Author: News Desk
എൽഐസിക്ക് 806 കോടി രൂപയുടെ ജിഎസ്ടി നോട്ടീസ് അയച്ച് മുംബൈയിലെ സ്റ്റേറ്റ് ടാക്സ് ഡെപ്യൂട്ടി കമിഷണർ. 2017-18 സാമ്പത്തിക വർഷത്തെ ഡിമാൻഡ് ഓർഡർ-പെനാ‍ൽട്ടി നോട്ടീസാണ് അയച്ചത്. റീഇൻഷുറൻസിൽ നിന്നുള്ള ഇൻപുട്ട് ടാക്സ് ക്രെഡിറ്റിൻെറ നോൺ-റിവേർസലിനാണ് ടാക്സ് നോട്ടീസ് അയച്ചത്. ഇതിനെതിരേ അപ്പീൽ ഫയൽ ചെയ്യുമെന്ന് എൽഐസി പറഞ്ഞു. 2017-18 വർഷത്തെ ജിഎസ്ടി തുക 365 കോടി രൂപയാണ്. പിഴയായി 404.77 കോടി രൂപയും പലിശയായി 36.5 കോടി രൂപയും നൽകണം. ഇവയെല്ലാം കൂടിയാണ് 806 കോടി രൂപ എൽഐസി അടയ്ക്കേണ്ടത്.കമ്പനിയുടെ സാമ്പത്തിക ഇടപാടുകളെ ഉത്തരവ് ബാധിക്കില്ലെന്ന് ഡെപ്യൂട്ടി കമ്മിഷണർ അറിയിച്ചു. ഇതിന് മുമ്പ് 4,993 കോടി രൂപ ഇൻഷുറർ റിലീഫായി എൽഐസി നൽകണമെന്ന് ഇൻകം ടാക്സ് അപ്പലേറ്റ് ട്രിബ്യൂണൽ ഉത്തരവിട്ടിരുന്നു. നികുതി വ്യവഹാരവുമായി ട്രിബ്യൂണിലിന്റെ മുന്നിലെത്തിയ രണ്ട് പരാതികളിലാണ് 4,993 കോടി രൂപ നൽകാൻ എൽഐസിയോട് ആവശ്യപ്പെട്ടത്. എന്നാൽ ഇതിനെതിരേ കഴിഞ്ഞ വർഷം ഒക്ടോബറിൽ എൽഐസി ബോംബേ ഹൈക്കോടതിയിൽ അപ്പീൽ ഫയൽ…
ഇന്ത്യയില്‍ നിന്നുള്ള ചെറുകിട സംരംഭകരുടെ ഉൽപ്പന്നങ്ങൾ ഇനി വിദേശ രാജ്യങ്ങളിലെ ഉപഭോക്താക്കളിലേക്കെത്തും ആമസോൺ വഴി. കേന്ദ്ര സർക്കാരിന്റെ വൺ ഡിസ്ട്രിക്റ്റ് വൺ പ്രൊഡക്‌ട് (ODOP) പ്രോഗ്രാമിന് കീഴിൽ ആഗോള വിപണിയിൽ ചെറുകിട ബിസിനസ്സുകളെ സഹായിക്കുന്നതിനായി വാണിജ്യ മന്ത്രാലയത്തിന്റെ ഒരു വിഭാഗമായ ഡയറക്ടറേറ്റ് ജനറൽ ഓഫ് ഫോറിൻ ട്രേഡ് (DGFT) യും ആമസോൺ ഇന്ത്യയുമാണ് ഒരുമിക്കുന്നത്. ആമസോണിന്റെ സേവനമുള്ള ഇരുന്നൂറിലേറെ രാജ്യങ്ങളിലുള്ള ഉപഭോക്താക്കളിലേക്ക് ഉത്പന്നങ്ങൾ എത്തിക്കാൻ ആമസോണും ഡയറക്ടറേറ്റ് ജനറല്‍ ഓഫ് ഫോറിന്‍ ട്രേഡും ചേർന്നാണ് ധാരണാപത്രം ഒപ്പു വെച്ചത്. ഇ-കൊമേഴ്‌സ് പ്ലാറ്റ്‌ഫോം ഉപയോഗിച്ച് തനതായ ആഭ്യന്തര ഉൽപന്നങ്ങൾക്കായി ഓർഡറുകൾ നൽകാനും ഇത് അന്താരാഷ്ട്ര വിപണികളിൽ ബയർമാരെ അനുവദിക്കും.ആമസോൺ ഇന്ത്യയുമായുള്ള ഡിജിഎഫ്‌ടിയുടെ കരാറിൽ പ്രാദേശിക കയറ്റുമതിക്കാർ, നിർമ്മാതാക്കൾ, എംഎസ്‌എംഇകൾ എന്നിവരെ സഹായിക്കുന്നതിന് ഇ-കൊമേഴ്‌സ് പ്ലാറ്റ്‌ഫോം പ്രയോജനപ്പെടുത്തുന്നത് അന്താരാഷ്ട്ര ബയർമാരിലേക്കെത്താൻ സഹായിക്കുമെന്ന് വാണിജ്യ മന്ത്രാലയം പറഞ്ഞു. ഗ്രാമീണ മേഖലകളിലും വിദൂര ജില്ലകളിലുമുള്ള പ്രാദേശിക ഉല്‍പാദകരെ ആഗോള വിതരണ ശൃംഖലയുമായി ബന്ധിപ്പിക്കുകയാണ് ഈ നീക്കത്തിലൂടെ ഉദ്ദേശിക്കുന്നത്.…
നീതി ആയോഗിന്റെ മൾട്ടി ഡയമെൻഷണൽ പോവർട്ടി ഇൻഡക്സ് 2023ൽ കേരളം മെച്ചപ്പെടുന്നു എന്നാണ് കണക്കുകൾ. രാജ്യത്തിന്റെ മൊത്തം ദാരിദ്ര്യനില പതിയെ മെച്ചപ്പെടുന്നുണ്ടെന്നാണ് കണക്കുകൾ വ്യക്തമാക്കുന്നത്. 2015-2016 കാലത്ത് ദാരിദ്ര്യസൂചികയുടെ ഏറ്റവും താഴ്ന്ന റാങ്കിലുണ്ടായിരുന്നത് കേരളവും തമിഴ്നാടും പശ്ചിമബംഗാളുമടക്കം പത്ത് സംസ്ഥാനങ്ങളായിരുന്നു. ഇത് 2019-21 കാലത്തെത്തിയപ്പോൾ 19 സംസ്ഥാനങ്ങളായി ഉയർന്നതായി നീതി ആയോഗ് പറയുന്നു. ഏറ്റവും മോശം നിലയിലുണ്ടായിരുന്ന ബിഹാർ നിലവിൽ സ്ഥിതി മെച്ചപ്പെടുത്തിയിട്ടുമുണ്ട്. എങ്കിലും രാജസ്ഥാൻ, മധ്യപ്രദേശ്, ഉത്തർപ്രദേശ്, ജാർഖണ്ഡ്, ഛത്തീസ്ഗഢ്, ഒഡീഷ, അസം, അരുണാചൽ, മണിപ്പൂർ, മിസോറം, നാഗാലാൻഡ്, സിക്കിം, മേഘാലയ എന്നീ സംസ്ഥാനങ്ങളുടെ സ്ഥിതി മോശമായിത്തന്നെ തുടരുകയാണ്. നീതി ആയോഗും യുഎൻ ഡവലപ്മെന്റ് പ്രോഗ്രാമും, ഓക്സ്ഫോർഡ് പോവർട്ടി ആൻഡ് ഹ്യൂമൻ ഡവലപ്മെന്റ് ഇനിഷ്യേറ്റീവും ചേർന്നാണ് ഇന്ത്യക്ക് പ്രത്യേകമായി ഒരു ദേശീയ ബഹുമുഖ ദാരിദ്ര്യ സൂചകം (National Multidimensional Poverty Index) രൂപപ്പെടുത്തിയെടുത്തത്. ആരോഗ്യം, വിദ്യാഭ്യാസം, ജീവിത നിലവാരം എന്നീ മൂന്ന് മുഖ്യ സൂചകങ്ങളാണ് പരിഗണനയ്ക്ക് എടുക്കുന്നത്. ഇതിൽ ഓരോന്നിനെയും…
