Author: News Desk

പാല്‍ സംഭരണത്തിലും വിപണനത്തിലും മൂല്യവര്‍ധിത ഉല്‍പന്നങ്ങളുടെ വിപണനത്തിലും നേട്ടമുണ്ടാക്കി മില്‍മ കഴിഞ്ഞ സാമ്പത്തിക വര്‍ഷം ആകെ 4624.21 കോടി രൂപ വിറ്റുവരവ് നേടി. 2024-25 ല്‍ ഇത് 4344.60 കോടി രൂപയായിരുന്നു. 6.44 %ന്‍റെ വര്‍ധനവാണ് രേഖപ്പെടുത്തിയത്.മൂല്യവര്‍ധിത ഉല്‍പ്പന്നങ്ങളുടെ വില്‍പ്പനയിലും മികച്ച വിറ്റുവരവ് നേടാന്‍ മില്‍മയ്ക്കായി. 1097.36 കോടി രൂപയാണ് കഴിഞ്ഞ സാമ്പത്തിക വര്‍ഷത്തെ ആകെ വിറ്റുവരവ്. 2024-25 ല്‍ ഇത് 946.47 കോടിയായിരുന്നു. 15.94 %ന്‍റെ വര്‍ധനവാണുള്ളത്. പാല്‍ സംഭരണത്തില്‍ 12.89 %ന്‍റെയും പാല്‍ വിപണനത്തില്‍ 4.30 %ന്‍റെയും വര്‍ധനവുണ്ടാക്കാന്‍ മില്‍മയ്ക്കായി. 2025-26 സാമ്പത്തിക വര്‍ഷത്തില്‍ പ്രതിദിനം 12,56,892 ലിറ്റര്‍ പാലാണ് മില്‍മ സംഭരിച്ചത്. 2024-25 ല്‍ ഇത് 11,13,413 ലിറ്റര്‍ ആയിരുന്നു. 1,43,479 ലിറ്ററിന്‍റെ വര്‍ധനവാണുള്ളത്. കഴിഞ്ഞ സാമ്പത്തിക വര്‍ഷം പ്രതിദിനം 17,06,350 ലിറ്റര്‍ പാലാണ് മില്‍മ വിറ്റത്. 2024-25 ല്‍ 16,36,047 ലിറ്റര്‍ ആയിരുന്നു വിപണനം. 70,303 ലിറ്റര്‍ പാലാണ് അധികമായി വില്‍ക്കാനായത്.2025-26 സാമ്പത്തിക വര്‍ഷത്തില്‍ തിരുവനന്തപുരം…

രാജ്യത്തെ റെയിൽവേ പ്രവർത്തനങ്ങളിൽ ചരിത്രനേട്ടം സ്വന്തമാക്കി ദക്ഷിണ റെയിൽവേയുടെ തിരുവനന്തപുരം ഡിവിഷൻ. ഇന്ത്യയിലെ ഏറ്റവും ദൈർഘ്യമേറിയ സ്പെഷ്യൽ ട്രെയിൻ സർവീസിന് തലസ്ഥാന നഗരിയിൽനിന്ന് തുടക്കമായി. തിരുവനന്തപുരം സെൻട്രലിൽ നിന്നും ആസാമിലെ ന്യൂ ടിൻസുക്കിയയിലേക്കാണ് ട്രെയിൻ നമ്പർ 06015 ആദ്യ യാത്ര ആരംഭിച്ചത്. ഏകദേശം 4,028 കിലോമീറ്റർ ദൂരം പിന്നിടുന്ന ഈ ട്രെയിൻ അഞ്ചാം ദിവസം പുലർച്ചെ 4:30ഓടെ ലക്ഷ്യസ്ഥാനത്തെത്തും. 