Author: News Desk

റേഷൻ കടകൾക്ക് മുന്നിൽ പ്രധാനമന്ത്രിയുടെ ഫോട്ടോയുള്ള ബാനറുകൾ സ്ഥാപിക്കണമെന്ന കേന്ദ്ര നിർദേശത്തോട് എതിർപ്പ് പ്രകടിപ്പിച്ച് കേരളം.  ബ്രാൻഡിംഗിന്റെ ഭാഗമായി പ്രധാനമന്ത്രിയുടെ ചിത്രമുള്ള ബാനറുകൾ റേഷൻ കടകളുടെ മുന്നിൽ സ്ഥാപിക്കണമെന്നും പ്രധാനമന്ത്രിയുടെ ചിത്രമുള്ള കവറുകൾ വിതരണം ചെയ്യണമെന്നും കേന്ദ്ര ഭക്ഷ്യ സെക്രട്ടറി, സംസ്ഥാന ഭക്ഷ്യ സെക്രട്ടറിയോട് നിർദേശിച്ചിരുന്നു. പ്രധാനമന്ത്രിയുടെ ചിത്രമുള്ള സെൽഫി പോയിന്റും റേഷൻ കടകൾക്ക് മുന്നിൽ വെക്കണമെന്ന് നിർദേശമുണ്ടായിരുന്നു. ഇതിനോട് മുഖം തിരിച്ചിരിക്കുകയാണ് കേരളം. ഇക്കാര്യം കേന്ദ്രത്തെ അറിയിക്കുമെന്നും വിഷയത്തിൽ തിരഞ്ഞെടുപ്പ് കമ്മീഷനെ സമീപിക്കുമെന്നും മുഖ്യമന്ത്രി പിണറായി വിജയൻ നിയമസഭയിൽ പറഞ്ഞു. ചോദ്യോത്തരവേളയിൽ പി. അബ്ദുൾ ഹമീദ് എംഎൽഎയുടെ ചോദ്യത്തിന് മറുപടി പറയുകയായിരുന്നു മുഖ്യമന്ത്രി. സംസ്ഥാനത്തെ 14,000ൽ അധികം റേഷൻ കടകളിൽ പ്രധാനമന്ത്രിയുടെ ഫോട്ടോ സ്ഥാപിച്ച് റിപ്പോർട്ട് നൽകാൻ എഫ്സിഐയേയും സംസ്ഥാന ഭക്ഷ്യ വകുപ്പിനെയും കേന്ദ്രം ചുമതലപ്പെടുത്തിയിരുന്നു. കൂടാതെ തിരഞ്ഞെടുത്ത 550 റേഷൻ കടകളിൽ പ്രധാനമന്ത്രിയുടെ ചിത്രമുള്ള സെൽഫി പോയിന്റുകൾ സ്ഥാപിക്കണമെന്നും നിർദേശിച്ചിരുന്നു. ഭക്ഷ്യധാന്യങ്ങൾ വിതരണം ചെയ്യുന്നതിന് കേന്ദ്രസർക്കാരിന്റെ ലോഗോ പതിപ്പിച്ച…

അയോധ്യയിൽ 100 കോടി രൂപയ്ക്ക് 5 സ്റ്റാർ ഹോട്ടൽ തുടങ്ങാൻ ഓൺലൈൻ ട്രാവൽ പ്ലാറ്റ്ഫോം ഈസ് മൈട്രിപ് (EaseMyTrip). അയോധ്യയിൽ 5 സ്റ്റാർ ഹോട്ടൽ തുടങ്ങി കൊണ്ട് ഹോസ്പിറ്റാലിറ്റി ബിസിനസിലേക്ക് ചുവടുവെക്കാനാണ് ഈസ്മൈട്രിപ്പിന്റെ ലക്ഷ്യം. അയോധ്യയിൽ രാമക്ഷേത്രത്തിന്റെ 1 കിലോമീറ്റർ ചുറ്റളവിലാണ് ഈസ്മൈട്രിപ്പ് ഹോട്ടൽ പണിയുന്നത് എന്നാണ് റിപ്പോർട്ട്. ഇതിനായി ജീവാനി ഹോസ്പിറ്റാലിറ്റി കമ്പനിയിൽ നിന്ന് 100 കോടി രൂപയുടെ നിക്ഷേപം സ്വീകരിക്കും.