Author: News Desk

ദേശീയ നിക്ഷേപ അടിസ്ഥാന സൗകര്യ ഫണ്ട് (NIIF) രണ്ടാമത്തെ ഇൻഫ്രാസ്ട്രക്ചർ ഫണ്ടിന്റെ ആദ്യ ഘട്ട സമാഹരണം 19,000 കോടി രൂപയോടെ (2 ബില്യൺ ഡോളർ) പൂർത്തിയാക്കി. 30,000 കോടി രൂപയുടെ മൊത്തത്തിലുള്ള ലക്ഷ്യത്തിന്റെ 60 ശതമാനത്തിലധികമാണ് ആദ്യ ഘട്ടത്തിൽ തന്നെ ഫണ്ട് നേടിയെടുത്തിരിക്കുന്നത്. കേന്ദ്ര സർക്കാരിന്റെ പിന്തുണയോടെ ആരംഭിച്ചിരിക്കുന്ന ഈ ഫണ്ടിൽ ആഗോള, ഇന്ത്യൻ സ്ഥാപന നിക്ഷേപകരും പങ്കാളികളായിട്ടുണ്ട്. ഓസ്‌ട്രേലിയൻ സൂപ്പർ, സി.പി.പി ഇൻവെസ്റ്റ്‌മെന്റ്‌സ്, അബുദാബി ഇൻവെസ്റ്റ്‌മെന്റ് അതോറിറ്റി (ADIA), ഒന്റാറിയോ ടീച്ചേഴ്‌സ് പെൻഷൻ പ്ലാൻ, തെമാസെക് തുടങ്ങിയ പ്രമുഖ ആഗോള നിക്ഷേപകർ ഇതിൽ ഉൾപ്പെടുന്നു. എനർജി, ഗതാഗതം, ഡിജിറ്റൽ ഇൻഫ്രാസ്ട്രക്ചർ എന്നിവയ്ക്ക് പുറമെ നഗര വികസന അടിസ്ഥാന സൗകര്യങ്ങൾ, ഇലക്ട്രിക് മൊബിലിറ്റി തുടങ്ങിയ മേഖലകളിലും ഈ ഫണ്ട് നിക്ഷേപം നടത്തും. രാജ്യത്തെ അടിസ്ഥാന സൗകര്യ വികസനം വേഗത്തിലാക്കാനും ദീർഘകാല നിക്ഷേപങ്ങൾ ആകർഷിക്കാനും ലക്ഷ്യമിട്ടുള്ള സുപ്രധാന ചുവടുവെപ്പായാണ് ഈ പുതിയ ഫണ്ട് സമാഹരണം വിലയിരുത്തപ്പെടുന്നത്. National Investment and Infrastructure Fund,…

പടിഞ്ഞാറൻ ഏഷ്യയിലെ സംഘർഷങ്ങളും ഊർജ വിലയിലെ വർദ്ധനവും വെല്ലുവിളിയായെങ്കിലും, നടപ്പ് സാമ്പത്തിക വർഷത്തിന്റെ ആദ്യ പാദത്തിൽ (ഏപ്രിൽ-ജൂൺ) ഇന്ത്യയുടെ ജി.ഡി.പി വളർച്ച നിരക്ക് 7.8 ശതമാനമായി ഉയർന്നു. റിസർവ് ബാങ്കിന്റെ 7 ശതമാനം എന്ന അനുമാനത്തെയും മറികടന്നാണ് രാജ്യത്തിന്റെ ഈ മികച്ച സാമ്പത്തിക മുന്നേറ്റം. നിർമ്മാണ മേഖല 9.2 ശതമാനവും സേവന മേഖല 10 ശതമാനവും വളർച്ച രേഖപ്പെടുത്തി. സർക്കാരിന്റെ കൃത്യമായ സാമ്പത്തിക നയങ്ങളും പരിഷ്കാരങ്ങളുമാണ് ഈ നേട്ടത്തിന് പിന്നിലെന്ന് പ്രധാനമന്ത്രി നരേന്ദ്ര മോദിയും കേന്ദ്ര ധനമന്ത്രി നിർമ്മല സീതാരാമനും വ്യക്തമാക്കി. പണപ്പെരുപ്പം ഉയർന്ന തോതിൽ തുടരുന്നതും എണ്ണവില വർദ്ധനവും കാരണം വരും മാസങ്ങളിൽ റിസർവ് ബാങ്ക് പലിശ നിരക്ക് ഉയർത്തിയേക്കുമെന്ന് സാമ്പത്തിക വിദഗ്ധർ മുന്നറിയിപ്പ് നൽകുന്നുണ്ട്. എങ്കിലും, രാജ്യത്തിന്റെ അടിസ്ഥാന സൗകര്യ വികസന നിക്ഷേപങ്ങളിലും (GFCF) മൂലധന രൂപീകരണത്തിലും ഉണ്ടായ ശക്തമായ വർദ്ധനവ് സമ്പദ്‌വ്യവസ്ഥയുടെ ശക്തിയെയാണ് വ്യക്തമാക്കുന്നത്. പശ്ചിമേഷ്യൻ പ്രതിസന്ധികൾക്കിടയിലും കൃഷി, നിർമ്മാണം, സേവനം എന്നീ മൂന്ന് പ്രധാന മേഖലകളും…

കോഴിക്കോട് സ്വദേശിനിയായ ശ്രീലക്ഷ്മി സുരേഷ് തന്റെ മൂന്നാം വയസ്സിൽ കമ്പ്യൂട്ടറുകളോട് കാണിച്ച കൗതുകത്തിലൂടെയാണ് സാങ്കേതിക ലോകത്തേക്ക് ചുവടുവെക്കുന്നത്. ആറു വയസ്സുള്ളപ്പോൾ സ്വന്തമായി ആദ്യ വെബ്‌സൈറ്റും എട്ടാം വയസ്സിൽ സ്വന്തം സ്കൂളിനായി വെബ്‌സൈറ്റും നിർമ്മിച്ച് ശ്രീലക്ഷ്മി അക്കാലത്ത് ഏറെ ശ്രദ്ധ നേടി. തുടർന്ന് വെബ് ഡിസൈനിങ്, എസ്.ഇ.ഒ സേവനങ്ങൾ നൽകുന്ന ‘ഇ-ഡിസൈൻ ടെക്നോളജീസ്’ (eDesign Technologies) എന്ന കമ്പനി വെറും പതിനൊന്നാം വയസ്സിൽ ആരംഭിച്ച് ഏവരുടെയും ശ്രദ്ധാകേന്ദ്രമായിമാറി. സാങ്കേതിക രംഗത്ത് പ്രായം തടസ്സമല്ലെന്ന് തെളിയിച്ച ശ്രീലക്ഷ്മി, മൈക്രോസോഫ്റ്റ്, നോക്കിയ, കൊക്കോ-കോള തുടങ്ങിയ പ്രമുഖ ആഗോള ബ്രാൻഡുകൾക്കായി വെബ്‌സൈറ്റുകൾ ഡിസൈൻ ചെയ്ത് തന്റെ സംരംഭത്തെ വിജയകരമായി മുന്നോട്ട് നയിച്ചു. അക്കാദമിക പഠനത്തോടൊപ്പം ബിസിനസ്സും ഒരേസമയം മുന്നോട്ട് കൊണ്ടുപോയ ശ്രീലക്ഷ്മി കോഴിക്കോട് പ്രസന്റേഷൻ ഹയർ സെക്കൻഡറി സ്കൂളിൽ നിന്ന് സ്കൂൾ വിദ്യാഭ്യാസവും ദേവഗിരി സെന്റ് ജോസഫ് കോളേജിൽ നിന്ന് ബിരുദവും പൂർത്തിയാക്കി. രാജ്യത്തിനകത്തും പുറത്തുനിന്നുമായി നിരവധി അംഗീകാരങ്ങളാണ് ഈ യുവ സംരംഭകയെ തേടിയെത്തിയത്. 2008-ൽ വനിതാ-ശിശു…