വനിതകൾ മാത്രം ചേർന്ന് നിർമിച്ച രാജ്യത്തെ ആദ്യത്തെ ഉപഗ്രഹമായ വി-സാറ്റ് പുതുവർഷദിനത്തിൽ വിജയകരമായി വിക്ഷേപിച്ചു. തിങ്കളാഴ്ച രാവിലെ ശ്രീഹരിക്കോട്ടയിലെ സതീഷ് ധവാൻ സ്പെയ്സ് സെന്ററിൽ നിന്ന് പിഎസ്എൽവി-സി58 ബഹിരാകാശത്തേക്ക് പറന്നുയർന്നത് കേരളത്തിന്റെ അഭിമാനം വാനോളമുയർത്തി കൊണ്ടാണ്. തിരുവനന്തപുരം ലാൽ ബഹദൂർ ശാസ്ത്രി ഇൻസ്റ്റിറ്റ്യൂട്ട് ഓഫ് ടെക്നോളജിയിലെ പെൺകുട്ടികളാണ് വുമൺ എൻജിനിയേർഡ് സാറ്റ്ലൈറ്റിന് പിന്നിൽ. 1.4 കിലോ ഭാരമുള്ള ഉപഗ്രഹം രൂപകല്പന ചെയ്തതും വികസിപ്പിച്ചതും വനിതകൾ ചേർന്ന്. 600 കിലോമീറ്റർ ഭ്രമണപഥത്തിലാണ് ഉപഗ്രഹമെത്തിക്കുന്നത്. കോളേജിലെ സ്പേസ് ക്ലബ് അംഗങ്ങളാണ് നാനോ സാറ്റ്ലൈറ്റിന് പിന്നിൽ. തങ്ങളുണ്ടാക്കിയ ഉപഗ്രഹവുമായി പിഎസ്എൽവി-സി58 കുതിച്ചുയരുന്നത് എൽബിഎസ് ഇൻസ്റ്റിറ്റ്യൂട്ടിലെ സെമിനാർ ഹാളിലിരുന്നു അവരും കണ്ടു. ഭൂമിയുടെ ഉപരിതലത്തിലും ബഹിരാകാശത്തും അൾട്രാ വയലറ്റ് വികിരണത്തിന്റെ വ്യാപ്തി അളക്കുകയാണ് ഉപഗ്രഹത്തിലൂടെ ലക്ഷ്യംവെക്കുന്നത്. കൊളജ് അസിസ്റ്റന്റ് പ്രൊഫസറും സാറ്റ്ലൈറ്റ് പ്രൊജക്ട് പ്രിൻസിപ്പൽ ഇൻവസ്റ്റിഗേറ്ററുമായ ലിസി എബ്രഹാം അംഗങ്ങളും ശ്രീഹരിക്കോട്ടയിൽ വിക്ഷേപണം കാണാൻ നേരിട്ടെത്തിയിരുന്നു. അഞ്ചുവർഷത്തെ അധ്വാനമാണ് ഫലം കണ്ടതെന്നും വി-സാറ്റിൽ നിന്ന് ആദ്യത്തെ ഡാറ്റ…
പുതുവർഷം മുതൽ ഒറ്റത്തവണ ഉപയോഗിക്കുന്ന പ്ലാസ്റ്റിക് സഞ്ചികൾക്കും മറ്റ് ഉത്പന്നങ്ങൾക്കും ദുബായിൽ നിരോധനം. ദുബായ് കീരിടാവകാശിയും ദുബായ് എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം ആണ് നിരോധനത്തിന് ഉത്തരവിട്ടത്. ഒറ്റത്തവണ ഉപയോഗിക്കുന്ന എല്ലാ പ്ലാസ്റ്റിക്-പ്ലാസ്റ്റിക് ഇതര ഉത്പന്നങ്ങൾക്കും നിരോധനം ബാധകമാണ്. ഇത്തരം ഉത്പന്നങ്ങൾ വിൽക്കുന്നതിനും വാങ്ങുന്നതിനും നിരോധനമുണ്ട്. ദുബായ് ഇന്റർനാഷണൽ ഫിനാൻഷ്യൽ സെന്റർ അടക്കമുള്ള ഇടങ്ങളിൽ നിരോധനം ബാധകമായിരിക്കും. പ്രകൃതി സംരക്ഷണമാണ് ഇതിലൂടെ ലക്ഷ്യംവെക്കുന്നത്.നിയമം പാലിക്കാത്തവരിൽ നിന്ന് 200 ദിർഹം പിഴ ഈടാക്കും. ഒരുവർഷത്തിനുള്ളിൽ തെറ്റ് ആവർത്തിക്കുന്നവരിൽ നിന്ന് പരമാവധി 2,000 ദിർഹം വരെ പിഴ ഈടാക്കും. നിരോധനം എന്തിനെല്ലാംഫുഡ് ഡെലിവറി പാക്കേജിംഗിനും, പഴം- പച്ചക്കറി എന്നിവ പൊതിയാനും മറ്റും ഉപയോഗിക്കുന്ന കട്ടി കുറഞ്ഞ പ്ലാസ്റ്റിക് കവറുകളും കട്ടി കൂടിയ പ്ലാസ്റ്റിക് ബാഗുകളും പ്ലാസ്റ്റിക് കണ്ടെയ്നറുകളും ബോട്ടിൽ, സ്നാക് ബാഗുകൾ, ബലൂൺ തുടങ്ങി മുഴുവനായോ ഭാഗികമായോ പ്ലാസ്റ്റിക് കൊണ്ട് നിർമിച്ച ഉത്പന്നങ്ങൾക്കും നിരോധനുമുണ്ട്.…
തെന്നിന്ത്യൻ താരം പ്രഭാസ് നായകനായ സലാർ പാർട്ട് 1-സീസ്ഫയറിന്റെ (Salaar: Part 1-Ceasefire) ആഗോള ബോക്സ് ഓഫീസ് കളക്ഷൻ 600 കോടി രൂപ. തിയേറ്ററിലെത്തി 10 ദിവസം കഴിയുമ്പോഴത്തെ കളക്ഷനാണിത്. സലാറിന്റെ ഇന്ത്യയിലെ മാത്രം കളക്ഷൻ 345 കോടി രൂപയാണ്. റിലീസ് ചെയ്ത് ആദ്യ ആഴ്ച തന്നെ 308 കോടിയായിരുന്നു ബോക്സ് ഓഫീസിൽ സലാർ വാരിക്കൂട്ടിയത്. ഷാരൂഖ് ഖാൻ ചിത്രം ഡൻകി റീലിസ് ചെയ്ത തൊട്ടടുത്ത ദിവസമാണ് സലാറും തിയേറ്ററിലെത്തുന്നത്. എന്നാൽ ബോക്സ് ഓഫീസ് കളക്ഷനിൽ ഡൻകിയെ കടത്തിവെട്ടിയിരിക്കുകയാണ് സലാർ. പ്രശാന്ത് നീൽ സംവിധാനം ചെയ്ത ചിത്രം ആഗോളതലത്തിൽ 600 കോടി രൂപ കളക്ഷൻ നേടിയതായി ട്രേഡ് വിദഗ്ധൻ മനോബാല വിജയബാലൻ എക്സിൽ കുറിച്ചു. മൂന്ന് തവണ 600 കോടി ക്ലബ്ബിലെത്തുന്ന ഏക തെന്നിന്ത്യൻ താരമായി ഇതോടെ പ്രഭാസ് മാറി. കെജിഎഫ് സംവിധായകൻ പ്രശാന്ത് നീലും പ്രഭാസും ആദ്യമായി ഒന്നിക്കുന്ന സിനിമയാണ് സലാർ. പ്രഭാസിന് പുറമേ പൃഥ്വിരാജ്, ശ്രുതി ഹാസൻ, ജഗപതി…
തമോഗർത്തങ്ങളെ കുറിച്ച് പഠിക്കാൻ പുതുവർഷത്തിൽ എക്സ്-റേ പോളാരീമീറ്റർ സാറ്റ്ലൈറ്റ് വിക്ഷേപിച്ച് ഐഎസ്ആർഒ. എക്സ്പോ സാറ്റും ലോ എർത്ത് ഓർബിറ്റിൽ വിന്യസിപ്പിക്കാനുള്ള 10 ഉപഗ്രങ്ങളുമായാണ് പിഎസ്എൽവി-സി58 റോക്കറ്റ് ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽ നിന്ന് വിക്ഷേപിച്ചത്. ഇസ്റോയുടെ 60-ാമത് ദൗത്യമാണിത്.പുതുവർഷത്തിൽ മറ്റൊരു ദൗത്യം കൂടി വിജയകരമായി പൂർത്തിയാക്കിയെന്ന് ഇസ്റോ ചെയർമാൻ എസ്. സോമനാഥ് പറഞ്ഞു.നക്ഷത്രങ്ങളുടെയും ജ്യോതിർഗോളങ്ങളുടെയും സമഗ്ര പഠനമാണ് എക്സ്പോസാറ്റിലൂടെ ലക്ഷ്യംവെക്കുന്നത്. നക്ഷത്രങ്ങളിൽ നിന്നും മറ്റുമുള്ള എക്സ്-റേ പ്രസാരണത്തിന്റെ പോളറൈസേഷൻ അളവുകളെ അടിസ്ഥാനമാക്കി ഇസ്റോ ഗവേഷണം നടത്തും. രാമൻ റിസേർച്ച് ഇൻസ്റ്റിറ്റ്യൂട്ടുമായി സഹകരിച്ചാണ് ഇസ്റോ എക്സ്പോസാറ്റ് നിർമിച്ചത്. തമോഗർത്തങ്ങളെ അറിയാൻന്യൂട്രോൺ നക്ഷത്രങ്ങൾ, തമോഗർത്തങ്ങൾ എന്നിവയിൽ നിന്ന് വരുന്ന എക്സ്-റേ നിരീക്ഷിച്ച് അവയെ കുറിച്ച് പഠനം നടത്താൻ എക്സ്പോസാറ്റ് സഹായിക്കും. തീവ്ര സാഹചര്യങ്ങളിൽ വരെ ബഹിരാകാശത്ത് നിന്നുള്ള എക്സ്റേയുടെ ഉറവിടത്തെ കുറിച്ച് പഠിക്കാൻ സാധിക്കും. ഇന്ത്യ ആദ്യമായാണ് പോളാരിമെട്രി ദൗത്യം സംഘടിപ്പിക്കുന്നത്. ബഹിരാകാശ വസ്തുക്കളിൽ നിന്നുള്ള എക്സ്റേയുടെ 8-30 keV ഫോട്ടോൺ ഊർജ…