അയോധ്യയിൽ ഹോട്ടൽ തുടങ്ങാനുള്ള പ്രൊപ്പോസലിന് ഫെബ്രുവരി 11ന് നടന്ന ബോർഡ് മീറ്റിംഗിൽ അംഗീകാരം നൽകി. എക്സ്ചേഞ്ച് ഫയലിംഗിൽ ആണ് കമ്പനി ഇക്കാര്യം അറിയിച്ചത്.അയോധ്യയിലും ലക്ഷദ്വീപിലും മികച്ച സാധ്യതകൾ കാണുന്നുണ്ടെന്ന് ഈസ്മൈട്രിപ്പ് കോഫൗണ്ടർ പ്രശാന്ത് പിട്ടി പറഞ്ഞു. കമ്പനിയുടെ ഡിസംബർ പാദത്തിലെ വരുമാനത്തെ കുറിച്ച് സംസാരിക്കുമ്പോഴാണ് പിട്ടി ഇക്കാര്യം പറഞ്ഞത്. ഡിസംബർ പാദത്തിൽ കമ്പനിയുടെ വരുമാനം 9.6 % വർധിച്ച് 45.6 കോടി രൂപയായി. മറ്റ് കമ്പനികൾ വാങ്ങാനും ഈസ്മൈട്രിപ്പ് ലക്ഷ്യമിടുന്നുണ്ട്. ഇതിനായി 100 കോടി രൂപ കമ്പനി ബോർഡ്…

റിസർവ് ബാങ്കിന്റെ കടുത്ത അച്ചടക്ക നടപടിക്ക് വിധേയമായ പേടിഎം പേമന്റ്‌സ് ബാങ്കിന് പൂട്ട് വീഴുന്നു. Paytm-ന് എതിരായ നടപടിയിലൂടെ സാമ്പത്തിക മേഖലയിലെ സ്ഥാപനങ്ങൾക്ക് നിയമങ്ങൾ കർശനമായി പാലിക്കണമെന്ന മുന്നറിയിപ്പാണ് റിസർവ് ബാങ്ക് നൽകിയിരിക്കുന്നത്. ഇതോടെ ആശങ്കയിലായിരിക്കുന്നത് രാജ്യത്തെ മറ്റു ഫിനാൻഷ്യൽ സ്റ്റാർട്ടപ്പുകളും, ഫിൻടെക്ക് ഭീമന്മാരുമാണ് . കാരണം അച്ചടക്കത്തിന്റെ വാൾ ഏതു നിമിഷവും ആർ ബി ഐ തങ്ങൾക്കു നേരെയും ഓങ്ങാം എന്ന ഭീതി എല്ലാവരിലും വന്നു കഴിഞ്ഞു. പേടിഎം പേയ്‌മെൻ്റ് ബാങ്കിനെതിരെ റിസർവ് ബാങ്ക് ഓഫ് ഇന്ത്യ എടുത്ത നിയന്ത്രണ നടപടികളോട് പ്രതികരിച്ചുകൊണ്ട് ഒരു കൂട്ടം ഇന്ത്യൻ സ്റ്റാർട്ടപ്പ് സ്ഥാപകർ ഉ പ്രധാനമന്ത്രിയുടെ ഓഫീസ് (പിഎംഒ), ധനമന്ത്രാലയം, ആർബിഐ എന്നിവയ്ക്ക് കത്തയച്ചു. വിജയ് ശേഖർ ശർമ്മയുടെ പേ ടി എമ്മിന് ഏർപ്പെടുത്തിയ നിയന്ത്രണങ്ങൾ പുനഃപരിശോധിക്കണമെന്ന് അവർ ആവശ്യപെടുന്നു. Innov8, CapitalMind, Bharat Matrimony തുടങ്ങിയ പ്രമുഖ സ്റ്റാർട്ടപ്പുകളെ പ്രതിനിധീകരിക്കുന്ന സ്ഥാപകരുടെ നേതൃത്വത്തിൽ അയച്ച കത്ത്, Paytm പേയ്‌മെൻ്റ് ബാങ്കിൽ ആർബിഐയുടെ നടപടികളുടെ…