വിശാഖപട്ടണത്ത് പുതിയ 1,000 കിടക്കകളുള്ള ഗ്രീൻഫീൽഡ് മൾട്ടിസ്പെഷ്യലിറ്റി ആശുപത്രി നിർമ്മിക്കുന്നതിനായി എ.ഐ.ജി ഹോസ്പിറ്റൽസ് (AIG Hospitals) 2,000 കോടി രൂപയുടെ നിക്ഷേപം പ്രഖ്യാപിച്ചു. ആന്ധ്രാപ്രദേശിലെ യെൻഡയിൽ ഒൻപത് ഏക്കർ സ്ഥലത്താണ് അത്യാധുനിക സൗകര്യങ്ങളോടെയുള്ള ഈ ആശുപത്രി സമുചയം വരുന്നത്. അഞ്ച് വർഷത്തിനുള്ളിൽ രണ്ട് ഘട്ടങ്ങളിലായി പൂർത്തിയാക്കുന്ന പദ്ധതിയുടെ ശിലാസ്ഥാപന കർമ്മം സംസ്ഥാന ഐ.ടി, വിദ്യാഭ്യാസ വകുപ്പ് മന്ത്രി നാര ലോകേഷും എ.ഐ.ജി ഹോസ്പിറ്റൽസ് ചെയർമാൻ ഡോ. ഡി. നാഗേശ്വർ റെഡ്ഡിയും ചേർന്ന് നിർവ്വഹിച്ചു. ആശുപത്രിയുടെ ആദ്യ ഘട്ടത്തിൽ 650 കിടക്കകൾ സജ്ജീകരിക്കുമെന്നും 2028 ഒക്ടോബറോടെ ഇത് പ്രവർത്തനക്ഷമമാകുമെന്നും അധികൃതർ അറിയിച്ചു. രണ്ടാം ഘട്ടത്തിൽ 350 കിടക്കകൾ കൂടി ഉൾപ്പെടുത്തി പദ്ധതിയുടെ മൊത്തത്തിലുള്ള ശേഷി 1,000 കിടക്കകളായി ഉയർത്തും. ഒൻപത് ഏക്കർ ക്യാമ്പസിൽ ആശുപത്രിക്ക് പുറമെ നഴ്സിങ് കോളേജ്, പാരാമെഡിക്കൽ ട്രെയിനിങ് സെന്റർ, റിസർച്ച് ലബോറട്ടറി, എ.ഐ സെന്റർ എന്നിവയും ഉൾപ്പെടുത്തി സമഗ്രമായ ഒരു ആരോഗ്യ-വിദ്യാഭ്യാസ ആവാസവ്യവസ്ഥയാണ് വിഭാവനം ചെയ്തിരിക്കുന്നത്. 50-ലധികം മെഡിക്കൽ-സർജിക്കൽ…

ഭവനരഹിതരായ പത്തു പേർക്ക് തണലേകി ലുലു ഗ്രൂപ്പ് ചെയർമാൻ എം.എ യൂസഫലി. ട്വന്റിഫോർ കണക്ടിലൂടെ ലുലു ഗ്രൂപ്പ് നിർമിച്ച് നൽകുന്ന പത്ത് വീടുകളുടെ താക്കോൽ ദാനം തിരുവനന്തപുരത്ത് അദ്ദേഹം നിർവ്വഹിച്ചു. ഈ പത്ത് കുടുംബങ്ങൾക്ക് വീട്ടിലേക്കുള്ള അവശ്യസാധനങ്ങൾ വാങ്ങുവാനായി രണ്ട് ലക്ഷം