Author: News Desk
അതിമനോഹരമായ ഒരു മഞ്ഞുകാലത്തിന് ശേഷം വസന്തകാലത്ത് സഞ്ചാരികളെ വരവേൽക്കുവാൻ ഒരുങ്ങുകയാണ് കശ്മീരിലെ താഴ്വാരങ്ങൾ. കശ്മീരിന്റെ സൗന്ദര്യം ആസ്വദിക്കാനെത്തുന്ന വിനോദ സഞ്ചാരികളെ വരവേൽക്കാനൊരുങ്ങി നിൽക്കുകയാണ് ഏഷ്യയിലെ ഏറ്റവും വലിയ ടുലിപ് തോട്ടം.17 ലക്ഷം ടുലിപ് പൂക്കൾ വിരിയുന്ന ശ്രീനഗറിലെ ടുലിപ് തോട്ടം ശനിയാഴ്ച സഞ്ചാരികൾക്കായി തുറക്കും. ഇന്ദിരാ ഗാന്ധിയുടെ പേരിലുള്ള പൂന്തോട്ടമാണ് ദാൽ തടാകത്തിന് ഏറെ അകലെയല്ലാത്ത ഈ പൂന്തോട്ടം. പലനിറങ്ങളിലുള്ള 73 തരം ടുലിപ്പുകൾ ഇവിടെ കാണാം. 55 ഹെക്ടറിലായി 17 ലക്ഷം ചെടികളാണ് ഇത്തവണ നട്ടത്. 2007-ലാണ് ഇന്ദിരാ ഗാന്ധിയുടെ ഓർമയ്ക്കായി ടുലിപ് തോട്ടം നിർമിച്ചത്. തോട്ടം തുറന്നു നൽകിയ ആദ്യകാലത്തു ഇവിടെ 50,000 ടുലിപ് ചെടികളുണ്ടായിരുന്നു. സന്ദർശകർ കൂടിയതോടെ തോട്ടം വിപുലമാക്കി. കഴിഞ്ഞവർഷം 3.65 ലക്ഷം പേരാണ് ടുലിപിന്റെ ഭംഗി ആസ്വദിക്കാൻ എത്തിയത്. ലോകത്തിന്റെ വിവിധ ഭാഗങ്ങളിൽ നിന്നുള്ള സഞ്ചാരികളാണ് എല്ലാ വർഷവും ടുലിപ് പൂക്കുന്ന വേളയിൽ അരങ്ങേറുന്ന ടുലിപ് ഫെസ്റ്റിവൽ കാണാനായി എത്തുക. കശ്മീരിന്റെ സമ്ബന്നമായ സാംസ്കാരിക പാരമ്പര്യം…
80 വർഷമെങ്കിലും പഴക്കമുള്ള റബർ ഫാക്ടറി പൊളിക്കുക പോലും ചെയ്യാതെ പണിത മിനി ഹോം, ഇത്തരമൊരു ട്രാൻസ്ഫോമേറ്റീവ് നിർമാണത്തിന് ദീപ്തി പിള്ളയ്ക്ക് വേണ്ടി വന്നത് 2 മാസമാണ്. കസ്റ്റമറിന്റെ ആവശ്യങ്ങൾ എന്താണോ, അത് മനസിലാക്കി സേവനം നൽകുക, ആർക്കിടെക്ച്ചർ മേഖലയിൽ ദീപ്തി പിള്ള മറ്റുള്ളവർക്ക് നൽകുന്ന പ്രാഥമിക പാഠമാണ് ഇത്. ആർക്കിടെക്ചർ, ഇന്റീരിയർ, നിർമാണ മേഖലയിൽ പ്രശസ്തമായ ഡെഗാസി ആർക്കിടെക്ച്ചർ (DEGASI Architecture) പ്രവർത്തിക്കുന്നതും ഇത് തിരിച്ചറിഞ്ഞ് കൊണ്ടാണ്.വലിയ വലിയ പ്രോജക്ടുകളെക്കാൾ ഉപഭോക്താക്കൾ ഏറ്റവും ഇഷ്ടപ്പെടുന്ന ഉയർന്ന ഗുണനിലവാരത്തിലുള്ള പ്രൊഡക്ടുകൾ നൽകാനാണ് ദീപ്തി DEGASI Architectureലൂടെ ശ്രമിക്കുന്നത്.മുംബൈയിൽ ജനിച്ച് വളർന്ന ദീപ്തി പിള്ള ആർക്കിടെക്ചറിൽ വ്യക്തിമുദ്ര പതിപ്പിക്കുന്നതിന് മുമ്പ് മറ്റു വിഭിന്ന മേഖലകളിൽ കഴിവ് തെളിയിച്ച ആളാണ് ദീപ്തി. നവി മുംബൈയിലെ ഖാർഗർ ഭാരതീയ വിദ്യാ പീഠ് കോളേജ് ഓഫ് ആർക്കിടെക്ചറിൽ നിന്ന് ബിആർക്ക് കരസ്ഥമാക്കിയ വിദ്യ കേരളത്തിൽ മേഖലയിലെ പ്രശസ്തമായ സ്ഥാപനത്തിൽ കുറച്ച് കാലം ജോലി ചെയ്തു. ഇതിനിടയിൽ ടെലിവിഷൻ…
CNG യിൽ പ്രവർത്തിക്കുന്ന ബജാജിന്റെ സി.എന്‍.ജി-പെട്രോള്‍ ഹൈബ്രിഡ് ബൈക്ക് ജൂണിൽ നിരത്തിലെത്തും. പ്രകൃതി സൗഹാര്‍ദമായ ഗതാഗത സംവിധാനം എന്ന ലക്ഷ്യത്തിലേക്കു നീങ്ങുന്ന ബജാജ് ഓട്ടോ ഇന്ത്യയില്‍ ഇലക്ട്രിക് ഇരുചക്ര വാഹനങ്ങള്‍ ആദ്യഘട്ടത്തില്‍ തന്നെ എത്തിച്ച് ഈ ലക്ഷ്യം ഉറപ്പിച്ചിരുന്നു. ഇതിനുപുറമെ, ജൂണിൽ സി.എന്‍.ജി. കരുത്തിലുള്ള ഇരുചക്ര വാഹനം എത്തിക്കാനുള്ള നീക്കത്തിലാണ് ബജാജ്. 110 സി.സി. മോഡലിനെ അടിസ്ഥാനമാക്കിയാണ് ബജാജിന്റെ സി.എന്‍.ജി. ബൈക്ക് ഒരുങ്ങുന്നത്. സി.എന്‍.ജി. ബൈക്കുകളുടെ പ്രോട്ടോടൈപ്പുകള്‍ ഇതിനോടകം തന്നെ ബജാജ് ഔറംഗബാദിലെ പ്ലാന്റിൽ പൂർത്തിയാക്കി കഴിഞ്ഞു. സി.എന്‍.ജി-പെട്രോള്‍ ഹൈബ്രിഡ് മോട്ടോര്‍സൈക്കിളിന്റെ നിര്‍മാണം അവസാന ഘട്ടത്തിലാണെന്നാണ് വിവരം. സി.എന്‍.ജിക്ക് പുറമെ, എല്‍.പി.ജി, എഥനോള്‍ ചേര്‍ന്ന ഇന്ധനങ്ങള്‍ എന്നിവയിലും ഇരുചക്ര വാഹനങ്ങളും ക്വാഡ്രിസൈക്കിളുകളും എത്തിക്കുന്നതും കമ്പനിയുടെ പരിഗണനയില്‍ ഉണ്ടെന്നാണ് സൂചന. പ്രതിവര്‍ഷം 1.2 ലക്ഷം യൂണിറ്റ് സി.എന്‍.ജി. ബൈക്കുകളായിരിക്കും നിര്‍മിക്കുക. പന്ത് നഗറിലെ പ്ലാന്റിലും നിർമാണം ആരംഭിക്കുന്നതോടെ ശേഷി രണ്ടുലക്ഷം വരെ ഉയരും. ത്രീ വീലര്‍ ശ്രേണിയിലെ സി.എന്‍.ജി. വാഹനങ്ങളുടെ…