83 മണിക്കൂറിലധികം നീളുന്നതാണ് യാത്ര. തിരികെ ന്യൂ ടിൻസുക്കിയയിൽ നിന്നുള്ള സർവീസ് (ട്രെയിൻ നമ്പർ 06016) ഏപ്രിൽ 9ന് രാത്രി 8:00 മണിക്ക് ആരംഭിച്ച് അഞ്ചാം ദിവസം രാവിലെ 7:45ന് തിരുവനന്തപുരത്ത് തിരിച്ചെത്തും. കേരളത്തെയും വടക്കുകിഴക്കൻ സംസ്ഥാനങ്ങളെയും തമ്മിൽ ബന്ധിപ്പിക്കുന്ന ഈ സർവീസ് കൊല്ലം, കോട്ടയം, എറണാകുളം ടൗൺ, പാലക്കാട്, വിജയവാഡ, ഭുവനേശ്വർ, ഖാരഗ്‌പൂർ, ന്യൂ ജൽപായ്ഗുരി, ഗുവാഹത്തി തുടങ്ങിയ പ്രധാന റെയിൽവേ ഹബ്ബുകൾ വഴിയാണ് കടന്നുപോകുന്നത്. യാത്രക്കാരുടെ തിരക്ക് പരിഗണിച്ച് അത്യാധുനിക സൗകര്യങ്ങളോടെയുള്ള 22 കോച്ചുകളാണ് ട്രെയിനിലുണ്ടാകുക. ഇതിൽ 2…

റഷ്യയിൽ നിന്നുള്ള അഞ്ച് എസ്-400 (S-400) വ്യോമപ്രതിരോധ സംവിധാനങ്ങളും അത്യാധുനിക ഡ്രോണുകളും ഉൾപ്പെടെ 25 ബില്യൺ ഡോളറിന്റെ (ഏകദേശം 2.1 ലക്ഷം കോടി രൂപ) വൻ സൈനിക നവീകരണ പാക്കേജിന് കേന്ദ്ര സർക്കാർ അംഗീകാരം നൽകി. പ്രതിരോധ മന്ത്രി രാജ്നാഥ് സിംഗിന്റെ അധ്യക്ഷതയിൽ ചേർന്ന ഡിഫൻസ് അക്വിസിഷൻ കൗൺസിലാണ് നിർണ്ണായക തീരുമാനം. ചൈന, പാകിസ്ഥാൻ, മ്യാൻമർ അതിർത്തികളിൽ വ്യോമശക്തി വർദ്ധിപ്പിക്കുക എന്ന ലക്ഷ്യത്തോടെയാണ് ഈ വമ്പൻ നിക്ഷേപം. റഷ്യയുമായുള്ള സഹകരണം ശക്തമാക്കുന്നതിന്റെ ഭാഗമായി 2018ൽ ഓർഡർ ചെയ്ത അഞ്ച് എസ്-400 സംവിധാനങ്ങൾക്ക് പുറമെ അഞ്ചെണ്ണം കൂടി പുതുതായി വാങ്ങും. കഴിഞ്ഞ വർഷത്തെ ഇന്ത്യ-പാക് സംഘർഷത്തിനിടെ മിസൈലുകളെയും ഡ്രോണുകളെയും തുരത്തുന്നതിൽ എസ്-400 മികച്ച പ്രകടനം കാഴ്ചവെച്ചിരുന്നു. ഇതിന് പുറമെ, ആധുനിക യുദ്ധതന്ത്രങ്ങളുടെ ഭാഗമായി പൈലറ്റില്ലാത്ത 60 സ്ട്രൈക്ക് ഡ്രോണുകളും (Strike Drones), കുറഞ്ഞ ഉയരത്തിൽ പറക്കുന്ന ലക്ഷ്യങ്ങളെ തകർക്കാൻ ശേഷിയുള്ള ടുങ്കുസ്ക (Tunguska) മിസൈൽ സംവിധാനങ്ങളും സൈന്യത്തിന്റെ ഭാഗമാകും. അതിർത്തിയിലെ നിരീക്ഷണത്തിനും ആക്രമണങ്ങൾക്കും…