രൂപ വീതം സമ്മാനമായും എം എ യൂസഫലി പ്രഖ്യാപിച്ചു. കൂടാതെ, ഭവനരഹിതരായ 25 പേർക്ക് കൂടി വീടുകൾ കൂടി വീടുകൾ നിർമ്മിച്ചുനൽകുമെന്നും എം എ യൂസഫലി വ്യക്തമാക്കി. അർഹരായവരുടെ കൈകളിലേക്ക് സഹായമെത്തേണ്ടത് സമൂഹത്തിൻ്റെ കൂടി കടമയാണെന്നും അദ്ദേഹം ചൂണ്ടികാട്ടി. ഭവനരഹിതർക്കും അടച്ചുറപ്പില്ലാത്ത വീടുള്ളവർക്കും ഭവനങ്ങളൊരുക്കുകയെന്ന ലക്ഷ്യത്തിന് പിന്തുണ നൽകുകയാണ് എം.എ യൂസഫലി. ആലപ്പുഴ, ഇടുക്കി, തിരുവനന്തപുരം, പത്തനംതിട്ട, തൃശൂർ, എറണാകുളം, വയനാട് എന്നീ ജില്ലകളിലാണ് പത്തുവീടുകൾ നിർമ്മിച്ചിരിക്കുന്നത്. എം.എ യൂസഫലി നിർമ്മിച്ചു നൽകിയ നാലു വീടുകളുടെ താക്കോൽ ദാനം നേരത്തെ നടന്നിരുന്നു Lulu Group Chairman M.A. Yusuff Ali hands over keys to 10 newly…

സൗദി അറേബ്യയിൽ റീട്ടെയ്ൽ സാന്നിദ്ധ്യം കൂ‌ടുതൽ വിപുലമാക്കുന്നതിന്റെ ഭാഗമായി, മദീനയിൽ പുതിയ ഹൈപ്പർമാർക്കറ്റ് തുറന്ന് ലുലു. മദീന അൽ-മുനവ്വറയിലാണ് പുതിയ ലുലു ഹൈപ്പർമാർക്കറ്റ്. മദീന ചേംബർ ഓഫ് കൊമേഴ്‌സ് സെക്രട്ടറി ജനറൽ അഹമ്മദ് ബക്കർ സൈദാൻ, ലുലു ഗ്രൂപ്പ് ചെയർമാൻ എം.എ യൂസഫലി എന്നിവരുടെ സാന്നിദ്ധ്യത്തിൽ മദീന ചേംബർ ഓഫ് കൊമേഴ്‌സ് ബോർഡ് ചെയർമാൻ ഫഹദ് അല്യാൻ അൽ-മുഗീർ പുതിയ ഹൈപ്പർമാർക്കറ്റിന്റെ ഉദ്ഘാടനം നിർവ്വഹിച്ചു. മദീനയിലെ രണ്ടാമത്തേതും, മക്ക മദീനയിലെ നാലാമത്തേയും സ്റ്റോറാണ് മദീന അൽ-മുനവ്വറയിലേത്. കിംഗ് ഖാലിദ് റോഡിൽ ഹറമൈൻ ട്രെയിൻ സ്റ്റേഷന് സമീപമാണ് പുതിയ സ്റ്റോർ. തീർത്ഥാ‌ടകർക്കും പ്രദേശവാസികൾക്കും കൂടുതൽ സൗകര്യപ്രദമായ ഷോപ്പിങ്ങ് ഉറപ്പാക്കുന്നതിനും സൗദി വിഷന് 2030ന് പിന്തുണയേകുന്നതിന്റെയും ഭാഗമായാണ് പുതിയ ഹൈപ്പർമാർക്കറ്റെന്ന് ലുലു ഗ്രൂപ്പ് ചെയർമാൻ എം.എ യൂസഫലി വ്യക്തമാക്കി. കൂടുതൽ മികച്ച വികസന പദ്ധതികളാണ് സൗദി അറേബ്യയിൽ ലുലു ഗ്രൂപ്പിനുള്ളതെന്നും, കൂടുതൽ തൊഴിലവസരവും പ്രാദേശിക വികസനത്തിനും കരുത്തേകുന്നത് കൂടിയാണിതെന്നും അദേഹം പറഞ്ഞു. സൗദി ഭരണനേതൃത്വം…