പശ്ചിമ ബംഗാളിലെ കമ്മ്യൂണിസ്റ്റ് പാർട്ടി ഓഫ് ഇന്ത്യ (മാർക്‌സിസ്റ്റ്) വരാനിരിക്കുന്ന ലോക്‌സഭാ തെരഞ്ഞെടുപ്പിന് പാർട്ടിക്ക് വേണ്ടി പ്രചാരണം നടത്തുന്നതിനായി സമത എന്ന ആർട്ടിഫിഷ്യൽ ഇൻ്റലിജൻസ് (AI) അവതാരകയെ രംഗത്തിറക്കിക്കഴിഞ്ഞു. എക്‌സിലെ ഒരു വീഡിയോയിലൂടെ, സിപിഐ(എം) ൻ്റെ ബംഗാൾ ഘടകം AI അവതാരകയെ പരിചയപ്പെടുത്തി. ബംഗാളിയിൽ സംസാരിച്ച സമത ബംഗാളിലെ ജനങ്ങൾക്ക് ഹോളി ആശംസകൾ നേർന്നു. തിരഞ്ഞെടുപ്പ് പ്രചാരണത്തിനു എഐ അവതാരകയുടെ സേവനം പരമാവധി ഉപയോഗിക്കുമെന്ന് പാർട്ടി വൃത്തങ്ങൾ പറഞ്ഞു .എതിർ സ്ഥാനാർഥിക്കു ദോഷകരമല്ലാത്ത പ്രചാരണമാണ് AI അവതാരകയിലൂടെ സാധ്യമാകുക എന്നാണ് വിലയിരുത്തൽ. അതേസമയം, 1980 കളിൽ കമ്പ്യൂട്ടർ വിദ്യാഭ്യാസത്തെ തുടക്കത്തിൽ എതിർത്തിരുന്ന സി.പി.എം സാങ്കേതികവിദ്യയെ സ്വീകരിക്കുന്നതിൻ്റെ വിരോധാഭാസം ഉയർത്തിക്കാട്ടി ബി.ജെ.പി ഈ നീക്കത്തെ വിമർശിച്ചു കഴിഞ്ഞു. ജനറേറ്റീവ് AI എങ്ങനെയാണ് രാഷ്ട്രീയ പ്രചാരണത്തിൻ്റെ ഒരു പുതിയ യുഗത്തിന് തുടക്കമിടുന്നത് എന്നതിൻ്റെ ആദ്യ ഉദാഹരണങ്ങളിലൊന്നാണ് കഴിഞ്ഞ ഡിസംബറിൽ യു എസിൽ അവതരിപ്പിച്ച ആഷ്‌ലി എന്ന AI തിരെഞ്ഞെടുപ്പ് പ്രചാരകൻ. സ്ഥാനാർത്ഥികൾ വോട്ടർമാരുമായി ഇടപഴകാൻ AI…
ചലച്ചിത്ര അഭിനയത്തിന് മാത്രമല്ല ഇൻസ്റ്റാഗ്രാമിലും കാശു വരുന്നവരാണ് ബോളിവുഡ് താരങ്ങൾ. വിപണനക്കാർ അവരുടെ പ്രേക്ഷകരുമായി ബന്ധപ്പെടാൻ ഉപയോഗിക്കുന്ന ഏറ്റവും ജനപ്രിയമായ സോഷ്യൽ മീഡിയ നെറ്റ്‌വർക്കുകളിൽ ഒന്നാണ് instagram. ഇൻഫ്ലുവൻസർ മാർക്കറ്റിംഗ് പ്ലാറ്റ്‌ഫോമുകൾക്കുമുള്ള ഏറ്റവും ജനപ്രിയമായ സോഷ്യൽ നെറ്റ്‌വർക്ക് കൂടിയാണിത്. ഒരു പോസ്റ്റിലൂടെ ദശലക്ഷക്കണക്കിന് ആളുകളിലേക്ക് എത്തിച്ചേരാൻ ആഗ്രഹിക്കുന്നുവെങ്കിൽ, സെലിബ്രിറ്റികളാണ് ഏറ്റവും മികച്ച ചോയ്സ് . അതുകൊണ്ടു തന്നെയാണ് വിവിധ പരസ്യ കമ്പനികൾ തങ്ങളുടെ വിപണിയിലെ ക്ലയന്റുകൾക്കായി താരമൂല്യമുള്ള ബോളിവുഡ് താരങ്ങളെ തന്നെ തെരഞ്ഞെടുക്കുന്നതും. ഏറ്റവും കൂടുതൽ പ്രതിഫലം വാങ്ങുന്ന ബോളിവുഡ് താരങ്ങൾ ഇതാ പ്രിയങ്ക ചോപ്ര: ബോളിവുഡിലെന്നപോലെ പശ്ചിമേഷ്യയിലും ഏറെ ആരാധകരുള്ള നടിയാണ് പ്രിയങ്ക ചോപ്ര. സ്‌പോൺസർ ചെയ്‌ത പോസ്റ്റിന് മൂന്ന് കോടി രൂപയാണ് നടി ഈടാക്കുന്നതെന്നാണ് റിപ്പോർട്ട് ദീപിക പദുക്കോൺ: 78.9 ദശലക്ഷത്തിലധികം ഫോളോവേഴ്‌സുള്ള ദീപിക പദുക്കോൺ ഒരു പോസ്റ്റിന് 1.5 കോടി മുതൽ 2 കോടി വരെ ഈടാക്കാറുണ്ട്. ശ്രദ്ധ കപൂർ: യുവാക്കൾക്കിടയിൽ വലിയ ആരാധകരുണ്ട് ശ്രദ്ധക്ക്…
