Author: News Desk
ഹാർവാർഡ് സർവകലാശാലാ സന്ദർശനത്തെ കുറിച്ചുള്ള വൈകാരിക സന്ദേശം പങ്കുവെച്ച് റിലയൻസ് ഫൗണ്ടേഷൻ ചെയർപേഴ്‌സൺ നിത അംബാനി. 2025 ഹാർവാർഡ് ഇന്ത്യ കോൺഫറൻസിൽ നിത അംബാനി മുഖ്യപ്രഭാഷണം നടത്തിയിരുന്നു. ബോസ്റ്റണിൽ നടന്ന സമ്മേളനത്തിൽ സംസാരിക്കവേയാണ് നിത അംബാനി ഹൃദയസ്പർശിയായ അനുഭവം പങ്കുവെച്ചത്. തനിക്ക് ഹാർവാർഡിൽ പ്രസംഗിക്കാൻ അവസരം ലഭിച്ചതിൽ 90 വയസ്സുള്ള തന്റെ അമ്മ അഭിമാനിക്കുന്നുവെന്ന് സന്ദേശത്തിൽ നിത വിവരിച്ചു. റിലയൻസ് ഇൻഡസ്ട്രീസ് ലിമിറ്റഡിന്റെ ഔദ്യോഗിക എക്സ് ഹാൻഡിലിലാണ് നിത അംബാനിയുടെ വൈകാരിക വീഡിയോ പങ്കുവെച്ചിരിക്കുന്നത്. അമ്മയുടെ അഭിമാനം: സാമ്പത്തിക ബുദ്ധിമുട്ടുകൾ കാരണം നിതയെ ഹാർവാർഡിൽ അയച്ചു പഠിപ്പിക്കാൻ അവരുടെ കുടുംബത്തിനും അമ്മയ്ക്കും കഴിഞ്ഞില്ല. അതേ ഹാർവാർഡിൽ ഇന്ന് നിത അംബാനി മുഖ്യപ്രഭാഷകയായിരിക്കുന്നു. തന്നെ ക്ഷണിച്ചതിൽ തന്റെ അമ്മയ്ക്ക് ഏറെ അഭിമാനമുണ്ടെ നിത അംബാനി വിവരിക്കുന്നു. എക്സിലെ പോസ്റ്റിനൊപ്പം നിത അംബാനിയുടെ മുഖ്യപ്രഭാഷണത്തിന്റെ 50 സെക്കൻഡ് നീളുന്ന വീഡിയോയും ചേർത്തിട്ടുണ്ട്. Nita Ambani, Founder-Chairperson of Reliance Foundation, shared an emotional…
യുഎസ് പ്രതിരോധ, എയ്‌റോസ്‌പേസ് ഭീമൻമാരായ ലോക്ക്ഹീഡ് മാർട്ടിനുമായി ചർച്ച നടത്തി വാണിജ്യ വ്യവസായ മന്ത്രി പിയൂഷ് ഗോയൽ. ഇന്ത്യയിൽ വിമാനങ്ങൾ നിർമ്മിക്കുന്നതിന്റെ സാധ്യതകളും അവസരങ്ങളും സംബന്ധിച്ചാണ് ലോക്ക്ഹീഡ് മാർട്ടിൻ ഇന്റർനാഷണൽ പ്രസിഡന്റ് മൈക്കൽ വില്യംസണിന്റെ നേതൃത്വത്തിലുള്ള പ്രതിനിധി സംഘവുമായി മന്ത്രി കൂടിക്കാഴ്ച നടത്തിയത്. എയ്‌റോസ്‌പേസ്, പ്രതിരോധ മേഖലകളിൽ ‘മെയ്ക്ക് ഇൻ ഇന്ത്യ’ സംരംഭത്തെ കൂടുതൽ ശക്തിപ്പെടുത്തുന്നതിന് ഇന്ത്യയിൽ വിമാനങ്ങൾ നിർമിക്കുന്നതിനുള്ള അവസരങ്ങൾ കൂടിക്കാഴ്ചയിൽ വിശകലനം ചെയ്തതായി പിയൂഷ് ഗോയൽ എക്സ് പ്ലാറ്റ്ഫോമിലെ പോസ്റ്റിൽ പറഞ്ഞു. ലോകമെങ്ങും പ്രവർത്തന ശൃംഖലകളുള്ള യുഎസ് ആസ്ഥാനമായുള്ള പ്രതിരോധ, വ്യോമയാന നിർമാതാക്കളാണ് ലോക്ക്ഹീഡ് മാർട്ടിൻ കോർപറേഷൻ. എയ്‌റോസ്‌പേസ്, സൈനിക പിന്തുണ, സുരക്ഷ, സാങ്കേതികവിദ്യ വ്യവസായത്തിലെ ഏറ്റവും വലിയ കമ്പനികളിൽ ഒന്നായ ലോക്ക്ഹീഡ് മാർട്ടിൻ 2014 സാമ്പത്തിക വർഷത്തിലെ വരുമാനത്തിന്റെ കാര്യത്തിൽ ലോകത്തിലെ ഏറ്റവും വലിയ പ്രതിരോധ കരാറുകാരായിരുന്നു. എയറോനോട്ടിക്സ് , മിസൈൽസ് ആൻഡ് ഫയർ കൺട്രോൾ, റോട്ടറി ആൻഡ് മിഷൻ സിസ്റ്റംസ് , സ്പേസ് എന്നിങ്ങനെ നാല്…
ഉന്നത വിദ്യാഭ്യാസത്തിന് പണം ചിലവിടുന്നതിൽ കേരളം മുൻപിലെന്ന് റിപ്പോർട്ട്. ഇന്ത്യയിലെ ഉന്നത വിദ്യാഭ്യാസത്തിന്റെ അവസ്ഥയെക്കുറിച്ചുള്ള നിതി ആയോഗിന്റെ പഠന റിപ്പോർട്ടിലാണ് ഉന്നതവിദ്യാഭ്യാസ മേഖലയിൽ പ്രതിശീർഷ ഫണ്ട് വിനിയോഗത്തിൽ കേരളം മുൻപന്തിയിലുള്ളത്. റിപ്പോർട്ട് അനുസരിച്ച് ഉന്നത വിദ്യാഭ്യാസത്തിനായി യുവാക്കൾക്ക് ഏറ്റവും കൂടുതൽ പണം ചിലവഴിക്കുന്ന സംസ്ഥാനങ്ങളിൽ കേരളം മുന്നിലാണ്. 18-23 പ്രായം ഉളള്ളവരുടെ വിദ്യാഭ്യാസത്തിനായി കേരളത്തിനൊപ്പം തെലങ്കാനയും കൂടുതൽ തുക നീക്കിവെച്ചിട്ടുണ്ട്. റിപ്പോർട്ട് അനുസരിച്ച് ആന്ധ്ര പ്രദേശ്, തമിഴ്നാട് എന്നീ സംസ്ഥാനങ്ങളാണ് ഉന്നത വിദ്യാഭ്യാസത്തിന് കൂടുതൽ തുക വിനിയോഗിക്കുന്ന മറ്റു സംസ്ഥാനങ്ങൾ. കേരളം മൊത്തം ആഭ്യന്തര ഉത്പാദനത്തിന്റെ 3.46 ശതമാനം വിദ്യാഭ്യാസത്തിനായി നീക്കി വെയ്ക്കുന്നതായും ഇതിൽ 0.56 ശതമാനം ഉന്നവിദ്യാഭ്യാസത്തിനായാണ് വിനിയോഗിക്കുന്നത് എന്നും നിതി