിന്റേതാണ് ഈ ഇലക്ട്രിക് സ്കൂട്ടർ. ബെംഗളൂരു ആസ്ഥാനമായി പ്രവർത്തിക്കുന്ന മൾട്ടി-യൂട്ടിലിറ്റി ഇലക്ട്രിക് സ്കൂട്ടർ സ്റ്റാർട്ടപ്പാണ് റിവർ. റിവറിനെ അറിയാം. ജാപ്പനീസ് വാഹന നിർമാതാക്കളായ യമഹ മോട്ടോർ കമ്പനിയിൽ നിന്ന് 335 കോടി രൂപയുടെ നിക്ഷേപം സ്വീകരിച്ച് റിവർ നേരത്തെ തന്നെ…
വിവര ചോർച്ച പൂർണമായും തടഞ്ഞുകൊണ്ടുള്ള സ്വന്തം AI പ്രോസസർ കൈരളി വികസിപ്പിച്ചെടുത്തു ഡിജിറ്റൽ സർവകലാശാലയുടെ എ ഐ സെന്റർ. കൈരളി എ, കൈരളി ബി എന്നീ പ്രൊസസ്സറുകളുടെ ബൗദ്ധിക സ്വത്തവകാശവും ഡിജിറ്റൽ സർവകലാശാലക്കും, പ്രോസസർ കണ്ടു പിടിച്ച സർവകലാശാലയുടെ അക്കാഡമിക് ഡീൻ ഡോ.അലക്സ് ജെയിംസിനുമാണ്. മസ്തിഷ്ക പ്രചോദിത സംവിധാനങ്ങൾ, ഇന്റലിജന്റ് സെമി കണ്ടക്ടർ ഉപകരണങ്ങൾ, ഇമേജിങ് സംവിധാനങ്ങൾ എന്നിവയിൽ പ്രോസസ്സർ പ്രവർത്തിപ്പിക്കാം. ഒരു സെന്റിമീറ്റർ നീളവും ഒരു സെന്റിമീറ്റർ വീതിയും വരുന്നതാണ് പ്രൊസസർ . നിരവധി ആപ്ലിക്കേഷനുകളിൽ പരീക്ഷിച്ച ശേഷം മാറ്റങ്ങൾ വരുത്തിയാകും ഇത് വാണിജ്യാടിസ്ഥാനത്തിൽ നിർമിക്കുക. ഇന്ത്യയിൽ ഇത് വാണിജ്യാടിസ്ഥാനത്തിൽ ഉല്പാദിപ്പിക്കാൻ നാലു കോടി രൂപ വരെ ചെലവ് വരും. ഉല്പാദനത്തിനായുള്ള ഫാബ്രിക്കേഷൻ സംവിധാനം യാഥാർഥ്യമായാൽ വളരെ കുറഞ്ഞ ചിലവിൽ 20 ലക്ഷം പ്രോസസ്സർ വരെ ഉത്പാദിപ്പിക്കാനാകും. നൂറിലധികം ഹാർഡ് വെയർ സ്റ്റാർട്ടപ്പുകൾക്ക് പിന്തുണ നൽകിയ കൊച്ചിയിലെ മേക്കർ വില്ലേജിന്റെ പ്രൊഫസർ ഇൻചാർജ് കൂടിയാണ് അലക്സ് ജെയിംസ്. സർവകലാശാലയിലെ എഐ…
ഇക്കൊല്ലം ഇന്ത്യയിൽ നിന്നുള്ള ലുലു ഗ്രൂപ്പിന്റെ കയറ്റുമതി 8000 കോടി രൂപയുടേതാകും. അടുത്ത വർഷത്തോടെ വാർഷിക കയറ്റുമതി 10,000 കോടി രൂപയിലെത്തും. അരി, തേയില, പഞ്ചസാര, മത്സ്യം എന്നിവയാണ് ലുലു കയറ്റുമതി ചെയ്യുന്നത്. ഗൾഫ് രാജ്യങ്ങൾക്കു