ഈ വർഷം 6 ബില്യൺ ഡോളറിന്റെ നേട്ടം കൈവരിച്ച് ഇന്ത്യയുടെ സൈബർ സുരക്ഷാ മാർക്കറ്റ്. ശരാശരി വാർഷിക വളർച്ചാ നിരക്കിൽ (CAGR) 2019-2023 കാലയളവിൽ 30% വളർച്ചയും സൈബർ സുരക്ഷാ മാർക്കറ്റ് കൈവരിച്ചു.സൈബർ സുരക്ഷാ ഉത്പന്ന നിർമാണ-വിതരണ മേഖലയിലും സമാന നേട്ടമുണ്ടാക്കിയിട്ടുണ്ട്. ഡാറ്റാ സെക്യൂരിറ്റി കൗൺസിൽ ഓഫ് ഇന്ത്യയുടേതാണ് റിപ്പോർട്ട്. 2019ൽ 1 ബില്യൺ ഡോളറിന്റെ സൈബർ സുരക്ഷാ ഉത്പന്നങ്ങളുടെ വിൽപ്പനയാണ് നടന്നത്. ഈ വർഷമത് 3.7 ബില്യൺ ഡോളറായി വർധിച്ചു. സൈബർ സുരക്ഷാ ഉപകരണങ്ങൾ ഏറ്റവുമധികം വാങ്ങിയത് ബാങ്കിംഗ്, സാമ്പത്തിക സർവീസുകൾ, ഇൻഷുറൻസ്, ഐടി, ഐടിഇഎസ് സ്ഥാപനങ്ങളാണ്. 97% സ്ഥാപനങ്ങളും നിർമിത ബുദ്ധിയിലും (എഐ) മെഷീൻ ലേണിംഗിലും നിക്ഷേപം നടത്തിയിട്ടുണ്ട്. കേന്ദ്ര സർക്കാർ നടപ്പാക്കിയ ഡിജിറ്റൈസേഷൻ പദ്ധതികളും മറ്റും രാജ്യത്ത് സൈബർ സെക്യൂരിറ്റിയിൽ നിക്ഷേപം വർധിക്കാൻ സഹായിച്ചിട്ടുണ്ട്. പ്രധാന സ്ഥാപനങ്ങളും എഐ/എംഎൽ, ക്ലൗഡ് സേവനങ്ങൾ കൂടുതൽ ഉപയോഗപ്പെടുത്തുന്നുണ്ട്. സൈബർ സുരക്ഷാ അപകടസാധ്യതകൾ ലഘൂകരിക്കാൻ സർക്കാരും മറ്റും പ്രവർത്തിക്കുന്നുണ്ട്. ഇന്ത്യ ആഗോള…
വൻ കുതിപ്പുകളിലും കിതപ്പുകളിൽ കൂടിയും സ്റ്റാർട്ടപ്പുകൾ ഒരേ പോലെ കടന്നു പോയ വർഷമാണ് 2023. ഫണ്ടിംഗ്, ലാഭം, പിരിച്ചുവിടൽ… സ്റ്റാർട്ടപ്പുകൾക്ക് സംഭവ ബഹുലമായ വർഷമായിരുന്നു 2023. ഒരു വർഷത്തിന്റെ ആരവം എല്ലാം കഴിഞ്ഞ് പുതിയ പ്രതീക്ഷകളുമായാണ് സ്റ്റാർട്ടപ്പുകൾ 2024ലേക്ക് കടക്കുന്നത്. അമിതാവേശമില്ലാതെ, ഓരോ ചുവടും സൂക്ഷിച്ചായിരിക്കും 2024ലേക്കുള്ള സ്റ്റാർട്ടപ്പുകളുടെ പ്രവേശനം. സുസ്ഥിരമായ വളർച്ചയും പ്രതിസന്ധികളെ തരണം ചെയ്യാനുള്ള പദ്ധതികളുമാണ് പുതുവർഷത്തിൽ സ്റ്റാർട്ടപ്പുകൾ ലക്ഷ്യംവെക്കുന്നത്. 