സമ്പദ്‌വ്യവസ്ഥയെയും ജനങ്ങളെയും ബന്ധിപ്പിക്കുന്നതിൽ റെയിൽ ശൃംഖലകൾ നിർണ്ണായക പങ്കുവഹിക്കുന്നു. ലോകത്തിലെ ഏറ്റവും വലിയ റെയിൽ ശൃംഖലയുള്ള രാജ്യങ്ങളുടെ പട്ടികയിൽ 2,90,000 കിലോമീറ്ററിലധികം ട്രാക്കുകളുമായി അമേരിക്കയാണ് ഒന്നാം സ്ഥാനത്ത്. പ്രധാനമായും ചരക്കുനീക്കത്തിനാണ് ഇവിടെ റെയിൽവേ ഉപയോഗിക്കുന്നത്. തൊട്ടുപിന്നാലെ 1,53,000 കിലോമീറ്റർ പാതയുമായി ചൈന രണ്ടാം സ്ഥാനത്തുണ്ട്. അത്യാധുനിക ബുള്ളറ്റ് ട്രെയിനുകൾക്കും അതിവേഗ റെയിൽ സംവിധാനങ്ങൾക്കുമാണ് ചൈന മുൻഗണന നൽകുന്നത്. ലോകപ്രശസ്തമായ ട്രാൻസ്-സൈബീരിയൻ റെയിൽവേ ഉൾപ്പെടെ 85,000 കിലോമീറ്റർ റെയിൽ പാതയുള്ള റഷ്യയാണ് പട്ടികയിൽ മൂന്നാം സ്ഥാനത്ത്. ഏകദേശം 68,000 കിലോമീറ്റർ ദൈർഘ്യമുള്ള റെയിൽ ശൃംഖലയുമായി ഇന്ത്യ ലോകത്ത് നാലാം സ്ഥാനത്താണ്. ലോകത്തിലെ ഏറ്റവും തിരക്കേറിയ പാസഞ്ചർ റെയിൽ സംവിധാനങ്ങളിൽ ഒന്നായ ഇന്ത്യൻ റെയിൽവേ പ്രതിദിനം ദശലക്ഷക്കണക്കിന് ആളുകളുടെ യാത്രാമാർഗ്ഗമാണ്. പട്ടികയിലെ മറ്റ് പ്രധാന രാജ്യങ്ങളിൽ അഞ്ചാം സ്ഥാനത്തുള്ള കാനഡ 43,000 കിലോമീറ്റർ പാതയുമായി ചരക്കുനീക്കത്തിൽ ശ്രദ്ധ കേന്ദ്രീകരിക്കുന്നു. 39,200 കിലോമീറ്റർ റെയിൽ ശൃംഖലയുള്ള ജർമ്മനി കാര്യക്ഷമമായ പാസഞ്ചർ സർവീസുകൾക്കും അതിവേഗ ട്രെയിനുകൾക്കും പേരുകേട്ടതാണ്.…

വമ്പൻ വാച്ച് ശേഖരത്തിന്റെ പേരിൽ ലോകപ്രശസ്തനാണ് റിലയൻസ് ഇൻഡസ്ട്രീസ് എക്സിക്യൂട്ടീവ് ഡയറക്ടർ അനന്ത് അംബാനി. 200 കോടിയിലധികം രൂപ (25 മില്യൺ ഡോളർ) മൂല്യം വരുന്നതാണ് അദ്ദേഹത്തിന്റെ സ്വകാര്യ വാച്ച് ശേഖരം. ഇതിൽ ലോകത്തെ ഏറ്റവും സങ്കീർണ്ണമായ പാടെക് ഫിലിപ്പ് ഗ്രാൻഡ്മാസ്റ്റർ ചൈം 6300G-010 ആണ് ഏറ്റവും വിലപിടിപ്പുള്ളത്; ഏകദേശം 75 കോടി രൂപയാണ് ഇതിന്റെ വില. ആഘോഷവേളകളിൽ അനന്ത് ധരിച്ച പല വാച്ചുകളും അവയുടെ അപൂർവ്വത കൊണ്ട് ശ്രദ്ധിക്കപ്പെട്ടവയാണ്. റിച്ചാർഡ് മിൽ RM 56-01 ഗ്രീൻ സഫയർ (45-50 കോടി), പാടെക് ഫിലിപ്പ് സ്കൈ മൂൺ ടൂർബില്യൺ (44 കോടി) എന്നിവ ഇതിൽ ചിലതാണ്. പ്ലാറ്റിനത്തിൽ ഡയമണ്ട് പതിപ്പിച്ച പാടെക് ഫിലിപ്പ് ഗ്രാൻഡ് കോംപ്ലിക്കേഷൻസിന് 11 കോടിയും, മാണിക്യം പതിപ്പിച്ച പാടെക് ഫിലിപ്പ് നോട്ടിലസ് ‘റൂബി’ക്ക് 11 കോടിയും വില വരുന്നു. ചൊവ്വയിൽ നിന്നുള്ള ഭൂമിയുടെ കാഴ്ച ഡയലിൽ ഒരുക്കിയ റിച്ചാർഡ് മിൽ RM 52-05 ഫാരൽ വില്യംസിന് 25…