മുംബൈയിലെ സെൻ്റ് സേവ്യേഴ്‌സ് കോളേജിൽ നിന്നും ബിരുദം, മുംബൈയിലെ ഇൻസ്റ്റിറ്റ്യൂട്ട് ഓഫ് കെമിക്കൽ ടെക്‌നോളജിയിൽ ICT നിന്ന് കെമിക്കൽ എഞ്ചിനീയറിംഗിൽ ഉപരി പഠനം, സ്റ്റാൻഫോർഡ് യൂണിവേഴ്സിറ്റിയിൽ നിന്നും MBA. ഒരു കെമിക്കൽ എഞ്ചിനീയറിംഗ് വിദഗ്ധൻ ആണ് ബിസിനസ് അഡ്മിനിസ്ട്രേഷനിൽ കൂടി അഗ്രഗണ്യനായ മുകേഷ് അംബാനിയുടെ വിദ്യാഭ്യാസയോഗ്യതയാണിത്. യെമനിലെ ഏഡനിൽ ജനിച്ച മുകേഷ് അംബാനിയുടെ സ്കൂൾ വിദ്യാഭ്യാസത്തിന് അടിത്തറയിട്ട മുംബൈ നഗരത്തിനും അഭിമാനിക്കാം. ഇന്ന് മുകേഷ് അംബാനിയുടെ കൂടി ഉയർച്ചയുടെ ഫലമായാണ് ഏഷ്യയിലെ ശതകോടീശ്വര തലസ്ഥാനമായി മുംബൈ മാറിയിരിക്കുന്നത്.റിലയൻസ് ഇൻഡസ്ട്രീസ് ലിമിറ്റഡിൻ്റെ (RIL) ചെയർമാനും മാനേജിംഗ് ഡയറക്ടറുമായ മുകേഷ് അംബാനി 114 ബില്യൺ ഡോളർ ആസ്തിയുള്ള ഏഷ്യയിലെ ഏറ്റവും ധനികനായ മനുഷ്യനാണ്. റിലയൻസ് എന്ന ഒരു പ്രാദേശിക സംരംഭത്തെ ആഗോള കമ്പനിയാക്കി മാറ്റുന്നതിനും ആ അക്കാദമിക്ക് യോഗ്യത വലിയ പങ്കു വഹിച്ചിട്ടുണ്ട്. യെമനിലെ ഏഡനിൽ ജനിച്ച മുകേഷ് അംബാനിയുടെ കുടുംബം ഇന്ത്യയിലേക്ക് മടങ്ങിയെത്തിയ ശേഷം മുംബൈയിലെ ഹിൽ ഗ്രാഞ്ച് ഹൈസ്‌കൂളിലാണ് അദ്ദേഹം പഠിച്ചത്.…
പൃഥ്വിരാജിനെ നായകനാക്കി ബ്ലെസി ഒരുക്കുന്ന ആടുജീവിതത്തിന്റെ അഡ്വാൻസ് ടിക്കറ്റ് ബുക്കിങ്ങിലൂടെ ഇതുവരെ നേടിയത് 4 കോടി രൂപയുടെ പ്രീ സെയ്ൽ ആണ്. കേരളത്തില്‍ മാത്രം ഇതുവരെ വിറ്റത് 1.05 ലക്ഷം ടിക്കറ്റുകളാണ്. സംസ്ഥാനത്തെ പ്രീ സെയിൽ ബുക്കിംഗിലൂടെ സിനിമ 1.75 കോടി രൂപ നേടിയതായിട്ടാണ് റിപ്പോർട്ട്. ഈ മാസം 28 നാണ് സിനിമ റിലീസ് ചെയ്യുന്നത്. കേരളത്തിലെ എല്ലാ തിയേറ്ററുകളിലും മികച്ച ബുക്കിംഗ് ആണ് നടന്നത്. ബുക്കിംഗ് ആരംഭിച്ച് 12 മണിക്കൂറിൽ 63,116 ടിക്കറ്റുകളാണ് വിറ്റു പോയത്. 