2024ൽ സ്റ്റാർട്ടപ്പ് ആവാസ വ്യവസ്ഥ ശക്തമായ വളർച്ചയുണ്ടാക്കുമെന്ന പ്രതീക്ഷയിലാണ് നിക്ഷേപകർ. വിവിധ വിഭാഗങ്ങളിലായി 8 ബില്യൺ ഡോളറിന്റെ ഫണ്ടിംഗാണ് 2023ൽ ഉണ്ടായതെങ്കിൽ 2024ൽ അത് വർധിക്കാനാണ് സാധ്യത. 2023ലെ ജിയോപൊളിറ്റിക്കൽ ടെൻഷനുകൾ കാരണം സമ്മർദം കൂടിയത് സ്റ്റാർട്ടപ്പുകൾക്ക് കൂടിയാണ്. കഴിഞ്ഞ അഞ്ചുവർഷങ്ങളുമായി തട്ടിച്ചു നോക്കുമ്പോൾ സ്റ്റാർട്ടപ്പുകളിലേക്കുള്ള ഫണ്ടിംഗ് ഒഴുക്ക് ഏറ്റവും കുറഞ്ഞ വർഷം 2023 ആണ്. 2022ൽ 25 ബില്യൺ ഡോളർ സ്റ്റാർട്ടപ്പുകളുടെ പോക്കറ്റിലെത്തിയെങ്കിൽ 2023ൽ ഏകദേശം 8 ബില്യൺ ഡോളറിലേക്ക് അത് ചുരുങ്ങി. മുൻ വർഷത്തെ…
തലശ്ശേരിക്ക് പറയാൻ നിരവധി കഥകളുണ്ട്! തോമസ് ആൽവാ എഡിസന്റെ ശാസ്ത്ര ലാബിലെ കണ്ടുപിടിത്തങ്ങൾ പോലെ അന്നേ വരെ ആരും പരീക്ഷിച്ച് നോക്കാത്ത സംരംഭങ്ങളും കച്ചവടങ്ങളും ഉരിത്തിരിഞ്ഞ നഗരമാണ് തലശ്ശേരി. അവിടെ നിന്ന് കഴിഞ്ഞ 91 വർഷമായി മുടങ്ങാതെ അച്ചടിച്ചിറക്കുന്ന ഒരു കലണ്ടറുണ്ട്, പികെ കൃഷ്ണൻ കലണ്ടർ. 1931 മുതൽ വടക്കേ മലബാറിലുള്ളവരെ ഉത്സവങ്ങളും പഞ്ചാംഗവും അവധിയും തീയതിയും തുടങ്ങി തെയ്യം കെട്ടാനുള്ള സമയം പോലും അറിയിക്കുന്നത് ഈ കലണ്ടറാണ്. ഇന്നത്തെ പോലെ പരസ്യങ്ങളെ കുറിച്ച് ആരും കേട്ടിട്ടുപോലുമില്ലാത്ത കാലത്ത് തന്റെ ഉത്പന്നങ്ങൾ മാർക്കറ്റ് ചെയ്യാൻ വഴി അന്വേഷിച്ച പികെ കൃഷ്ണൻ എന്ന എൻട്രപ്രണറാണ് ഈ കലണ്ടറിന്റെ പിറവിക്ക് പിന്നിൽ. കലണ്ടറെന്ന പരസ്യംകേരളത്തിലെ കലണ്ടർ വിപണി മിക്കവാറും കൈയ്യാളുന്നത് ദിനപത്രങ്ങളാണ്. എന്നാൽ വടക്കേ മലബാറിലെ മിക്ക വീടുകളുടെയും കടകളുടെയും ചുമരിൽ തൂങ്ങുന്നത് പികെ കൃഷ്ണൻ കലണ്ടറാണ്. 1927 തലശ്ശേരി ടൗണിലെ മെയിൻ റോഡിനോട് ചേർന്ന് ടെക്സ്റ്റൈയിൽസും തയ്യൽ കടയും ആയിട്ടാണ് പികെ കൃഷ്ണൻ…