സേവനങ്ങൾക്കായി ഇനി കൃത്യമായുള്ള ഓ ടി പി പരിശോധന. ഇതോടെ മോട്ടോർ വാഹന വകുപ്പിൽ ഇടനിലക്കാരുടെ ചൂഷണം പടിക്കു പുറത്തേക്ക്. ഇതിന്റെ ഭാഗമായി മോട്ടോർ വാഹന വകുപ്പിന്റെ 60 സേവനങ്ങൾ കൂടി ആധാർ ഒടിപി അടിസ്ഥാനത്തിലാക്കുന്നു. വാഹന സംബന്ധമായ സേവനങ്ങൾ നൽകുന്ന വാഹൻ, ഡ്രൈവിങ് ലൈസൻസ് സംബന്ധമായ സേവനങ്ങൾക്കുള്ള സാരഥി എന്നീ പോർട്ടലുകൾ വഴിയുള്ള സേവനങ്ങളാണ് സെപ്റ്റംബർ 21 മുതൽ പൂർണ്ണമായും ഓൺലൈനാക്കുന്നത്. ഇതോടെ ഭൂരിഭാഗം ആവശ്യങ്ങൾക്കും അപേക്ഷകർക്ക് ആർടി ഓഫിസുകളിൽ നേരിട്ട് എത്തേണ്ടതില്ല. പുതിയ സംവിധാനം വരുന്നതോടെ അപേക്ഷകൾ ആദ്യം വരുന്നവർക്ക് ആദ്യം എന്ന മുൻഗണനാ ക്രമത്തിലാകും തീർപ്പാക്കുക. വ്യക്തിഗത വാദം കേൾക്കലിന് പോർട്ടലിലെ വി മീറ്റ് സംവിധാനത്തിലൂടെ വീഡിയോ കോൾ വഴിയും ഹാജരാകാം. സംസ്ഥാനത്തെ എല്ലാ ജില്ലകളിലും ഉടൻ തന്നെ സ്വയംകൃത വാഹന പരിശോധനാ കേന്ദ്രങ്ങൾ നിലവിൽ വരും. നിലവിൽ 21 സേവനങ്ങൾ മാത്രമാണ് നേരിട്ട് ഹാജരാകേണ്ടാത്ത രീതിയിൽ ആധാർ ഒടിപി അടിസ്ഥാനത്തിൽ ലഭ്യമായിട്ടുള്ളത്. ബാക്കിയുള്ളവയ്ക്ക് കൃത്യമായ ഒടിപി…

അമേരിക്കയുമായുള്ള ജാവലിൻ (Javelin) മിസൈൽ കരാറിന് പിന്നാലെ, ഈ ആധുനിക ആന്റി-ടാങ്ക് ഗൈഡഡ് മിസൈലുകൾ ഇന്ത്യയിൽ സംയുക്തമായി നിർമ്മിക്കുന്നതിനായി ടാറ്റ അഡ്വാൻസ്ഡ് സിസ്റ്റംസ് ലിമിറ്റഡ് (TASL) യു.എസിലെ റേതിയോൺ, ലോക്ക്‌ഹിഡ് മാർട്ടിൻ കൂട്ടായ്മയുമായി ധാരണാപത്രത്തിൽ ഒപ്പുവെച്ചു. അമേരിക്കൻ കമ്പനികളുടെ സംയുക്ത സംരംഭമായ ജാവലിൻ ജോയിന്റ് വെഞ്ചറുമായി (JJV) ഉണ്ടാക്കിയ ഈ കരാർ പ്രകാരം ഇന്ത്യയിൽ ജാവലിൻ മിസൈലുകളുടെ അന്തിമ കൂട്ടിച്ചേർക്കലും നിർമ്മാണ യൂണിറ്റും സ്ഥാപിക്കുന്നത് ടി.