1.03 കോടി ഗ്രോസ് കളക്ഷനും ചിത്രം നേടിയിരുന്നു. റിലീസിങ്ങിന് ഒരു ദിവസം ബാക്കി നിൽക്കെ പ്രീ സെയിൽ ബുക്കിംഗിലൂടെ സിനിമ 1.75 കോടി രൂപ നേടിക്കഴിഞ്ഞു. പൃഥ്വിരാജ് കരിയറിലെ ഏറ്റവും ഉയര്‍ന്ന പ്രീ സെയില്‍ കണക്കാണിത്. മലയാളത്തിനു പുറമേ ഹിന്ദി, തമിഴ്, തെലുങ്ക്, കന്നഡ എന്നീ ഭാഷകളിലും ചിത്രം ഒരുങ്ങുന്നുണ്ട്. ബുക്ക് മൈ ഷോയില്‍ ആരാധകര്‍ കാത്തിരുന്ന ചിത്രങ്ങളില്‍…
പുതിയ കാലത്തെ തിരക്ക് പിടിച്ച ജീവിത ശൈലിയിൽ കേശ സംരക്ഷണം ദിനചര്യയുടെ ഭാഗമാക്കുക അത്ര എളുപ്പമല്ല. ഓർഗാനിക് കേശ സംരക്ഷണത്തിന് മാതൃക കാട്ടുകയാണ് കൊക്കോ റൂട്ട്സ് ഓർഗാനിക് എന്ന സ്റ്റാർട്ടപ്പ്. ഗുണമേന്മും സുസ്ഥിരതയും ആണ് കൊക്കോ റൂട്ട്സിന്റെ വാഗ്ദാനം ചെയ്യുന്നത്. കൊക്കോ റൂട്ട്സിന് തുടക്കമിട്ടത് ഡോ. ഷാലിമ അഹമ്മദാണ്. ‘ഇത്രകാലം കൊണ്ട് നിങ്ങൾ മാറി, പക്ഷേ, മുടിക്ക് ഒരുമാറ്റവുമില്ലല്ലോ’ സ്കൂൾ സുഹൃത്തുക്കൾക്കിടയിൽ നിന്നുള്ള ഈ പ്രശംസയാണ് ഡോ. ഷാലിമയെ ഹെയർ കെയർ സ്റ്റാർട്ടപ്പ് തുടങ്ങാൻ പ്രേരിപ്പിച്ചത്. കൊക്കോ റൂട്ട്സ് ഓർഗാനിക് 100% പ്രകൃതി ദത്തമാണെന്ന് ഇവർ പറയുന്നു. കൊക്കോ റൂട്ട്സിന്റെ ഓർഗാനിക് ഓയിൽ ശേഖരത്തിൽ നിന്ന് യോജിച്ചത് തിരഞ്ഞെടുക്കാൻ സാധിക്കും. ലോകത്തിന്റെ വിവിധ ഭാഗങ്ങളിൽ നിന്നാണ് എണ്ണ നിർമാണത്തിന് ആവശ്യമായ സാധനങ്ങൾ കൊണ്ടുവരുന്നത്. എണ്ണ നിർമാണത്തിനാവശ്യമായ പരമാവധി സാധനങ്ങൾ കേരളത്തിൽ നിന്നാണ് കണ്ടെത്തുന്നത്. സ്വന്തം അനുഭവത്തിൽ നിന്നാണ് ഓരോ ഉത്പന്നവും ഡോ. ഷാലിമ വികസിപ്പിച്ചത്. വർഷങ്ങൾ കൊണ്ടാണ് ഇത് സാധ്യമായത്. ഓർഗാനിക്…
ഏഷ്യയിലെ ശതകോടീശ്വരന്മാരുടെ തലസ്ഥാനമായി ബെയ്ജിംഗിനെ മറികടന്ന് മുംബൈ ചരിത്രം സൃഷ്ടിച്ചു. ഹുറുൺ റിസർച്ചിൻ്റെ 2024-ലെ ആഗോള സമ്പന്ന പട്ടിക പ്രകാരം 92 ശതകോടീശ്വരന്മാരുമായി മുംബൈ ന്യൂയോർക്ക് , ലണ്ടന് എന്നിവയ്ക്ക് പിന്നാലെ മൂന്നാമതാണ്. നാലാം സ്ഥാനത്തുള്ള ബെയ്ജിംഗിലെ ശതകോടീശ്വരന്മാരുടെ എണ്ണമിപ്പോൾ 91 ആണ്. 