ഫ്രാൻസിന് പിന്നാലെ ഇന്ത്യയുടെ യുപിഐയ്ക്ക് (UPI) അംഗീകാരം നൽകി ശ്രീലങ്കയും മൗറീഷ്യസും. മൗറീഷ്യസിൽ റൂപേ (RuPay) കാർഡും ഉപയോഗിക്കാൻ അംഗീകാരം ലഭിച്ചു. ഇന്ത്യൻ സഞ്ചാരികൾക്ക് ഇനി ശ്രീലങ്കയിലും മൗറീഷ്യസിലും യുപിഐ സേവനങ്ങൾ ഉപയോഗിച്ച് തുടങ്ങാം. ഇന്ന് മുതൽ ഈ രാജ്യങ്ങളിൽ യുപിഐ സേവനങ്ങൾ ലഭ്യമായി തുടങ്ങുമെന്ന് വിദേശ കാര്യ മന്ത്രാലയം അറിയിച്ചു. ഫ്രാൻസിലും ശ്രീലങ്കയിലും മൗറീഷ്യസിലും യുപിഐ വരുന്നത് ഏറ്റവും കൂടുതൽ ഉപകരിക്കുന്നത് ഇന്ത്യക്കാർക്കായിരിക്കും. ശ്രീലങ്ക, മൗറീഷ്യസ്‍ എന്നിവിടങ്ങളിൽ താമസിക്കുന്ന ഇന്ത്യൻ പൗരന്മാർക്കും യാത്ര ചെയ്യുന്ന ഇന്ത്യക്കാർക്കും ഇനി പണം കൈയിൽ കരുതേണ്ട. ഈ രാജ്യങ്ങളിൽ നിന്ന് ഇന്ത്യയിലേക്ക് വരുന്നവർക്കും യുപിഐ സേവനം പ്രയോജനപ്പെടുത്താം.റൂപേ കാർഡ് വരുന്നതോടെ മൗറീഷ്യസിലുള്ള ബാങ്കുകൾക്ക് കാർഡ് അധിഷ്ഠിത സേവനങ്ങൾ നൽകാനാകും. ഇന്ത്യയിലും മൗറീഷ്യസിലും ഒരേ പോലെ റൂപേ കാർഡിന്റെ സേവനങ്ങൾ ഉപയോഗപ്പെടുത്താൻ സാധിക്കും. മറ്റു രാജ്യങ്ങളിൽ യുപിഐ സേവനം ലഭ്യമാകുന്നതോടെ വേഗതയേറിയ ഡിജിറ്റൽ പണമിടപാട് സാധ്യമാകുമെന്ന് വിദേശകാര്യ മന്ത്രാലയം പറഞ്ഞു. രാജ്യങ്ങൾ തമ്മിലുള്ള ഡിജിറ്റൽ കണക്ടിവിറ്റിയും…

അനുദിനമാണ് രാജ്യത്ത് ഊർജ ആവശ്യകത വർധിക്കുന്നത്. പുനരുപയോഗ ഊർജ സ്രോതസിലേക്ക് രാജ്യം മാറാനുള്ള കാരണവും ഇതാണ്. രാജ്യം ഏറ്റവും കൂടുതൽ ആശ്രയിക്കുന്ന പുനരുപയോഗ ഊർജ സ്രോതസാണ് സൗരോർജം. സോളാർവത്കരണം രാജ്യത്തിന്റെ ഊർജ ആവശ്യകതയുടെ നല്ലൊരു പങ്ക് നിവർത്തിച്ചു