ആയോഗ് പഠനറിപ്പോർട്ട് പറയുന്നു. ഉന്നത വിദിയാഭ്യാസ കൗൺസിലും ഡിജിറ്റൽ സർവകലാശാലയും ചേർന്ന് നടപ്പിലാക്കി വരുന്ന ലെറ്റ് അസ് ഗോ ഡിജിറ്റൽ ഇനിഷ്യേറ്റീവിനെ റിപ്പോർട്ട് പ്രശംസിച്ചിട്ടുമുണ്ട്. According to the NITI Aayog report, Kerala leads India…
രാജ്യത്തുടനീളം വിദ്യാഭ്യാസ സ്ഥാപനങ്ങൾ സ്ഥാപിക്കുന്നതിനായി മലയാളിയായ സണ്ണി വർക്കി നേതൃത്വം നൽകുന്ന ജെംസ് എജ്യുക്കേഷനുമായി (GEMS Education) സഹകരിച്ച് അദാനി ഫൗണ്ടേഷൻ (Adani Foundation). അദാനി കുടുംബത്തിൽ നിന്ന് 2,000 കോടി രൂപയുടെ പ്രാരംഭ സംഭാവനയോടെ ലോകോത്തര വിദ്യാഭ്യാസവും പഠന സൗകര്യങ്ങളും ഒരുക്കും. സമൂഹത്തിന്റെ എല്ലാ തലങ്ങളിലുമുള്ള ആളുകൾക്ക് താങ്ങാനാവുന്ന ചിലവിൽ ലോകോത്തര വിദ്യാഭ്യാസം ലഭ്യമാക്കാനും മികച്ച ഗവേഷണ സ്ഥാപനങ്ങൾ ആരംഭിക്കാനും പദ്ധതി വഴിയൊരുക്കും. അദാനി ഗ്രൂപ്പിന്റെ സാമൂഹിക പ്രതിബദ്ധതാ പദ്ധതിക്ക് (CSR) നേതൃത്വം നൽകുന്ന വിഭാഗമാണ് അദാനി ഫൗണ്ടേഷൻ. 2025-26 അധ്യയന വർഷത്തിൽ ലഖ്‌നൗവിൽ ആദ്യത്തെ ‘അദാനി ജെംസ് സ്കൂൾ ഓഫ് എക്സലൻസ്’ ആരംഭിക്കും. അടുത്ത മൂന്ന് വർഷത്തിനുള്ളിൽ ഇന്ത്യയിലെ പ്രാഥമിക മെട്രോപൊളിറ്റൻ നഗരങ്ങളിലുടനീളവും തുടർന്ന് ടയർ II മുതൽ IV വരെയുള്ള നഗരങ്ങളിലും കെ -12 വിഭാഗത്തിൽ കുറഞ്ഞത് 20 സ്കൂളുകളെങ്കിലും ആരംഭിക്കും. ഈ സ്കൂളുകളിൽ സിബിഎസ്ഇ പാഠ്യപദ്ധതിയിലെ 30% സീറ്റുകൾ അർഹതയുള്ളവർക്ക് സൗജന്യമായിരിക്കും. ഇന്ത്യയിലെ മികച്ച പഠന…