പുറമെ യുഎസ്, പോർച്ചുഗൽ, ഈജിപ്ത്, അൾജീരിയ എന്നീ രാജ്യങ്ങളിലേക്കും കയറ്റുമതിയുണ്ട്. ലുലു ഗ്രൂപ്പിന് ഓസ്ട്രേലിയയിൽ 2 മാസത്തിനകം സ്വന്തം ഭക്ഷ്യ സംസ്കരണശാലയും ലോജിസ്റ്റിക്സ് കേന്ദ്രവും വരുന്നു. ഓസ്ട്രേലിയൻ ട്രേഡ് കമ്മിഷണറും ലുലു ഗ്രൂപ്പ് ചെയർമാൻ എം.എ.യൂസഫലിയും ഇതു സംബന്ധിച്ച കരാറിൽ ഗൾഫൂഡ്‌ മേളയിൽ ഒപ്പുവച്ചു. നോയിഡയിലെ ഭക്ഷ്യ സംസ്കരണശാലയുടെ പ്രവർത്തനം നവംബറിൽ തുടങ്ങും. കളമശേരിയിൽ ലുലു പ്രഖ്യാപിച്ച ഭക്ഷ്യ സംസ്കരണ ശാലയുടെ നിർമാണം ഉടൻ ആരംഭിക്കും. പദ്ധതിയുടെ അന്തിമ രൂപ രേഖ പൂർത്തിയായിക്കഴിഞ്ഞു. ഭക്ഷ്യ സംസ്കരണശാലയും ലോജിസ്റ്റിക്സ് കേന്ദ്രവും തുടങ്ങാൻ 24 ഏക്കർ ലുലു ഗ്രൂപ്പിന് ഓസ്ട്രേലിയൻ സർക്കാർ അനുവദിച്ചു. രണ്ടു മാസത്തിനകം നിർമാണം പൂർത്തിയാക്കുകയാണ് ലക്ഷ്യം. സംസ്കരണ കേന്ദ്രത്തിന്റെ പ്രവർത്തനം മേയിൽ ആരംഭിക്കുമെന്ന്…
മലബാറിൽ ഐടി വിപ്ലവം സൃഷ്ടിക്കാൻ കേരള ടെക്നോളജി എക്സ്പോ ഫെബ്രുവരി 29 മുതൽ മാർച്ച് 2 വരെ കോഴിക്കോട് വെച്ച് സംഘടിപ്പിക്കും. ഐടി മേഖലയിൽ കോഴിക്കോടിന്റെ ഉന്നമനം ലക്ഷ്യം വെച്ചാണ് എക്സ്പോ സംഘടിപ്പിക്കുന്നത്. ഐടി വിദഗ്ധർ, ഇൻഡസ്ട്രി ലീഡേഴ്സ്, വ്യവസായ പ്രമുഖർ, പയനിയർമാർ എന്നിവർ ടെക് എക്സ്പോയിൽ പങ്കെടുക്കും. സരോവരം കാലിക്കറ്റ് ട്രേഡ് സെന്ററിൽ സംസ്ഥാന പൊതുമരാമത്ത്, വിനോദസഞ്ചാര വകുപ്പ് മന്ത്രി പിഎ മുഹമ്മദ് റിയാസ് രാവിലെ 10ന് ഉദ്ഘാടനം ചെയ്യും. നാസ്കോമിന്റെ ചെയർപേഴ്സണായി ചുമതലയേറ്റ രാജേഷ് നമ്പ്യാർ പങ്കെടുക്കും. കാലിക്കറ്റ് ഇന്നൊവേഷൻ ആൻഡ് ടെക്നോളജി ഇനീഷ്യേറ്റീവാണ്(CITI 2.0) എക്സ്പോയ്ക്ക് നേതൃത്വം നൽകുന്നത്. ടെക്നോളജിയിലെ മുന്നേറ്റങ്ങളിലും ഇന്നൊവേഷൻ പ്രോത്സാഹിപ്പിക്കുന്നതിലും ടയർ 3 നഗരങ്ങളുടെ പങ്കിനെ കുറിച്ചുള്ള ചർച്ചകളും എഐ, ക്ലൗഡ് കംപ്യൂട്ടിംഗ്, ബ്ലോക്ക് ചെയിൻ തുടങ്ങിയ വളർന്നുവരുന്ന സാങ്കേതിക വിദ്യകളുടെ പരിവർത്തന സാധ്യതകളെ കുറിച്ചും ചർച്ചകൾ നടക്കും.