കൊടുക്കുന്നുണ്ട്. ഇത് തിരിച്ചറിഞ്ഞ് ആളുകളെ സൗരോർജത്തിലേക്ക് അടുപ്പിക്കാൻ കേന്ദ്ര-സംസ്ഥാന സർക്കാരുകൾ തന്നെ നിരവധി പദ്ധതികൾ നടപ്പാക്കുന്നുണ്ട്.2024-25 ഇടക്കാല ബജറ്റിൽ കേന്ദ്ര ധനമന്ത്രി നിർമലാ സീതാരാമൻ 1 കോടി വീടുകളിലേക്ക് പുരപ്പുറ സൗരോർജം ലഭ്യമാക്കാൻ പ്രധാൻ മന്ത്രി  സൂര്യോദയ യോജന പ്രഖ്യാപിച്ചു. വീടുകൾക്ക് മാസം 300 യൂണിറ്റ് വൈദ്യതി സൗജന്യമായി ലഭിക്കാൻ പദ്ധതി സഹായിക്കും. വർഷം 15000-18000 രൂപ വൈദ്യുതി ബില്ല് ലാഭിക്കാൻ ഇതുവഴി കുടുംബങ്ങൾക്ക് സാധിക്കും. വീടുകളിൽ ഉത്പാദിപ്പിക്കുന്ന സൗരോർജത്തിൽ മിച്ചം വരുന്നത്  കമ്പനികൾക്ക് വിൽക്കാൻ സാധിക്കും. വീടുകൾക്ക് മാത്രമല്ല സൗരോർജ പദ്ധതി ഉപകാരപ്രദമാകുന്നത്. സുസ്ഥിര ഗതാഗത സംവിധാനത്തിലേക്കുള്ള രാജ്യത്തിന്റെ മാറ്റം ത്വരിതപ്പെടുത്താനും സൗരോർജ പദ്ധതി സഹായിക്കും. സോളാർ പാനലിൽ ഉത്പാദിപ്പിക്കുന്ന വൈദ്യുതി…

കേക്കും ബ്രഡും ബിസ്കറ്റും മറ്റും ബേക്ക് ചെയ്യുന്ന വീഡിയോകൾക്ക് സോഷ്യൽ മീഡിയയിൽ എന്നും ആരാധകരുണ്ട്. മിക്കപ്പോഴും ഇത്തരം വീഡിയോകൾ വൈറലാകുകയും ചെയ്യും. വ്യവസായിക അടിസ്ഥാനത്തിൽ ബ്രഡ് ഉണ്ടാക്കുന്ന ഒരു വീഡിയോ ആണ് ഇത്തവണ വൈറൽ ആയത്. പ്ലാന്റ്ആഷിഷ് എന്ന ഇൻസ്റ്റാഗ്രാം പേജിൽ പോസ്റ്റ് ചെയ്ത വീഡിയോ കണ്ട് ആളുകൾ ‍‍ഞെട്ടിയെന്ന് മാത്രം. ബ്രഡ് ഉണ്ടാക്കാൻ മൈദയും യീസ്റ്റും പഞ്ചസാരയും മറ്റും ചേർത്ത് കുഴയ്ക്കുന്നതും മാവ് പാത്രങ്ങളിലാക്കി ബേക്ക് ചെയ്യുന്നതുമെല്ലാം വീഡിയോയിൽ കാണാം. എന്നാൽ ഇവയെല്ലാം വൃത്തിഹീനമായ സാഹചര്യങ്ങളിലാണെന്ന് മാത്രം. ബേക്ക് ചെയ്ത ബ്രഡ് നിലത്ത് വിരിച്ച പായയിൽ ആണ് വെച്ച് തണുപ്പിക്കുന്നത്. പായ ആളുകൾ ചവിട്ടി നടക്കുന്നത് കാണാം. പ്ലാന്റുകളിൽ ഇത്രയും മോശം സാഹചര്യത്തിലാണോ ഭക്ഷ്യോത്പന്നങ്ങൾ നിർമിക്കുന്നത്, വൃത്തിഹീനമായ ചുറ്റുപാടിൽ നിർമിച്ച ബ്രഡ് ആണോ ആളുകൾക്ക് കഴിക്കാൻ കൊടുക്കുന്നത് തുടങ്ങിയ കമന്റുകളാണ് വീഡിയോയ്ക്ക് കീഴിൽ. പോസ്റ്റ് ചെയ്ത് അധികം വൈകാതെ വീഡിയോ കണ്ടവരുടെ എണ്ണം റെക്കോർഡിലെത്തി. ഇതിന് മുമ്പ് മീൻ ഉണക്കുന്നതും…

ലെയ്ത്തുകളും ചന്ദനത്തിരി ഫാക്ടറികളും നിരന്നു നിൽക്കുന്ന മൈസൂരിവിലെ തെരുവോരങ്ങൾ, അവിടെ നിന്ന് ഏലവും ജാതിയും മണക്കുന്ന മട്ടാഞ്ചേരിയിലെ സുഗന്ധവ്യ‍ഞ്ജന തെരുവിലേക്ക് എത്തിയതാണ് ഇർഫാൻ ഷെരീഫ്. വരുമ്പോൾ ചന്ദനത്തിരികളുടെയും അത്തറിന്റെയും ഗന്ധവും കൂടെ കൊണ്ടുവന്നു. ഇപ്പോൾ മട്ടാഞ്ചേരിയിലൂടെ നടക്കുമ്പോൾ മലബാർ കുരുമുളകിന്റെയും ഏലത്തിന്റെയും കരയാമ്പുവിന്റെയും മണത്തിനിടയിൽ കൂടി ചന്ദനത്തിരിയുടെയും ഗന്ധം നിങ്ങളുടെ മൂക്കിലെത്തും. മട്ടാഞ്ചേരിയിലെത്തുന്നവർക്ക് മുന്നിൽ വമ്പൻ ചന്ദനത്തിരിയും കൂറ്റൻ അത്തറ് കുപ്പിയും കൊണ്ടു വന്ന് മറ്റൊരു അത്ഭുതം കൂടി അവതരിപ്പിച്ചിരിക്കുകയാണ് ഇർഫാൻ ഷെരീഫ്. മട്ടാഞ്ചേരി ജൂതത്തെരുവിലെ ഇർഫാന്റെ ഐആർഎസ് പെർഫ്യൂം ഫാക്ടറിയിലാണ് ഈ ചന്ദനത്തിരിയും അത്തറ് കുപ്പിയുമുള്ളത്.10 അടി ഉയരമുണ്ട് ഇവിടത്തെ അത്തറ് കുപ്പിക്ക് 3,600 ലിറ്റർ അത്തറാണ് ഇതിൽ സൂക്ഷിച്ചിരിക്കുന്നത്. ഇതിന് മുമ്പ് 6 അടി ഉയരത്തിലും അത്തറ് കുപ്പി ഇവിടെ നിർമിച്ചിരുന്നു. 69 നീളമുള്ള ചന്ദനത്തിരിക്ക് 412 കിലോഗ്രാമാണ് ഭാരം. ചന്ദനത്തടി, സാൻഡൽവുഡ് ഓയിൽ, മുളന്തണ്ട് മുതലായവ കൊണ്ട് നിർമിച്ചിരിക്കുന്ന ചന്ദനത്തിരി പുകഞ്ഞ് തീരാൻ 1 മാസത്തിന് മുകളിലെടുക്കും.…