ദുബായ് രാജകുടുംബാംഗങ്ങൾ തുമ്മുന്നതും തിരിയുന്നതുമെല്ലാം വാർത്തയാകാറുണ്ട്. അപ്പോൾപ്പിന്നെ ഒരു രാജകുമാരി തന്റെ പേര് മാറ്റിയാലോ? അത് ആഗോളതലത്തിൽ തന്നെ വലിയ ചർച്ചയാകുമെന്ന് ഉറപ്പാണ്. ദുബായ് ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ മകളായ ഷെയ്ഖ മെഹ്‌റയാണ് ഇപ്പോൾ തന്റെ സോഷ്യൽ മീഡിയ ഐഡി എക്സ്ടിയാന (‘Xtianna’) എന്ന് മാറ്റിയിരിക്കുന്നത്. മെഹ്‌റയുടെ മാതാവ് ഗ്രീക്കുകാരിയായതിനാൽ അവർക്ക് ‘ക്രിസ്റ്റീന’ (Christina) എന്നൊരു പേരുണ്ട്. ഇതിന്റെ പരിഷ്കരിച്ച രൂപമാണ് പുതിയ പേരെങ്കിലും, ഇതിലെ ‘X’ മുൻഭർത്താവിനെ (Ex) സൂചിപ്പിക്കുന്നതാണെന്നാണ് സോഷ്യൽ മീഡിയയിലെ സംസാരം. 2024ൽ ഇൻസ്റ്റാഗ്രാമിലൂടെ തന്റെ വിവാഹബന്ധം വേർപെടുത്തിയ മെഹ്‌റ, അതിനുപിന്നാലെ ‘ഡിവോഴ്സ്’ (Divorce) എന്ന പേരിൽ ഒരു പെർഫ്യൂം ബ്രാൻഡും പുറത്തിറക്കിയിരുന്നു. തകർന്നുപോയ ബന്ധത്തെ ശാക്തീകരണത്തിന്റെ അടയാളമാക്കി മാറ്റിക്കൊണ്ട് തന്റെ സ്വത്വം പുനർനിർമ്മിക്കുകയാണ് രാജകുമാരി.

അത്യാധുനിക റാഫേൽ എഫ്5 (Rafale F5) യുദ്ധവിമാനങ്ങൾ വികസിപ്പിക്കാനുള്ള പദ്ധതിയിൽ നിന്ന് യുഎഇ അപ്രതീക്ഷിതമായി പിന്മാറിയത് ഫ്രാൻസിന് വൻ സാമ്പത്തിക പ്രതിസന്ധിയുണ്ടാക്കുന്നു. സാങ്കേതികവിദ്യ പങ്കുവെക്കുന്നതിലെ പ്രശ്നത്തെത്തുടർന്ന് ഏകദേശം 3.5 ബില്യൺ യൂറോയുടെ നിക്ഷേപത്തിൽ നിന്നാണ് യുഎഇ പിന്മാറിയത്. അതേസമയം ഇന്ത്യയുമായി ഒപ്പിടാനൊരുങ്ങുന്ന 40 ബില്യൺ ഡോളറിന്റെ കരാർ ഫ്രഞ്ച് പ്രതിരോധ മേഖലയ്ക്ക് വലിയ ആശ്വാസമാവുകയാണ്. 114 മൾട്ടി റോൾ യുദ്ധവിമാനങ്ങൾ (MRFA) വാങ്ങാനുള്ള ഇന്ത്യയുടെ ബൃഹദ് പദ്ധതി, റാഫേൽ എഫ്5 വികസിപ്പിക്കുന്നതിനാവശ്യമായ സാമ്പത്തിക സ്ഥിരത ഫ്രാൻസിന് നൽകുമെന്നാണ് സൈനിക വിദഗ്ധരുടെ വിലയിരുത്തൽ. ‘മേക്ക് ഇൻ ഇന്ത്യ’ പദ്ധതിയുടെ ഭാഗമായി ഇന്ത്യയിൽ നിർമ്മിക്കുന്ന ഈ വിമാനങ്ങൾ ഭാവിയിൽ എഫ്5 നിലവാരത്തിലേക്ക് ഉയർത്താനുള്ള സൗകര്യങ്ങളോടെയാകും പുറത്തിറങ്ങുക. നേരിട്ട് ഗവേഷണത്തിനായി പണം നൽകുന്നതിന് പകരം, ലോകത്തിലെ ഏറ്റവും വലിയ റാഫേൽ ഉപഭോക്താവായി മാറുന്നതിലൂടെ ഇന്ത്യ ഈ പദ്ധതിയുടെ വാണിജ്യപരമായ നട്ടെല്ലായി മാറും. 2033-35 കാലയളവിൽ പുറത്തിറങ്ങുന്ന എഫ്5 വിമാനങ്ങൾ ഡ്രോണുകളെ നിയന്ത്രിക്കാനും ഹൈപ്പർസോണിക് ആണവ മിസൈലുകൾ…

സംസ്ഥാന സർക്കാരിന്റെ തനതുനികുതി വരുമാനം കഴിഞ്ഞ സാമ്പത്തിക വർഷം  ഒരുലക്ഷം കോടി കടന്നു. സർക്കാരിന്റെ ചെലവ് 1.9 ലക്ഷം കോടിയായി.വാർഷിക പദ്ധതിയിൽ സംസ്ഥാനപദ്ധതികളുടെ ചെലവ് 106.4 ശതമാനമായി ഉയർന്നു.സാമ്പത്തികവർഷം അവസാനിച്ചപ്പോൾ  ട്രഷറിയിൽ 4000 കോടി ബാലൻസ് ഉണ്ടെന്ന് ധനമന്ത്രി കെ.എൻ. ബാലഗോപാൽ വ്യക്തമാക്കി. സംസ്ഥാനത്ത്  മാർച്ച് മാസത്തിൽമാത്രം 20,392 കോടി വിവിധ ഇനങ്ങളിൽ ചെലവിട്ടു. ഇതോടെ പദ്ധതിച്ചെലവ് ആകെ 100 ശതമാനമായെന്നും ഇത് മുൻവർഷത്തെക്കാൾ 5.38 ശതമാനം കൂടുതലാണ് എന്നും ധനകാര്യ വകുപ്പ് വ്യക്തമാക്കുന്നു.  സംസ്ഥാന പദ്ധതിച്ചെലവായി 24,722.73 കോടിയും തദ്ദേശസ്ഥാപനങ്ങൾക്കായി 7029.21 കോടി രൂപയുമാണ് ചെലവിട്ടത്. ഇതാദ്യമായിട്ടാണ് സംസ്ഥാനത്തിന്റെ മൊത്തം നികുതി വരവ്  ഒരുലക്ഷം കോടി കടക്കുന്നത്. തനതു നികുതിവരുമാനം 82,100 കോടിയാണ്. നികുതിയേതര വരുമാനം 23,000 കോടി കടക്കും.കേരളം കടക്കെണിയിലല്ല എന്നും കേന്ദ്രത്തിന്റെ നിസ്സഹകരണവും, സംസ്ഥാനം നേരിട്ട പ്രതിസന്ധികളും മറികടന്നാണ് സംസ്ഥാനം ഈ നേട്ടം കൈവരിക്കുന്നതെന്നും മന്ത്രി പറഞ്ഞു. ഇത്തവണയും സാമ്പത്തിക പ്രതിസന്ധി കാരണം ഒട്ടേറെ ചെലവുകൾ മാറ്റിവെച്ച…