തമിഴ്നാട് വെല്ലൂർ-തിരുവണ്ണാമല-വില്ലുപുരം ദേശീയ പാതയിൽ നാമമാത്രമായ മാറ്റങ്ങൾ വരുത്തി 36 കോടി രൂപയുടെ ടോൾ പിരിവ് നടത്തി ദേശീയ പാതാ അതോറിറ്റി. ഇരുവശത്തും വെറും 1.5 മീറ്റർ റോഡ് വീതി കൂട്ടിയാണ് 110 കിലോമീറ്റർ ദൈർഘ്യമുള്ള രണ്ട് വരി പാതയിൽ ടോൾ ഈടാക്കുന്നതെന്ന് ഇന്ത്യൻ എക്സ്പ്രസ് റിപ്പോർട്ട് ചെയ്യുന്നു. 2023 ഏപ്രിൽ മുതൽ 2024 നവംബർ വരെയുള്ള 20 മാസത്തിനുള്ളിൽ വല്ലം, ഏനാംകരിയാനന്ദൽ, തെന്നമാദേവി എന്നീ മൂന്ന് ടോൾ പ്ലാസകളിൽ നിന്ന് ഏകദേശം 36 കോടി രൂപയാണ് ഇത്തരത്തിൽ പിരിച്ചെടുത്തത്. അതേസമയം, കേന്ദ്ര സർക്കാർ പദ്ധതിക്കായി ചെലവഴിച്ച ആകെ ഫണ്ട് വെറും 273 കോടി രൂപ മാത്രമാണെന്ന് ആർടിഐ രേഖകൾ വ്യക്തമാക്കുന്നു. നാഷണൽ ഹൈവേ അതോറിറ്റി ഓഫ് ഇന്ത്യ (NHAI) നടപ്പിലാക്കിയ മറ്റ് റോഡ് പദ്ധതികളിൽ നിന്ന് വ്യത്യസ്തമായി, വെല്ലൂർ-വില്ലുപുരം NH-234, MoRTH മാത്രം അനുവദിച്ച ഫണ്ട് ഉപയോഗിച്ച് നവീകരിച്ചു. ഇതിൽ ബാങ്ക് വായ്പകളൊന്നും ഉൾപ്പെട്ടിരുന്നില്ല. ഫീസ്, സെസ്, മറ്റ് നികുതികൾ…
യുഎഇയിൽ പ്രവർത്തനം വ്യാപിപ്പിക്കാൻ ലുലു റീട്ടെയിൽ ഗ്രൂപ്പ്. രാജ്യത്തെ പ്രധാന നഗരങ്ങളിലെ പ്രാന്ത പ്രദേശങ്ങളിലേക്ക് പ്രവർത്തനം വ്യാപിപ്പിക്കാനാണ് ലുലു റീട്ടെയിൽ പദ്ധതിയിടുന്നതെന്ന് ‘ഖലീജ് ടൈംസ്’ റിപ്പോർട്ട് ചെയ്യുന്നു. പുതിയ ഔട്ട്ലെറ്റുകൾ ആരംഭിക്കുന്നതോടെ യുഎഇയിലെ റീട്ടെയിൽ മേഖലയിൽ ആയിരക്കണക്കിന് തൊഴിലവസരങ്ങളാണ് സൃഷ്ടിക്കപ്പെടുക. ദുബായിലും വടക്കൻ എമിറേറ്റുകളിലുമായി 15 പുതിയ പ്രൊജക്റ്റുകൾ ആരംഭിക്കുമെന്ന് ലുലു ഗ്രൂപ്പ് സ്ഥാപകൻ എം.എ യൂസഫലി പറഞ്ഞു. യുഎഇയിലെ പ്രധാന നഗരങ്ങളിലെ പ്രാന്ത പ്രദേശങ്ങളിലെ ജനസംഖ്യ ഉയരുകയാണ്. അതിനാൽ ഈ പ്രദേശങ്ങളിലേക്കും പ്രവർത്തനം വ്യാപിപ്പിക്കുകയാണ് ലുലുവിന്റെ ലക്ഷ്യം. അതാത് പ്രദേശങ്ങളിലെ ജനസാന്ദ്രത കണക്കിലെടുത്ത് ഹൈപ്പ‍ർമാർക്കറ്റ്, എക്സ്പ്രസ് സ്റ്റോർ തുടങ്ങിയവ ആരംഭിക്കും-യൂസഫലി പറഞ്ഞു. യുഎഇയ്ക്കു പുറമേ സൗദിയിലും