തൊഴിൽ മേഖല ഫ്ലക്സിബിളാക്കാൻ ചട്ടങ്ങളിൽ മാറ്റം കൊണ്ട് വന്ന് യുഎഇ. ഫ്ലക്സിബിൾ വർക്കിനായി (flexible working) മാർഗനിർദേശങ്ങൾ പുറപ്പിടുവിച്ചിരിക്കുകയാണ് യുഎഇ. ഫെഡറൽ അതോറിറ്റി ഫോർ ഗവൺമെന്റ് ഹ്യൂമൺ റിസോഴ്സ് അവതരിപ്പിച്ച ജനറൽ ഫ്രെയിംവർക്ക് ഫോർ  എംപ്ലോയ്മെൻഫ് പാറ്റേൺ ആൻഡ് ഫ്ലക്സിബിൾ വർക്ക് ടൈപ്സ് മന്ത്രിസഭാ അംഗീകരിച്ചു. പുതിയ നിയമം അനുസരിച്ച് രാജ്യത്തിനകത്തും പുറത്തുമായി റിമോട്ട് വർക്കിന് അവസരമുണ്ട്. ഹൈബ്രിഡ് വർക്ക്, കംപ്രസ്ഡ് വർക്ക് ഷെഡ്യൂൾ എന്നിവയ്ക്കും ചട്ടത്തിൽ സാധുത നൽകുന്നു. യുഎഇ സർക്കാരിന്റെ സ്വപ്ന പദ്ധതിയായ വീ ദ യുഎഇ 2031 (We the UAE 2031) ലേക്കുള്ള ചുവടുവെപ്പ് കൂടിയാണ് ജനറൽ ഫ്രെയിംവർക്ക് ഫോർ  എംപ്ലോയ്മെൻഫ് പാറ്റേൺ ആൻഡ് ഫ്ലക്സിബിൾ വർക്ക് ടൈപ്സ്. നയം നടപ്പാക്കുന്നതിന് മുന്നോടിയായി ഈ മാസം ആമുഖ വർക്ക് ഷോപ്പുകൾ സംഘടിപ്പിക്കും. എച്ച്ആർ മാനേജർ, ഉദ്യോഗസ്ഥർ എന്നിവരെ പങ്കെടുപ്പിച്ച് കൊണ്ടായിരിക്കും വർക്ക് ഷോപ്പ് സംഘടിപ്പിക്കുക.  Learn about the UAE’s progressive step in launching…

മുംബൈയിൽ വളർത്തുമൃഗങ്ങൾക്കായി വെറ്ററിനറി ആശുപത്രി തുറക്കാൻ ടാറ്റ ഗ്രൂപ്പിന്റെ രത്തൻ ടാറ്റ. വളർത്ത് മൃഗങ്ങൾക്ക് വേണ്ടി അന്താരാഷ്ട്ര നിലവാരത്തിലുള്ള ആശുപത്രി എന്നത് രത്തൻ ടാറ്റയുടെ സ്വപ്ന പദ്ധതികളിലൊന്നാണ്. അതാണ് ഇപ്പോൾ യാഥാർഥ്യമായിരിക്കുന്നത്. മുംബൈ മഹാലാക്ഷ്മിയിലാണ് ടാറ്റാ ട്രസ്റ്റ് സ്മാൾ ആനിമൽ ഹോസ്പിറ്റൽ പണിതിരിക്കുന്നത്. മാർച്ചിൽ ആശുപത്രി ഉദ്ഘാടനം ചെയ്യുമെന്നാണ് വിവരം.165 കോടി രൂപ മുതൽമുടക്കിലാണ് മുംബൈയിൽ അന്താരാഷ്ട്ര നിലവാരത്തിൽ വളർത്തു മൃഗങ്ങൾക്കായി ടാറ്റ ആശുപത്രി തുറക്കുന്നത്. 5 നിലകെട്ടിടത്തിൽ ഒരേ സമയം 200 മൃഗങ്ങളെ കിടത്തി ചികിത്സിക്കാൻ സൗകര്യമുണ്ട്. ബ്രിട്ടനിൽ നിന്നുള്ള ഡോക്ടറായിരിക്കും ആശുപത്രി പ്രവർത്തനങ്ങൾക്ക് നേതൃത്വം നൽകുക.