പശ്ചിമേഷ്യയിലെ സുരക്ഷാ പ്രശ്നങ്ങളും യുദ്ധസാഹചര്യവും ഇന്ത്യയിൽ നിന്നുള്ള കാർഷിക കയറ്റുമതിയെ സാരമായി ബാധിക്കുന്നു. ഗൾഫ് രാജ്യങ്ങളിലേക്ക് അരി, പഴങ്ങൾ, പച്ചക്കറികൾ എന്നിവയുടെ കയറ്റുമതി പുനരാരംഭിച്ചെങ്കിലും അമിതമായ ചരക്ക് കൂലിയും ക്ലിയറൻസ് വൈകുന്നതും വലിയ തിരിച്ചടിയാണ്. കണ്ടെയ്‌നറുകളുടെ വാടക ആറിരട്ടിയോളം വർദ്ധിച്ചതും റോഡ് മാർഗ്ഗമുള്ള ചരക്കുനീക്കത്തിന് അധിക തുക നൽകേണ്ടി വരുന്നതും കയറ്റുമതി മേഖലയെ സാമ്പത്തികമായി തളർത്തുകയാണെന്ന് വ്യാപാരികൾ പറയുന്നു. സൗദി അറേബ്യ, ഖത്തർ, കുവൈറ്റ് എന്നിവിടങ്ങളിലേക്കുള്ള ചരക്കുനീക്കം ദുബായ് വഴിയാണ് നടക്കുന്നത്. എന്നാൽ പ്രധാന തുറമുഖങ്ങളിലെ തടസ്സങ്ങൾ കാരണം ചെറിയ തുറമുഖങ്ങളെ ആശ്രയിക്കേണ്ടി വരുന്നത് ചരക്കുകൾ കെട്ടിക്കിടക്കാൻ കാരണമാകുന്നു. ഇന്ത്യയുടെ ആകെ ബസുമതി അരി കയറ്റുമതിയുടെ 70 ശതമാനത്തോളം ഗൾഫ് മേഖലയിലേക്കാണ്. നിലവിലെ സാഹചര്യം നീണ്ടുനിന്നാൽ ഇൻഷുറൻസ് തുക വർദ്ധിക്കുമെന്നും ഇത് കർഷകരെയും കയറ്റുമതിക്കാരെയും ഒരുപോലെ ബാധിക്കുമെന്നും റിപ്പോർട്ടുകൾ സൂചിപ്പിക്കുന്നു.

ലോകവ്യാപാര സംഘടനയുടെ (WTO) ഏറ്റവും പുതിയ റിപ്പോർട്ട് പ്രകാരം, ലോകത്തിലെ ഏറ്റവും വലിയ പത്ത് ചരക്ക് കയറ്റുമതി രാജ്യങ്ങളുടെ പട്ടികയിൽ യുഎഇ ആദ്യമായി ഇടംപിടിച്ചു. യുഎഇ ഉപരാഷ്ട്രപതിയും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം ആണ് ഈ നേട്ടം പ്രഖ്യാപിച്ചത്. തന്റെ എക്സ് അക്കൗണ്ടിലൂടെയാണ് അദ്ദേഹം ഈ അഭിമാന നേട്ടം പങ്കുവെച്ചത്. കേവലം അഞ്ച് വർഷത്തിനുള്ളിൽ ആഗോളതലത്തിൽ 17ആം സ്ഥാനത്തുനിന്ന് 9ആം സ്ഥാനത്തേക്ക് യുഎഇ കുതിച്ചുയർന്നു. രാജ്യത്തിന്റെ അതിവേഗ സാമ്പത്തിക വളർച്ചയുടെയും ആഗോള വ്യാപാര രംഗത്തെ കരുത്തിന്റെയും തെളിവാണ് ഈ മുന്നേറ്റമെന്ന് അദ്ദേഹം കുറിച്ചു. കഴിഞ്ഞ വർഷം യുഎഇയുടെ ആകെ വിദേശ വ്യാപാരം 6 ട്രില്യൺ ദിർഹം (1.6 ട്രില്യൺ ഡോളർ) കടന്നു. മുൻവർഷത്തെ അപേക്ഷിച്ച് 15 ശതമാനം വർധനയാണിത്. ചരക്ക്-സേവന മേഖലകളിലായി ആഗോള വിപണികളുമായി 584 ബില്യൺ ദിർഹത്തിന്റെ വ്യാപാര മിച്ചം രാജ്യം കൈവരിച്ചു. യുഎഇയിൽ നിക്ഷേപിക്കുക എന്നത് വളർച്ചയിലും അഭിവൃദ്ധിയിലും മെച്ചപ്പെട്ട ഭാവിയിലുമുള്ള…