വിപുലീകരണ പ്രവർത്തനങ്ങൾ നടക്കുന്നതായി ലുലു റീട്ടെയിൽ സിഇഒ സെയ്ഫീ രൂപാവാല അറിയിച്ചു. വിപുലീകരണത്തിന്റെ ഭാഗമായി സൗദിയിൽ 37 പുതിയ സ്റ്റോറുകൾ ആരംഭിക്കാനാണ് നീക്കം. യുഎഇ, സൗദി അറേബ്യ, മറ്റ് ഗൾഫ് രാജ്യങ്ങൾ എന്നിവിടങ്ങളിലെ സ്റ്റോറുകളെല്ലാം ധാരാളം തൊഴിലവസരങ്ങൾ സൃഷ്ടിക്കും. 2024 ജൂൺ…
പ്രധാനമന്ത്രി നരേന്ദ്ര മോഡിയുമായി കൂടിക്കാഴ്ച നടത്തിയതിനു പിന്നാലെ ഇന്ത്യയിൽ നിയമനങ്ങൾ നടത്താൻ നടപടികളുമായി ടെസ്ല സിഇഒ ഇലോൺ മസ്‌ക്. ഇന്ത്യൻ വിപണിയിലേക്കുള്ള ടെസ്ലയുടെ കടന്നുവരവിന്റെ വ്യക്തമായ സൂചനകൾ നൽകുന്നതാണ് ഇന്ത്യൻ നിയമന നീക്കം. ഇലക്ട്രിക് വാഹന നിർമാതാക്കളായ ടെസ്ല 13 തസ്തികകളിലേക്കാണ് ഉദ്യോഗാർത്ഥികളെ ക്ഷണിച്ചിരിക്കുന്നത്. ഇതിൽ സർവീസ് ടെക്‌നീഷ്യൻ, വിവിധ ഉപദേശക തസ്തികകൾ ഉൾപ്പെടെ കുറഞ്ഞത് അഞ്ച് തസ്തികകൾ മുംബൈ, ഡൽഹി എന്നിവിടങ്ങളിലേക്കാണ് വിളിച്ചിരിക്കുന്നത്. കസ്റ്റമർ എൻഗേജ്മെന്റ് മാനേജർ, ഡെലിവറി ഓപ്പറേഷൻസ് സ്പെഷ്യലിസ്റ്റ് എന്നിവയാണ് ബാക്കിയുള്ള ഒഴിവുകൾ. ഈ തസ്തികകളിലേക്ക് മുംബൈയിൽ മാത്രമാണ് ടെസ്ല ഉദ്യോഗാർത്ഥികളെ അന്വേഷിക്കുന്നത്. കഴിഞ്ഞ ഏതാനും വർഷങ്ങളായി ടെസ്ല ഇന്ത്യയിലേക്ക് വരുന്നതിനെ കുറിച്ച് ഏറെ ചർച്ചകളും അതിലേറെ അഭ്യൂഹങ്ങളും ഉണ്ടായിരുന്നു. ഇടയ്ക്ക് ഉയർന്ന ഇറക്കുമതി തീരുവയുടെ പേരിൽ ടെസ്ല ഇന്ത്യയിലേക്ക് ഇല്ല എന്ന നിലപാടിലും ആയിരുന്നു. എന്നാൽ അടുത്തിടെ ഇന്ത്യ 40000 ഡോളറിനു മുകളിൽ വിലയുള്ള ഹൈ എൻഡ് കാറുകളുടെ തീരുവ 110 ശതമാനത്തിൽ നിന്നും 70…
ഇന്ത്യയിലെ ആദ്യ സ്വകാര്യ നിർമിത പോളാർ സാറ്റലൈറ്റ് ലോഞ്ച് വെഹിക്കിളിന്റെ (PSLV) കൂടുതൽ വിവരങ്ങൾ പുറത്തുവിട്ട് ഐഎസ്ആർഒ ചെയർമാൻ വി. നാരായണൻ. ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിലാണ് അദ്ദേഹം സ്വകാര്യ മേഖല നിർമിക്കുന്ന ആദ്യ പിഎസ്എൽവിയെക്കുറിച്ച് സംസാരിച്ചത്. 35 തദ്ദേശീയ സാങ്കേതികവിദ്യകൾ പരീക്ഷിക്കാനാകുന്ന സാങ്കേതിക പ്രദർശന ഉപഗ്രഹമായ ടിഡിഎസ് 1 വഹിക്കാനാകും എന്നതാണ് ആദ്യ സ്വകാര്യ നിർമിത പിഎസ്എൽവിയുടെ സവിശേഷത എന്ന് അദ്ദേഹം പറഞ്ഞു. പ്രതിരോധ വകുപ്പിന് കീഴിലുള്ള പൊതുമേഖലാ നവരത്‌ന സ്ഥാപനമായ ഹിന്ദുസ്ഥാൻഎയ്റോനോട്ടിക്‌സ് ലിമിറ്റഡും (HAL) വ്യാവസായിക സാങ്കേതികവിദ്യ-എഞ്ചിനീയറിങ് കമ്പനിയായ ലാർസൻ & ട്യൂബ്രോ ലിമിറ്റഡും (L&T) ചേർന്നാണ് ഇന്ത്യയിലെ ആദ്യ സ്വകാര്യ നിർമിത പിഎസ്എൽവി നിർമിക്കുന്നത്. ഐഎസ്ആർഒ രൂപകൽപന ചെയ്ത് പ്രവർത്തിപ്പിക്കുന്ന എക്‌സ്‌പെൻഡബിൾ മീഡിയം-ലിഫ്റ്റ് ലോഞ്ച് വെഹിക്കിൾ ആണ് പിഎസ്എൽവി. ഇന്ത്യയുടെ ഇന്ത്യൻ റിമോട്ട് സെൻസിംഗ് ഉപഗ്രഹങ്ങളെ സൺ സിൻക്രണസ് സാറ്റലൈറ്റിലേക്ക് വിക്ഷേപിക്കാനായാണ് ഇവ വികസിപ്പിച്ചത്. 2022ലാണ് സ്വകാര്യ പിഎസ്എൽവി നിർമാണത്തിനായി എച്ച്എഎല്ലും എൽ ആൻഡ് ടിയും…
ദുബായിലെ ഏറ്റവും തിരക്കേറിയ പ്രദേശങ്ങൾ കടന്ന് അബുദാബിയിൽ നിന്ന് ജലമാർഗം ഓഫീസിലേക്ക് സഞ്ചരിക്കുന്നത് സങ്കൽപ്പിക്കുക. ഇതാണ് യുഎഇ ഭാവിയിൽ ലക്ഷ്യമിടുന്ന ഗതാഗത നവീകരണം. ദുബായിൽ അടുത്തിടെ സമാപിച്ച ലോക ഗവൺമെന്റ് ഉച്ചകോടി താമസക്കാർക്കും വിനോദസഞ്ചാരികൾക്കും വേണ്ടിയുള്ള നഗരഗതാഗതത്തെ പരിവർത്തനം ചെയ്യുന്ന വിപ്ലവകരമായ സംരംഭങ്ങൾ അനാവരണം ചെയ്തു. വിപുലമായ ടണൽ ഇൻഫ്രാസ്ട്രക്ചർ, സൗരോർജ്ജത്തിൽ പ്രവർത്തിക്കുന്ന ഗതാഗത സംവിധാനങ്ങൾ മുതൽ പറക്കും ടാക്സികൾക്കും കാർഗോ ഡ്രോണുകൾക്കുമുള്ള എയർ കോറിഡോറുകൾ വരെയുള്ള നൂതന സംവിധാനങ്ങളാണ് ഉച്ചകോടിയിൽ പ്രദർശിപ്പിച്ചത്. യുഎഇയിലെ ഗതാഗതത്തിന്റെ ഭാവി രൂപപ്പെടുത്തുന്ന പ്രധാന പദ്ധതികൾ ഇവയാണ്: 1. റെയിൽ ബസ്ഈ വിപ്ലവകരമായ സ്വയമോടുന്ന, സൗരോർജ്ജ ഗതാഗത സംവിധാനം വികസന ഘട്ടത്തിലാണ്. പുനരുപയോഗിക്കാവുന്ന വസ്തുക്കളിൽ നിന്ന് നിർമിച്ച പൂർണ്ണമായും ത്രീ ഡി പ്രിന്റഡ് വാഹനമാണ് റെയിൽ ബസ്. സുസ്ഥിരതയ്ക്കും കാര്യക്ഷമതയ്ക്കും വേണ്ടി രൂപകൽപന ചെയ്‌തിരിക്കുന്ന റെയിൽ ബസിൽ രണ്ട് നിര സീറ്റുകളാണ് ഉള്ളത്. ഓരോ കോച്ചിലും 22 സീറ്റുകൾ വീതമുള്ള റെയിൽ ബസ് 40 യാത്രക്കാരെ…
ലോകം മുഴുവൻ യാത്ര ചെയ്യുക എന്നത് പലരുടേയും സ്വപ്നം ആയിരിക്കും. എന്നാൽ ആ സ്വപ്നം യാഥാർത്ഥ്യമാക്കാൻ കടമ്പകൾ ഏറെ കടക്കണം. സ്ത്രീകളുടെ കാര്യത്തിൽ ഈ കടമ്പ കുറച്ചേറെയുമാണ്. അപ്പോൾ അഞ്ച് കുട്ടികളുടെ അമ്മയായ ഒരാൾ വണ്ടിയോടിച്ച് ലോകം ചുറ്റാൻ സോളോ ട്രിപ്പിന് ഇറങ്ങിയാലോ? ഐതിഹാസികം എന്നല്ലാതെ അതിനെ വിശേഷിപ്പിക്കാനാകില്ല. അത്തരമൊരു ഐതിഹാസിക യാത്രയിലാണ് കണ്ണൂർ സ്വദേശിനിയായ വ്ലോഗർ നാജി നൗഷി. കഴിഞ്ഞ ആറ് മാസത്തിനിടെ ആറ് രാജ്യങ്ങളിലൂടെ ഒറ്റയ്ക്കുള്ള റോഡ് യാത്രയിലാണ് നാജി. മഹീന്ദ്ര ഥാറിലാണ് നാജിയുടെ ലോകയാത്ര.ഇപ്പോൾ കുവൈറ്റിലുള്ള നാജി ബഹ്‌റൈൻ, ഒമാൻ, ഖത്തർ, സൗദി അറേബ്യ, യുഎഇ എന്നിവിടങ്ങളിലൂടെ സഞ്ചരിച്ചാണ് ഇവിടെയെത്തിയത്. വ്യത്യസ്ത സംസ്കാരങ്ങളേയും പാരമ്പര്യങ്ങളേയും അടുത്തറിയാൻ യാത്രകൾ സഹായിക്കുന്നതായി നാജി പറയുന്നു. യാത്ര സുഗമമാക്കാൻ വാഹനത്തിൽ അടുക്കള, സ്റ്റൗ, ഗ്യാസ് സിലിണ്ടർ തുടങ്ങിയവയും ഭക്ഷ്യവസ്തുക്കളും നാജി ഥാറിൽ സജ്ജീകരിച്ചിട്ടുണ്ട്. 2020 മുതലാണ് നാജി ഒറ്റയ്ക്ക് വാഹനമോടിച്ചുള്ള യാത്രകൾ ആരംഭിക്കുന്നത്. കേരളം മുഴുവൻ കറങ്ങിയായിരുന്നു തുടക്കം. പിന്നീട് ഓൾ…