വളർത്തു മൃഗങ്ങളോട് ടാറ്റയ്ക്കുള്ള താത്പര്യം പലപ്പോഴും സാമൂഹിക മാധ്യമങ്ങളിൽ ചർച്ചയാകാറുണ്ട്. ഒരിക്കൽ തന്റെ വളർത്തു നായയെ ചികിത്സിക്കാൻ മിനിസൊട്ടയിലേക്ക് പോകേണ്ടി വന്നതാണ് ടാറ്റയെ പെറ്റ് ആശുപത്രി നിർമിക്കാൻ പ്രേരിപ്പിച്ചത്.2017ലാണ് ടാറ്റ പദ്ധതി പ്രഖ്യാപിക്കുന്നത്. ആദ്യം നവി മുംബൈയിലായിരുന്നു ആശുപത്രി തുടങ്ങാൻ പദ്ധതിയിട്ടിരുന്നതെങ്കിലും എല്ലാവർക്കും എത്തിച്ചേരാൻ എളുപ്പമായിരിക്കുമെന്ന് പരിഗണിച്ചാണ് മഹാലാക്ഷ്മിയിൽ ആശുപത്രി തുടങ്ങുന്നത്. കോവിഡ്…

സഞ്ചാരികളുടെ ബൈബിളായി അറിയപ്പെടുന്ന ‘ലോണ്‍ലി പ്ലാനറ്റ് ‘പ്രസിദ്ധീകരണത്തിന്‍റെ താളുകളില്‍ ഇടം പിടിച്ച് വര്‍ക്കലയിലെ പാപനാശം ബീച്ച്. സഞ്ചാരികള്‍ കണ്ടിരിക്കേണ്ട ലോകത്തെ ഏറ്റവും മനോഹരമായ 100 ബീച്ചുകളില്‍ ഒന്നായാണ് ലോണ്‍ലി പ്ലാനറ്റിന്‍റെ ബീച്ച് ഗൈഡ് ബുക്ക് പാപനാശത്തെ തിരഞ്ഞെടുത്തത്. ഗോവയിലെ പലോലം, അന്തമാനിലെ സ്വരാജ് ബീച്ച് എന്നിവയാണ് പട്ടികയില്‍ ഇടംപിടിച്ച മറ്റു ഇന്ത്യന്‍ ബീച്ചുകള്‍. കേരളത്തിലെ ബീച്ച് ടൂറിസത്തിനു ലഭിച്ച അംഗീകാരം കൂടിയാണ് ലോണ്‍ലി പ്ലാനറ്റ് പാപനാശത്തെ ഉൾപ്പെടുത്തിയത്. ടൂറിസം വ്യവസായത്തിന്‍റെ സാധ്യതകള്‍ ഉപയോഗപ്പെടുത്തി വിനോദസഞ്ചാരികളെ ആകര്‍ഷിക്കാന്‍ കേരള ടൂറിസം വര്‍ക്കലയില്‍ നടപ്പാക്കുന്ന സമഗ്ര വികസന പദ്ധതികള്‍ക്ക് ആവേശം പകരുന്നതാണ് ഈ അംഗീകാരം. സഞ്ചാരം വിനോദമാക്കി മാറ്റുന്നവര്‍ ഹൃദയത്തോട് ചേര്‍ത്തു വയ്ക്കുന്ന ആധികാരിക മാഗസിനാണ് ലോണ്‍ലി പ്ലാനറ്റ്. ലോകത്തെമ്പാടുമുള്ള കോടിക്കണക്കിന് സഞ്ചാരികളുടെ വഴികാട്ടിയാണിത്. തിരുവനന്തപുരത്ത് നിന്ന് 45 കിലോമീറ്റര്‍ വടക്കായി സ്ഥിതി ചെയ്യുന്ന വര്‍ക്കലയിലെ ക്ലിഫ് ബീച്ച് സംസ്ഥാനത്തെ ഒട്ടേറെ സവിശേഷതകളുള്ള പ്രധാന ടൂറിസം കേന്ദ്രങ്ങളിലൊന്നാണ്. ഭൂമിശാസ്ത്രപരമായി ഏറെ പ്രത്യേകതകളുള്ള സ്ഥലമാണ്…