എ.എസ്.എൽ പരിശോധിക്കും. ഇന്ത്യയുടെ പ്രതിരോധ വ്യാവസായിക അടിത്തറ ശക്തമാക്കുന്നതിനൊപ്പം ഇന്തോ-പസഫിക് മേഖലയിലെ സുരക്ഷ വർദ്ധിപ്പിക്കാനും ഈ നീക്കം സഹായിക്കുമെന്നാണ് സംയുക്ത പ്രസ്താവനയിൽ വ്യക്തമാക്കുന്നത്. ഈ പങ്കാളിത്തത്തിലൂടെ അമേരിക്കയിലെ പ്ലാന്റുകളിൽ നിർമ്മിക്കുന്ന സബ്-അസംബ്ലി കിറ്റുകളും ഗൈഡൻസ് ഇലക്ട്രോണിക്സ് യൂണിറ്റുകളും ഇന്ത്യയിലേക്ക് കയറ്റി അയയ്ക്കുകയും ഇവിടെ വെച്ച് കൂട്ടിച്ചേർത്ത് പൂർണ്ണരൂപത്തിലാക്കുകയും ചെയ്യും. എളുപ്പത്തിൽ കൊണ്ടുനടന്ന് പ്രയോഗിക്കാവുന്നതും കവചിത വാഹനങ്ങളെ അതികൃത്യതയോടെ തകർക്കാൻ കഴിയുന്നതുമാണ് ലോകപ്രശസ്തമായ ജാവലിൻ മിസൈൽ സംവിധാനം. ആധുനിക മൂന്നാം തലമുറ ആന്റി-ടാങ്ക് മിസൈലുകൾക്കായുള്ള ഇന്ത്യൻ സൈന്യത്തിന്റെ…

പ്രമുഖ പൊതുമേഖലാ എൻജിനീയറിങ് സ്ഥാപനമായ ഹിന്ദുസ്ഥാൻ മെഷീൻ ടൂൾസിനെ (HMT) പുനരുജ്ജീവിപ്പിക്കുന്നതിനായി 2,000 കോടി രൂപയിലധികം വരുന്ന പുതിയ പാക്കേജ് കേന്ദ്ര സർക്കാർ വേഗത്തിലാക്കുന്നു. എച്ച്.എം.ടിയുടെ പുനരുജ്ജീവന പദ്ധതിക്കായുള്ള നിർദ്ദേശം മന്ത്രി എച്ച്.ഡി. കുമാരസ്വാമി ധനമന്ത്രി നിർമ്മല സീതാരാമന് സമർപ്പിച്ചിട്ടുണ്ട്. ഈ പ്രധാനപ്പെട്ട നിർദ്ദേശം ഉടൻ തന്നെ കേന്ദ്ര മന്ത്രിസഭയുടെ പരിഗണനയ്ക്ക് വരുമെന്നാണ് സർക്കാർ വൃത്തങ്ങൾ വ്യക്തമാക്കുന്നത്. ദീർഘകാലമായി സാമ്പത്തികവും പ്രവർത്തനപരവുമായ പ്രതിസന്ധികൾ നേരിടുന്ന എച്ച്.എം.