മിഡിൽ ഈസ്റ്റുമായി ബന്ധം സ്ഥാപിക്കാൻ മിഡിൽ ഈസ്റ്റ് മാർക്കറ്റ് പരിചയപ്പെടുത്തുന്ന പ്രത്യേക സെഷനുകളും ആഗോള…
വിവിധ തൊഴിൽ മേഖലകളിൽ വനിതകളുടെ പങ്കാളിത്തം വർധിപ്പിക്കാനായി വർക്ക്സ്റ്റേഷൻ തുടങ്ങാൻ കേരളം. നവകേരള സ്ത്രീ സദസ്സിലാണ് വനിതകൾക്കായി വർക്ക് സ്റ്റേഷൻ ആരംഭിക്കാൻ സംസ്ഥാനം പദ്ധതിയിടുന്നതായി മുഖ്യമന്ത്രി പിണറായി വിജയൻ പ്രഖ്യാപിച്ചത്. ജോലിക്കും വിനോദസഞ്ചാരത്തിനും ഒരുപോലെ ഉപയോഗിക്കാൻ സാധിക്കുന്ന തരത്തിലാണ് വർക്ക്സ്റ്റേഷനാണ് വരാൻ പോകുന്നത്. കേരളത്തിന് പുറത്തു നിന്നുള്ളവരെയും വർക്ക്സ്റ്റേഷൻ സ്വാഗതം ചെയ്യും.വിനോദസഞ്ചാര കേന്ദ്രങ്ങൾക്ക് സമീപമായിരിക്കും വർക്ക്സ്റ്റേഷനുകൾ സ്ഥാപിക്കുക. തൊഴിലിൽ സ്ത്രീകളുടെ പങ്കാളിത്തം വർധിപ്പിക്കാൻ വർക്ക്സ്റ്റേഷനുകൾ സഹായിക്കുമെന്നാണ് പ്രതീക്ഷിക്കുന്നത്. പ്രധാനമായും സ്ത്രീകളെയാണ് വർക്ക്സ്റ്റേഷനുകൾ ലക്ഷ്യംവെക്കുന്നത്. സംസ്ഥാനത്തിന്റെ സാമ്പത്തിക മേഖലയ്ക്കും വിനോദസഞ്ചാര മേഖലയ്ക്കും ഊർജമാകും.കുടുംബത്തിന്റെ ആവശ്യങ്ങൾക്ക് വേണ്ടി ജോലി ഉപേക്ഷിക്കുന്നവരിൽ സ്ത്രീകളാണ് മുന്നിലെന്ന് ഒരു പഠനത്തിൽ തെളിഞ്ഞിരുന്നു. പലപ്പോഴും സംസ്ഥാനത്തിന് പുറത്തോ ജില്ലയ്ക്ക് പുറത്തോ ജോലി ചെയ്യേണ്ടി വരുന്ന വനിതകളാണ് താമസ സ്ഥലത്ത് നിന്ന് ദൂരകൂടുതൽ കാരണം ജോലി ഉപേക്ഷിക്കുന്നതിൽ അധികവും. വിദ്യാസമ്പന്നരായ യുവതികളാണ് ഇത്തരത്തിൽ ജോലി ഉപേക്ഷിച്ച് വീട്ടിലിരിക്കേണ്ടി വരുന്നത്. ഇത് തിരിച്ചറിഞ്ഞാണ് വർക്ക്സ്റ്റേഷൻ എന്ന ആശയം മുന്നോട്ടു വെച്ചത്. ഇതുവഴി വനിതകൾക്ക്…