115 ബില്യൺ ഡോളർ ആസ്തിയുമായി മുകേഷ് അംബാനിയും 86 ബില്യൺ ഡോളറുമായി ഗൗതം അദാനിയുമാണ് ശതകോടീശ്വര മുംബൈ പട്ടികയിൽ മുന്നിൽ നിൽക്കുന്നത്.ലോകത്തെ ശതകോടീശ്വരന്മാരുടെ പട്ടികയിൽ ഇന്ത്യയിലെ 271 പേരുണ്ട്. ഈ വർഷം 26 പുതിയ ശതകോടീശ്വരന്മാർ കൂടിച്ചേർന്നതാണ് മുംബൈയുടെ ഉയർച്ചയ്ക്ക് ആക്കം കൂട്ടിയത് . ഈ കുതിച്ചുചാട്ടം മുംബൈയുടെ മൊത്തം ശതകോടീശ്വരന്മാരുടെ സമ്പത്ത് 445 ബില്യൺ ഡോളറായി ഉയർത്തി, ഇത് മുൻ വർഷത്തെ അപേക്ഷിച്ച് 47% വർദ്ധനയാണ്. ചൈനയിൽ ആകെ 814 ശതകോടീശ്വരന്മാരുണ്ടെങ്കിലും, 445 ബില്യൺ ഡോളറിൻ്റെ മൊത്തം ശതകോടീശ്വരൻ സമ്പത്തുള്ള മുംബൈ ആഗോളതലത്തിൽ മൂന്നാം സ്ഥാനത്തേക്ക് ഉയർന്നത് ഇവിടം ഒരു പ്രധാന…
ഇന്ത്യയുടെ സമ്പദ്‌വ്യവസ്ഥയും ഓഹരി വിപണികളും കുതിച്ചുയരുകയാണ്, പക്ഷേ ഇന്ത്യൻ സ്റ്റാർട്ടപ്പുകൾ ഫണ്ടിങ്ങിൽ വിപരീത ദിശയിലേക്കാണ് നീങ്ങുന്നത്. ഇന്ത്യൻ സാങ്കേതിക സംരംഭങ്ങളിൽ കോടിക്കണക്കിന് ഡോളർ പമ്പ് ചെയ്യാൻ ഒരു കാലത്ത് ആവേശം കാട്ടിയ വിദേശ നിക്ഷേപകർ ഇപ്പോൾ അത് മന്ദഗതിയിലാക്കിയിരിക്കുന്നു. ഇന്ത്യൻ സ്റ്റാർട്ടപ്പുകളിൽ നിന്നും പ്രതീക്ഷിച്ച റിസൾട്ട് ഉണ്ടാകാത്തതാണ് വിദേശ നിക്ഷേപങ്ങൾ കുറയുവാൻ കാരണം. ലഭിച്ച ഫണ്ടിംഗ് മറ്റു മാര്ഗങ്ങളിലേക്കു സ്റ്റാർട്ടപ്പുകൾ വഴിതിരിച്ചു വിട്ടതാണ് ഫണ്ടിംഗ് ഇടിയാനുള്ള കാരണം. ജനുവരി, ഫെബ്രുവരി മാസങ്ങളിൽ, ഇന്ത്യയിലെ സ്റ്റാർട്ടപ്പുകൾ ഏകദേശം 900 മില്യൺ ഡോളർ സമാഹരിച്ചു – 2023-ൽ വെറും 8 ബില്യൺ ഡോളർ എന്ന കഴിഞ്ഞ ആറ് വർഷത്തെ ഏറ്റവും താഴ്ന്ന നിരക്കിന് ശേഷമുള്ള നിക്ഷേപ കണക്കാണിത്. കഴിഞ്ഞ വർഷം ഇന്ത്യയിലെ സ്റ്റാർട്ടപ്പ് സംരംഭങ്ങളിലെ നിക്ഷേപം ആറ് വർഷത്തെ ഏറ്റവും താഴ്ന്ന തുകയായ 800 കോടി ഡോളറിലേക്ക് ഇടിഞ്ഞിരുന്നു. രാജ്യത്തെ പ്രധാന സ്റ്റാർട്ടപ്പ് സംരംഭങ്ങളുടെ വിപണി മൂല്യം രണ്ട് വർഷത്തിനിടെ കുത്തനെ ഇടിഞ്ഞു. ഇന്ത്യൻ…