ടിയുടെ നിലവിലുള്ള നിർമ്മാണ ശേഷി ശക്തിപ്പെടുത്താനാണ് ഈ പുതിയ പദ്ധതിയലൂടെ ലക്ഷ്യമിടുന്നത്. കമ്പനിയുടെ നിലവിലുള്ള പ്ലാന്റുകളും അടിസ്ഥാന സൗകര്യങ്ങളും പരമാവധി പ്രയോജനപ്പെടുത്തി പ്രവർത്തനം മെച്ചപ്പെടുത്താൻ ഈ തുക വിനിയോഗിക്കും. തന്ത്രപ്രധാനമായ പൊതുമേഖലാ വ്യാവസായിക ആസ്തികൾ പുനരുജ്ജീവിപ്പിക്കുന്നതിനും ആഭ്യന്തര നിർമ്മാണ മേഖലയെ ശക്തിപ്പെടുത്തുന്നതിനുമുള്ള സർക്കാരിന്റെ ശ്രമങ്ങളുടെ ഭാഗമായാണ് ഈ പുതിയ നീക്കം. വാച്ചുകൾക്ക് പുറമെ ട്രാക്ടറുകൾ, മെഷീൻ ടൂളുകൾ, പ്രിന്റിങ് മെഷീനുകൾ, ബെയറിങ്ങുകൾ എന്നിവയും എച്ച്.എം.ടി നിർമ്മിക്കുന്നുണ്ട്. വർഷങ്ങളായി നേരിട്ട സാമ്പത്തിക പ്രതിസന്ധിയെ തുടർന്ന് 2016-ൽ കമ്പനി…

രാഷ്ട്രപതി ദ്രൗപതി മുർമുവിനൊപ്പം ഔദ്യോഗിക ചടങ്ങുകളിലും വിദേശ പര്യടനങ്ങളിലും നിഴൽ പോലെ അനുഗമിച്ച് സോഷ്യൽ മീഡിയയുടെ ഹൃദയം കവർന്ന എയ്ഡ്-ഡി-ക്യാമ്പ് (എ.ഡി.സി) മേജർ ഋഷഭ് സിങ് സാംബ്യാൽ സൈനിക സേവനത്തിൽ നിന്ന് സ്വമേധയാ വിരമിച്ചിരിക്കുകയാണ്. 12 വർഷത്തെ ദീർഘമായ സേവനത്തിന് ശേഷമാണ് അദ്ദേഹം സൈനിക യൂണിഫോം അഴിച്ചുവെക്കുന്നത്. വിരമിക്കൽ നടപടികൾ പൂർത്തിയായതിനെ തുടർന്ന് ഓഗസ്റ്റ് 21-ന് രാഷ്ട്രപതി ഭവനിലെത്തി ദ്രൗപതി മുർമുവിനെ നേരിൽ കണ്ട് അദ്ദേഹം നന്ദി അറിയിച്ചു. സമൂഹമാധ്യമങ്ങളിൽ ‘നാഷണൽ ക്രഷ്’ എന്ന് വിശേഷിപ്പിക്കപ്പെടുന്ന മേജർ ഋഷഭ് സിങ് സാംബ്യാൽ ജമ്മു കശ്മീരിൽ നിന്നുള്ള ഡോഗ്ര രാജ്പുത് കുടുംബാംഗമാണ്. നാഷണൽ ഡിഫൻസ് അക്കാദമി (NDA) വഴി 2014-ലാണ് അദ്ദേഹം സൈന്യത്തിൽ പ്രവേശിച്ചത്. ജാട്ട് റെജിമെന്റ്, പ്രശസ്തമായ 4 പാരാ സ്പെഷ്യൽ ഫോഴ്സ് എന്നിവയിൽ സേവനമനുഷ്ഠിച്ചിട്ടുള്ള അദ്ദേഹം, പ്രമുഖമായ ‘ബലിദാൻ ബാഡ്ജ്’ അടക്കം നിരവധി അംഗീകാരങ്ങൾ നേടിയിട്ടുണ്ട്. 2021-ലെ റിപ്പബ്ലിക് ദിന പരേഡിൽ ജാട്ട് റെജിമെന്റ് സംഘത്തെ നയിച്ചതിലൂടെയാണ് അദ്ദേഹം ശ്രദ്ധിക്കപ്പെടുന്നത്.…